Zakarii 1:15 - LAWA A BOO SONBORE

¹⁵ Sɛnɛ, tɔrɔn mɛnɛn bɛ́ ǹ nə́ waa ǹ dinin la taãn-taãnɛ, ma foo n yoo ne bɛn li parsiini. A giala, maa foo-yoo bɛ́ a tɔn gole kɔ Izirayeli li ǹ mɛn waáraa wa, bɛa tɔrɔn kɛn lɛn ná a koe mìi saa lon.

LAWA A BOO SONBORE 2011

¹⁵ Sɛnɛ, tɔrɔn mɛnɛn bɛ́ ǹ nə́ waa ǹ dinin la taãn-taãnɛ, ma foo n yoo ne bɛn li parsiini. A giala, maa foo-yoo bɛ́ a tɔn gole kɔ Izirayeli li ǹ mɛn waáraa wa, bɛa tɔrɔn kɛn lɛn ná a koe mìi saa lon.

Zakarii 1:15 ပူးပေါင်းရင်းမြစ်များ

Zɔbu 30:13

Maǹ bɔ ǹ lɛ tiɛ̃ ma ganaa, ǹ nə́ n doɛ ka yɔrɔ yii ni, mà ma bɔ̀n baa, min dɔ banban a tá ǹ kurii wa.

Loen 123:4

Á la wɔ yii ni, á wɔ gɔ̀nɔn bɔ. Din-yɛlen man wɔ diɛ yaa lɛa, din-koalin man wɔ tɔ ziziɛ̃.

Loen 137:7

Zeruzalɛmu kuĩ pinaa, Edɔmu minin da ǹ boo lɛ: «Ka yu, ka yu, ka yu lenlen», Dɛnaa Lawa, n yiri nyan bɔ ka bɛ-n wa.

Loen 69:26

Toa ǹ giã ǹ bǎã ziziɛ̃, min din baran goã ǹ kionən ne wa.

Izayii 54:8

Ma foo goã á yoo n li parasii ni. Biikoo boɛɛn gɔ́ɔ̃ nɛ, ma goã li ma yii mɛ n ganaa wa, sɛnɛ, man maa foo basiɛ̃baa nyɛɛ n nɛ kɔn-narɛɛ gɔ́ɔ̃ nɛ, dan ná a ba la wa. Masɛ Dɛnaa Lawa n bɛ pii n ni, ma din kɛ lɛ nə n si sii la wole lɛa.

Zeremii 30:16

Sɛnɛ, min mɛn tumaa basaã kɔ n nɛ, ma á re basaã koe ǹ dɔn manɛ. Ń zɔ́ɔn tumaa á re woe bɛ̀rɛbaa ǹ bǎã nɛ. Min mɛnɛn bɛ́ koɛɛn we n ne, ǹ tá re koɛɛɛn we ǹ dɔn manɛ. Min mɛnɛn bɛ́ mɛnɛɛ n la, ǹ tá re mɛnɛɛ ǹ dɔn la.

Zeremii 50:33

Dɛnaa Lawa Pàãyiidɛnaa n kɛ pii: Maǹ nə́ Izirayeli laanka Zudaa minin yɔyɔrɛ ka kakaarɛbaa nɛ. Ǹ goa wolen manə n gɔn parɛɛ ǹ ganaa, maǹ nə n piɛ̃ mà ǹ ba n gɔn boe ǹ ganaa wa.

Zeremii 51:24

Sɛnɛ, sii mɛn bɛ re ka yii, á ke, Baabilonii gána laanka Baabilonii minin nə sii mɛn tɔrɔ nyaa Siɔn nɛ, ma dɔ n die bɛ lɛ tɔrɔ nyɛɛ ǹ dɔn nɛ. Masɛ Dɛnaa Lawa a da ǹ boo ne.

Ezekieli 26:2

– Minbuiin a nɛ, Tiiri minin kɛn man yaa we Zeruzalɛmu ganaa kaakaakaa! Ǹ nə́ pii: Kiwi kɛ lɛ, min tumaa goã die a nɛ, a wɔ sàabaa! Kiwi lɛ yu, wɔsɛn dɔn man die pàãma biɛ kɛ gòã wuu li.

Amɔɔsi 6:1

Amɔɔsi tɔn pɛ: Kasɛn mɛnɛn bɛ́ giã-n *Siɔn, yii-nyɛɛ la, kasɛn mɛnɛn bɛ́ là nyantoro gɔ́ɔ̃ nɛ, Samarii kele kɛ la, bɔ̀n na á ka yɛ. Ka dinin lɛn man tɔrɔn tumaa a nyɛɛnaandɛnan goledɛnan lɛa. E, Izirayeli tɔrɔn man baa sii die kasɛn kɛn lɛn miãn li!

Abakuku 3:12

Man tɔ we tán la ka foo-yoo ne. Man tɔrɔn yɔyɔrɛ ka foo-yoo baraa nɛ.

Zakarii 1:11

Sùidɛnan lɛn nə́ n bɔlɔ saa ǹ nə́ pɛ Dɛnaa Lawa a lon a dia dí-a wole lɛ nɛ golee-n dan lɛn giulun ǹ luu n tì, ǹ nə́ pɛ: «Wɔ kɔ tán tumaa lɛ wɔ ga a ganaa. Wɔ bìn diɛ kɔn yɛ wa, a tumaa n kiĩ ni.»

Zakarii 1:2

Á pɛ nɛ mà a kɛ pɛ Izirayeli minin manɛ: – Á ke, masɛ Dɛnaa Lawa Pàãyiidɛnaa n kɛ pii: «Ma foo goã á yoo ka digolon ma li parsiini. Sɛnɛ, bɛ̀ ka wusoo ka daa masɛ Dɛnaa Lawa li, má á re wusii ma da ka li. Dɛnaa Lawa Pàãyiidɛnaa a da ǹ boo ne.

Zakarii 14:12

Tɔrɔn mɛnɛn nə wo Zeruzalɛmu zia baa, Dɛnaa Lawa bɛ́ re koe mɛn diɛ ǹ mìi ni, á ke: Ǹ gɔ̀nɔn siĩ á re boɛ̃, a ǹ toa ǹ yii n koo. Ǹ yiin tá re boɛ̃ ǹ yii yalan nɛ, ǹ lɛwɔn nə bɔɔ̃ ǹ lɛ-n.

Zakarii 6:8

Dɛnaa Lawa tɔn ma bii kəni á pɛ ma-n kɛnɛn: «Ga! Ǹ mɛnɛn bɛ́ woe gɔsɛ a lɛ̀gɔn la, maǹ woe ma yiri gisin walan.»