Zaaki 2:5 - LAWA A BOO SONBORE

⁵ Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

LAWA A BOO SONBORE 2011

⁵ Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Zaaki 2:5 ပူးပေါင်းရင်းမြစ်များ

Kiin1 22:28

Misee tɔ́n pɛ kii lɛ nɛ: «Bɛ̀ n dɔ woo zia lɛ la, n nə ń bɔyaa ń din yii lɛa sonbore, Dɛnaa Lawa bie á masɛ da boo lɛ a diɛ ganaa wa. Misee wusoo á pɛ mà zaman lɛ din tumaa nə n too da!»

Zɔbu 34:10

Kasɛn mɛnɛn bɛ́ sii giala miɛ, ka n too kɔ ma lon. Lawa á baraa sonbore? Pàãyiidɛnaa lɛ á kɔkɔrɔ sonbore? Taasiɛ bɔbɔnɛɛ!

Zɔbu 34:19

Lawa dinsɔɔ̃ na a bɔnbii-a we wa. A pàãma soɛ koe doobaa-n wa, a giala, a din gɔn na á ǹ tumaa zɛnaa.

Zɔbu 38:14

Bɛ̀ wasa bɔ tán, màn tumaa nə n bɔyɛɛ, ka maǹ nə́ nyaǹ kaa gì tàãn ganaa, màn tumaa nə n biɛ ka maǹ nə́ mɔnaa nyaǹ kɔ.

Bɔ bɛ̀rɛbaa nɛ 20:6

Sɛnɛ, man maa bɔlɔgoondɛnaabaa nyɛɛ maa narɛɛ wolen laanka maa dí-pɛn tamaa wolen manɛ, yǎa nɔ̀ɔ duu gigiã.

Suusun 13:7

Min tɛnɛn manə ǹ dinin biɛ pàãman lɛa, màn kɔn dɔ ná a ba ǹ gɔn wa. Ǹ tɛnɛn dɔn manə ǹ dinin biɛ doobaan lɛa, ǹ gɔn màn dɔ n mɔnaa-n taãn-taãnɛ.

Suusun 7:24

Kanna kəni, maa nɛ, ma bɛ́ boon mɛnɛn pii n ni, n too kɔ ma lon,

Suusun 8:32

Kanna kəni maa nɛnyaanan lɛn, ka n too kɔ ma lon. Ma bɛ́ boo mɛn diɛ, min mɛnɛn bɛ́ n too koe bɛ li, bɛn foo á re kɔɔ̃n koe.

Izayii 14:32

Wɔ n die Filisiti minin dia dí-a wolen kɛn lɛ sii lɔn? Wɔ n die pii: Dɛnaa Lawa din na á *Siɔn kiwi koa, a zaman lɛ a doobaan tá re mìi duru ǹ bǎã yii walan.

Izayii 29:19

Min mɛnɛn foo bɛ́ ziziɛ̃ nɛ, bɛn tá re foo kɔɔ̃nbaa gole yii Dɛnaa Lawa li. Ǹ mɛnɛn tumaa bɛ́ doobaa taãn-taãnan lɛa, bɛn tá re n nyɛnyɛɛ Izirayeli a Lawa sonbore kɛ taman yii.

Sofonii 3:12

Má bɛ́ re min mɛnɛn toɛ ka bii, doobaan laanka pàãwɛɛnaan manɛ, ǹsɛn mɛnɛn foo bɛ́ doa-n Dɛnaa Lawa ganaa.

Zakarii 11:11

Lɛ kɔ kɔn la lɛ na á n ziziɛ̃ bɛa pinaa kɛ lɛ nɛ. Sère makara dɛnan mɛnɛn nə goã giɛ ma ganaa, bɛn nə dɔ̃, mà Dɛnaa Lawa a boo na a gialaa yɔrɔ yii.

Zakarii 11:7

Ǹ bɛ́ woe ka sèren mɛnɛn nɛ ǹ dɛ ǹ bǎã nɛ, sanparɛ a makaradɛnan kɛn, ma dinmaa-n bɛn lɛduə̃li lɛa. Má tɔɔn lɛduə̃ ǹ bàlà màn paa saa. Má a bibinaa bíi "giaárabaa", má a paabaa ǹ wɔ bíi "goonbaa", má maa sèren lɛduə̃ giala kɔ.

Matiə 11:5

Yii tere-an yii n wɔlɔ yii, bɔlɔkan man tɔ we, gɔ̀nɔn busu babaraa dɛnan busu n nyɛɛ, too tere-an man boo miɛ, geren yii n kiɛ, Boo Tii Kɔɔ̃n nə n pii doobaan manɛ.

Matiə 25:34

Kii lɛ á die pii a gusin-dɛnan lɛn manɛ: «Ma Di Lawa barka da kasɛn mɛnɛn ganaa, á kiibaa ǹ bǎã zɛnaa á koa ka nɛ haalɛ kanaa a giala kɔ waáraa, ka da giã kaa bǎã nɛ.

Matiə 5:3

– Min mɛnɛn bɛ́ ndinin doɛ̃ doobaan lɛa Lawa wɔ paǹ li, Lawa á re barka diɛ bɛn ganaa, a giala lon a kiibaa lɛ nə ǹ dinin wɔ lɛa!

Marki 7:14

Yezu wusoo á lɛ dia zaman lɛ la á pɛ ǹ nɛ: «Ka dinin tumaa nə n too kɔ, ka masɛ a boo kɛ ma.

Luku 12:21

Yezu pɛ: «Min mɛn bɛ́ gɔn màn lɛ soekɔn a din ni kanaa, a ná a ba giɛ Lawa li ǹ wɔ li wa, kɛ miã sii lɛ nə n zɛnɛɛ bɛa dɛnaa nɛ.»

Luku 12:32

«Kasɛn, sèren kuru boɛɛn, nyɛ́ɛ nyan ka kũ wa, a na á kɔɔ̃n kɔ kaa Díi ganaa, a kiibaa ǹ bǎã kɔ ka la.

Luku 16:22

«Bɛa doobaa lɛ daa á gã, yǎa lon a dia dí-a wolen ná a telenboen saa ǹ nə́ woo da Abrahamu genli Lawa a piɛ. Pàãma lɛ dɔ́ daa á gã, ǹ nə́ bĩ.

Luku 16:25

Abrahamu pɛ nɛ: Maa nɛ, n yiri gisĩ a nɛ, ń gɔn màn gigiã yɛ kanaa, Lazaarɛ sɛ na á goã á nɔmaa gole yɛ. Sisia Lazaarɛ dɔ na a yii-nyɛɛ ǹ bǎã nɛ, bɛ̀ n dɔ á fuu yii.

Luku 22:29

Maa Díi Lawa bɛ́ á kiibaa kɔ ma la lɔn, ma dɔ n die kiibaa koe ka la miɛ̃.

Luku 6:20

Yezu nə́ n yii saa lon á doa a kialandɛnan lɛn la, á pɛ ǹ nɛ: «Kasɛn mɛnɛn bɛ́ doobaan lɛa, Lawa á re barka diɛ ka ganaa, a giala *Lawa a kiibaa lɛ n ka dinin wɔ lɛa.

Zaã a sɛ́wɔ 7:48

Mà ǹsɛn min yii guguru-an bii, hinlaa Fariziɛ̃n bii, mà haalɛ min goon din yɛ á golee li?

Nya ǹ dín 7:2

Itian pɛ: – Ma dɔɔ̃nɔn laanka maa díin ni ka n too kɔ ma lon. Lawa mɛn bɛ́ gugurubaa ná a wɔ lɛa, bɛ na á n din nyaa wɔsɛn digolo Abrahamu ni, bɛ̀ a bɛ́ Mezopotamii gána nɛ, a ná a tɔn da giã Aaran wa.

Rɔmu minin 8:17

Wɔ bɛ́ Lawa lɛ a nɛnyaanan lɛa, a din bɛ́ á n lɛ kɔ, mà asɛ á re bǐɛ̃n mɛnɛn zɛnɛɛ a minin manɛ, wɔ á re wɔa wɔ gii yii bɛn nɛ. Wɔ á re wɔa wɔ gii yii kun ka Krita nɛ. A giala, bɛ̀ wɔ fuu yɛ kun ka Krita lɛ nɛ, wɔ á re goɛ̃ kun ni a gugurubaa dɔ nɛ.

Korɛnti1 2:9

Sɛnɛ, a n ka Lawa a sɛ́wɔ bɛ́ á pɛ lɔn: «Min mɛnɛn bɛ́ Lawa narɛ, a màn mɛn zɛnaa á koa bɛn manɛ, min kɔ́n yii bin nə n miã yɛ wa, min kɔ́n too bin ma wa, min kɔ́n a taasiɛ tɔn dɔ a ganaa wa.»

Korɛnti2 4:15

Sii mɛn tumaa bɛ́ ma yii maa tá kanaa gɔ́ɔ̃ nɛ, ka dinin lɛa nɛ; bɛ lɛ n toɛ, Lawa a bǐɛ̃baa á doe min gigiã ganaa, ń giɛ min damata á boe la, ǹ barka da Lawa nɛ, Lawa a tɔ golebaa a lɛa.

Korɛnti2 6:10

Maǹ ma foo ziziɛ̃, sɛnɛ ma foo dɔ n kɔɔ̃n baraanɛ. Man doobaa lɛa ǹ yii li, sɛnɛ, man min gigiã dɔ biɛ pàãma lɛa. Man gɔn kooro-a lɛa ǹ yii li, sɛnɛ, màn tumaa dɔ n ma gɔn.

Korɛnti2 8:9

A giala, ka á wɔa Dɛnaa Yezu *Krita a bǐɛ̃baa ǹ gɔn doɛ̃: asɛ mɛn bɛ́ pàãma lɛa, á n din baa doobaa lɛa kaa lɛa, a boo la a kasɛn baa pàãman lɛa, ka a doobaabaa lɛ nɛ.

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Tesaloniki1 2:12

Wɔ́ ka gù kaa, wɔ́ ka foo taã. Wɔ́ ka nyankɔ parsiini, wáa ka tɔ wɔ a kɔnpɛ ka Lawa foo sii ni, asɛ mɛn bɛ́ lɛ diɛ ka la, mà ka gii yɛ a kiibaa ǹ bǎã laanka a gugurubaa kɛ nɛ.

Tesaloniki2 1:5

Kaa sii simaa lɛ n nyɛɛ, mà Lawa a kiri á pepere. Ka á boe la ka waa la ka bɛ-n kəni, mà ka á re we *Lawa a kiibaa kɛ nɛ, ka bɛ́ nɔmaa lɛ we ǹ mɛn lɛ a lɛa.

Timote1 6:18

A pɛ ǹ nɛ, mà ǹ sii bǐɛ̃ zɛnaa, ǹ naforodɛnan baa sii sonbore zɛnaa gɔ́ɔ̃ nɛ. Ǹ toa bǐɛ̃baa ǹ foo yɛ ǹ lon, ǹ min kɔsɔn gɔ ka màn nɛ.

Timote2 4:18

Dɛnaa din tá re ma sii sii baraa tumaa la, á re ma kirisibiɛ, a ma da a lon a kiibaa ǹ bǎã kɛ nɛ. Gugurubaa na a din wɔ lɛa biikoo tumaa li! A n miɛ̃.

Timote2 4:8

Kanna kəni, gɔ̀lɔ̀baa ǹ saraa tá ma duĩ. Min mɛnɛn tɔ wɔ ǹ gɔn bɛ́ pepere, Lawa n die saraa lɛ koe bɛn la, Dɛnaa kiri pepere wɔle n die bɛa saraa lɛ koe ma la kiri-kurii pinaa. A bie re koe ma dinsɔɔ̃ la wa. Min mɛnɛn bɛ́ n yii diɛ a wusoo a daa la parsiini, a n die a din saraa goon lɛ koe bɛn dɔn la.

Ebrəə 11:26

Lawa bɛ́ re a din a min mɛn boe diɛ, Muizu ga a ganaa, mà asɛ tɔ ziziɛ̃ bɛa lɛa, mà bɛ á naforo gole lɛa á la Ezipti gána a naforon kɛn manɛ, a giala, a yii na á goã doa-n saraa kɛ la.

Zaaki 1:12

Min mɛn bɛ́ nɔmaa sii a ganaa, bɛa dɛnaa wɔ á re bǐɛ̃ koe. A giala, bɛ̀ a bɔ a-n ka bǐɛ̃ nɛ, á re yiikoonaabaa yii. Min mɛnɛn bɛ́ Dɛnaa narɛ, a na á n lɛ kɔ, mà á die bɛ lɛ koe ǹ la.

Zaaki 1:16

Ka baran ka dinin bebele wa, ma dɔɔ̃n narɛɛ wolen lɛn.

Zaaki 1:19

Ka dɔ̃, ma dɔɔ̃n narɛɛ wolen lɛn, didie doamaa nɛ a n too kɔ doɛ̃, min kɔ́n baran n lɛ fuu kɔ a boo da wa, min kɔ́n foo baran yoo fufuu wa.

Zaaki 1:9

Bɛ̀ Lawa dɔɔ̃n doobaa mɛn saa á da lon, bɛa dɛnaa nə n nyɛnyaa a saa a da lon lɛ taman yii.

Piɛrɛ1 1:4

A n yii-n kɔn-a ka bǐɛ̃n kɛn dɔn nɛ, Lawa nə́ ǹ zɛnaa, á ǹ koa lon gɔrɔ a din a zaman kɛ nɛ, mà ǹ na a wɔn baa. Bɛa bǐɛ̃n kɛn lɛn ba boe la ǹ ziziɛ̃ wa, ǹ ba tii wa, ǹ siĩnbaa dɔ a nyɛɛ wa.

Piɛrɛ2 1:11

Sonbore, wɔa Dɛnaa laanka wɔ Nyin-sili Yezu Krita a kiibaa ǹ bǎã kɛ a kiɛnlɛ á re n buĩ ka nɛ. Kiibaa ǹ bǎã mɛn bɛ́ a nyɛɛ duduu wa, ka á re we bɛ nɛ, a ka kũ doɛ̃ sɔnbɔraanɛ.

Sii-nyaan 2:9

Ma á n fuun doɛ̃, ma á n doobaabaa dɔ doɛ̃, sɛnɛ, ka boo taãn nɛ, n tá pàãma lɛa! Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, bɛn bɛ́ boo baraa mɛn diɛ n wɔ paǹ li, ma á doɛ̃. Maǹ *Sɛtaan a lɛ-kaakun minin lɛa!

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.

Sii-nyaan 3:18

Bɛ lɛ nɛ, ma á yiri koe n la: Bɛ̀ n tá zoɛ̃ mà n pàãma baa min sonborebaa gɔ́ɔ̃ nɛ, sana mɛn bɛ́ ǹ ná a *yoreen kɔ ka tɛ nɛ, da bɛ pii ma din lon n tɔn pàãma baa. Da mɔnaa fufun pii ma lon n wɔ n ganaa, n nə n tontoro a sìi kɛ duru ni. Dagòã pii n lɔ n yiin ganaa, ǹ tɔn wɔlɔ yɛ.

Sii yɔrɔ-bɔlen 9:7

Minin ná a boo da Zoatamu ni. Bɛ́ yoo á woo dii Garizimu kele la. Á golee walan, á n lɛ dɛ á pɛ ǹ nɛ: – Sisɛmu kiwidɛnan lɛn, ka n too kɔ masɛ lon, màn mɛn bɛ́ toɛ Lawa nə n too kɔ ka dɔn lon.

Samayeli1 2:30

Bɛ lɛ na á toa, Dɛnaa Lawa, Izirayeli a Lawa lɛ n kɛ pii: Sonbore ne, masɛ goã má pɛ máa n kion minin laanka n tɔrɔn tá re dí nyɛɛ masɛ nɛ duduu. Sɛnɛ sisia Dɛnaa Lawa n kɛ pii: Bɛ ba masɛ bǎã-n doo wa. A giala, min mɛnɛn bɛ́ ma guguru koe, man die bɛn guguru koe. Sɛnɛ, min mɛnɛn bɛ́ ma puusə koe, bɛn tá re paan biɛ ma gɔn.

Samayeli1 2:8

A n pàãwɛnaa sii gusuũn la. A n doobaa dɔ kuĩ tonton bɔlɔ la, a ǹ kaa tán kun ka min dadaran nɛ, a bǎã tɔnaa kɔ ǹ la. A giala, tán a bìbĩn lɛn man Lawa wɔn lɛa, a na á kanaa lɛ giala doa bɛn la.