Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zakarii 10:2 - LAWA A BOO SONBORE

2 Lawa kooron kɛn man soɛ boon diɛ, wɔ-kũlin man soɛ siin yii. Maǹ narɛɛ kooron we, fofolo lɛa. Ǹ foo waa ǹ boon tumaa n piɛ̃ lɛa. Bɛ lɛ nɛ, zaman lɛ woo, ka tɔɔ makaradɛnaa bɛ́ lɔn, a giala, lɛduə̃li ba ǹ la wa.

အခန်းကိုကြည့်ပါ။ ကော်ပီ

LAWA A BOO SONBORE 2011

2 Lawa kooron kɛn man soɛ boon diɛ, wɔ-kũlin man soɛ siin yii. Maǹ narɛɛ kooron we, fofolo lɛa. Ǹ foo waa ǹ boon tumaa n piɛ̃ lɛa. Bɛ lɛ nɛ, zaman lɛ woo, ka tɔɔ makaradɛnaa bɛ́ lɔn, a giala, lɛduə̃li ba ǹ la wa.

အခန်းကိုကြည့်ပါ။ ကော်ပီ




Zakarii 10:2
44 ပူးပေါင်းရင်းမြစ်များ  

Laban na á goã á woo a tɔɔn ka kuru ǹ bǎã nɛ. Raseli bɛ toa walan, a ná a kion lɛduə᷉ ǹ dìn goa a kio.


Misee ná a lɛ si: «Má Izirayeli minin tumaa yɛ pɛsiɛ̃-n kelen la, ka n pɛ mà sèren mɛnɛn nə́ ke ǹ lɛduə̃ wole ná a banban. Dɛnaa Lawa pɛ: Dɛnaagiĩ ba minin kɛn lon wa. Didie nə n bɔyaa a wo piɛ ka là nyantoro ne!»


A giala, kasɛn man soɛ kukuri, ka kɔn ba min a busii nyɛɛ wa.


Ka n boe la ka masɛ foo basã lɔn, ka boo kooron kɛn nɛ? Kaa boo lɛ tumaa soɛ.


Á ke, ǹ ba màn kɔn lɛa wa, ǹ ba màn kɔn zɛnɛɛ wa. Ǹ dìn kɛn man piɛ̃ lɛa, màn kooron lɛa.


Kanna kəni, man wɔ-kulin sii nyaan kɛn sàabiɛ; min mɛnɛn bɛ́ biɛ̃ ǹ pii, man boo kooro we bɛn lɛ-n. Man sii-dɔ̃li lɛ tiɛ̃, ma ǹ doɛ̃ lɛ bɔyaa ma baa yiriwɛɛnaabaa lɛa.


Min mɛnɛn bɛ́ dì nyínin zɛnɛɛ, ǹ ba màn kɔn lɛa wa. Ǹ màn nyín siĩnin kɛn dɔn là banban. Bɛa nyínin kɛn lɛn manɛ ǹ dinin siéren lɛa. Siéren manɛ, ǹ yii na a màn kɔn yii wa, ǹ nə́ ǹ ba sii kɔn doɛ̃ wa. Maǹ sìi diɛ ǹ ganaa.


Ka ǹ boe la ka ma zɔ́ɔ̃ kɔn ka die ne? Ka ǹ ma biɛ goon ka die ne? Ka ǹ ma zoɛ̃ kɔn ka die ne mà wɔ goã goon?


Bɛa minin lɛn tumaa n baãnaan lɛa, yiriwɛɛnaan lɛa, Ǹ dìn lɛn ba boe la ǹ ta ǹ darɛɛ sii kɔn ganaa wa. Maǹ gɔn lɛa.


Má a lɛ si: «Sɛnɛ, Dɛnaa Lawa, á ke, n boo gii-dalin man pii zaman lɛ nɛ, mà zia hinlaa bòo ba re n koe ǹ lɛ doo wa. Sɛnɛ, mà Lawa n die là nyantoro taãn-taãn koe ǹ la kànaa.»


Tɔrɔ kɔsɔn lawa kooron kɛn bii, màn tá ǹ bii a n boe la a n die ka la nɛ? Mu lɛ n boe lon kiɛ a din li? N din Dɛnaa Lawa, wɔa Lawa a nya ǹ dí bie wa? Wɔ foo n doa nɛ n din ganaa. A giala, n din ni bɛa siin kɛn lɛn tumaa zɛnɛɛ.


Min mɛnɛn bɛ́ masɛ diɛ yaa lɛa, maǹ pii kɛnɛn: Dɛnaa Lawa pɛ: «Kaa wɔ á re bǐɛ̃ koe!» Min mɛnɛn bɛ́ koe ǹ dinin taasiɛ baraan lɛ, maǹ pii bɛn manɛ: «Baraa a re ka yii wa!»


Ma á re yui ǹ gialaa. Ǹ narɛɛn man soɛn lɛa. Bɛ̀ ǹ tá ǹ kalɛɛ maa zaman yɔrɔ-a, boo kooron dininsɔɔ̃nɔn manɛ. Ma ǹ dia wa, ma zii kɔ ǹ la wa. Ǹ là goon din ba maa zaman ganaa wa. Dɛnaa Lawa a da ǹ boo ne.


Ǹ bɛ́ boo mɛn diɛ ka nɛ, soɛ nɛ. Bɛ̀ ka n too kɔ ǹ lon, ka wɔlɔ á re sɔsɔɔ koe kaa gána ganaa. Hiĩ, man die ka pɛsɛ̃ bǎã yii ni, ka gã walan.


Lawa a boo gii-dali tɛnɛn man pii ka nɛ: «Ka a re goɛ̃ Baabiloniin kii a pàã giulun wa.» Ǹ bɛ́ boo mɛn diɛ, soɛ nɛ. Ka nyan nə n too kɔ ǹ lon wa.


Kasɛn, ka nyan nə n too kɔ kaa Lawa a boo gii-dalin lon wa, ǹ mɛnɛn bɛ́ biɛ̃ ǹ pii, narɛɛ giala-pɛlen ne, lon gɔ̀nɔn ganaa pɛlen ne, ka kɔ́lɔnbaalin ni. Maǹ pii ka nɛ, mà ka a re goɛ̃ Baabiloniin kii a pàã kɛ giulun wa.


Lawa a boo gii-dali Zeremii wusoo doo á pɛ Lawa a boo gii-dali Anania-n kɛnɛn: – Anania, n too kɔ taãn nɛ! Soɛ boon manɛ n tá zaman lɛ foo taɛ̃ nɛ. Dɛnaa Lawa bie á n dia wa.


Dɛnaa Lawa Pàãyiidɛnaa, Izirayeli a Lawa n kɛ pii: «Lawa a boo gii-dalin kɛn ka bii ka biɛ̃ ǹ pɛlen kɛn nɛ, ka nyan toa ǹ ka sã wa. Ka bɛ narɛɛn mɛnɛn we, ka nyan nə n saa bɛn li wa.


Kaa Lawa a boo gii-dalin mɛnɛn nə pɛ mà Baabiloniin kii ba re yui ka gialaa ka zia-n wa, mà a re yui kaa gána dɔ gialaa wa, bɛn maǹ maa pelo?»


Izirayeli na á goã ka sère papaã wole bɛ́ lɔn, yàran ná a kio. Min mɛn sɔ̃ bibinaa nɛ, Asiiriin kii ni. Bɛ kio, Baabiloniin kii Nebukadenezɔɔrɔ daa, á kũ a ná a wen yiyiɛ.


N din barka nɛ, má tɔɔ-lɛduə̃lin laanka ǹ tɔɔn yɔyɔrɛ, buu-kɔsɔlin laanka ǹ buu kɔsɔ ǹ tɔɔn nɛ, gánadɛnan laanka ǹ kiodɛnan nɛ.


Koe mɛn bɛ́ maa zaman lɛ mìi ni, ǹ ba bɛ biɛ ǹ parsii lɛa wa. Maǹ pii: «Sii kɔn banban, sii kɔn banban!» A da yaa, sii tan.


Koe mɛn bɛ́ maa zaman yii, ǹ ba bɛ biɛ ǹ parsii lɛa wa. Maǹ pii «sii banban, sii banban», A da yaa sii tan.


Lawa a boo gii-dalin nə sii-nyaa mɛn tumaa yɛ n wɔ lɛa, sii-nyaa kooron manɛ. Maǹ nə n sã pɛ n nɛ wa, màn mɛn bɛ́ toɛ n kanbaa bɛ̀rɛbaa ganaa. Ǹ sii-nyaan mɛnɛn yɛ n wɔ lɛa, soɛ laanka yiri sã ǹ boon manɛ!


Haya, gɔya lɛ bɔle-a! A dɛ bɛ̀ n wo gusin, n bɔyaa n dɛ bɛ̀ n wo gɔsɛ, n nyan bǎã kɔn din toa wa.


Bɛ lɛ na á toa masɛ Dɛnaa Lawa gole á ke pii: «Ka n wusii ma yiri diɛ kaa sii baraan lɛn nɛ, ka n ma bɔlɔ tii woone. Kaa zɛnaa ǹ siin lɛn tumaa n nyɛɛ mà ka dinin zɛ̀rɛ nɛ. Ka bɛ́ ka dinin la nyɛɛ miɛ̃, haya! Ǹ tá re ka kuĩ, ǹ wo ka nɛ bɛ̀rɛbaa ǹ bǎã nɛ.


Bɛ lɛ na á toa tɔɔn lɛn nə́ sasawaa, a giala, ǹ lɛduəli banban. Ǹ nə́ sasawaa, ǹ nə́ don mànan màn-bii baa.


Masɛ Dɛnaa Lawa Yiikoonaa a da ǹ boo á ke: Maa sèren lɛn lɛduə̃li bɛ́ a banban, maa tɔɔn-lɛduə̃lin lɛn bɛ́ ǹ wo ga ǹ li wa, ǹ nə́ ke wurumunun gɔn, ǹ nə́ don màn babaraan tumaa a màn-bii baa, bɛn nə́ ǹ goa, ǹ nə́ woo ǹ ne. A giala, tɔɔn-lɛduə̃lin lɛn man nə́ goã n dinin toe, ǹ ba màn-bii koe maa tɔɔn lɛn la wa.


A giala, Izirayeli minin lɛn tá re lɛawaa damata zɛnɛɛ, ǹ kii ná a banban, ǹ mìilandɛnaa ná a banban, wúlu-bɔ ná a banban, tíĩ ná a banban, ga Lawa dùũ li ǹ mànan nə́ ǹ banban.


Zakɔba tɔrɔn lɛn, ma á die ka tumaa soekɔn. Ma á die Izirayeli minin gialakunun lɛn soekɔn. Ma á die ǹ soekɔn ka sèren bɛ́ sèren kion lɔn, ka tɔɔn bɛ́ ǹ buu sɔ̃ ǹ bǎã-n lɔn. Ǹ lɛn tá re boe zaman lɛa.


Dì zɛnaa a là n ka wàa nɛ? Gɔn kooro ne ǹ nə́ sɛlɛ. Fɔlɔ màn nyín zɛnaa nɛ, a n minin kiɛ golee soɛ li ganaa. Gɔn dí-nyali na á zɛnaa, a ba boo diɛ wa. A n siɛ lɔn kəni gɔn dí-nyali kɛ tá n foo doɛ a ganaa.


Tɔɔn-lɛduə̃li baãnaa mɛn bɛ́ n la boe a tɔɔn ganaa, bɛ wɔ n ka bɔ̀n nɛ! Gɔya sa á re a nyàa goon niɛ̃, a na a gusin a yii puru! A nyàa á re laɛ, a laa kakaka. A gusin a yii á re tiɛ̃, a tã lenlen!


min mɛn nə́ ke die boe la a zaman lɛ nyɛɛnaan bɔ ka a sii yii ni, ń giɛ zaman lɛ baran n baa ka tɔɔn mɛnɛn bɛ́ ǹ lɛduə̃ wole ná a banban wa.»


Bɛ̀ á zaman mɛn yɛ, minin lɛn makara n kuĩ, a giala maǹ nɔmaa nɛ, ǹ foo n ziziɛ̃ nɛ, ka sèren mɛnɛn bɛ́ lɛduə̃li ná a ba ǹ la wa.


Yezu bɛ́ á soo á n bɔ goo lɛ nɛ ǹ mɛn waáraa, á zaman gole yɛ. Minbuiinin lɛn makara kũ parsiini, a giala mà ǹ nə́ goã goon ka sèren mɛnɛn bɛ́ lɛduə̃li ná a ba ǹ la wa. A ná a giala kɔ á ǹ daraa sii gigiã ganaa.


Kɔntan min tá re n din biɛ Lawa a boo gii-dali hinlaa narɛɛ-wɔle lɛa ka bii ǹ kɔn pinaa. Á re kaãbaa ǹ sii kaka nyɛɛ ka nɛ hinlaa sii giala pɛ ǹ sii.


Giĩ min sooro mɛn goã ǹ nə́ woo ga Layisi kiwi lɛ ganaa, bɛn nə́ pɛ ǹ dɔɔ̃nɔn lɛn manɛ: «Dì dí nya ǹ mɔnaa laanka kion lɛduə̃ ǹ dìn tá kionən kɛn lɛn goon ne. Ka tá bɛ doɛ̃ ke? Ka doamaa bɛ́ nɛ, ka sii mɛn zɛnaa kanna, bɛ n ka dinin ganaa.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ