Zakarii 1:16 - LAWA A BOO SONBORE

¹⁶ Bɛ lɛ nɛ masɛ Dɛnaa Lawa á ke pii: Man die wusii man bɔyaa ma wo Zeruzalɛmu li ka foo basiɛ̃ nɛ, ma màn zɔɔ̃ ǹ biɛ da li. Ka bɛ nɛ, ǹ tá re wusii ǹ maa kion dɔ, ǹ wusoo ǹ maa kiwi lɛ dɔ.» Dɛnaa Lawa a da ǹ boo ne.

LAWA A BOO SONBORE 2011

¹⁶ Bɛ lɛ nɛ masɛ Dɛnaa Lawa á ke pii: Man die wusii man bɔyaa ma wo Zeruzalɛmu li ka foo basiɛ̃ nɛ, ma màn zɔɔ̃ ǹ biɛ da li. Ka bɛ nɛ, ǹ tá re wusii ǹ maa kion dɔ, ǹ wusoo ǹ maa kiwi lɛ dɔ.» Dɛnaa Lawa a da ǹ boo ne.

Zakarii 1:16 ပူးပေါင်းရင်းမြစ်များ

Zɔbu 38:5

N bɛ́ sii doɛ̃, die na á tán lɛ a gùrùn zɔɔ̃? Hinlaa die na á biɛ da li?

Izayii 12:1

Bɛa pinaa kɛ nɛ, n tá re pii: «Dɛnaa Lawa, ma á zɔɔ diɛ n nɛ, a giala, n foo na á goã yoo-n ma li, sɛnɛ, n foo waa, n ma foo taã.

Izayii 34:11

Kɔlɔn laanka bàanan tá re giɛ̃ a nɛ. Á re kɔlɔ kuunun laanka zankoon giã ǹ bǎã biɛ. Dɛnaa Lawa á re gána lɛ bɔ̀n biɛ. A n die goɛ̃ ka wɔlɔ kooro á ke á goã lɔn, bɛ̀ tán ná a tɔn nə n zɛnaa wa.

Zeremii 30:18

Dɛnaa Lawa n kɛ pii: Ma á re Izirayeli minin lɛlɛ ǹ giã ǹ gɔn koe ǹ la. Ma á re makara boe ǹ kion minin ganaa. Ǹ nə ǹ kiwin mɛnɛn yu, ǹ tá re wusii ǹ bɛn dɔ ǹ bǎã nɛ, ǹ kion sonboren kɛn nə ǹ lɛlɛ bǎãn saa.

Ezekieli 40:3

A bɛ́ á woo ma-n walan, ma bɛ́ giɛ, bɛ̀ giĩ goon nə́ ke golee-n kiɛnlɛ-a. A gɔ̀nɔn na á goã tɛ pii ka zan bɛ́ lɔn. Màn kɔn nə́ goã a gɔn ka bòosa biɛ bɛ́ lɔn, kun ka màn zɔɔ̃ ǹ bàlà nɛ.

Ezekieli 47:3

Giĩ lɛ soo á woo lɛ̀giala gɔn la, ka màn zɔɔ̃ ǹ biɛ ná a gɔn. Á tɔ́n gùrù yii duu goon (1 000) zɔɔ̃. Bɛ kio, á ma kũ, á mu lɛ kuru ka ma nɛ. Mu lɛ na á goã ma kuĩ ma gòã kòrò ganaa.

Ezekieli 48:35

Kungɔn mɛn bɛ́ re kiwi lɛ lɛnpɛnɛ, a sasabaa n die goɛ̃ gùrù yii duu fulukiwisi (18 000). A kũ bɛa pinaa lɛ ganaa, kiwi lɛ tɔ n die goɛ̃ ka kɛ nɛ: "Dɛnaa Lawa tá kànaa".

Azee 1:14

Lawa tɔn wɔ Zudaan gánaadɛnaa Zorobabeli Salatieli a nɛ ka Zozoe Lawa a kion wúlu-bɔlen goledɛnaa Zozadaaki a nɛgiĩ yiri ni ka zaman gialakun kɛ nɛ, mà ǹ da ǹ gòãn doa Dɛnaa Lawa Pàãyiidɛnaa, ǹ Lawa a kion lɛ a dí kɛ ganaa.

Zakarii 10:6

Ma á re Zudaa a zaman foo kaka koe, ma Zozɛfu a zaman kirisibaa. Ma á re wusii ma da ǹ nɛ piɛ, a giala, ǹ makara ma kũ. Maǹ die n biɛ ka ma bie má goã má n la bɔ ǹ ganaa wa. Hiĩ, ma din nə Dɛnaa Lawa, ǹ Lawa lɛa, ma á re ǹ nyankɔ lɛ sii.

Zakarii 2:4

Má nɔ̀n da: «Maǹ nə́ daa wàa pɛ?» Á ma lɛ si kɛnɛn: «Maǹ nə́ daa nyɛ́ɛ da gána pàãdɛnan kɛn ganaa ǹ nə́ ǹ ziziɛ̃, ǹ mɛnɛn lɛn nə da Zudaa gána yu. Ǹ nə́ Zudaa a zaman loo paǹ yii li, min kɔn boo la á n gòãn doa ǹ nyɛɛn wa.»

Zakarii 2:5

Sii nyaa gɔ́ɔ̃ nɛ, masɛ Zakarii, má n yii saa lon, ma sii mɛn yɛ, á ke: Giĩ goon ne, ka màn zɔ́ɔ̃ ǹ biɛ ná a gɔn.

Zakarii 2:6

Má nɔ̀n da la má a n woe maa. Á ma lɛ si mà asɛ n woe Zeruzalɛmu zoɛ̃, asɛ na a pəməbaa laanka a sasabaa dɔ̃.

Zakarii 4:9

«Zorobabeli Lawa a kion lɛ gòã daa. A din dɔ n die nyɔmiɛ̃.» Bɛ̀ bɛ nə́ n zɛnaa ǹ mɛn waáraa, ka á re doɛ̃ ka bɛ nɛ mà Dɛnaa Lawa Pàãyiidɛnaa na á ma dia ka li.

Zakarii 8:3

Dɛnaa Lawa bɛ́ boo mɛn pii á ke: «Man wusii die Siɔn, hiĩ, man wusii giɛ̃ Zeruzalɛmu. Ǹ tá re Zeruzalɛmu bíi "kiwi bɔlɔgoondɛnaa", Dɛnaa Lawa Pàãyiidɛnaa a kele ke, ǹ tá re bɛ bíi "Kele sonbore".»