Zaaki 3:10 - LAWA A BOO SONBORE

¹⁰ Boo bǐɛ̃ laanka a baraa nɛ, ǹ tumaa n boe a din lɛ goon kɛ lɛ nɛ. Ma dɔɔ̃nɔn lɛn, a siĩni a n baa miɛ̃ wa.

LAWA A BOO SONBORE 2011

¹⁰ Boo bǐɛ̃ laanka a baraa nɛ, ǹ tumaa n boe a din lɛ goon kɛ lɛ nɛ. Ma dɔɔ̃nɔn lɛn, a siĩni a n baa miɛ̃ wa.

Zaaki 3:10 ပူးပေါင်းရင်းမြစ်များ

Siin Giala 20:9

Bɛ kio, Abimelɛki Abrahamu bíi, á pɛ nɛ: «Wàa mɛn sii n ke, ń zɛnaa wɔsɛn nɛ? Man má wàa sii la n la, sii baraa lɛa, n nə́ yui sii baraa gole kɛ diɛ ma laanka maa gána minin mìi ni? Zɛnaa ǹ sii bie ka kɛ nɛ ń zɛnaa masɛ-n wa dɛ.

Samayeli2 13:12

Tamaara ná a lɛ si: «Dɔɔ̃ngiĩ, haayii, n baran pàã nyaa ma-n wa. A giala, kɛ miã ba n zɛnɛɛ Izirayeli gána-n wa. N nyan toa n bɛa sìi da ǹ sii kɛ zɛnaa wa.

Misee 3:11

A kiri-wɔlen man minin sii yɔrɔ boe màn ganaa, A Lawa a wúlu-bɔlen man minin darɛɛ giɛ saraa li, A Lawa a boo gii-dalin manə ǹ dí nyɛɛ wɔrɔ-a. Maǹ wusii n gòãn koɛ Dɛnaa Lawa la, ǹ nə́ pii: Dɛnaa Lawa bɛ́ kun ka wɔsɛn nɛ, wàa mɛn sii baraa n die wɔ yii?

Rɔmu minin 12:14

Min mɛnɛn bɛ́ boe ka yii ni, ka Lawa nyankɔ bɛn lɛa, mà Lawa bǐɛ̃ zɛnaa ǹ nɛ. Ka Lawa nyankɔ ǹ lɛa, ka baran dì bíi ǹ li wa.

Korɛnti1 3:3

Bɛ n nyɛɛ mà ka n tɔn sii zɛnɛɛ, ka ga kanaa foo sii li wolen wɔ bɛ́ lɔn. Màn mɛn toa foo wuu-pɛn laanka zian tá tɔn ka bii, bɛ n nyɛɛ mà ka n ga kanaa foo sii li wolen lɛa, ka n tɔn sii zɛnɛɛ ka minbuiinbaa ǹ sii bɛ́ lɔn.

Timote1 5:13

Ka bɛ dɔ nɛ, dí bɛ́ a ba ǹ gɔn wa, maǹ kiɛnlɛn koe kɔn. Ǹ dí nyabaã kɛ dinsɔɔ̃ bie wa, sɛnɛ, maǹ nə n lɛ dɔ we boo tumaa nɛ, ta ǹ mɛn ba ǹ bǎã-n wa. Boo mɛn ba da ǹ boo lɛa wa, maǹ bɛ diɛ.

Zaaki 1:16

Ka baran ka dinin bebele wa, ma dɔɔ̃n narɛɛ wolen lɛn.

Zaaki 1:19

Ka dɔ̃, ma dɔɔ̃n narɛɛ wolen lɛn, didie doamaa nɛ a n too kɔ doɛ̃, min kɔ́n baran n lɛ fuu kɔ a boo da wa, min kɔ́n foo baran yoo fufuu wa.

Zaaki 3:1

Ma dɔɔ̃nɔn lɛn, ka tumaa baran n gɛlɛ minin daraa li wa. A giala, ka á doɛ̃, wɔsɛn mɛnɛn bɛ́ minin darɛɛ, wɔa kiri á die kaka koe a la min gialakunun kɛn wɔ nɛ.

Zaaki 3:11

Mu yala goon ba boe la a mu kɔɔ̃n bɔ, a na a kɔɔsɛ dɔ bɔ ka a din yala lɛ goon kɛ lɛ-n wa.

Zaaki 3:9

A din lɛ-n wɔ tá wɔa Díi Lawa tɔ boe ne. A din lɛ dɔ nɛ, wɔ tá lɛn pipiã bíi minbuiinin li ni, Lawa nə ǹ mɛnɛn lɛn zɛnaa a din a kɔnboen lɛa.

Piɛrɛ1 3:9

Bɛ̀ min sii baraa zɛnaa ka nɛ ka baran a dòo saraa ka baraa-n wa. Bɛ̀ min sɔ kɔ ka ganaa, ka baran a dòo saraa ka sɔ-n wa. Sɛnɛ, Lawa na á ka bíi, mà ka Lawa bǐɛ̃ bíi ǹ li, bɛ kio kəni, a din tá re bǐɛ̃ zɛnɛɛ ka nɛ.