Zaaki 2:8 - LAWA A BOO SONBORE

⁸ Sonbore, kii Lawa dí-pɛ mɛn kɔ, bɛ̀ ka á bɛ tamaɛ á kɔnpii ka a boo ne, sii sonbore n ka bɛ nɛ ka á zɛnɛɛ. «N nə n miã kɔsɔ narɛ ka n bɛ́ n din narɛ lɔn.»

LAWA A BOO SONBORE 2011

⁸ Sonbore, kii Lawa dí-pɛ mɛn kɔ, bɛ̀ ka á bɛ tamaɛ á kɔnpii ka a boo ne, sii sonbore n ka bɛ nɛ ka á zɛnɛɛ. «N nə n miã kɔsɔ narɛ ka n bɛ́ n din narɛ lɔn.»

Zaaki 2:8 ပူးပေါင်းရင်းမြစ်များ

Kiin1 8:18

Sɛnɛ Dɛnaa Lawa na á pɛ ma di Davida lɛ nɛ: «Ń bɛ́ ń da n foo ne, mà ma n die kion doe n masɛ tɔ da la, ń ná a giala yɛ.

Kiin2 7:9

Bɛ kio, ǹ nə́ pɛ kɔn nɛ kɛnɛn: «Wɔsɛn bɛ́ a gialaa sii mɛn zɛnɛɛ, a kɔnbɔ ka zɛnaa-n wa. Pelo a lɛawaa kɛ n boo kɔɔ̃n pɛ pinaa lɛa. Bɛ̀ wɔsɛn nə́ n lɛ tã, wɔ n yii da mà yǎa lɛ̀ wɛɛ, dɔlɔ tá re wɔ kuĩ. Ka daa wɔ wo kiwi lɛ nɛ, wɔ wo a boo da kii a piɛ.»

Lawa a wúlu-bɔlen 19:18

N baran dòo bɔ wa, min dɔ baran sii koa a gɔ́ɔ̃ nɛ, ǹ miã wɔ paǹ li wa. N miã kɔsɔ dɔ narɛ ka n bɛ́ n din narɛ lɔn. Masɛ din nə Dɛnaa Lawa lɛa.

Lawa a wúlu-bɔlen 19:34

Bɛa gùli kɛ lɛ giã nɛ ka li, ka kũ ka ka dinin goon bɛ́ lɔn. Ka narɛ ka ka bɛ́ ka dinin narɛ lɔn. A giala, ka dɔn man ka goã gùlin lɛa Ezipti gána nɛ. Masɛ din Dɛnaa Lawa n ka Lawa lɛa.

Zonaasi 4:4

Dɛnaa Lawa tɔn pɛ nɛ: «Á siĩni n foo yoo kɛnɛn?»

Zonaasi 4:9

Lawa tɔn pɛ nɛ: «Sonbore tá n lon n foo yoo da kɛ lɛ a gɛ̀ taman yii?» Zonaasi ná a lɛ si: «Sonbore tá ma lon ma foo yoo taãn-taãnɛ, yǎa a doe gɛ̀ ganaa.»

Matiə 22:39

A paabaa ǹ wɔ mɛn a sii bɛ́ kaka ka bɛ bɛ́ lɔn, bɛ n ka kɛ nɛ: «N miã kɔsɔ narɛ ka n bɛ́ n din narɛ lɔn.»

Matiə 25:21

A mìinaa tɔ́n pɛ nɛ: «Á siĩni, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, masɛ á die n koɛ sii gole mìi la. Da n nyɛnyɛɛ kun ka masɛ nɛ.»

Matiə 25:23

A mìinaa tɔ́n pɛ nɛ: «Á bǐɛ̃ kɔ, dí-nyali sonbore, bɔlɔgoondɛnaa. Ma n nə́ n bɔlɔgoondɛnaa baa sii boɛɛn nɛ, bɛ lɛ taman yii, ma á die n koɛ sii gole mìi la. Da n nyɛnyɛɛ kun ka masɛ nɛ.»

Matiə 7:12

Ka bɛ́ zoɛ̃ mà ka miãn nə màn mɛn zɛnaa ka nɛ, ka dɔn nə bɛ lɛ miã zɛnaa ǹ dɔn nɛ. Muizu a landa laanka Lawa a boo gii-dalin sɛ́wɔn man pii, yǎa a n zɛnɛɛ miɛ̃.

Rɔmu minin 13:10

Bɛ̀ min mɛn tá ǹ miã kɔsɔ narɛ, a ba sii baraa zɛnɛɛ-n wa. Miã kɔsɔ narɛɛ lɛ n Lawa a dí-pɛn tumaa lɛ piɛ̃ lɛa.

Galaasi minin 5:14

A giala, dí-pɛ tumumaa lɛ n piɛ̃ ka boo goon toto kɛ nɛ: «Ǹ miã kɔsɔ narɛ ka n bɛ́ n din narɛ lɔn.»

Galaasi minin 6:2

Ka n dɔ kɔn lɛ, ka kɔn a guĩ gũ. Bɛ̀ ka á zɛnɛɛ miɛ̃, ka ǹ *Krita a dí-pɛn lɛ sii.

Filipi minin 4:14

A laanka bɛ nɛ, ka bɛ́ ká n gii wɔ maa fuun ni, ká sii bǐɛ̃ zɛnaa.

Tesaloniki1 4:9

Ka laadoo ba a ganaa doo min sɛ́wɔ dia ka la, a dɔɔ̃nɔn kɔn-narɛɛ boo da ka-n wa. A giala, ka dininmaan nə́ n daraa kɔn-narɛɛ ganaa Lawa li.

Zaaki 1:25

Sɛnɛ, bɛ̀ min mɛn nə́ n yii wɔ Lawa a minin doroo ǹ boo lɛ piɛ̃ kɛ-n taãn-taãnɛ, bɛ mɛn bɛ́ wɔ boe sii ni, bɛ̀ n dɛnaa nə́ n doa a ganaa ka a parsiini, a bɛ́ boo mɛn miɛ, bɛ̀ a yiri á goɛ̃ bɛ nɛ, á n tɔ we á kɔnpii ni, Lawa á die barka we bɛa dɛnaa nɛ a nya ǹ dín gɔ́ɔ̃ nɛ.

Zaaki 2:12

Ka toa kaa boo da ǹ gɔn laanka kaa tɔ wɔ ǹ gɔn kɔnpɛ ka Lawa a dí-pɛn lɛn nɛ, bɛn mɛnɛn bɛ́ wɔ boe sii ni. A giala, Lawa n die kiri kuri ka la, a kɔnpɛ ka bɛn lɛn nɛ.

Zaaki 2:19

Táa n waa la mà Lawa n goon toto? Bɛ á siĩni! N dɔ bɛ́ n waa la lɔn, nɔ̀ɔnɔn dɔn man nə́ waa la miɛ̃, ǹ gɔ̀nɔn yii n bìn diɛ nyɛ́ɛ gɔn.

Zaaki 4:11

Dɔɔ̃nɔn lɛn, ka nyan lɛ pɔrɔ kɔn ganaa wa. Bɛ̀ min mɛn tá lɛ pɔrɛɛ ǹ miã ganaa, hinlaa bɛ̀ á zɛ̀rɛ koɛ a ganaa, bɛa dɛnaa n lɛ pɔrɛɛ Lawa a dí-pɛ ganaa, á n zɛ̀rɛ koɛ a ganaa. A da yaa, bɛ̀ n tá zɛ̀rɛ koɛ Lawa a dí-pɛ ganaa, n bie a tamaali lɛa doo wa, sɛnɛ, a zɛ̀rɛ baali nə n ne.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.