Zaaki 2:25 - LAWA A BOO SONBORE

²⁵ Lɔ kɔrɔ Rahabu kɛ dɔ wɔ na á n baa miɛ̃. A zɛnaa ǹ siin lɛn man nə́ toa Lawa lɛ kɔ a ganaa. A giala, á lɛ kɔ á Izirayeli minin dia dí-a wolen kũ, á ǹ tamaa doɛ̃, á ǹ kaa zii kɔsɔ la, ǹ nə́ la ǹ nə́ woo.

LAWA A BOO SONBORE 2011

²⁵ Lɔ kɔrɔ Rahabu kɛ dɔ wɔ na á n baa miɛ̃. A zɛnaa ǹ siin lɛn man nə́ toa Lawa lɛ kɔ a ganaa. A giala, á lɛ kɔ á Izirayeli minin dia dí-a wolen kũ, á ǹ tamaa doɛ̃, á ǹ kaa zii kɔsɔ la, ǹ nə́ la ǹ nə́ woo.

Zaaki 2:25 ပူးပေါင်းရင်းမြစ်များ

Matiə 1:5

Salmɔn na á Boozi yɛ Rahabu ganaa, Boozi na á Zobɛdi yɛ Uruti ganaa, Zobɛdi na á Zesee yɛ,

Matiə 21:31

Ǹ mɛn na á ǹ díi lɛ foo sii zɛnaa? Ǹ nə́ tɔ́n pɛ: «A bibinaa lɛ nɛ.» Yezu tɔ́n pɛ ǹ nɛ: – Masɛ n pii ka nɛ sonbore: Wusuru-silin laanka lɔ kɔrɔn tá re doe *Lawa a kiibaa ǹ bǎã nɛ ka nyɛɛnɛ.

Nya ǹ dín 17:7

Zaazɔn na á lɛ kɔ ǹ nə́ n yu a piɛ. Kɛa minin kɛn nya ǹ dí n zia diɛ kii gole gole lɛ a boon ganaa. Maǹ pii mà kii kɔsɔ tan, a tɔ n Yezu.»

Ebrəə 11:31

Golee Lawa li na á toa, Rahabu, lɔ kɔrɔ kɛ lɛ bɔ̀n baa kun ka Lawa bɔlɔ-tiilin ni wa. A giala, á duru a ga gána ganaa wolen kɛn lɛn kũ doɛ̃.

Zaaki 2:18

Sɛnɛ, min tá boe la a pɛ: «Goleemali tá min kɛ nɛ, a zɛnaa ǹ siin man masɛ dɔ lon.» Masɛ n pii bɛa dɛnaa nɛ: «N goleemali lɛ nyaa ma nɛ, zɛnaa ǹ siin gòɛ̃ ná a ba n wa. Bɛ kio, ma dɔ tɔ́n maa goleemali nyaa n nɛ ka zɛnaa ǹ siin ni.»

Zaaki 2:22

Táa ń yɛ: Goleemali laanka a zɛnaa ǹ siin lɛn man nə́ goã dí nyɛɛ kun. Zɛnaa ǹ siin lɛn man nə́ goleemali lɛ lɛ pã.

Zaaki 2:24

Ká yɛ kəni! Goleemali dinsɔɔ̃ bie toɛ Lawa lɛ kɔ min ganaa wa, yǎa zɛnaa ǹ siin lɛn nə goɛ̃ kun ni.

Zozoe 2:1

Nunu a nɛgiĩ Zozoe nə́ n toa Sitimu kiwi, á giĩ min paa dia ka durii ni, á pɛ ǹ nɛ: «Ka woo, ka ga gána lɛ ganaa, ka ga Zerikoo kiwi kɛ sɛ din ganaa a tɔ-a.» Ǹ bɛ́ ǹ nə́ woo ǹ nə́ dɔ gána lɛ nɛ, ǹ nə́ woo kaa lɔ kɔrɔ goon a kion, ǹ nə́ waa walan. Lɔ lɛ tɔ n Rahabu.

Zozoe 2:15

Kungɔn mɛn goã kiwi lɛ lɛnpɛnɛ, Rahabu a kion na á goã doa-n kɔn ka bɛ nɛ. Á biɛ yii lon, minin lɛn nə́ bɔ ka fənɛtrə ne, ǹ nə́ kɔ bɛ lɛ, ǹ nə́ gisĩ.

Zozoe 2:16

Á tɔ́n pɛ ǹ nɛ: «Ka baa si ka wo kele yii kɛ nɛ, màn mɛn bɛ́ toɛ ka kio-loolin lɛn baran kaa ka lɛ wa. Ka n duru walan lɛawaa sɔɔ gɔ́ɔ̃ nɛ, yǎa ka kio-loolin lɛn nə n bɔyɛɛ ǹ die. Bɛ kio, ka á re boe la ka kiɛ̃ kaa zii ni.»

Zozoe 2:4

Sɛnɛ, lɔ lɛ giĩ min paa lɛ kũ á ǹ duru, á tɔ́n pɛ: «Sonbore ne, giĩ min paa daa maa piɛ. Sɛnɛ, ǹ bɛ́ bǎã mɛn minin lɛa, maa bɛ doɛ̃ wa.

Zozoe 2:6

A da yaa, a na á goã á dii ǹ ni kala-n. A din goã á baasan kɔn tɔrɔ a gɔn kaa tán walan. A na á ǹ duru bɛ giulun kala lɛ la.

Zozoe 6:17

Kiwi lɛ laanka màn mɛn tumaa bɛ́ a nɛ, Dɛnaa Lawa wɔ nɛ. Ka die ka bɛ tumaa ziziɛ̃ lenlen. Sɛnɛ, Rahabu kɛ lɛ lɔ kɔrɔ lɛa, ka die ka bɛ dinsɔɔ̃ yii toa koo, a din laanka min mɛn tumaa bɛ́ re goɛ̃ kion kun ni. A giala, á wɔa dia dí-a wolen duru.