Zaaki 2:21 - LAWA A BOO SONBORE

²¹ Bɛ̀ ń yaa Lawa wɔ digolo Abrahamu kũ min peperen lɛa, wàa a lɛa nɛ? A zɛnaa ǹ siin lɛa nɛ. A giala, á Lawa bɔlɔ si, mà a tá a nɛgiĩ Izaaki biɛ wúlu bɔ ǹ màn lɛa.

LAWA A BOO SONBORE 2011

²¹ Bɛ̀ ń yaa Lawa wɔ digolo Abrahamu kũ min peperen lɛa, wàa a lɛa nɛ? A zɛnaa ǹ siin lɛa nɛ. A giala, á Lawa bɔlɔ si, mà a tá a nɛgiĩ Izaaki biɛ wúlu bɔ ǹ màn lɛa.

Zaaki 2:21 ပူးပေါင်းရင်းမြစ်များ

Loen 143:2

N baran kiri wɔ n bɛ̀rɛgiĩ lɛ-a wa, a giala, min kɔn ba pepere nsɛ yɔrɔ-a wa.

Izayii 51:2

Ka ga ka di Abrahamu ganaa, ka Saaraa kɛ nɛ á ka yɛ. Ma bɛ́ bíi, bɛ̀ a nɛ banban. Sɛnɛ, má barka da a ganaa, má baa zaman gigiã digolo lɛa.

Matiə 12:37

Kiri n die n kuri didie la a kɔnpɛ ka a din a da ǹ boo ne: Didie a da ǹ boo n die sonbore koe la, didie a da ǹ boo n die a din zɛ̀rɛ biɛ.»

Matiə 3:9

Ka n taasɛ mà Abrahamu bɛ́ ka digolo lɛa, mà sii kɔ́n ba boe la a kasɛn yɛ wa. Ka baran n dinin bebele wa dɛ! Masɛ n pii ka nɛ, Lawa á boe la a kɔlɔn kɛn bɔyaa a ǹ baa Abrahamu tɔrɔn lɛa!

Luku 1:73

Mà asɛ yiri a die boe a din a liɛ kɛ nɛ wɔ digolo Abrahamu-n wa, mà asɛ á die bǐɛ̃ tɔrɔ tumaa zɛnɛɛ wɔ nɛ,

Luku 16:24

Á tɔ́n nə n lɛ dɛ á pɛ: «Abrahamu, masɛ din a díi, makara bɔ ma ganaa, n Lazaarɛ dia a wo n gòon nyin sã mu li a da da masɛ lɛwɔn la, màn mɛn bɛ́ toɛ, ma bɔlɔ yala basã. A giala, ma á nɔmaa-n tɛ kɛ nɛ á la yii ni.

Luku 16:30

Pàãma lɛ mà Díi Abrahamu ganaa, mà bɛa sii lɛ a boe wa. Sɛnɛ, mà bɛ̀ min yii kaa á bɔ geren bii á woo ǹ li, mà bɛa waáraa mà ǹ tá re wusii ǹ sii baraan kio ǹ golee Lawa li.

Zaã a sɛ́wɔ 8:39

Ǹ nə́ tɔ́n pɛ Yezu ni mà Abrahamu nə ǹsɛn díi lɛa. Yezu tɔ́n pɛ ǹ nɛ: «Bɛ̀ ka ǹ Abrahamu a nɛnyaanan lɛa sonbore, ka kɔ Abrahamu a zɛnaa ǹ siin lɛ.

Zaã a sɛ́wɔ 8:53

Wɔsɛn digolo Abrahamu mɛn bɛ́ á gã, nsɛ n gole n la bɛ-n kən le? Lawa a boo gii-dalin dinin nə́ gã. Nsɛ nə n din biɛ wàa lɛa bɔrɔ?»

Nya ǹ dín 7:2

Itian pɛ: – Ma dɔɔ̃nɔn laanka maa díin ni ka n too kɔ ma lon. Lawa mɛn bɛ́ gugurubaa ná a wɔ lɛa, bɛ na á n din nyaa wɔsɛn digolo Abrahamu ni, bɛ̀ a bɛ́ Mezopotamii gána nɛ, a ná a tɔn da giã Aaran wa.

Rɔmu minin 3:20

Lawa a dí-pɛn bɛ́ mà màn mɛn nə n zɛnaa, min kɔ́n bɛ zɛnaa a ná a lɛ pã wa. Bɛ lɛ taman yii, min kɔ́n ba boe la, a min pepere baa ǹ lɛa Lawa yɔrɔ-a wa. Lawa a dí-pɛn dí n ka kɛ dinsɔɔ̃ nɛ, ǹ sii baraa nyaa, min nə yɛ.

Rɔmu minin 4:1

Wɔ n die pii mà wàa kəni, wɔ digolo Abrahamu wɔ paǹ li? A na á wàa yɛ a minbuiin nɛbaa gɔ́ɔ̃ nɛ?

Rɔmu minin 4:12

Sonbore, Abrahamu n kurii wolen lɛn dɔn díi lɛa. Sɛnɛ, kurii wole kɛ tumaa bie Abrahamu a nɛ lɛa wa. Min mɛnɛn bɛ́ a lɛa, bɛn man ke, golee Lawa li wolen dininsɔɔ̃nɔn, ka wɔ di Abrahamu din bɛ́ á zɛnaa lɔn, bɛ̀ a ná a tɔn nə n kuru wa.

Rɔmu minin 4:16

Lawa na á ná a lɛ kɔ ǹ sii lɛ zɛnaa a giala, mà Abrahamu golee li. Bɛa lɛ kɔ ǹ sii lɛ n bǐɛ̃baa ǹ màn lɛa á kɔ kooro. Bɛa yɔrɔ kɛ la, a n lɛ kɔ ka sii mɛn nɛ, bɛ n Abrahamu a nɛnyaanan tumaa wɔ lɛa. Ǹ mɛnɛn bɛ́ Lawa a dí-pɛn nə́ ǹ li, a bie bɛn dininsɔɔ̃nɔn wɔ lɛa wa. Sɛnɛ, ǹ mɛnɛn dɔn nə golee Lawa li ka Abrahamu din bɛ́ lɔn, a n bɛn dɔn wɔ lɛa. Abrahamu lɛ n wɔ tumaa a díi lɛa.

Ebrəə 11:17

Golee Lawa li na á toa, Lawa bɛ́ á n da Abrahamu gɔ́ɔ̃ li ke, Abrahamu lɛ kɔ á Izaaki kɔ wúlu màn lɛa. A na á n din zɛnaa á die a nɛgiĩ goon toto lɛ koe, a da yaa Lawa na á n lɛ kɔ a din lɛ wɔ gɔn la,

Zaaki 2:18

Sɛnɛ, min tá boe la a pɛ: «Goleemali tá min kɛ nɛ, a zɛnaa ǹ siin man masɛ dɔ lon.» Masɛ n pii bɛa dɛnaa nɛ: «N goleemali lɛ nyaa ma nɛ, zɛnaa ǹ siin gòɛ̃ ná a ba n wa. Bɛ kio, ma dɔ tɔ́n maa goleemali nyaa n nɛ ka zɛnaa ǹ siin ni.»

Zaaki 2:24

Ká yɛ kəni! Goleemali dinsɔɔ̃ bie toɛ Lawa lɛ kɔ min ganaa wa, yǎa zɛnaa ǹ siin lɛn nə goɛ̃ kun ni.

Zozoe 24:3

Ma din ni má ka digolo Abrahamu bɔ tà lɛ kio má soo ne. Ma din ni má mɛ a nyɛɛnɛ má n bibiə̃ ne Kanaan gána tumaa nɛ, má a tɔrɔn mɔnaa: Ma din ni má Izaaki kɔ la,