Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zaaki 2:6 - LAWA A BOO SONBORE

6 Sɛnɛ, kasɛn bɛ́ ka doobaa yii puusə kɔ! A da yaa paãman lɛn man fuu nyɛɛ ka nɛ, bɛ̀ ǹ ka bíi, ǹ wo kiri wɔ ka ganaa, ta mà lɔn?

အခန်းကိုကြည့်ပါ။ ကော်ပီ

LAWA A BOO SONBORE 2011

6 Sɛnɛ, kasɛn bɛ́ ka doobaa yii puusə kɔ! A da yaa paãman lɛn man fuu nyɛɛ ka nɛ, bɛ̀ ǹ ka bíi, ǹ wo kiri wɔ ka ganaa, ta mà lɔn?

အခန်းကိုကြည့်ပါ။ ကော်ပီ




Zaaki 2:6
38 ပူးပေါင်းရင်းမြစ်များ  

A giala á mɛnaa doobaan la, á n gɔn bɔ ǹ ganaa. Á ǹ kion yu, sɛnɛ, a re doe wa.


Bɛ̀ a gɔn dɔ pàãwɛɛnaa lɛ ganaa, a n dii a duwəə tán, a tuturu tán.


Sɛnɛ, Lawa, ǹ bɛ́ basaã mɛn koe minin manɛ, ǹ nə́ fuu nyɛɛ ǹ nɛ, n din bɛ tumaa yɛ. Ǹ sii tumaa saa n gɔn. Doobaa na a sii tumaa toɛ n din gɔn. N din nə n doe nɛ toen lɛ.


Min baraan kɛn manə n dinin gole koe. Maǹ boe nɔmaa-wɔlen kɛn yii ni. Maǹ nə́ ǹ kuĩ ka ǹ sii-doɛ̃ siin ni.


A n kuu koe kigialan li, a nə n duri bɛ̀ a zɛ̀rɛbaãnaa dɛ. A nə n yii gɔsiɛ pàãwɛɛnaa li,


Ǹ mɛnɛn lɛn bɛ́ mà kɛnɛn: Wɔsɛn lɛwɔn nə wɔ pàã lɛa. Wɔ lɛ nə n doe wɔ lɛ. Die n die boe wɔ la?


Min baraan lɛn man doobaan laadoo siin ziziɛ̃, sɛnɛ, Dɛnaa Lawa din nə ǹ kaamayele wole lɛa.


Min mɛn bɛ́ mɛnɛɛ doobaa la, a n sɔ koe a zɛnaali ganaa. Sɛnɛ, doobaa makara bɛ́ boe min mɛn ganaa, bɛ n gugurubaa koe la.


Min mɛn bɛ́ yaa we doobaa ganaa, a n sɔ koe ǹ zɛnaali ganaa. Min mɛn bɛ́ n nyɛnyɛɛ ka ǹ miãn koe ne, dɔlɔ á re n boe ǹ dɛnaa ganaa.


Doobaan man boo diɛ ka din boɛɛn kɔ nɛ, sɛnɛ, pàãman manə ǹ lɛ sii ka boo kaka nɛ.


Bɛ̀ min mɛnaa doobaa la, a n biɛ pàãma lɛa. Min mɛn bɛ́ bǐɛ̃ biɛ pàãma la, a n biɛ doobaa lɛa.


Pàãma pàã la doobaa wɔ nɛ. Giɔ̀mɔdɛnaa n giɔ̀mɔ-dali lɛ a kòso nɛ lɛa.


Tán a là nə ǹ dinin tumaa ganaa. Tán dí n kii pàã lɛa.


Ǹ nə́ n la bɔ a ganaa, ǹ nə́ da ǹ gɔn dɔ̀ɔ̃ nɛ. Nɔmaa wole ne, a lɛ mui ka fuu ni. A n ka min mɛn bɛ́ min kɔn ba li mà a ga a ganaa wa. Ǹ nə́ n la bɔ a ganaa, a màn kɔn lɛa wɔ yii li wa.


Amɔɔsi tɔn pɛ: Kasɛn Samarii lɔn kɛn, ka n too kɔ, ka bɛ́ kasiɛ̃ nɛ ka Basan kiwi a dii daanan kɛn bɛ́ lɔn, buu soɛ̃ a kelen la, ka n mɛnɛɛ nɔmaa-wɔlen la. Ka n boe doobaan yii ni, ka n kɛ pii ka zuũn manɛ: «Ka da nɛ wɔ mi».


Á ke, ka n mɛnɛɛ doobaan la, bɛ̀ ǹ nə́ dí nya don ǹ nə́ màn mɛn yɛ, ka n bɛ kuĩ sii ǹ la ka pàã nɛ. Bɛ lɛ na á toa, ka kionən mɛnɛn dɔ ka kɔlɔ sonboren ne, ka á re giɛ̃ ǹ nɛ wa. Ka *rezɛ̃ da tɔrɔ sonboren mɛnɛn zumu, ka a re ǹ duvɛ̃ mii wa.


Ma nə n zɔ́ɔn kiãn mìi foɛ̃ ka ǹ dinin gɔn kiɛ nɛ: Maǹ die ka baa nɛ ka piɛ̃ gole bɛ́ lɔn, ǹ nə́ wɔ lui paǹ yii li. Maǹ nə n lɛ dii ka foo kɔɔ̃nbaa nɛ, ǹ yɔrɔ n boe ne durii a minin dɛ taman yii.


Ka nyan mɛnaa nɛ toen laanka lɔ giɔɔrɔ la wa, tii laanka doobaa nɛ. Ka nyan taasiɛ baraan wɔ kɔn a paǹ li wa.»


Yezu nə́ n lɛ si á pɛ ǹ nɛ: «Aba, mànan bie masɛ ganaa wa. Man maa Díi guguru koe, sɛnɛ, kasɛn man masɛ dɔ puusə koe!


Sɛnɛ, lɔ yii guguru-an mɛnɛn bɛ́ nyɛ́ɛ biɛ Lawa nɛ, Zuifun nə́ bɛn sɔsɔmɔ, ka kiwi a min yii guguru-an nɛ, ǹ nə́ ǹ kaa a ganaa mà ǹ yoo Pooli laanka Barnabaasi gialaa. Ǹ nə́ ǹ loo ǹ nə́ ǹ bɔ ǹ gána nɛ.


Ǹ bɛ́ ǹ nə ǹ yɛ wa, ǹ nə́ tɔ́n Zaazɔn laanka dɔɔ̃n Lawa-nyankɔlen kɔnɔn baã ǹ nə́ woo ǹ ne kiwi lɛ a pàãdɛnan yɔrɔ-a, ǹ nə́ pɛ: «Kɛa minin kɛn lɛn ǹ nə́ kanaa din tumaa lɔlɔkɔn, maǹ nə́ daa kànaa dɔ-n sisia.


Galiɔn bɛ́ Grɛki gána mìi la ǹ mɛn waáraa, Zuifun nə́ kaa kun ǹ nə́ yoo Pooli gialaa. Ǹ nə́ kũ ǹ nə́ woo ne kiri wɔ ǹ bǎã nɛ.


Sooli sɛ, asɛ na á goã n doɛ, mà asɛ Lawa a sɔmɔ kɛ nya. A na á goã we kionən ne, a giĩn laanka lɔn baã a soo ǹ ne, bɛ̀ a wo ǹ zũ kòso-n.


Kaa kionən manə ǹ banban, ka á màn bii ǹ ni, ka n màn mii ǹ ni wa? Hinlaa ka ǹ zoɛ̃ mà ka Lawa a sɔmɔ lɛ piɛ̃ bɔ, ka sìi da gɔn kooro-an ganaa? Ka nə n yii diɛ mà ma wàa pɛ ka nɛ? Á kɔnboe ma ka tɔ bǐɛ̃ pɛ kɛ a lɛa? Haayii, ma a boe la ma á ka tɔ bǐɛ̃ pii wa.


bɛ̀ n yaa ka dɔnkɛ sonbore wɔle lɛ bɔ ka yii ni, ka n yɔrɔ bǐɛ̃ da bɛ la, ka pɛ nɛ: «Da giã tán bǎã sonbore kɛ nɛ,» bɛ̀ ka pɛ doobaa lɛ sɛ nɛ: «Giã lon, hinlaa, da giã tán furu-n wɔa dankan li»;


A da yaa, ka dí-nyalin mɛnɛn goa ka ǹ kaa kaa wuru dí ganaa, bɛn saraa ǹ giɔ̀mɔ á ka bɔlɔ-a. Bɛ lɛ nɛ ǹ tá n lɛ dii ka ganaa. Kaa *belee-kurulin lɛn lɛ-dɛ kaa Dɛnaa Lawa Pàãyiidɛnaa too ne.


Min mɛnɛn bɛ́ ǹ sii la wa, ka dɔlɔ da bɛn mìi ni, ka ǹ dɛ ǹ nə́ gã, ǹ zia dɔ baa ka ganaa wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ