Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zaaki 3:17 - LAWA A BOO SONBORE

17 Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

အခန်းကိုကြည့်ပါ။ ကော်ပီ

LAWA A BOO SONBORE 2011

17 Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

အခန်းကိုကြည့်ပါ။ ကော်ပီ




Zaaki 3:17
63 ပူးပေါင်းရင်းမြစ်များ  

Á ke, n màn mɛn nyankɔ, masɛ n die bɛ zɛnɛɛ: Sii-doɛ̃ laanka yiridɛnaabaa mɛn bɛ́ min ná a tɔn yɛ n nyɛɛnɛ á kiɛ̃ wa, min ná a die yii n kio dɔn wa, man die bɛ koe n la.


Kii lɛ kiri mɛn kuru, Izirayeli kuturu bɛ boo ma. Ǹ nə́ kii lɛ yii guguru kɔ, a giala, ǹ nə́ dɔ̃ mà Lawa na á yiri kɔ Salomɔn la mà a sii yɔrɔ bɔ nɛ.


Bɛ lɛ nɛ, sii giala ma ǹ yiri kɔ n dí-nyali lɛ la, màn mɛn bɛ́ toɛ a nə n zaman lɛ a sii yɔrɔ bɔ nɛ, a sii baraa laanka sii bǐɛ̃ bɔkɔnlɛ dɔ̃. Bɛ bie wa, die n boe la a n zaman lɛ nyɛɛnaan bɔ, bɛa zaman didi kɛ lɛ?»


Lawa nə n yiri fulu, a sii-doɛ̃ kɔ n la, màn mɛn bɛ toɛ n kɔ Dɛnaa Lawa a dí-pɛn kɛn lɛ, bɛ̀ á n koa Izirayeli mìi la á pàã kɔ n la.


Á ke, nɛgiĩ á re yii n la, bɛ lɛ n die goɛ̃ là nyantoro min lɛa. Ma á re là nyantoro diɛ a bii ka zɔ́ɔn mɛnɛn tumaa bɛ́ a lɛnpɛnɛ. A tɔ n die goɛ̃ Salomɔn. Man die là nyantoro ka yii nyɛɛ koe Izirayeli la a yiikoonaabaa tumaa gɔ́ɔ̃ nɛ.


Sɛnɛ, sii-doɛ̃ ke, min nə bɛ yii maa? Yiridɛnaabaa ke, bɛ n yii bǎã mɛn nɛ?


Sɛnɛ, Lawa dinsɔɔ̃ na a kiɛ̃ ǹ zii doɛ̃, a dinsɔɔ̃ na a giã ǹ bǎã doɛ̃.


Bɛ kio á tɔ́n pɛ minbuiin nɛ nɛ: «N nyɛ́ɛ baa Dɛnaa Lawa nɛ, bɛ lɛ n sii-doɛ̃ lɛa, n nə n nyɛnaa sii baraa nɛ, bɛ n yiridɛnaabaa lɛa.»


Muizu lɛ dia Besaleli la ka Oholiabu ni, ka minin kɛn lɛn tumaa nɛ, Dɛnaa sii-doɛ̃ kɔ ǹ la. Ǹ tumaa nɛ, ǹ nə́ n dinin kɔ dín kɛn lɛn lɛa.


Hiĩ, Dɛnaa Lawa din nə sii-doɛ̃ koe. Sii-doɛ̃ laanka yiri n boe a din li.


A din nə die kiri-kuruli biɛ tɔrɔn bii. Á re tɔrɔ gigiã a waa kɔn wole biɛ. Ǹ ziabaa ǹ gɔya san kɛn, ǹ tá re bɛn biɛ kán nànan lɛa. Ǹ sɛ̀miɛ̃n kɛn, ǹ tá re bɛn biɛ sɛǹ gɔyan lɛa. Gánan ba re gɔya san goɛ kɔn li doo wa, min ba re n darɛɛ ziabaa-a doo wa.


A giala, baãnaa n baãnaabaa ǹ boo diɛ. A nə n taasɛ sii baraa zɛnaa dinsɔɔ̃ ganaa. A n sii bɔbɔnɛɛn zɛnɛɛ. A n sɔ koe Dɛnaa Lawa ganaa. A ba màn-bii koe bòonaa la wa, A ba mu koe mu borodɛnaa la wa.


Ká tɔɔn-lɛduə̃li bɛ́ lɔn, a na a tɔɔn lɛduĩ. Bɛ̀ á n gɔn saa ǹ li, maǹ nə n lɛ soekɔn. A n sère nɛn guĩ a kolɔn. Sere daanan mɛnɛn bɛ́ nɛn nə́ ǹ kio, a n woe bɛn nɛ sɛlɛlɛ.»


A bɛ́ miɛ̃, masɛ n die Izirayeli a zaman tumaa kɛ yii soe ka ganaa, ǹ ka pɔpɔsɛ, ǹ sìi da ka-a, a giala ka a ma foo sii zɛnɛɛ wa, ka n kun paǹ goon ne ka paǹ goon toa wolan maa laanda siin wɔ paǹ li.


A n die die a yisi boe ka *gɔ̀ nɛ, ká ǹ bɛ́ sana laanka wɔrɔ yoe bɛ̀ ǹ na a yoreen kɔ lɔn. *Levii tɔrɔn kɛn Lawa a wúlu-bɔlen lɛa, á re ǹ tumaa yoreen koe. Bɛn tá re ǹ *wúlu mànan koe Dɛnaa Lawa la a zii li.


Ka dɔn man miɛ̃. Ka nə n dinin biɛ min sonboren lɛa minin yɔrɔ-a, sɛnɛ, ka gɔ́ɔ̃ piɛ̃maa-n ka sii-duriin laanka sii baraan nɛ.


Min mɛnɛn gɔ́ɔ̃ bɛ́ fu, Lawa á re barka diɛ bɛn ganaa, a giala ǹ tá re Lawa yii!


Min mɛnɛn bɛ́ dí nyɛɛ là nyantoro a lɛa, Lawa á re barka diɛ bɛn ganaa, a giala ǹ tá re ǹ bíi Lawa a nɛnyaanan!


A giala, masɛ dinmaa lɛ n die boo koe ka la, kaa zɔ́ɔ kɔ́n ná a ba boe la a bɛ liere kɔ wa, masɛ n die yiridɛnaabaa dɔ koe ka la, kaa zɔ́ɔ kɔ́n ná a ba boe la a kaa boo kìi yiɛ wa.


Ka makara bɔ kɔn-a, ka kaa Díi Lawa bɛ́ makara doɛ̃ lɔn.


Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.


Yezu ga Natanayeli ganaa die a li, á tɔ́n pɛ a wɔ gɔn la: «Izirayeli min taãn goon nə́ ke, kɔkɔrɔbaa ná a ba a wɔlɔ li wa.»


Sonbore, Barnabaasi lɛ na á goã min pepere lɛa, Lawa a Yiri Fu n la, golee Lawa li dɔ ná a lon. Bɛa yɔrɔ kɛ lɛ la, zaman gole kaa kun ka Lawa-nyankɔlen lɛn nɛ, ǹ nə́ golee Dɛnaa li.


Lɔ goon na á goã Zoopee kiwi, a na á goã Lawa-nyankɔle lɛa, a tɔ n Tabita, ka Grɛki bɔlɔ nɛ mà Dɔrkaasi, bɛ giala mà "Wore". Á goã zɛnaa ǹ sii sonboren zɛnɛɛ parsiini, á goã doobaan dɔn goe ka màn nɛ.


Bɛ̀ á boe la a n zɛnaa, bɛ̀ a bɔ ka dinin li wa, ka n doa là nyantoro goã ka bii ka min tumaa nɛ.


Ka toa kaa kɔn-narɛɛ goã kɔn-narɛɛ taãn lɛa, a baran goã bɔlɔ papaa pɛ ǹ kɔn-narɛɛ lɛa wa. Ka baraabaa toa walan, ka ga bǐɛ̃ zɛnaa li parsiini.


Masɛ dinmaa waa la, máa ka á sii sonbore zɛnɛɛ, haalɛ ta ma yiri kɔ ka la dinin wa. Ka á Lawa dùũ sii doɛ̃, bɛ lɛ taman yii ni, ka á boe la ka á yiri koe kɔn la.


Yiri Fu lɛ n boo da ka sii-doɛ̃-n koe min la, a boo da ka màn doɛ̃-n kɔ min kɔsɔ la.


Masɛ Pooli dinmaa n kɛ pii ka nɛ, masɛ mɛn bɛ́, ǹ nə pii mà bɛ̀ ma á ka li, mà man min basiɛ̃ lɛa, sɛnɛ, mà bɛ̀ ma a ka li wa, mà man kakaarɛ ka ganaa. Man ka nyankoe ka *Krita a foo basiɛ̃ laanka a sonborebaa nɛ.


Man maa Lawa a dí-nyalibaa nyɛɛ ka maa *yoreenbaa nɛ, maa màn-doɛ̃ nɛ, ka maa foo-kũ ni, ka maa min bǐɛ̃baa nɛ. Man nyɛɛ dɔn ka Yiri Fu pàã nɛ, ka maa minin narɛ taãn-taãn nɛ,


Foo-ziziɛ̃ mɛn ka yɛ, Lawa dí mɛn nya ka bɛ nɛ, ka yii tá a sii-zɛnaa ganaa kanna! Ka yii tá a ganaa, bɛa foo-ziziɛ̃ kɛ lɛ na á toa, ka n we yii sii kɛ lɛ a zɛnaali li, ka yii kakabaa nɛ, ka kaa zia gii si nyaa! Foo-yoo baraa mɛn goã ka nɛ, sii lɛ a zɛnaali wɔ paǹ li! Ka nyɛ́ɛ mɛn baa masɛ a foo-yoo ne! Wɔa wusoo a kɔn yɛ ǹ foo mɛn goã ka nɛ! Din kɔ sii ganaa mɛn goã ka nɛ, ká dɔlɔ bɔ sii baraa-zɛnaali lɛ ganaa! Ka ǹ ká nyaa ka bɛ lɛ tumaa nɛ, mà ka gii ba sii baraa kɛ lɛ-n wa.


Lawa mɛn bɛ́ màn tɔrɔ koe màn-dali la, ka màn-bii ni mà a n din too ne, á re màn tɔrɔ tumaa koe ka la, ka dinin laadoo yii li, a na a bulu bɔ, ń giɛ kaa bǐɛ̃baa ǹ foo kɛ á sii gigiã zɛnɛɛ.


Wɔlɔ fúlu bɛ́ sii mɛn koe, bɛ n ka min bǐɛ̃baa nɛ, peperebaa nɛ, ka sonbore ne.


Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.


Bɛ din tumaa kio kəni, ma dɔɔ̃nɔn lɛn, ka n yiri doa sii bǐɛ̃ ganaa, a n tɔ bɔ ǹ sii lɛa: ǹ mɛn bɛ́ taãn lɛa, guguru-kɔ ná a nɛ, a n pepere, *yoreen ne, a n kɔɔ̃nɛ, zín ná a nɛ.


Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.


Wɔ bɛ́ *Krita a dia dí-a wolen lɛa, wɔ á boe la wɔ sii kɔ́n da ka mìi ni yǎa ka zɛnɛɛ wɔ nɛ. Sɛnɛ, wɔ n wɔ́ goã ka bii basiɛ̃nɛ a tɔ-a, ka nɛ ǹ dan bɛ́ a nɛnyaanan tamaɛ lɔn.


Man boo kɛ pii n ni, ma á laɛ n ganaa, Lawa laanka Yezu Krita yɔrɔ-a, ka Lawa a lon a dia dí-a wole sonboren ne, máa n kɔ bɛa doroon kɛn lɛn lɛ. N baran ǹ kɔn soɛ kɔ ǹ miã-n wa, n baran minin bɔkɔnlɛ dɔ wɔ sii kɔ́n gɔ́ɔ̃-n wa.


A giala, Dɛnaa a dí-nyali doamaa bie a goã zia-dali lɛa wa. A foo doamaa nɛ a goã basiɛ̃-n min tumaa wɔ paǹ li. A doamaa nɛ a boo minin daraa la, á n sii sii a ganaa.


Min mɛnɛn bɛ́ *yoreen ne, màn tumaa n yoreen bɛn gɔn. Sɛnɛ, min mɛnɛn bɛ́ gɔgɔrɛ, ǹ nə́ ǹ ba lɛ koe goleemali dɔ ganaa wa, màn kɔ́n ba yoreen bɛn gɔn wa. A giala, mà gɔgɔrɛbaa nə́ ǹ yiri tã, á ǹ taasiɛ dɔ si.


Mà ǹ nyan boo baraa da min kɔ́n ganaa wa, ǹ nə n bɔ zia wɔlɔ li. A pɛ ǹ nɛ, mà ǹ nə n dinin nyaa yiri koa minin li wolen lɛa, ǹ nə ǹ min basiɛ̃baa nyaa min tumaa wɔ paǹ li biikoo tumaa li.


Dɛ a doroo din tumaa, a bǎã nɛ, a nyɛnyɛɛ diɛ wa, a n yɔrɔ-kɔsiɛ diɛ. Sɛnɛ bɛ kio, min mɛnɛn nə doroo lɛ yɛ, a là n goɛ̃ ka là nyantoro laanka peperebaa nɛ bɛn ganaa.


Ka n doa ka ga là nyantoro li ka bii ni, ka min din tumaa nɛ, ka *yoreenbaa nɛ. Bɛ̀ bɛ gòɛ̃ ba a-n wa, min kɔ́n ba Dɛnaa yii wa.


Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.


Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.


Min mɛnɛn bɛ́ ǹ nə ǹ miãn makara dɔ̃ wa, bɛ̀ Lawa á die kiri kuri bɛn la ǹ mɛn pinaa, a die ǹ dɔn makara doɛ̃ wa. Makara-doɛ̃ á kiri siɛ a bɔ min la.


bɛ gɔ́ɔ̃ nɛ, ka bie ka bɔkɔnlɛ wɔ ka dinin bii wa? Ka bie ka kiri kuru ka taasiɛ babaraa-n wa?


Bɛa sii-doɛ̃ kɛ tɔrɔ bie boe lon a Lawa li wa: kanaa minbuiinin dinin sii-doɛ̃ n ka bɛ nɛ, *Sɛtaan nə́ koe ǹ la.


Ka n mɔrɔ Lawa ganaa, a dɔ á die n mɔrɛ ka dɔn ganaa. Sii baraa-zɛnaalin lɛn, ka n gɔn pii ka bɔ sii baraa nɛ. Gɔ́ɔ̃ paa dɛnan lɛn, ka n gɔ́ɔ̃ kaa dɛ!


Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.


Haya, ka baraabaa tɔrɔ tumaa kaa, ka soɛ tɔrɔ tumaa nɛ, ká bɔlɔ paa pɛ tɔrɔ tumaa nɛ. Ka foo wuu pɛ kaa, ká kɔn tɔ ziziɛ̃ nɛ.


Bɛ̀rɛn lɛn, ka kaa dɛnaagiĩn bɔlɔ si ka nyɛ́ɛbaa ma yii-n gole ne. Ka baran a sonboren laanka a basiɛ̃ wolen dininsɔɔ̃nɔn bɔlɔ si wa, ka a kakaarɛn dɔn bɔlɔ si.


Maa nɛnyaanan lɛn, a kɔnboe wɔa kɔn-narɛɛ lɛ goã lɛ gɔ́ɔ̃ ǹ boon dininsɔɔ̃nɔn lɛa wa, a n siĩni, a goã kɔn-narɛɛ taãn lɛa, n nyɛɛ ka sii-zɛnaan nɛ.


Bɛa foo-doa kɛ miã bɛ́ min mɛn nɛ Krita a lɛa, bɛ nə n din *yoreen koe, ka Krita bɛ́ yoreen lɔn.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ