Zaaki 5:13 - LAWA A BOO SONBORE

¹³ Bɛ̀ kaa min mɛn tá nɔmaa nɛ, ǹ dɛnaa Lawa nyankɔ. Bɛ̀ kaa min mɛn foo á kɔɔ̃nɛ, ǹ dɛnaa loe lɔ a Lawa tɔ bɔ nɛ.

LAWA A BOO SONBORE 2011

¹³ Bɛ̀ kaa min mɛn tá nɔmaa nɛ, ǹ dɛnaa Lawa nyankɔ. Bɛ̀ kaa min mɛn foo á kɔɔ̃nɛ, ǹ dɛnaa loe lɔ a Lawa tɔ bɔ nɛ.

Zaaki 5:13 ပူးပေါင်းရင်းမြစ်များ

KZS1 16:9

Ka loe lɔ Dɛnaa Lawa nɛ, ka a guguru kɔ ka kaa bɛ̀ dɛ ǹ mànan nɛ, ka a kaãbaa ǹ siin kɛn tumaa pɛ, ka timəə la.

Zɔbu 33:26

Bɛ̀ á Lawa nyankɔ, Lawa á re n yɔrɔ bǐɛ̃ diɛ la. Lawa á re wusii a na a peperebaa dɔ̃. Á re golee Lawa yɔrɔ-a ka nyɛnyɛɛ gole ne.

Loen 105:2

Ka loe lɔ Dɛnaa Lawa nɛ, ka a guguru kɔ ka tùtu wuu ni, ka a kaãbaa ǹ siin kɛn tumaa pɛ, ka timəə la.

Loen 118:5

Ma bɛ́ má goã fuu gɔ́ɔ̃ nɛ, má Dɛnaa Lawa nyankɔ. Dɛnaa Lawa nə́ n nyəə ma la, á ma bɔ a nɛ.

Loen 18:6

Bǎã babaraa kɛ gɔn na á goã ma ganaa, gɛ̀ na á goã á kan koa ma nyɛɛnɛ.

Loen 50:15

Bɛ̀ fuu dɔ n ganaa ǹ mɛn pinaa, ma bíi wɔ, ma á re n kirisibiɛ, n tá re ma guguru koe.

Loen 91:15

Bɛ̀ á lɛ dia ma la, ma á re n nyii la. Bɛ̀ fuu yɛ, ma á re goɛ̃ kun ni. Ma á re boe ma da, ma gugurubaa kɔ la.

Loen 95:2

Ka daa wɔ n mɔrɔ a ganaa, wɔ barka da nɛ, ka daa wɔ a para pɛ ka loe ne.

Izayii 65:14

Min mɛnɛn bɛ́ dí nyɛɛ ma nɛ, bɛn tá re n lɛ dii ka foo kɔɔ̃n nɛ, ǹ nə́ yii-nyɛɛ la. Sɛnɛ kasɛn, ka ǹ die n lɛ dii ka là paparɛɛ nɛ, ka gɔ́ɔ̃ n piɛ̃ nɛ ka busii ni. Ka ǹ die gini, ka yiri n lɔloɛ-n kɔn.

Ozee 6:1

Ka n kɛ pii kɔn nɛ: Ka daa wɔ wusoo wɔ wo Dɛnaa Lawa li: A din na á wɔ tɔtoɛ̃. A din nə die wɔa busu nyɛɛ. A din na á wɔ dɛ, A din nə die a dagòã boe.

Zonaasi 2:2

Zonaasi nə́ n toa zɔ̀ lɛ gɔ́ɔ̃ nɛ, á Dɛnaa Lawa, a Lawa lɛ nyankɔ,

Zonaasi 2:7

Má gisĩ má woo tán yǎa kelen giulun. Ń geren piɛ a kiɛnlɛ kũ n tã ma lɛ duduu. Sɛnɛ ń wusoo ń ma bɔ ń soo ma nɛ ma yii n koo.

Misee 4:5

Tɔrɔn kɛn tumaa gogoonmaa n koe ǹ dìn lɛ. Sɛnɛ, wɔsɛn man koe wɔa Lawa, Dɛnaa Lawa lɛ yǎa duduu.

Matiə 26:30

Bɛ kio, ǹ nə́ zɔ́n lɛ a loe lɔ, ǹ nə́ tɔ́n yoo, ǹ nə́ woo *Olivie dan kele la.

Luku 22:44

Yiri lɔlɔkɔn baraa Yezu kũ, á wusoo á màn da a Lawa nyankɔ li. Á tɛ̀fuu pã, bɛ n kiɛ ka mà bɛ́ doɛ tán lɔn.]

Luku 23:42

Yǎa a pɛ Yezu-n kɛnɛn: «N bɛ́ re die n kiibaa kɛ nɛ ǹ mɛn pinaa, n yiri koa masɛ nɛ.»

Korɛnti1 14:15

Man die ǹ mɛn zɛnɛɛ kəni? Man die Lawa nyankoe ka ma yiri ni, ma a nyankɔ ka maa doɛ̃ dɔ nɛ. Man die loe loe ka ma yiri ni, ma lɔ ka maa doɛ̃ dɔ nɛ.

Korɛnti1 14:26

A nə n pii kɛ ganaa mà wàa, ma dɔɔ̃nɔn lɛn? Bɛ̀ ka n lɛ sɔkɔn ka á Lawa guguru koe, loe n min goon li, minin daraa n kɛ dɔ li. Lawa sii mɛn nyaa, bɛ n kɔsɔ li, kɔsɔ dɔ n boo diɛ ka bɔlɔ soree ne, kɛ dɔ n bɔlɔ soree lɛ giala pii. Sɛnɛ, ka toa bɛ tumaa boo la a n dɔ Lawa a sɔmɔ lɛ.

Efɛɛzi minin 5:19

Ka kɔn foo taã ka Lawa tɔ bɔ ǹ loen ne, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ. Ka bɛa loen kɛn lɔ Dɛnaa nɛ, ka a tɔ bɔ ka ka foo tumaa nɛ.

Ebrəə 5:7

Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.

Zaaki 5:10

Ma dɔɔ̃nɔn lɛn, Lawa a boo gii-dalin mɛnɛn nə boo da ka Dɛnaa tɔ nɛ, ka dɔn nə nɔmaa si ka ganaa ka bɛn lɛn wɔ bɛ́ lɔn.

Sii-nyaan 14:3

Bɛa minbuiin duu damata kɛ lɛ na á golee Lawa a kii dankan yɔrɔ-a, ka màn yiikoonaa pàãdɛnaa sii kɛ nɛ, ka min golen kɛn nɛ, ǹ nə́ loe soree loe. Min kɔ́n ba boe la, a n daraa bɛa loe kɛ lɛ ganaa wa, yǎa min duu paabiɛ ka pusiwensii mɛn bɛ́, ǹ nə́ kirisibaa tán la.

Sii-nyaan 7:10

Maǹ nə n lɛn siɛ lon ǹ nə́ pii: «Wɔa Lawa mɛn bɛ́ giã-n kii dankan nɛ, ka Sère Nɛ kɛ nɛ, gɔ̀lɔ̀baa n bɛn wɔ lɛa.»