Zaaki 2:9 - LAWA A BOO SONBORE

⁹ Sɛnɛ, bɛ̀ ka á bɔkɔnlɛ we, sii baraa nɛ ka á zɛnɛɛ. Lawa a dí-pɛ dɔ n ka zɛ̀rɛ biɛ, a giala, ka ǹ bɔlɔ tii wolen lɛa.

LAWA A BOO SONBORE 2011

⁹ Sɛnɛ, bɛ̀ ka á bɔkɔnlɛ we, sii baraa nɛ ka á zɛnɛɛ. Lawa a dí-pɛ dɔ n ka zɛ̀rɛ biɛ, a giala, ka ǹ bɔlɔ tii wolen lɛa.

Zaaki 2:9 ပူးပေါင်းရင်းမြစ်များ

Lawa a wúlu-bɔlen 19:15

Kiri-kuriin gɔ́ɔ̃ nɛ, ka nyan mɛnaa min la wa. Ka nyan pɛ ka kaa pàãwɛɛnaa lon a pàãwɛɛnaabaa taman yii wa, ka nyan nyɛ́ɛ baa pàãma dɔ yii ni a pàãmabaa taman yii wa. Sɛnɛ, ka ka miãn kiri wɔ ka peperebaa nɛ.

Zaã a sɛ́wɔ 16:8

Bɛ̀ á daa ǹ mɛn waáraa, kanaa minin kɛn zɛ̀rɛ bɛ́ ka màn mɛn nɛ, á die bɛ nyɛɛ ǹ nɛ. Á die ǹ sã nyɛɛ ǹ nɛ sii baraa wɔ gɔn la, ka Lawa a peperebaa laanka a kiri-kurii ni.

Zaã a sɛ́wɔ 8:46

Die n ka bii, bɛ́ n boe la a masɛ Yezu a sii baraa zɛnaa nyaa? Bɛ̀ masɛ á sonbore pii, wàa dɔ na á baa ka a golee ma li wa?

Zaã a sɛ́wɔ 8:9

Ǹ bɛa boon lɛn ma lɔn, ǹ nə́ n moɛ gogoon, a saa ǹ yii fulii-an ganaa a wo ǹ kiodɛnan yaa. Yezu dinsɔɔ̃ goã bǎã-n bii-a, kun ka lɔ lɛ-n tɔn golee-n a yɔrɔ-a.

Nya ǹ dín 10:34

Piɛrɛ tɔ́n nə́ n lɛ bũ á pɛ: «Má dɔ̃ sonbore, máa Lawa a bɔkɔnlɛ we wa.

Rɔmu minin 3:20

Lawa a dí-pɛn bɛ́ mà màn mɛn nə n zɛnaa, min kɔ́n bɛ zɛnaa a ná a lɛ pã wa. Bɛ lɛ taman yii, min kɔ́n ba boe la, a min pepere baa ǹ lɛa Lawa yɔrɔ-a wa. Lawa a dí-pɛn dí n ka kɛ dinsɔɔ̃ nɛ, ǹ sii baraa nyaa, min nə yɛ.

Korɛnti1 14:24

Sɛnɛ, bɛa miɛ wa, bɛ̀ goleemali baãnaan, hinlaa too-kɔle kooro lɛ daa ka tumaa yaa, ka n boo diɛ ka Lawa a boo gii-dalin wɔ bɛ́ lɔn, á re yii, mà kaa boon tumaa ná asɛ kũ. Á re kiri we a din ganaa, a sii baraan wɔ paǹ li kaa boon kɛn lɛa.

Galaasi minin 2:19

A da yaa dí-pɛn lɛn wɔ paǹ li, a n goon ka man má gã. Dí-pɛn lɛn dininmaa man nə́ ma dɛ, màn mɛn bɛ́ toɛ, ma yii goã koo Lawa wɔ lɛa. Man má gã gɔn ganaa kun ka Krita nɛ.

Timəə dí-pɛn 1:17

Sii yɔrɔ bɔ gɔ́ɔ̃ nɛ, ka nyan toa ka minin bɔkɔnlɛ wɔ wa. Ka n too kɔ doobaa lon, ka ka bɛ́ n too koe pàãma dɔ lon lɔn, ka baran nyɛ́ɛ baa min kɔn yii-n wa. A giala, sii yɔrɔ bɔ n Lawa a sii lɛa. Bɛ̀ sii mɛn a yɔrɔ bɔ la ka pàã nɛ, ka da a yɔrɔ pɛ ma nɛ, ma ga a ganaa.»

Zaã1 3:4

Min mɛn bɛ́ sii baraa zɛnɛɛ, a n Lawa a landa lɛ tii, a giala, sii baraa n landa lɛ tii ǹ sii lɛa.

Zude 1:15

màn mɛn bɛ́ toɛ, a kiri kuru min tumaa la. Á die dɔlɔ diɛ piã-wɔlen mìi ni, ǹ gɔ́ɔ̃ tii Lawa ganaa siin kɛn lɛa, ka ǹ boo bɔnɛɛn kɛn tumaa nɛ, ǹ nə́ ǹ da Lawa gana.»