Zakarii 1:17 - LAWA A BOO SONBORE

¹⁷ Bɛ kio, lon a dia dí-a wole lɛ wusoo á pɛ ma nɛ, mà ma boo kɛ da ka Dɛnaa Lawa Pàãyiidɛnaa tɔ nɛ: «Maa kiwin lɛn tá re wusii doo ǹ pã ka màn sonboren ne. Man die wusii ma Zeruzalɛmu bɔ ma koa doo, ma Siɔn foo taã.»

LAWA A BOO SONBORE 2011

¹⁷ Bɛ kio, lon a dia dí-a wole lɛ wusoo á pɛ ma nɛ, mà ma boo kɛ da ka Dɛnaa Lawa Pàãyiidɛnaa tɔ nɛ: «Maa kiwin lɛn tá re wusii doo ǹ pã ka màn sonboren ne. Man die wusii ma Zeruzalɛmu bɔ ma koa doo, ma Siɔn foo taã.»

Zakarii 1:17 ပူးပေါင်းရင်းမြစ်များ

KZS2 6:6

Sɛnɛ man má Zeruzalɛmu bɔ máa ma tɔ goã la. Má Davida bɔ máa a maa zaman Izirayeli a nyɛɛnaandɛnaa baa.»

Nehemii 11:20

Izirayeli minin gialakunun kɛn kun ka Lawa a wúlu-bɔlen laanka Levii tɔrɔn nɛ, bɛn nə́ goã Zudaa gána a kiwin tumaa nɛ, didie ná a tán la.

Nehemii 11:3

Gána lɛ a nyɛɛnaandɛnan man nə́ giã Zeruzalɛmu. Sɛnɛ, Izirayeli a zaman gialakun lɛ nɛ, *Levii tɔrɔn nɛ, min mɛnɛn bɛ́ dí nyɛɛ minin giulun Lawa a kion, bɛn nɛ, Salomɔn a dí-nyalin kɛn tɔrɔn nɛ, bɛn nə́ goã giãnɛ ǹ dinin kiwin ni, didie ná a tán la.

Loen 69:35

Lon mànan laanka tán wɔn nɛ, yìsi mu laanka a gɔ́ɔ̃gɔ́ɔ̃ ǹ mànan nɛ, ka Lawa tɔ bɔ.

Izayii 14:1

Dɛnaa Lawa á re makara boe Zakɔba tɔrɔn ganaa. Sonbore, á re nyɛɛ mà asɛ din na á Izirayeli tɔrɔn yii gɔgɔɔ̃, á re woe ǹ ne ǹ tán la. Tiin tá re kiɛ kunun ǹ ni, ǹ dɔn nə Zakɔba tɔrɔn baa.

Izayii 44:26

Sɛnɛ, man toɛ maa dí-nyalin boon nə yɔrɔ yɛ. Maa dia dí-a wolen nə boo mɛn da, man toɛ bɛ yɔrɔ yɛ. Man kɛ pii Zeruzalɛmu a paǹ li: «Ǹ tá re wusii ǹ giã n nɛ doo.» Man kɛ pii Zudaa kiwin wɔ paǹ li: «Ǹ tá re wusii ǹ ka dɔ.» Hiĩ, ǹ tá re wusii ǹ kaa kɛbɔlɔn dɔ doo.

Izayii 49:13

Lon, n gɔn dɛ! Tán, nsɛ nə n nyɛnyɛɛ! Kelen lɛn, ka foo kɔɔ̃nbaa ǹ lɛ dɛ! A giala, Dɛnaa Lawa n wusii a zaman lɛ foo doɛ. A n makara boe nɔmaa-wɔlen ganaa.

Izayii 51:12

Ma din nə foo doa koe ka la. Sonbore, ma din ni! Maa zaman, a n siɛ lɔn ka á nyɛ́ɛbiɛ minbuiin nɛn manɛ? Ǹ tumaa n giɛ̃, maǹ nə n gɔn nyɔmiɛ ka buu bɛ́ lɔn!

Izayii 51:3

Dɛnaa Lawa n *Siɔn foo doɛ, a na a kɛbɔlɔn foo doa. A n die bɛa kɛbɔlɔn lɛn bɔyɛɛ a baa dù gɔrɔ lɛa, a tán gere kɛ baa Edɛn dù gɔrɔ lɛa. Foo kɔɔ̃n laanka nyɛnyɛɛ n die goɛ̃ a nɛ, tɔ bɔ ǹ loen ne, ka sàn kɔ ǹ mànan wuun ni.

Izayii 52:9

Zeruzalɛmu a kɛbɔlɔn lɛn, ka foo kɔɔ̃nbaa ǹ lɛ dɛ, ka loe lɔ kun! A giala Dɛnaa Lawa n wusii a zaman foo taɛ̃. A n Zeruzalɛmu sii diɛ.

Izayii 54:8

Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

Izayii 66:13

Náa bɛ́ a nɛnyaanan foo wɛɛ lɔn, ma dɔ n die ka dɔn foo wɛɛ miɛ̃. Bɛ n die n zɛnɛɛ Zeruzalɛmu.

Zeremii 31:13

Ǹ nɛlɔn tá re bɛ̀ biɛ ka foo kɔɔ̃n nɛ, nɛ tenən laanka min zizin tá re n nyɛnyɛɛ kun. Ma á re ǹ gɛ̀ koan bɔyɛɛ ma baa zɔ́n lɛa. Ǹ foo ziziɛ̃ gɔ́ɔ̃ nɛ ma á re ǹ foo wɛɛ, ma á re ǹ kiɛ̃ ka foo kɔɔ̃nbaa nɛ.

Zeremii 33:13

Kele yii kiwin kɛn nɛ ka *Sefelaa wɔn nɛ, Negɛvu kiwin ni, Bɛnzamɛn kiwin ni Zeruzalɛmu lɛkoro-a kiwin ni ka Zudaa kiwin ni, sèren laanka bòen tá re wusii ǹ kiɛ̃ ǹ nimii wole yɔrɔ-a.» Dɛnaa Lawa na á pɛ.

Zeremii 33:9

Ka bɛ-n kəni, man die Zeruzalɛmu tɔ pii ka foo kɔɔ̃n nɛ. Á re ma tɔ boe, a ma foo kɔɔ̃n kɔ tán a tɔrɔn tumaa yɔrɔ-a. Ma bɛ́ re bǐɛ̃ mɛn zɛnɛɛ maa zaman lɛ nɛ, ǹ tá re bɛ miɛ. Nyɛ́ɛ á re ǹ kuĩ, ǹ gɔ̀nɔn bìn da yii-nyɛɛ laanka gɔn mànan kɛn taman yii ma á re koe maa zaman la.»

Ezekieli 36:33

Masɛ Dɛnaa Lawa n kɛ pii: «Bɛ̀ má kaa sii baraan tumaa pii má ǹ bɔ ka ganaa ǹ mɛn pinaa, kɛbɔlɔ bǎãn tá re wusii ǹ nə n dɔ, ma á re zaman mɔnɛɛ kiwin lɛn nɛ.

Amɔɔsi 9:14

Man die wusii ma maa zaman, Izirayeli minin lɛn sii bɔyaa ma da a giala la. Kiwin mɛnɛn nə ziziɛ̃, ǹ tá re wusii ǹ bɛn dɔ, ǹ giã ǹ nɛ. Ǹ tá re *rezɛ̃ dan zuzumi ǹ bɛa duvɛ̃ mi. Ǹ tá re dù gɔrɔn boboe, ǹ bɛa mànan bii.

Abdiasi 1:20

Ǹ Izirayeli a zia nɛn mɛnɛn goa, ǹ nə́ woo ǹ ne bɛ̀rɛbaa ǹ bǎã nɛ, Kanaan gána ke, a wo Sarɛptaa kiwi yaa, bɛ á re doe bɛn ganaa. Ǹ Zeruzalɛmu minin mɛnɛn goa, ǹ nə́ woo ǹ ne bɛ̀rɛbaa ǹ bǎã nɛ Sefaradi, gusin a lɛ̀gɔn la kiwin kɛn tá re doe bɛn ganaa.

Zakarii 1:14

Lona dia dí-a wole mɛn bɛ́ boo diɛ ka ma nɛ, á n toa ma ganaa mà ma boo kɛ pɛ: Dɛnaa Lawa Pàãyiidɛnaa n kɛ pii: «Maa Zeruzalɛmu narɛ ǹ gɔn tá baraa, ka *Siɔn kele sonbore kɛ nɛ.

Zakarii 2:12

Dɛnaa Lawa Pàãyiidɛnaa a da ǹ boo á ke, asɛ mɛn dí gole wɔ ma gɔn, mà ma pɛ tɔrɔn kɛn manɛ ǹ nə́ ka kokoo: «Min woo min yoo ka gialaa, ǹ dɛnaa na á n gɔn sã masɛ din yii ni.

Zakarii 2:4

Má nɔ̀n da: «Maǹ nə́ daa wàa pɛ?» Á ma lɛ si kɛnɛn: «Maǹ nə́ daa nyɛ́ɛ da gána pàãdɛnan kɛn ganaa ǹ nə́ ǹ ziziɛ̃, ǹ mɛnɛn lɛn nə da Zudaa gána yu. Ǹ nə́ Zudaa a zaman loo paǹ yii li, min kɔn boo la á n gòãn doa ǹ nyɛɛn wa.»

Zakarii 3:2

Dɛnaa Lawa pɛ zɛ̀rɛ da ma la wole lɛ nɛ: «Dɛnaa Lawa nə n lɛ tã, zɛ̀rɛ da ma la wole! Sonbore, á n lɛ tã, asɛ mɛn Zeruzalɛmu bɔ á koa! Yesuwa bie ka gɔn lɛkoro bɛ́ lɔn ǹ nə́ bɔ tɛ-n wa?»

Efɛɛzi minin 1:4

Wɔa tá kun ka Krita-n lɛ a lɛa nɛ, Lawa wɔ bɔ a din wɔn lɛa, bɛ̀ a bɛ́ a tɔn kanaa zɛnaa wa. A n mà wɔ goã min sonboren lɛa a din yɔrɔ-a, zɛ̀rɛ ná a ba wɔ ganaa wa. A din a kɔn-narɛɛ gɔ́ɔ̃ nɛ,