Zaaki 4:8 - LAWA A BOO SONBORE

⁸ Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!

LAWA A BOO SONBORE 2011

⁸ Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!

Zaaki 4:8 ပူးပေါင်းရင်းမြစ်များ

Siin Giala 18:23

Abrahamu nə́ n zɔ̃ á dɔ á pɛ: «Dɛnaa, n din parsii-n, mà n nə ǹ die zɛ̀rɛbaãnaa bɔ̀n biɛ kun ka zɛ̀rɛdɛnaa-n sonbore?

KZS2 15:2

Azaria woo kii Azaa li á pɛ nɛ: «Azaa, Zudaa ka Bɛnzamɛn minin, ka tumaa nə n too kɔ ma lon! Dɛnaa Lawa n kun ka nɛ, bɛ̀ ka dɔn tá kun ni. Bɛ̀ ka ga li, á re toɛ ka yɛ. Sɛnɛ, bɛ̀ ka n la bɔ a ganaa, á re n la boe ka-a.

Zɔbu 16:17

A da yaa ma kakaarɛbaa ǹ sii kɔn zɛnaa wa. Maa nyankɔ dɔ n yoreen biikoo tumaa li.

Zɔbu 17:9

Ta á n baa lɔn, min pepere gɔn na a zii ganaa. Min mɛn bɛ́ a sii la wa, màn nə́ miɛ bɛ pàã li miɛ̃ a woo.

Zɔbu 9:30

Ta man má n zoo ka sɛfɔnɔ nɛ, ta man má n gɔnɔn pii sɔmaa li,

Loen 119:113

Min mɛnɛn gɔ́ɔ̃ bɛ́ paa, bɛn sii goon ba ma-a wa. Sɛnɛ, n landa boon kɛn man kɔɔ̃n ma ganaa.

Loen 145:18

Dɛnaa Lawa wɔlɔ á kunu a nyankɔlen tumaa ganaa. Min mɛnɛn tumaa bɛ́ a nyankoe ka ǹ parsiini, a wɔlɔ á kunu bɛn ganaa.

Loen 18:20

Á ma si á ma da, a na á ma si á ma da, a giala a tá ma narɛ.

Loen 24:4

Min mɛn bɛ́ a gɔn sii la wa, a foo dɔ n *yoreen ne, a ná a ba koe soɛ zii lɛ wa, a ba n liɛ ka soɛ-n wa, bɛa dɛnaa nɛ.

Loen 26:6

Ma bɛ́ ma sii la wa, ma á re n gɔn pii ma nyaa. Dɛnaa Lawa, ma á re woe n din a *wúlu bɔ ǹ bǎã kɛ lɛnpɛnɛ,

Loen 51:10

Ma makara dɔ̃ ǹ boo da ma nɛ, ma foo á re kɔɔ̃n koe a la yii ni. N masɛ mɛn yɔyɔrɛ, toa ma foo kɔɔ̃n kɔ!

Loen 73:13

A bɛ́ miɛ̃, masɛ n má n gɔ́ɔ̃ fu kɔ kooro, man má n gɔnɔn pii, má ǹ bɔ sii baraa-n kooro.

Loen 73:28

Lawa, masɛ goã kun ka n din ni, maa là n ka bɛ nɛ. Man má kaa n din yele, Dɛnaa Lawa. Man zoɛ̃ li máa ma n nya ǹ dín laakalaa.

Izayii 13:15

Bɛ̀ ǹ nə́ min woo min yɛ, maǹ bɛ piɛ̃ ka kiɛ nɛ. Bɛ̀ ǹ gɔn dɔ min mɛn ganaa ǹ nə́ kũ, bɛ n gɔya sa gɛ̀ we.

Izayii 29:13

Dɛnaa n kɛ pii: «Tɔrɔ kɛ n mɔrɛ-n ma ganaa ka a lɛ gɔ́ɔ̃ ǹ boo dinsɔɔ̃ nɛ. Maǹ ma guguru koe ka ǹ lɛ nɛ, sɛnɛ, ǹ foo wɔlɔ á lui-n ma ganaa. Ǹ bɛ́ gugurubaa mɛn koe ma la, a n minbuiin nɛn daraan boon dininsɔɔ̃nɔn lɛa.

Izayii 58:2

Lɛawaa tumaa li, maǹ nɔ̀n diɛ maa taasiɛn nɛ. Maǹ giɛ li ǹ ma foo siin dɔ̃. Maǹ nə́ kɔnbɔ ka tɔrɔ mɛn nə́ ke, koe peperebaa lɛ, ǹ nə́ ǹ ba ǹ Lawa a dí-pɛn tii wa. Maǹ kiri pepere li. Maǹ li ma goã mɔrɛɛ nɛ ǹ ganaa.

Zeremii 4:11

Bɛa waáraa kəni, Dɛnaa Lawa á re pii Zeruzalɛmu minin manɛ: Kele mìi ni, piɛ̃ fuu nə n toɛ diə gole ne, die maa zaman gialaa. Piɛ̃ lɔnlɔɔn bie màn suu ǹ wɔ lɛa wa, màn *yoreen kɔ ǹ wɔ bie wa.

Zeremii 4:14

Zeruzalɛmu, bɛ̀ n tá giɛ kirisibaa li, baraabaa pii n bɔ n foo ne. N nə n die n taasiɛ baraan kɛn toɛ n gɔ́ɔ̃ nɛ yǎa biĩ kəni?

Busii pɛ 3:57

Ma bɛ́ ma lɛ dia n la, n nə́ n zɔ̃ n dɔ, n pɛ ma nɛ: «Nyɛ́ɛ nyan nə n kũ wa.»

Ezekieli 18:31

Ka kaa zɛnaa ǹ sii babaraan lɛn na ka ǹ zũ sɔsɔɔ, ka toa ka foo dii saa, ka yiri dii ni. Izirayeli tɔrɔn lɛn, wàa na á baa, ka n die ka dinin koe gɛ̀ la?

Malakii 3:7

A kũ ka digolon waáraa ganaa, ka kɔ maa daraan lɛ wa, ka ǹ lɛ si wa. Ka wusoo ka da masɛ li, ma á re wusii ma kaa wɔ baa. Ma din Dɛnaa Lawa Pàãyiidɛnaa n má pɛ. Ka n pii: «Wɔ n siɛ lɔn wɔ wusoo wɔ da n li?»

Matiə 12:33

«Min nə da doɛ̃ a nɛ li. Da sonbore n nɛ sonbore koe, da baraa dɔ n nɛ baraa koe.

Matiə 15:2

«Wɔsɛn digolon nə landa mɛn koa, wàa na á baa nsɛ a kialandɛnan ba bɛ tamaɛ wa? Ka a n gɔn pii ká landa bɛ́ pii lɔn, bɛ̀ ka tɔn màn bii wa.»

Matiə 27:24

Pilati bɛ́ á dɔ̃, mà asɛ a die boe la a sii kɔ́n zɛnaa wa, mà màn nə́ tɔn miɛ zaman lɛ a lala diɛ li, á mu saa, á n gɔn pii zaman lɛ yɔrɔ-a, á pɛ: «Ma gòɛ̃ ba giĩ kɛ a gɛ̀ sii-n wa! Ka dinin mìi gɔ́ɔ̃ ǹ sii ni!»

Nya ǹ dín 15:9

Lawa bɛa tɔrɔ kɔsɔn kɛn lɛn bɔ kɔn lɛ ka wɔsɛn nɛ wa. Ǹ dɔn bɛ́ ǹ nə́ goleemali kɛ wɔ, Lawa nə́ ǹ foo pii.

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Timote1 2:8

Man giɛ li kəni, máa giĩn nə Lawa nyankɔ bǎã tumaa ni, ǹ nə n gɔnɔn dia Lawa la, ǹ gɔ́ɔ̃ n fu, foo-busii ná a banban, zia ná a banban.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 7:19

Sonbore, Muizu a Dí-pɛn lɛn nə pàã kɔ minin la, ǹ nə́ sii kɔ́n zɛnaa, ǹ ná a lɛ pã wa. Sɛnɛ, wɔa foo-doa yɔrɔ bɛ́ dia-n màn mɛn la kanna, bɛ á soɛ wɔa lɛlɛ a foo-doa ǹ wɔ kɛ nɛ. Wɔ ǹ boe la, wɔ n mɔrɔ Lawa ganaa ka bɛ barka nɛ.

Zaaki 1:8

a giala, a gɔ́ɔ̃ n paa, a sii kɔ́n ba a giala la wa.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 3:21

Bɛa sii lɛ na á goã *batɛmu kɛ a kɔnboe lɛa. Bɛa batɛmu kɛ lɛ bie gɔ̀nɔn ganaa ǹ *gɔ̀ boe min-a wa, a n din kɔ Lawa la ka foo sonbore-n sii nyɛɛ. Lawa bɛ́ á Yezu Krita yii kaa á bɔ geren bii ke, a na á barka wɔ batɛmu kɛ nɛ, á n ka kirisibiɛ nɛ kanna.

Zaã1 3:3

Bɛa foo-doa kɛ miã bɛ́ min mɛn nɛ Krita a lɛa, bɛ nə n din *yoreen koe, ka Krita bɛ́ yoreen lɔn.

Samayeli1 14:35

Sayulu *wúlu bɔ ǹ bǎã dɔ Dɛnaa Lawa nɛ. Bɛ na á n baa Sayulu a wúlu bɔ ǹ bǎã bibinaa dɔ lɛa Dɛnaa Lawa nɛ.