Zakarii 1:5 - LAWA A BOO SONBORE

⁵ Ka digolon banban, Lawa a boo gii-dalin lɛn dɔn nə́ gã.

LAWA A BOO SONBORE 2011

⁵ Ka digolon banban, Lawa a boo gii-dalin lɛn dɔn nə́ gã.

Zakarii 1:5 ပူးပေါင်းရင်းမြစ်များ

Kiin2 13:14

Busu Yiliizee kũ, bɛ lɛ dɔ n die n biɛ a gɛ̀ busu lɛa. Izirayeli gána a kii Zoasi woo a li, á wuu pɛ a mìi la, á pɛ: «Maa díi! Maa díi, ma nə n goã ka Izirayeli gána a zia wotoro ka a sùidɛnan bɛ́ lɔn.»

Kiin2 13:20

Yiliizee gã ǹ ná a gere bĩ. Bɛ a lɛ̀ n bui-a ke, Moabu minin sɔraasin nə́ daa n yiɛ Izirayeli gána lɛ nɛ.

Loen 90:10

Wɔa belebɔ kanaa n lɛ̀ pɔsɔbaa. Bɛ̀ min mɛn a bɔ ǹ gɔn tá siĩni, lɛ̀ pɔkiwisi. Sɛnɛ, a din-dɛdɛ a màn kɔn lɛa wa, yǎa nɔmaa laanka fuu dinsɔɔ̃. Minbuiin nɛ á papaɛ̃ fufuu, boɛɛn nɛ, a n woe.

Boo-laakalaali 1:4

Minin manə n boe ǹ wasa nɛ, kɔsɔn nə daa. Sɛnɛ, tán na a din lɛa miɛ̃, duduu.

Boo-laakalaali 12:5

Bɛa biikoo li, tenten a dii tá re nyɛ́ɛ diɛ, zii tɔ we tá re gɔ́ɔ̃ woɛ̃, bɛ á zɛnɛɛ kəni, bɛ̀ da kɛ́ buũ kɔ fu panpan, bisin kɛ ń guguru a din-a, sii kɔn din ná a là kakaɛ̃ diɛ doo wa. Sonbore, ǹ kɔn pinaa minbuiin nɛ gogoonmaa n die woe, piɛ duduu. Ziin la, wuu-pɛlen dɔn man nə n bibiĩ, ǹ nə́ n yii diɛ bɛa biikoo kɛ lɛ la.

Boo-laakalaali 12:7

Bɛa biikoo kɛ lɛ li, minbuiin nɛ gɔ̀nɔn siĩ lɛ bɔ tán tii mɛn li, a nə n bɔyɛɛ a wo walan. Telenboeen nə n bɔyɛɛ a wo Lawa li, Lawa mɛn lɛ kɔ.

Zeremii 36:28

– Sɛ́wɔ munii kɔsɔ saa, n sɛ́wɔ munii bibinaa lɛ a boon kiɛ̃ la, Zudaan kii Zozakimu nə ǹ mɛn lɛ tã.

Busii pɛ 5:7

Wɔ digolon nə́ sii baraa zɛnaa. Sɛnɛ, ǹ banban doo wa. Ǹ sii baraan gugurubaa na á kũ wɔ dinin mìi ni.

Zaã a sɛ́wɔ 8:52

Zuifun nə́ tɔ́n pɛ nɛ: «Sisia kəni, wɔ́ dɔ̃ wáa mànan manə n ganaa! Abrahamu gã, Lawa a boo gii-dalin dɔn nə́ gã, nsɛ dɔ nə́ n daa ń tá pii mà bɛ̀ min mɛn nə́ nsɛ a boo si, mà bɛa dɛnaa a giɛ̃ duduu wa.

Nya ǹ dín 13:36

Dí goã Davida gɔn a din a biikoo kɛ li, a bɛ́ á bɛ nya Lawa nɛ á nya, á gã, ǹ ná a gere bĩ kunun ǹ digolon ne, a gere bɔɔ̃.

Ebrəə 9:27

A n minbuiin nɛ gogoonmaa mìi ni, a gã gunyin goon toto, bɛ kio kiri dɔ a ganaa.

Samayeli1 25:1

Samayeli gã. Izirayeli minin tumaa nə́ n sɔkɔn ǹ ná a gɛ̀ koa. Maǹ nə́ bĩ a din a piɛ, Ramaa kiwi. Davida zii saa á woo Paaran diə gole nɛ.