Zakarii 10:6 - LAWA A BOO SONBORE

⁶ Ma á re Zudaa a zaman foo kaka koe, ma Zozɛfu a zaman kirisibaa. Ma á re wusii ma da ǹ nɛ piɛ, a giala, ǹ makara ma kũ. Maǹ die n biɛ ka ma bie má goã má n la bɔ ǹ ganaa wa. Hiĩ, ma din nə Dɛnaa Lawa, ǹ Lawa lɛa, ma á re ǹ nyankɔ lɛ sii.

LAWA A BOO SONBORE 2011

⁶ Ma á re Zudaa a zaman foo kaka koe, ma Zozɛfu a zaman kirisibaa. Ma á re wusii ma da ǹ nɛ piɛ, a giala, ǹ makara ma kũ. Maǹ die n biɛ ka ma bie má goã má n la bɔ ǹ ganaa wa. Hiĩ, ma din nə Dɛnaa Lawa, ǹ Lawa lɛa, ma á re ǹ nyankɔ lɛ sii.

Zakarii 10:6 ပူးပေါင်းရင်းမြစ်များ

Loen 89:21

Man má maa bɛ̀rɛgiĩ Davida yɛ, má bɔ má koa kii lɛa, ka maa nyɔɔ sonbore kɛ nɛ.

Izayii 11:12

Dɛnaa Lawa n die zanzan zumi, a n gɔn waa bɛa gánan kɛn lɛn manɛ, mà asɛ á re Izirayeli a wo bɛ̀rɛbaa ǹ bǎã-n wolen soekɔn, Zudaa gána minin mɛnɛn tumaa bɛ́ pɛsiɛ̃ nɛ kanaa paǹ tumaa ganaa, a bɛn sɔkɔn.

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 41:10

Nyɛ́ɛ nyan nə n kũ wa, a giala, ma á kunun n ni. N nyan ga n para li ka foo ziziɛ̃-n wa. Masɛ din ni n Lawa lɛa. Man pàã koe n la, man die n gú ganaa, man kirisibaa ka maa bɔlɔgoondɛnaabaa nɛ.

Izayii 54:4

N nyan nyɛ́ɛ baa wa. Sìi á re n kuĩ doo wa. N yiri nyan nə n lɔlɔkɔn wa. Ǹ ba re sɔ koe n ganaa doo wa. Sìi mɛn goã n ganaa n tenmaa waáraa, n yiri á re boe ka bɛ nɛ. N yiri á re boe ka sɔn kɛn nɛ ǹ nə́ goã kiɛ n la bɛ̀ n bɛ́ giɔɔrɔ lɛa.

Izayii 54:8

Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

Zeremii 23:6

Bɛa waáraa kəni, Zudaa gána á re goɛ̃ a din gɔn wìi á lɛa, Izirayeli zaman goã yii-nyɛɛ la. Ǹ bɛ́ re tɔ mɛn koe a ganaa, á ke: «Dɛnaa Lawa n wɔ kirisibaali lɛa.»

Zeremii 3:18

Bɛ lɛ nɛ, Zudaa minin lɛn, ka á re n kiɛ kun ka Izirayeli minin ni. Ka á re boe gɔsɛ a lɛ̀gɔn la gána kɛ nɛ kun, ka wo gána kɛ nɛ ma kɔ ka digolon la, máa ǹ baa ǹ wɔ lɛa.

Zeremii 30:18

Dɛnaa Lawa n kɛ pii: Ma á re Izirayeli minin lɛlɛ ǹ giã ǹ gɔn koe ǹ la. Ma á re makara boe ǹ kion minin ganaa. Ǹ nə ǹ kiwin mɛnɛn yu, ǹ tá re wusii ǹ bɛn dɔ ǹ bǎã nɛ, ǹ kion sonboren kɛn nə ǹ lɛlɛ bǎãn saa.

Zeremii 30:20

Zakɔba tɔrɔn kɛn, ǹ tá re n biɛ ka lɛlɛ bɛ́ lɔn. A zaman lɛ gòã á re we tán ma yɔrɔ-a. Min woo min yoo ǹ ganaa, ma á re yui bɛa dɛnaa gialaa.

Zeremii 31:1

Dɛnaa Lawa a da ǹ boo á ke: «Biikoo á re doe, ma á re Izirayeli minin sumu lɛn tumaa a Lawa biɛ, ǹ dɔn tá re maa zaman biɛ.»

Zeremii 31:20

Efrayimu n maa nɛgiĩ lɛa, ma n narɛ taãn-taãnɛ. Ma á narɛ á la yii ni. Bɛ lɛ nɛ, biikoo tumaa li, bɛ̀ máa boo diɛ a ganaa, maa taasiɛ n doa nɛ a ganaa. A sii n ma foo-n parsiini. Sonbore a makara n ma ganaa taãn-taãnɛ. Dɛnaa Lawa a da ǹ boo ne.

Zeremii 31:31

«Ǹ kɔn pinaa, man die lɛ kɔ kɔn la dii we ka Izirayeli minin laanka Zudaa minin ni. Dɛnaa Lawa a da ǹ boo ne.

Ezekieli 36:11

Ma á re minbuiinin laanka tɔɔn mɔnɛɛ. Ǹ tá re mɔnɛɛ, ǹ nɛnyaanan yɛ. Ma á re toɛ zaman mɔnaa gána lɛ nɛ a la lɛlɛ wɔ nɛ. Ma á re bǐɛ̃ zɛnɛɛ ka nɛ a la lɛlɛ wɔ kɛ nɛ. Ka á re doɛ̃ ka bɛ-n kəni, mà ma din nə Dɛnaa Lawa lɛa.

Ezekieli 36:37

Masɛ Dɛnaa Lawa n kɛ pii: – Ma bɛ́ re sii mɛn dɔ zɛnɛɛ, bɛ n ka kɛ nɛ: «Ma á re lɛ koe Izirayeli tɔrɔn lɛn nə ma nyankɔ, màn mɛn bɛ́ toɛ, man dɔ ǹ lɛ. Ma á re ǹ minin mɔnɛɛ ka sère kuru bɛ́ lɔn.

Ezekieli 37:16

– Minbuiin a nɛ, gɔn lɛkoro saa, n kɛ kiɛ̃ a ganaa kɛnɛn: «Zudaa tɔrɔn laanka Izirayeli tɔrɔn mɛnɛn bɛ́ kun.» Gɔn lɛkoro kɔsɔ saa, n kiɛ̃ bɛ ganaa kɛnɛn: «Zozɛfu tɔrɔ Efrayimu a minin laanka Izirayeli tɔrɔn mɛnɛn tumaa bɛ́ kun.»

Ezekieli 39:25

Sɛnɛ, masɛ Dɛnaa Lawa n kɛ pii: «A kũ sisia ganaa, ma á re makara boe Izirayeli minin ganaa, kɛn Zakɔba tɔrɔn lɛa. Ǹ bɛ́ sii mɛn gɔ́ɔ̃ nɛ, ma á re ǹ wɛɛ ma ǹ bɔ bɛ nɛ. Ma a re toɛ min ma tɔ sonbore kɛ puusə kɔ doo wa.

Ozee 1:7

Sɛnɛ, Zudaa minin kɛn, ma á re makara boe bɛn ganaa. Ma din Dɛnaa Lawa nə ǹ Lawa lɛa, ma din nə die ǹ kirisibiɛ. Sɛnɛ, ma bie re ǹ kirisibiɛ ka sa-n wa, gɔya sa bie wa, zia bie wa, sùin bie wa, sùi da-baalin bie wa.»

Ozee 14:9

Efrayimu, maa wàa n kɔn ka dìn kɛn nɛ doo. Ma din nə n lɛ sii, ma din nə n lɛduĩ. Masɛ n ka siprɛsi da bɛ́ lɔn, ma luu n tì biikoo yii li. N nɛ kɔ n boe masɛ li.

Ozee 2:23

Dɛnaa Lawa a da ǹ boo ne: Bɛa pinaa kɛ lɛ nɛ, ma á re n nyii, ma á re n nyii lon la, lon tá re n nyii tán la.

Abdiasi 1:18

Ezawu tɔrɔn kɛn ka buu bɛ́ lɔn, Zakɔba tɔrɔn kɛn tá re tɛ biɛ bɛn ganaa, Zozɛfu tɔrɔn kɛn tá re tɛbuə̃ biɛ ǹ ganaa, ǹ tá re ǹ kuĩ, ǹ nə ǹ nya lenlen. Ǹ min goon yii a die goɛ̃ koo wa. Ma din Dɛnaa Lawa n má pɛ.

Misee 4:13

Zeruzalɛmu minin lɛn, ka yoo kəni, ka kaa belee duwəə, ma din tá re a duwəə ǹ pàã koe ka la. Dii mɛn bɛ́ a bɛnɛn nə́ fɔlɔ lɛa, a gòon tɔnɔn nə́ zan lɛa, ma á re ka biɛ bɛa dii lɛ miã lɛa, ka á re boe la ka tɔrɔ gigiã yɔyɔrɛ ka gòãn giulun. Ǹ gɔn mànan kɛn, ka bɛn kɔ Dɛnaa Lawa la, ǹ pàãmabaa ǹ mànan kɛn, ka bɛn kɔ kanaa tumaa a dɛnaa la.

Misee 4:6

Dɛnaa Lawa a da ǹ boo á ke: «Bɛa pinaa kɛ lɛ nɛ, wɔ̀lɔ̀ goã ǹ mɛnɛn lɛn ganaa ka sère busulən bɛ́ lɔn, ma á re bɛn soekɔn. Ǹ goã ǹ nə́ ǹ mɛnɛn loo, ǹ nə́ woo ǹ ne, ma fuu nyaa ǹ mɛnɛn lɛn manɛ, ma á re wusii ma ǹ si.

Misee 5:3

A din lɛ n die n doɛ, a na a minin lɛn nyɛɛnaan bɔ, ka Dɛnaa Lawa pàã nɛ, ka a Dɛnaa Lawa kɛa kiibaa nɛ. A minin lɛn tá re goɛ̃ là nyantoro la. A giala, a kũ sisia ganaa, a tɔ á re gole koe, yǎa kanaa paǹ tumaa nɛ.

Misee 5:8

N gɔn saa n baa zɔ́ɔbaa wolen lɛn li miɛ̃, toa n zɔ́ɔn lɛn tumaa papaã.

Misee 7:16

Tɔrɔ kɔsɔn lɛn dɔn dinin tá re yii, sìi á die ǹ kuĩ, ǹ laanka ǹ pàãdɛnaabaa kɛ lɛ din tumaa nɛ. Ǹ tá re n kaãbiɛ, boo din ná a re n diɛ ǹ la wa. Ǹ tá re goɛ̃ ka too tere-an bɛ́ lɔn.

Zakarii 1:16

Bɛ lɛ nɛ masɛ Dɛnaa Lawa á ke pii: Man die wusii man bɔyaa ma wo Zeruzalɛmu li ka foo basiɛ̃ nɛ, ma màn zɔɔ̃ ǹ biɛ da li. Ka bɛ nɛ, ǹ tá re wusii ǹ maa kion dɔ, ǹ wusoo ǹ maa kiwi lɛ dɔ.» Dɛnaa Lawa a da ǹ boo ne.

Zakarii 10:12

Ma á re pàã koe maa zaman la. Sii mɛn bɛ́ kɔɔ̃n ma ganaa, ǹ tá re bɛ zɛnɛɛ. Dɛnaa Lawa a da ǹ boo ne.»

Zakarii 13:9

Ǹ talɛɛ goon mɛn lɛ yii bɛ́ re goɛ̃ koo, man die ǹ zoɛ̃ ka tɛ nɛ, ma ǹ yoreen kɔ ka ǹ bɛ́ wɔrɔ yoreen koe lɔn, man die ǹ yoe ka ǹ bɛ́ sana yoe lɔn. Bɛa biikoo li kəni, ǹ tá re ma bíi we, ma á re ǹ lɛ sii, ma pɛ ǹ nɛ "Ka n maa zaman lɛa", ǹ dɔn tá re pii: "Dɛnaa Lawa, n nə n wɔa Lawa lɛa".»

Zakarii 8:11

Sɛnɛ, kanna, Dɛnaa Lawa Pàãyiidɛnaa a da ǹ boo á ke: Zaman kɛa min mɛnɛn yii goã koo, ma á re ǹ kuĩ ka lɛlɛ ǹ bɛ́ lɔn wa.

Zakarii 9:16

Bɛa pinaa, Dɛnaa Lawa, ǹ Lawa á re ǹ kirisibiɛ ka tɔɔn-lɛduə̃li bɛ́ a tɔɔn kirisibiɛ lɔn. Maǹ die tɛ pii ǹ gána nɛ ka kɔlɔ giɔ̀mɔ kaka bɛ́ lɔn, kii bafolo ganaa.