Zaaki 5:5 - LAWA A BOO SONBORE

⁵ Ka kaa pàãmabaa lɛ zɛnaa kanaa ka a là kaa, siin mɛnɛn bɛ́ kɔɔ̃n ka ganaa, ka bɛn zɛnaa. N bɛ́ tɔɔ toe lɔn a nyɔɔ kɔ bɛ̀ ǹ tɔn dɛ, ka dɔn man ka ka dinin too miɛ̃, ka á kaa wɔ a pinaa duĩ.

LAWA A BOO SONBORE 2011

⁵ Ka kaa pàãmabaa lɛ zɛnaa kanaa ka a là kaa, siin mɛnɛn bɛ́ kɔɔ̃n ka ganaa, ka bɛn zɛnaa. N bɛ́ tɔɔ toe lɔn a nyɔɔ kɔ bɛ̀ ǹ tɔn dɛ, ka dɔn man ka ka dinin too miɛ̃, ka á kaa wɔ a pinaa duĩ.

Zaaki 5:5 ပူးပေါင်းရင်းမြစ်များ

Loen 17:14

Dɛnaa Lawa, n din gɔn ma kirisibaa kanaa minbuiinin kɛn ganaa! Ǹsɛn wɔ gii n ka kanaa kɛ nɛ. N màn mɛn koa, maǹ nə n nɔ̀ piɛ̃ ka bɛ lɛ nɛ. Ǹ nɛnyaanan dɔn man kiɛ̃ ka bɛ lɛ nɛ, man a gialakun din koɛ ǹ nɔ̀ɔnɔn manɛ.

Loen 73:7

A laanɛ ǹ tá kasiɛ̃ nɛ, bɛ̀ ǹ yii bɔ màn li, ǹ gɔ́ɔ̃ n piɛ̃-n ka taasiɛ baraa nɛ.

Suusun 17:1

Buuru lɛ koro gere ka giã kiĩ ta soɛ kion mɛn bɛ́ piɛ̃ nɛ ka zia nɛ a màn-bii n kɔɔ̃nɛ.

Suusun 7:14

«Ma bɛ́ má n lɛ kɔ Lawa la ka wúlu mànan mɛnɛn nɛ, má bɛn bɔ pelo. Bɛa siĩ tá ma li kion.

Boo-laakalaali 11:9

Tɔntɔraagiĩ, n nyɛnyɛɛ n tɔntɔraabaa gɔ́ɔ̃ nɛ. Toa n foo kɔɔ̃n kɔ n tenmaa waáraa. Bɛ̀ màn mɛn nə́ n foo kũ, n bɛ zɛnaa, bɛ̀ sii mɛn dɔ n yii li, n bɛ zɛnaa. Sɛnɛ, n dɔ̃ mà Lawa tá re kiri kuri n la, bɛa siin kɛn lɛn tumaa taman yii.

Izayii 22:13

Sɛnɛ, ka n ka goã nyɛnyɛɛ laanka foo kɔɔ̃nbaa la. Minin man diin dii, ǹ sèren dɛ. Maǹ siĩ soɛ̃, ǹ duvɛ̃ mi. Ka n pii: «Wɔ n màn bii wɔ màn mi a giala, biɛ̃ wɔ n die giɛ̃!»

Izayii 3:16

Dɛnaa Lawa n pii: «*Siɔn kiwi lɔn kɛn tá kɔɔ̃nɛ ǹ dinin ganaa. Maǹ nə n wìi dii ǹ nə́ tɔ we, ǹ nə́ n yii boe minin li. Maǹ nə n gòã siɛ gogoon, ǹ gòã wìi ganaa ǹ zanan kɛn wuu li.»

Izayii 47:8

Kanna kəni, n too kɔ kɛ li, nsɛ mɛn bɛ́ n din foo sii n kɔɔ̃nɛ n ganaa. Ma n giã-n tán kiĩni, n nə́ pii n gɔ́ɔ̃ nɛ: «Ma miã banban, min kɔn ba ka ma bɛ́ lɔn wa. Ma a giɔɔrɔ biɛ duduu wa. Maa nɛnyaanan ba bɔ̀n biɛ wa.»

Izayii 56:12

Maǹ pii: «Ka daa wɔ n tan wɔ ga duvɛ̃ li, wɔ yɔ kakaarɛn mi a wɔ yii kũ. Biɛ̃ ǹ nə die goɛ̃ ka pelo ǹ bɛ́ lɔn: Duvɛ̃ gigiã goã.»

Zeremii 12:3

Sɛnɛ, Dɛnaa Lawa, ń tá ma doɛ̃, ń yii tá ma-a. Ń tá doɛ̃ ma man kunun n ni ka ma foo din tumaa nɛ. Min baraan kɛn kaa para-a ka sèren bɛ́ lɔn, ǹ nə́ woe ǹ bɔlɔ kuri. Ǹ kaa ǹ gɔrɔn dɔlɔ pinaa kɛ taman yii!

Zeremii 25:34

Kasɛn kɛn maa zaman-lɛduə̃lin lɛa, ka n lɛ dɛ, ka n duduwə. Ka n birikəə̃ tán, kasɛn mɛnɛn bɛ́ maa tɔɔn lɛduĩ. Hiĩ ka dɔn gɛ̀ wɔ na á dɔ. Ka n die mɛnɛɛ, ka yɔyɔrɛ ka tasa giɔ̀mɔ kaka bɛ́ lɔn.

Ezekieli 16:49

Á ke, ǹ dɔɔ̃nlɔ Sodɔmu laanka a lɛkoro lɛ-a kiwin sii baraa n ka kɛ nɛ: Maǹ nə́ goã n dinin gole koe. A giala, maǹ nə́ kã, ǹ nə́ là nyantoro la, ǹ ba n taasɛ ka sii kɔn nɛ wa. Ǹ nə n dɔ doobaan laanka nɔmaa wolen lɛ wa.

Ezekieli 39:17

Dɛnaa Lawa wusoo á pɛ ma nɛ: – Minbuiin a nɛ, n too kɔ: «A pɛ bàanan manɛ, màn mɛn tumaa bɛ́ piɛ̃ lon, ka don mànan tumaa nɛ, mà ǹ bɔ bǎã tumaa nɛ ǹ da n lɛ sɔkɔn, *wúlu màn kɛa lɛa ma ń die koe ǹ la, ma bɛ́ re wúlu gole mɛn boe Izirayeli kelen kɛn la. Ǹ tá re siĩ yii walan ǹ baa màn-bii lɛa, ǹ minbuiin nɛ mà mi.

Amɔɔsi 6:1

Amɔɔsi tɔn pɛ: Kasɛn mɛnɛn bɛ́ giã-n *Siɔn, yii-nyɛɛ la, kasɛn mɛnɛn bɛ́ là nyantoro gɔ́ɔ̃ nɛ, Samarii kele kɛ la, bɔ̀n na á ka yɛ. Ka dinin lɛn man tɔrɔn tumaa a nyɛɛnaandɛnan goledɛnan lɛa. E, Izirayeli tɔrɔn man baa sii die kasɛn kɛn lɛn miãn li!

Luku 16:19

«Giĩ goon na á goã, a n pàãma lɛa. A na á goã mɔnaa sonbore sonboren we. A na á goã zɔ́n màn-bii zɛnɛɛ baraabaraa.

Luku 16:25

Abrahamu pɛ nɛ: Maa nɛ, n yiri gisĩ a nɛ, ń gɔn màn gigiã yɛ kanaa, Lazaarɛ sɛ na á goã á nɔmaa gole yɛ. Sisia Lazaarɛ dɔ na a yii-nyɛɛ ǹ bǎã nɛ, bɛ̀ n dɔ á fuu yii.

Rɔmu minin 13:13

Ka daa wɔ tɔ pepere wɔ, ka wɔlɔ fúlu minin bɛ́ zɛnɛɛ lɔn. Ka daa wɔ n parabaa ka màn dadaran bii laanka yɔ mii baraa nɛ, ka naarɛbaa laanka kɔkɔrɔbaa nɛ, ka zia laanka foo a wuu pɛ minin li ni.

Timote1 5:6

Sɛnɛ, ǹ mɛn bɛ́ n taasɛ ka bɔlɔ sɛ̀-mui siin dininsɔɔ̃nɔn nɛ, bɛ na á gã, haalɛ ta a yii á koo sisia.

Timote2 3:4

Ǹ tá re n boe kɔn li, ǹ foo á re goɛ̃ lon, din gole kɔ á re liɛ ǹ yii ni. Ǹ foo siin tá re kɔɔ̃n koe ǹ ganaa, ǹ la Lawa foo sii ni.

Piɛrɛ2 2:13

Ǹ nɔmaan mɛnɛn da ǹ miãn mìi ni, bɛn saraa ǹ dɔlɔn man die wusii, ǹ dɔ ǹ dinin ganaa. A n kɔɔ̃nɛ ǹ ganaa, ǹ nə ǹ dùũ sii babaraan kɛn zɛnaa penleen tiɛɛ̃n nɛ. Bɛ̀ ǹ tá kun ka nɛ kaa màn bii ǹ bǎã nɛ, manə ǹ sii kɔkɔrɔn lɛn zɛnɛɛ. Ǹ tá ka bii lɛ din nə *gɔ̀ laanka wɔ̀lɔ̀ lɛa.

Zude 1:12

Biikoo mɛn waáraa, bɛ̀ ka á dɔɔ̃nbaa ǹ màn bii kun, soɛ-bɔlen kɛn lɛn man wɔ̀lɔ̀ baraa lɛa kaa sii-zɛnaa ganaa, a giala, ǹsɛn man sii lɛ zɛnɛɛ ka sìi doɛ̃baã nɛ, ǹ nə́ ǹ ba n yiri koɛ ǹ miãn nɛ wa, yǎa ǹ dinin. Maǹ kɔnboe ka labaran mɛnɛn bɛ́ piɛ̃ nə́ ǹ siɛ kiɛ̃ ǹ nɛ, ǹ nə́ ǹ ba la mu koe wa. Maǹ goon dɔn ka dan mɛnɛn bɛ́, ta ǹ nɛ-kɔ waáraa nɛ, ǹ ba nɛ koe wa; dan manɛ, ǹ gòonən nə́ bɔyaa lenlen, ǹ nə́ gã ǹ nə́ laa.

Sii-nyaan 18:7

A bɛ́ á n din tɔ gole kɔ a gɔn màn sonboren kɛn lɛa lɔn, fuu laanka koe die ǹ bɔ a dɔ ganaa miɛ̃ bɛ doo. A n pii a din gɔ́ɔ̃ nɛ: «Man kii lɛa tán kànaa, ma bie giɔɔrɔ lɛa wa, ma a re gɛ̀ koɛ doɛ̃ ka duduu wa.»

Samayeli1 25:36

Abigayili nə́ n bɔyaa á daa Naabaali li, bɛ̀ a bɛ́ kiin zɔ́n tɔrɔ zɛnɛɛ a piɛ. Naabaali foo goã kɔɔ̃nɛ. Yɔ goã a yii ganaa taãn-taãnɛ. Abigayili boo kɔn pɛ-n wa, yǎa lɛ̀ waa.

Samayeli1 25:6

«Lawa die a nyin sasa kɔ n la, a là nyantoro kɔ n din laanka n kion minin la, a n gɔn pã a da n lon.