Zaaki 4:10 - LAWA A BOO SONBORE

¹⁰ Ka n dinin gisĩ Dɛnaa giulun, á die ka mìi siɛ lon.

LAWA A BOO SONBORE 2011

¹⁰ Ka n dinin gisĩ Dɛnaa giulun, á die ka mìi siɛ lon.

Zaaki 4:10 ပူးပေါင်းရင်းမြစ်များ

KZS2 7:14

Maa zaman lɛ, ǹ mɛn lɛ bɛ́ má n tɔ da la, bɛ̀ á n din gisĩ má yɔrɔ-a, á ma nyankɔ, bɛ̀ á n gɔn bɔ a sii bɔbɔnɛɛ kɛ ganaa á ga ma li, ka bɛ nɛ, masɛ, lon sɔsɔɔ kɛ nɛ, ma á re n too koe a lon, ma a sii baraan toa nɛ, ma a gána a kɛbɔlɔn kɛn zɛnaa.

Zɔbu 22:29

Lawa n min baraan n sii yɔrɔ bɔn ziziɛ̃, sɛnɛ min mɛnɛn bɛ́ n dinin gisĩ, a n bɛn kirisibiɛ.

Zɔbu 5:11

A n din gisiĩ wolen siɛ lon, a n yɔrɔ kɔsiɛ wolen sii a ǹ yɔrɔ kaa.

Loen 113:7

A din nə pàãwɛɛnaa siɛ lon, a bɔ tii li, a doobaa kɛ saa lon, a bɔ yisi li.

Loen 147:6

Dɛnaa Lawa nə n doe nɔmaa-wɔlen lɛ, á nə́ ǹ siɛ ǹ diɛ lon. Min baraan kɛn, a n bɛn gisĩ yǎa tán.

Loen 27:6

Kanna, má boo maa zɔ́ɔn lɛn la, maa zɔ́ɔn kɛn lɛn ma lɛnpɛnɛ. Ma á boe la ma wúlu mànan kɔ Dɛnaa Lawa la ma foo n kɔɔ̃nɛ. Ma á boe la dɔn ma loe lɔ ma Dɛnaa Lawa tɔ bɔ nɛ.

Loen 28:9

N minin lɛn kirisibaa, n din wɔn lɛn gɛrɛsiɛ bɔ. N baa ǹ lɛduə̃li lɛa, n nə ǹ tamaa yǎa duduu.

Loen 30:1

Lawa a kion a zɔ́n loe. Davida a loe.

Bɔ bɛ̀rɛbaa nɛ 10:3

Muizu laanka Aarɔn woo wɔ Faarahɔn li, ǹ nə́ pɛ-n kɛnɛn: – Dɛnaa lɛ, Ebrəən Lawa lɛa, bɛ n kɛ pii: «N nə n die n piɛ̃ ka din gisiĩ-n masɛ Lawa yɔrɔ-a yǎa biĩ doo? A toa maa zaman lɛ soo, a wo dí nya ma nɛ.

Suusun 29:23

Min mɛn bɛ́ n din gole koe, bɛa dɛnaa á re boɛɛn koe. Sɛnɛ, min mɛn bɛ́ n din boɛɛn koe bɛa dɛnaa tɔ á re boe.

Ezekieli 21:26

Baabiloniin kii na á goã zii màn paa lɛ a sawaa kɔn-a ǹ bǎã nɛ, á n dí nyɛɛ giɛ sii giala li. A na á goã kiɛnɛn zuzuĩ lon, nɔ̀n didiɛ dìn la, gigiɛ màn foon ganaa.

Matiə 23:12

Min mɛn bɛ́ n din gole koe, bɛa dɛnaa n die kiɛɛrɛ koe. Min mɛn bɛ́ n din kiɛɛrɛ koe, bɛa dɛnaa á die golebaa yii.»

Luku 1:52

A n die kiin nyanɛɛ a ǹ bɔ ǹ kii dankan la, a din boɛɛn-kɔlen saa lon.

Luku 14:11

A giala min woo min, a tá n din siɛ lon, Lawa á re bɛ gisĩ, min mɛn bɛ́, n din boɛɛn koe, Lawa á re bɛ siɛ lon.

Luku 18:14

Yezu pɛ: «Man pii ka nɛ, bɛa wusuru-sili lɛ wusoo á woo piɛ ka peperebaa nɛ Lawa yɔrɔ-a, sɛnɛ, goon kɛ lɛ bɛ yɛ wa. A giala bɛ̀ min mɛn nə́ n din saa lon, ǹ tá re bɛa dɛnaa gisĩ, bɛ̀ min mɛn nə́ n din boɛɛn kɔ ǹ tá re bɛ siɛ lon.»

Piɛrɛ1 5:6

Bɛ lɛ taman yii, ka ka dinin boɛɛn kɔ Lawa pàãdɛnaa lɛ giulun, màn mɛn bɛ́ toɛ, a ka saa lon a kɔnpɛ a biikoo ne.

Samayeli1 2:7

Dɛnaa Lawa din ni min biɛ doobaa lɛa a din ni min dɔ biɛ pàãma lɛa. A din ni min kiɛɛrɛ koe a din dɔ n min siɛ lɔn.

Samayeli1 2:9

Min mɛnɛn bɛ́ a wɔn lɛa, a n bɛn tamaɛ, sɛnɛ sii baraa-zɛnaalin man papaɛ̃ wɔlɔ tì li. A giala, minbuiin nɛ ba boe la a gɔ̀lɔ̀ baa ka a din pàã-n wa.