Zaaki 3:15 - LAWA A BOO SONBORE

¹⁵ Bɛa sii-doɛ̃ kɛ tɔrɔ bie boe lon a Lawa li wa: kanaa minbuiinin dinin sii-doɛ̃ n ka bɛ nɛ, *Sɛtaan nə́ koe ǹ la.

LAWA A BOO SONBORE 2011

¹⁵ Bɛa sii-doɛ̃ kɛ tɔrɔ bie boe lon a Lawa li wa: kanaa minbuiinin dinin sii-doɛ̃ n ka bɛ nɛ, *Sɛtaan nə́ koe ǹ la.

Zaaki 3:15 ပူးပေါင်းရင်းမြစ်များ

Samayeli2 13:3

Amnɔn a giaára goon goã a tɔ n Zonaadaabu. Davida n gologiĩ Simeya a nɛgiĩ ni. Zonaadaabu na á goã min lɛa, a yiri n wooro parsiini.

Samayeli2 15:31

Ǹ nə́ pɛ Davida nɛ, mà Ayitofɛli giala á kun ka Abusalɔn nɛ, piã-wɔlen lɛn bii. Bɛ lɛ nɛ, Davida tɔ́n pɛ: «Dɛnaa Lawa, bǐɛ̃ kɔ n Ayitofɛli a minin doroo ǹ boon kɛn baa baãnaa baa ǹ boon lɛa.»

Samayeli2 16:23

Ayitofɛli goã doro ǹ boon mɛnɛn koe bɛa biikoo li, minin màn nə́ goã ǹ sii ka Lawa dinmaa na á ǹ pɛ. Ayitofɛli a minin doro ǹ boon lɛn tumaa na á goã miɛ̃. Ta a nə ǹ koe Davida la, ta a nə n koe Abusalɔn la, a din goon ne.

Zeremii 4:22

Dɛnaa Lawa pɛ: Maa zaman lɛ a sii doɛ̃ wa, a ba ma doɛ̃ wa. Maǹ nɛnyaanan lɛa, ǹ ba n taasɛ wa, ǹ ba sii kɔn giala miɛ wa. Ǹ tá kɔn doɛ̃ ka sii baraa zɛnaa nɛ, sɛnɛ, ǹ ba kɔn doɛ̃ ka bǐɛ̃-n wa.

Luku 16:8

Goledɛnaa lɛ dí mìilandɛnaa sii kɔkɔrɔ-zɛnaali kɛ lɛ para pɛ, a giala mà á dí nya ka yiridɛnaabaa nɛ. Sonbore, min mɛnɛn bɛ́ kanaa kɛ lɛ wɔn lɛa, bɛn man yiri boe ǹ sii zɛnaan gɔ́ɔ̃ nɛ ǹ dinin biin ni á la tɛ fúlu nɛn kɛn manɛ.

Zaã a sɛ́wɔ 3:17

Lawa bie a ná a Nɛgiĩ lɛ dia kanaa gɔ́ɔ̃ nɛ, mà a da kiri wɔ kanaa minin ganaa wa, sɛnɛ, a na á dia mà a da ǹ kirisibaa.

Zaã a sɛ́wɔ 8:44

Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.

Nya ǹ dín 13:10

á pɛ nɛ: «*Sɛtaan min ni, yiri tá n lon n nə́ sii kɔkɔrɔ tɔrɔ tumaa zɛnɛɛ nɛ, n ba lɛ koe sii pepere kɔ́n zɛnaa ganaa wa. N ba Dɛnaa a sii yɔrɔ bɔn kɛn sàabaa lɛ diɛ wa?

Rɔmu minin 1:22

Maǹ nə́ goã n dinin biɛ màn-dɔ̃lin lɛa, a da yaa sonbore, maǹ gàãnaan lɛa.

Korɛnti1 1:27

Sɛnɛ, min mɛnɛn bɛ́ gàãnaan lɛa kanaa minin yɔrɔ-a, Lawa na á bɛn lɛn bɔ, á sìi diɛ kanaa a sii-dɔ̃lin ganaa nɛ; min mɛnɛn bɛ́ pàãwɛɛnaan lɛa, Lawa na á bɛn lɛn bɔ, á sìi diɛ kanaa a pàãdɛnan ganaa nɛ.

Korɛnti1 2:14

Lawa a Yiri Fu bɛ́ a ba min mɛn lon wa, bɛa boe la a lɛ kɔ Yiri Fu a boo taãnan ganaa wa. A n gàãnaabaa lɛa ǹ dɛnaa yii li, a boe la a tá a giala miɛ wa, a giala, Yiri Fu dinsɔɔ̃ n boe la á sii a bɔkɔnlɛ doɛ̃.

Korɛnti1 3:19

A giala, kanaa kɛ a sii-doɛ̃ n gàãnaabaa lɛa Lawa yii li. Taãn nɛ, ka a n pɛ Lawa a sɛ́wɔ-n lɔn, «Sii-dɔ̃lin sii-zɛnaan bɛ́ kan mɛn koe, Lawa n die ǹ kuĩ ka bɛa kan lɛ-n gɔrɔ.»

Korɛnti1 3:3

Bɛ n nyɛɛ mà ka n tɔn sii zɛnɛɛ, ka ga kanaa foo sii li wolen wɔ bɛ́ lɔn. Màn mɛn toa foo wuu-pɛn laanka zian tá tɔn ka bii, bɛ n nyɛɛ mà ka n ga kanaa foo sii li wolen lɛa, ka n tɔn sii zɛnɛɛ ka minbuiinbaa ǹ sii bɛ́ lɔn.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Korɛnti2 11:3

Sɛnɛ, nyɛ́ɛ tá ma ganaa, máa ka yiri á die ziziɛ̃, ka miɛ̃ bɛ́ á Ɛvu yiri sã ka soɛ-n lɔn. Doa-kɔn sonbore *yoreen mɛn bɛ́ ka bii ka Krita nɛ, ma ba li máa ka n na, ka n bɔ bɛ ganaa wa.

Filipi minin 3:19

Ǹ giala-nyɔmɔɔ á re ziziɛ̃, a giala, mà ǹ gɔ̀nɔn foo sii mànan manə ǹ Lawa lɛa. Sii mɛn doamaa bɛ́ a sìi da ǹ ganaa, manə n dinin koɛ ka bɛ nɛ, ǹ nə́ taasiɛ we kanaa kɛ a mànan dininsɔɔ̃nɔn ganaa.

Tesaloniki2 2:9

Lawa a Zɔ́ɔ lɛ n die die ka *Sɛtaan pàã nɛ, á re kaãbaa ǹ sii kaka tɔrɔ tumaa zɛnɛɛ a minin yiri sã nɛ.

Timote1 4:1

Yiri Fu n pii foaãnɛ, mà lɛawaan mɛnɛn bɛ́ die, mà minin tɛnɛn tá re n piɛ̃ ka Lawa a zii tɔ-wɔ nɛ. Mà ǹ tá re n parɛɛ yiri sã ǹ boon ganaa, ka nɔ̀ɔnɔn minin daraa ǹ boon ne.

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaaki 1:5

Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Zude 1:19

Bɛa soɛ-bɔlen kɛn lɛn man toɛ̃-kɔn we minin bii. Ǹ dinin dùũ babaraa kɛ nə ǹ sii tumaa mìi la, Yiri Fu ba ǹ li wa.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 2:24

«Sɛnɛ, kasɛn Tiatiirin Lawa a sɔmɔ min gialakunun nə́ goã doa-n kɔn ka minin daraa ǹ yiri baraa kɛ-n wa. Minin kɛn bɛ́ mànan mɛnɛn bíi Sɛtaan a sii-durii zuzulun, kasɛn nə n daraa bɛn ganaa wa. Man pii ka nɛ, máa ma a re sii kɔsɔ diɛ kasɛn mìi-n doo wa.

Sii-nyaan 9:11

Min mɛn bɛ́ nɔmaa ǹ nyankɔrɔ zuzulu lɛduĩ, bɛ nə ǹ kii lɛa, á ǹ nyɛɛnaan sa boe. Maǹ bíi "Minin-Ziziɛ̃li", *Ebrəə bɔlɔ nɛ, maǹ bíi "Abadɔn", Grɛki bɔlɔ nɛ, maǹ bíi "Apoliɔn".