Zaaki 5:7 - LAWA A BOO SONBORE

⁷ Bɛ lɛ taman yii, ma dɔɔ̃nɔn lɛn, ka si ka ganaa yǎa Dɛnaa a daa pinaa. Ka ga buu-kɔsɔli ganaa. A màn tɔrɔ mɛn da tán, a nə n yii diɛ bɛ la yǎa a miɛ sɔnbɔraanɛ. Bɛ gɔ́ɔ̃ nɛ, a n sii sii a ganaa, yǎa la bibinaa laanka a nyɔɔbaa nə kiɛ.

LAWA A BOO SONBORE 2011

⁷ Bɛ lɛ taman yii, ma dɔɔ̃nɔn lɛn, ka si ka ganaa yǎa Dɛnaa a daa pinaa. Ka ga buu-kɔsɔli ganaa. A màn tɔrɔ mɛn da tán, a nə n yii diɛ bɛ la yǎa a miɛ sɔnbɔraanɛ. Bɛ gɔ́ɔ̃ nɛ, a n sii sii a ganaa, yǎa la bibinaa laanka a nyɔɔbaa nə kiɛ.

Zaaki 5:7 ပူးပေါင်းရင်းမြစ်များ

Zeremii 5:24

Ka a pii dɔn dinin: «Ka daa wɔ nyɛ́ɛ baa Dɛnaa Lawa, wɔa Lawa yii-n wa, asɛ mɛn bɛ́ la mu koe wɔ la a biikoo li, a bibinaa laanka a nyɔɔbaa. Lɛ̀ woo lɛ̀, a n lɛawaan boe koɛ wɔ nɛ kaa-piɛ wɔ lɛa.»

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Zakarii 10:1

Ka la mu nyɔɔbaa nyankɔ Dɛnaa Lawa la, a din nə die ka la nɛ. Á re la gigiã koe ka la, kaa wuru gɔ́ɔ̃gɔ́ɔ̃ ǹ mànan nə siĩn kɔ.

Matiə 16:27

A giala, Min a Nɛgiĩ tá re die ka ǹ Di a gugurubaa kɛ nɛ kun ka lon a dia dí-a wolen ne. Bɛa biikoo li ma á re didie sarɛɛ a kɔnpɛ ka a nya ǹ dí ni.

Matiə 16:28

Masɛ n pii ka nɛ, sonbore, kasɛn mɛnɛn bɛ́ kànaa, ka tɛnɛn yii á die Min a Nɛgiĩ yii die kii lɛa ka tɔn gã.»

Matiə 24:27

La a tɛ pɛ bɛ́ n toɛ lɛ̀nyɛɛn lɔn bɛa wo yǎa lɛ̀giala-n, bɛ̀ minin yii yɛ, Min a Nɛgiĩ a wusoo a daa n die n biɛ miɛ̃.

Matiə 24:44

Bɛ lɛ taman yii, ka dɔn nə n yii dɔraa, a giala, ka yiri bɛ́ a ba biikoo mɛn li wa, Min a Nɛgiĩ n die die bɛa biikoo lɛ li.

Luku 18:8

Ma n pii ka nɛ, a n die bǐɛ̃ zɛnɛɛ ka nɛ fufuu. Sɛnɛ, Min a Nɛgiĩ bɛ́ re die ǹ mɛn waáraa, á re die yiɛ bɛ̀ kanaa minin nə́ tɔn golee-n li, ǹ nə́ n yii diɛ a daa la?»

Luku 21:27

Bɛ kio kəni, ka á re Min a Nɛgiĩ yii die labara la, ka pàã gole laanka gugurubaa gole ne.

Luku 8:15

Màn tɔrɔ mɛn bɛ́ á mɛnaa tán sonbore bǎã nɛ, bɛ n kɔnboe ka min mɛnɛn bɛ́ n too koe boo lɛ-a, ǹ si, ǹ kũ foo sonbore laanka a telee wole ne. Bɛa dɛnan lɛn man goɛ̃ bɔlɔgoondɛnaabaa la, yǎa ǹ nɛ koe.»

Zaã a sɛ́wɔ 21:22

Yezu tɔ́n na a lɛ si: «Bɛ̀ masɛ tá li mà a goã a yii n koo yǎa masɛ wusii die, n wàa mɛn sii na a nɛ? Yǎa nsɛ kɔ ma kio lɛ!»

Zaã a sɛ́wɔ 21:23

Minin man nə́ n bibiə̃ ka bɛa boo lɛ nɛ dɔɔ̃nɔn lɛn bii mà bɛa kialandɛnaa lɛ a die giɛ̃ wa. A da yaa Yezu bie á pɛ nɛ, mà a re giɛ̃ wa. A màn mɛn pɛ bɛ á ke: Bɛ̀ ma tá li a goã a yii n koo yǎa ma wusii die, n wàa mɛn sii na a nɛ?

Rɔmu minin 15:4

A da yaa, màn mɛn yii nə n kiɛ̃ lɛlɛ, bɛ na á n kiɛ̃ wɔa yiri kɔmala a lɛa, màn mɛn bɛ́ toɛ, Lawa a boo lɛ wɔ foo taã, a sii simaa kɔ wɔ la, wɔ foo boo la a goã doa nɛ.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Korɛnti1 1:7

Yiri Fu a bǐɛ̃baa ǹ mànan kɛn kɔ́n nyaabaa ka li wa. Bɛ lɛ na á toa, ka tá n yii diɛ ka foo-doa nɛ, wɔa Dɛnaa Yezu Krita a da a din nyaa kɛ la.

Galaasi minin 5:5

Wɔsɛn foo n doa nɛ wáa Lawa á re wɔ biɛ min peperen lɛa. Wɔ nə n yii diɛ bɛ lɛ la Yiri Fu barka nɛ, asɛ mɛn bɛ́ dí nyɛɛ wɔa goleemali gɔ́ɔ nɛ.

Galaasi minin 6:9

Wɔ nyan nɔmaa ka sii bǐɛ̃ zɛnaa-n wa. A giala, bɛ̀ wɔ n gù basã wa, wɔ á re màn sonbore kuri, bɛ̀ a biikoo dɔ.

Timəə dí-pɛn 11:14

á re kaa gána lɛ a la kiɛ a biikoo li, a la bibinaan laanka a giala-nyɔmiɛ̃ kɔ ka la. Bɛ á re toɛ kaa tán-kɔsiɛ mànan nə bǐɛ̃ kɔ, ka *belee laanka duvɛ̃ yɛ, ka nyɔɔ nɛ.

Kolɔɔsi minin 1:11

Lawa die a toa ka pàã gole kɔ, ká a din a boo sii la laanka a din a Lawabaa ǹ pàãdɛnaabaa kɛ barka nɛ, màn mɛn bɛ́ toɛ, ka sii si ma-a laanka gɔ̀lɔ̀baa yɛ fuu tumaa gɔ́ɔ̃ nɛ,

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Tesaloniki1 2:19

A giala, ka dinin lɛn man wɔ foo-doa-n màn lɛa, kaa sii n nyɛnyɛɛ diɛ wɔ ganaa, kaa sii n die toɛ wɔ n dinin laakalaa wɔa Dɛnaa Yezu yɔrɔ-a a daa biikoo li.

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Ebrəə 6:15

Abrahamu bɛ́ á n foo kũ, á sii si a ganaa, á yɛ Lawa ná a lɛ-kɔ ǹ sii lɛ zɛnaa, a ná a lɛ pã.

Zaaki 4:11

Dɔɔ̃nɔn lɛn, ka nyan lɛ pɔrɔ kɔn ganaa wa. Bɛ̀ min mɛn tá lɛ pɔrɛɛ ǹ miã ganaa, hinlaa bɛ̀ á zɛ̀rɛ koɛ a ganaa, bɛa dɛnaa n lɛ pɔrɛɛ Lawa a dí-pɛ ganaa, á n zɛ̀rɛ koɛ a ganaa. A da yaa, bɛ̀ n tá zɛ̀rɛ koɛ Lawa a dí-pɛ ganaa, n bie a tamaali lɛa doo wa, sɛnɛ, a zɛ̀rɛ baali nə n ne.

Zaaki 5:10

Ma dɔɔ̃nɔn lɛn, Lawa a boo gii-dalin mɛnɛn nə boo da ka Dɛnaa tɔ nɛ, ka dɔn nə nɔmaa si ka ganaa ka bɛn lɛn wɔ bɛ́ lɔn.

Zaaki 5:3

soe kaa sana laanka kaa wɔrɔ kũ. Bɛa soe lɛ n die ka gɔ̀nɔn siĩ kuĩ ka tɛ bɛ́ màn kuĩ lɔn, a kaa nya ǹ dí baraa nyaa. Ka ǹ ká naforo lɛ sɔkɔn-a biikoo giala-nyɔmiɛn kɛn gɔ́ɔ̃-n ka koa!

Piɛrɛ2 3:4

ǹ pɛ: «Táa Dɛnaa lɛ pɛ mà á die! Á maa die dɔn kəni? A giala, wɔsɛn díin nə́ gã, sɛnɛ, màn kɔ́n tɔn nə n bɔyaa wa, màn tumaa na a tan, ká a bɛ́ á goã kanaa diɛ waáraa lɔn.»