Zaaki 3:14 - LAWA A BOO SONBORE

¹⁴ Sɛnɛ, bɛ̀ foo a wuu pɛ babaraa laanka zɔɔ̃ kɔn-a ǹ taasiɛ ka gɔ́ɔ̃ pã, ka nyan soɛ bɔ ka n dinin baa sii doɛ̃ wolen lɛa, a da yaa sonbore ná a ba ka lon wa.

LAWA A BOO SONBORE 2011

¹⁴ Sɛnɛ, bɛ̀ foo a wuu pɛ babaraa laanka zɔɔ̃ kɔn-a ǹ taasiɛ ka gɔ́ɔ̃ pã, ka nyan soɛ bɔ ka n dinin baa sii doɛ̃ wolen lɛa, a da yaa sonbore ná a ba ka lon wa.

Zaaki 3:14 ပူးပေါင်းရင်းမြစ်များ

Siin Giala 37:11

Ǹ golon lɛn nə́ baa zɔ́ɔ, sɛnɛ, ǹ di lɛ bɛa sii lɛ koa a yiri ni.

Siin Giala 38:9

Sɛnɛ, Onan bɛ́ doɛ̃ mà nɛ lɛ ba re asɛ wɔ biɛ wa, bɛ̀ á woo giã kun ka ǹ gologiĩ a lɔ lɛ nɛ ǹ mɛn waáraa, bɛ̀ á dɔ̃ mà asɛ kíi á die, a n toɛ bɛ̀ a kaa tán, màn mɛn bɛ́ toɛ, a baran ǹ gologiĩ lɛ tɔrɔ yɛ wa.

Kiin2 10:16

á pɛ nɛ: «Da kun ka masɛ nɛ, n masɛ a gɔ̀nɔn da ma din-a kɛ yɛ Dɛnaa Lawa a sii wɔ paǹ li.» Bɛ kio, Zewu tɔ́n kiɛ̃ ka Zonaadaabu ni a wotoro lɛ la, á woo ne.

Kiin2 10:31

Sɛnɛ, Zewu nə n din tamaa á Izirayeli a Lawa, Dɛnaa Lawa lɛ a dí-pɛ zii tɔ wɔ ka a foo din tumaa-n wa. Zeroboamu goã á Izirayeli minin kaa sii baraan mɛnɛn zɛnaa ganaa, Zewu nə n bɔ bɛn wɔlɔ li wa.

Zɔbu 5:2

Foo-yoo n yiriwɛɛnaa dii, foo a wuu-pɛ n baãnaa dii.

Suusun 14:30

Yiri mɛn bɛ́ waa nɛ, bɛ n là nyantoro koe. Sɛnɛ foo wuu pɛ n tɛ lɛa min kuĩ.

Suusun 27:4

Kakaarɛbaa n nyɛ́ɛ da ǹ sii lɛa. Foo yoo n ka tà bɛ́ lɔn á pã á pisi. Die n boe la a gole foo yoo nyɛɛnɛ.

Izayii 11:13

Bɛa waáraa kəni, Efrayimu gána a foo wuu pɛ á re nyɛɛ. Zudaa gána a zɔ́ɔn tá re bɔ̀n biɛ. Efrayimu gána foo a re wuu pii Zudaa gána li doo wa. Zudaa gána a re Efrayimu gána biɛ zɔ́ɔ doo wa.

Abakuku 1:3

Wàa na á baa n tá toɛ ma yii á sii baraa yii? Wàa na á baa n yii á wɔa fuu ganaa, n nə́ n ba sii zɛnɛɛ dɔn wa? Bǎã tumaa nɛ, minin man kokoo we, ǹ nə́ kakaarɛbaa zɛnɛɛ. Kiri laanka zia n bǎã tumaa nɛ.

Matiə 27:18

A giala Pilati dɔ̃ parsiini, mà foo a wuu pɛ na á toa ǹ nə́ Yezu wɔ asɛ gɔn.

Zaã a sɛ́wɔ 16:2

Ǹ tá re ka lui ǹ ka bɔ lɛsɔkɔn kionən ne. Biikoo kɔ́n tá re die dinin, min mɛnɛn bɛ́ ka dii ka gã, bɛa minin lɛn tá re taasɛ, mà ǹsɛn man dí nyɛɛ Lawa nɛ bɛa yɔrɔ kɛ lɛ la.

Nya ǹ dín 13:45

Zuifun bɛ́ ǹ nə́ bɛa zaman kɛ lɛ yɛ, busii wɔ ǹ foo-n parsiini, ǹ ná a giala kɔ ǹ tá Pooli a boo tumaa lɛ sii ka sɔ nɛ.

Nya ǹ dín 26:9

Masɛ dinmaa lɛ n má goã taasɛ, máa ma doamaa nɛ man doa ka yɔrɔ din tumaa nɛ, ma zia da Yezu tɔ kɛ lɛ a goleemali wolen ganaa.

Nya ǹ dín 5:17

Bɛa siin kɛn lɛn zɛnaa gɔ́ɔ̃ nɛ, Lawa a Kion wúlu-bɔlen kiã foo yoo, kun ka *Sadusɛɛ̃n lɛsɔkɔn minin kɛn tumaa nɛ a tá kun wolen lɛa. Ǹ nə́ pɛ mà yǎa ǹsɛn nə yui ǹ sii zɛnɛɛ.

Nya ǹ dín 7:9

Foo wuu pɛ a lɛa, bɛa digolon kɛn lɛn nə́ ǹ diɛ̃ Zozɛfu sã minin la, bɛn nə́ woo ne Ezipti gána nɛ. Sɛnɛ, Lawa goã kun ka Zozɛfu ni.

Rɔmu minin 1:29

Ǹ piɛ̃maa-n ka kɔkɔrɔbaa laanka sii baraa tɔrɔ tumaa nɛ. Ǹ foo n wuu pii, ǹ dinin dɔn man baraa. Maǹ minin bebele, maǹ zia diɛ, maǹ gɛ̀ dii. Maǹ gɔn diɛ ǹ miãn ganaa. Maǹ boo baraa diɛ kɔn kio ganaa,

Rɔmu minin 13:13

Ka daa wɔ tɔ pepere wɔ, ka wɔlɔ fúlu minin bɛ́ zɛnɛɛ lɔn. Ka daa wɔ n parabaa ka màn dadaran bii laanka yɔ mii baraa nɛ, ka naarɛbaa laanka kɔkɔrɔbaa nɛ, ka zia laanka foo a wuu pɛ minin li ni.

Rɔmu minin 2:17

A n lɔn kəni, nsɛ kɛ lɛ Zuifu tɔ nə n ganaa? Lawa a dí-pɛn tá ka li, n tá n gòãn koɛ bɛ la, n tá n din dɔ gole koe n Lawa a lɛa.

Rɔmu minin 2:8

Sɛnɛ, min gialakunun kɛn, Lawa á re a foo-busii gole kɛ nyɛɛ bɛn manɛ, min mɛnɛn bɛ́ n taasɛ ka ǹ dinin sii dinsɔɔ̃ nɛ, ǹ ba koe sonbore lɛ wa yǎa kɔkɔrɔbaa.

Korɛnti1 13:4

Kɔn-narɛɛ n toɛ min nə n foo kũ, a sii n kɔɔ̃nɛ, a yii ná a mimini wa. A toɛ min nə n din kalaa wa, a toɛ a n din koa wa.

Korɛnti1 3:3

Bɛ n nyɛɛ mà ka n tɔn sii zɛnɛɛ, ka ga kanaa foo sii li wolen wɔ bɛ́ lɔn. Màn mɛn toa foo wuu-pɛn laanka zian tá tɔn ka bii, bɛ n nyɛɛ mà ka n ga kanaa foo sii li wolen lɛa, ka n tɔn sii zɛnɛɛ ka minbuiinbaa ǹ sii bɛ́ lɔn.

Korɛnti1 5:2

Ka n tɔn piɛ̃-n ka din-koa nɛ! A n kɔnboe ka pã ka foo-ziziɛ̃ nɛ. Min mɛn bɛ́ á sii kɛ lɛ zɛnaa, bɛ̀ ka doamaa nɛ ka bɛ loo ka bɔ ka bii.

Korɛnti1 5:6

Kaa din-koa kɛ lɛ a siĩn wa! Ka tumaa suusu kɛ ma mà yɔ bù boɛɛn nə toɛ buuru yia tumaa yoo.

Korɛnti2 12:20

Nyɛ́ɛ n ma ganaa, máa kɔntan ma a re die ka yiɛ, ka ma bɛ́ giɛ li lɔn wa, ka dɔn nə́ ka a re ma yii, ka ka bɛ́ giɛ li lɔn wa. Nyɛ́ɛ n ma ganaa, máa ma nyan da yaa bɛ̀ zian tá ka bii, ka foo wuu-pɛ nɛ, foo-yoo ne, ka miã lɔ zuũbaa nɛ, sɔ-kaa kɔn la nɛ, ka boo giməə da kɔn ganaa nɛ, din-koa nɛ, ka sii-lɔlɔkɔn nɛ.

Galaasi minin 5:15

Sɛnɛ, bɛ̀ ka á sɔndoe kɔn ganaa ka n kɔn soɛ̃, ka yiri bɔ. Bɛ bie wa, ka n die kɔn ziziɛ̃.

Galaasi minin 5:20

dì wúlu bɔ nɛ, ka dagòã si ni. Minbuiinin man zɔ́ɔbaa we kɔn ganaa, ǹ nə́ zian diɛ kɔn ganaa, ǹ foo n wuu pii, foo-yoo la ǹ yii ni, ka miã lɔ zuũbaa nɛ. Maǹ nə n niniɛ kɔn tanlɛ tanlɛ, ǹ nə́ kurun lɛa yɔ boe kɔn ganaa.

Galaasi minin 5:21

Maǹ yii bɔ miãn gɔn màn li wolen lɛa, ǹ nə́ n dinin koe yɔ mi á la yii-n la, ǹ nə́ basaã-kɔlen lɛa, ka bɛ miã sii kɔsɔn dɔn nɛ. Man wusii ka yiri diɛ a-n kanna doo, ka ma bɛ́ má pɛ ka-n lɔn lɛlɛ, máa bɛ miã min kɛ kɔ́n ba *Lawa a kiibaa ǹ bǎã yii kíɛ̃ lɛa wa.

Galaasi minin 5:26

Wɔ nyan din-koalin baa wa. Ga kɔn lɛ li nyan goã wɔ bii wa, yii bɔ kɔn gɔn màn li dɔ nyan goã wa.

Galaasi minin 6:13

A giala, ǹ dinin mɛnɛn bɛ́ n kuri, ǹ ba dí-pɛn lɛsii wa. Bɛ din tumaa kio, maǹ zoɛ̃ mà ǹ ka kaa kurii ganaa, màn mɛn bɛ́ toɛ, ǹ nyaǹ mɛn da ka gɔ̀nɔn ganaa, ǹ nə n dinin laakalaa bɛa lɛa.

Filipi minin 1:15

Taãn nɛ, ǹ tɛnɛn tá ǹ bii, ǹ nə́ Krita boo diɛ ka foo a wuu pɛ nɛ, ǹ nə́ giɛ zia li; sɛnɛ, ǹ tɛnɛn dɔn tá Krita boo lɛ diɛ ka taasiɛ sonbore ne.

Filipi minin 2:3

Ka baran sii kɔ́n zɛnaa ka foo a wuu-pɛ nɛ, ka din gole kɔ-n wa. Sɛnɛ, ka n dinin boɛɛn kɔ, ka min kɔsɔn pɛsã kɔ ka dinin manɛ.

Timote1 2:4

Asɛ lɛ n giɛ li, mà minbuiin din tumaa kirisibaa, ǹ boo la ǹ sonbore dɔ̃.

Timote1 6:4

Bɛa minin kɛn lɛn din gole kɔ la yii ni, ǹ ba màn kɔ́n doɛ̃ wa. Liere gengeleen kɔ n kɔɔ̃nɛ ǹ ganaa, ka kɔn lɛ babaã boon ganaa nɛ. Bɛ lɛ n die ka foo wuu-pɛ nɛ, ka mɛ-kɔn ganaa nɛ, sɔ kaa-kɔn la laanka kɔn da-kɔn gɔ́ɔ̃-n nɛ,

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Zaaki 1:18

A na á kɔɔ̃n kɔ Lawa ganaa, a yiikoonaabaa dii kɔ wɔ la ka boo sonbore kɛ barka nɛ, màn mɛn bɛ́ toɛ, a bɛ́ re min kɔsɔn mɛnɛn dɔn yii miɛ̃, wɔ bɛn nyɛɛnaandɛnan baa.

Zaaki 3:16

A giala, foo a wuu pɛ laanka zɔɔ̃ kɔn-a bɛ́ bǎã mɛn nɛ, sii lɔlɔkɔn-a laanka sii bɔnɛɛ tɔrɔ tumaa dɔ n walan.

Zaaki 5:19

Ma dɔɔ̃nɔn lɛn, bɛ̀ min mɛn sonbore zii da, bɛ̀ min kɔsɔ nə́ ǹ dɛnaa da zii sonbore la,