Zaaki 2:19 - LAWA A BOO SONBORE

¹⁹ Táa n waa la mà Lawa n goon toto? Bɛ á siĩni! N dɔ bɛ́ n waa la lɔn, nɔ̀ɔnɔn dɔn man nə́ waa la miɛ̃, ǹ gɔ̀nɔn yii n bìn diɛ nyɛ́ɛ gɔn.

LAWA A BOO SONBORE 2011

¹⁹ Táa n waa la mà Lawa n goon toto? Bɛ á siĩni! N dɔ bɛ́ n waa la lɔn, nɔ̀ɔnɔn dɔn man nə́ waa la miɛ̃, ǹ gɔ̀nɔn yii n bìn diɛ nyɛ́ɛ gɔn.

Zaaki 2:19 ပူးပေါင်းရင်းမြစ်များ

Izayii 43:10

«Maa siéren man ka ka dinin ni. Kasɛn nɛ, ka maa dí-nyali kɛ nɛ má bɔ. Màn mɛn bɛ́ toɛ, ka golee masɛ li, ka dɔ̃, ka a giala ma, mà masɛ din nə Lawa lɛa. Lawa kɔsɔ goã ma nyɛɛn wa. Kɔsɔ dɔ a re yii ma kio wa. Dɛnaa Lawa a da ǹ boo ne.

Izayii 44:6

Dɛnaa Lawa, Izirayeli a kii, Izirayeli a si sii la wole, Dɛnaa Lawa Pàãyiidɛnaa n kɛ pii: Ma din nə sii tumaa a giala-kɔ lɛa, ma din ni sii tumaa a giala-nyɔmɔɔ lɛa. Bɛ̀ á n bɔ ma din ni, Lawa kɔsɔ banban.

Izayii 44:8

Kasɛn maa zaman, nyɛ́ɛ nyan ka kũ wa. Ka gɔ̀nɔn nyan bìn da wa. Má a boo da ka nɛ, má pɛ ka nɛ a biikoo ná a kànaa wa. Ka ǹ maa siéren lɛa. Lawa kɔsɔ tan masɛ kio? Haayii! Ma din ni kaa gɛ̀fu kaka lɛa. Ma a kɔsɔ doɛ̃ wa.

Izayii 45:6

Bɛ lɛ nɛ, a kũ lɛ̀giala ganaa a wo lɛ̀nyɛɛn yaa, min tumaa á re doɛ̃, mà màn kɔn banban á kiɛ̃ masɛ la wa. Ma din ni Dɛnaa Lawa lɛa, kɔsɔ banban.

Izayii 46:9

Ka n yiri kɔ ka sii bibinaan kɛn nɛ, ǹ mɛnɛn nə n zɛnaa lɛlɛ. Ma din ni Lawa lɛa, kɔsɔ banban. Ma din ni Dɛnaa Lawa lɛa, min kɔn ba ká masɛ bɛ́ lɔn wa.

Zonaasi 4:4

Dɛnaa Lawa tɔn pɛ nɛ: «Á siĩni n foo yoo kɛnɛn?»

Zonaasi 4:9

Lawa tɔn pɛ nɛ: «Sonbore tá n lon n foo yoo da kɛ lɛ a gɛ̀ taman yii?» Zonaasi ná a lɛ si: «Sonbore tá ma lon ma foo yoo taãn-taãnɛ, yǎa a doe gɛ̀ ganaa.»

Zakarii 14:9

Dɛnaa Lawa n die kii biɛ tán tumaa la. Bɛa pinaa, Dɛnaa Lawa n die goɛ̃ goon toto, a tɔ dɔ n die goɛ̃ goon toto.

Matiə 8:29

Ǹ nə́ yoo ǹ nə́ n lɛ dɛ: «Lawa a Nɛgiĩ ganaa, n wàa mɛn sii n wɔsɛn sii ni? Ma nə́ n daa dɔlɔ bɔ wɔsɛn ganaa kànaa bɛ̀ a biikoo ná a tɔn dɔ wa?»

Marki 1:24

«Nazarɛtin Yezu, n bɛ́ min mɛn lɛa, wɔsɛn tá doɛ̃, Lawa din a dia dí-a wole sonbore nə n ne. N wàa mɛn sii n wɔsɛn sii ni? Ma nə́ n daa wɔsɛn laadoo ziziɛ̃ gɔrɔ kən le?»

Marki 12:29

Yezu tɔ́n pɛ nɛ: – Dí-pɛ mɛn a sii bɛ́ kaka á la ǹ miãn manɛ, bɛ n ka kɛ nɛ: «Izirayeli minin lɛn, ka n too kɔ: Dɛnaa, wɔa Lawa lɛ n Dɛnaa Lawa lɛa, goon toto.

Marki 5:7

á n lɛ dɛ kɔsɛkɔsɛ á pɛ: «N wàa dí n masɛ ganaa, Yezu, Lawa gole a Nɛ? Ma nə n gòã kuĩ ka Lawa tɔ nɛ, n nyan fuu nyaa ma-n wa.»

Marki 7:9

Yezu tɔ́n pɛ ǹ nɛ doo: – Ka á boe piã la dɛ, ka n piã ka Lawa a dí-pɛ nɛ, ka n ka dinin landa siin lɛn zɛnɛɛ!

Luku 4:34

«Nazarɛtin Yezu. N bɛ́ min mɛn lɛa, wɔsɛn tá doɛ̃, Lawa din a dia dí-a wole sonbore nə n ne! N wàa mɛn sii n wɔsɛn sii ni? Ma nə́ n daa wɔsɛn laadoo ziziɛ̃ gɔrɔ kən le?»

Zaã a sɛ́wɔ 17:3

Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.

Nya ǹ dín 16:17

A na á goã koe wɔ kio lɛ, wɔ laanka Pooli ni, bɛ̀ a nə́ n lɛ dii: «Minin kɛn man Lon a Lawa Gole a dí-nyalin lɛa. Maǹ kirisibaa ǹ zii boo pii ka nɛ.»

Nya ǹ dín 19:15

Nɔ̀ɔn baraan lɛn nə́ ǹ lɛ si: «Wɔsɛn tá Yezu doɛ̃, Pooli dɔ bɛ́ min mɛn lɛa, wɔsɛn tá bɛ dɔ doɛ̃. Sɛnɛ, kasɛn kɛn lɛn man dien lɛa?»

Nya ǹ dín 24:25

Sɛnɛ, Pooli bɛ́ á yoo á boo diɛ sii pepere zɛnaa wɔ gɔn la, ka din-kuĩ ni, ka biɛ̃ ǹ kiri kɛ nɛ, nyɛ́ɛ Feliksi kũ. Á tɔ́n pɛ Pooli ni: «N lɛ tã bɔrɔ. Bɛ̀ ma biikoo kɔsɔ yɛ, ma á re n bíi.»

Rɔmu minin 3:30

Lawa n goon toto, a bɔkɔnlɛ we wa. Bɛ̀ Zuifu golee li, a n lɛ koe a ganaa, bɛ̀ tɔrɔ kɔsɔ dɔ golee li, a n lɛ koe a dɔ ganaa.

Korɛnti1 8:4

Bɛ lɛ nɛ, nɔ̀n-diɛ bɛ́ màn mɛn ganaa, á ke: Wɔ á boe la wɔ dì wúlu bɔ ǹ siĩ sɔ̃? Wɔ á doɛ̃, wáa dì a màn kɔ́n bǎã siɛ kanaa kɛ-n wa. Wɔ n doɛ̃ dɔn, wáa Lawa goon toto na a tan.

Korɛnti1 8:6

Sɛnɛ, wɔsɛn yii li, Lawa n goon toto, a n Díi lɛa, màn tumaa zɛnaali lɛa, wɔa tá kanaa na a din wɔ lɛa. A din yii goon ne, Dɛnaa dɔ n goon toto, Yezu *Krita nɛ. Màn tumaa na a tan a din pàã ganaa, wɔ n kanaa a din pàã ganaa.

Galaasi minin 3:20

Bɛ̀ min goon dinsɔɔ̃ n sii zɛnɛɛ, a laadoo ba zɛlɛ ganaa wa, a da yaa lɛ-kɔ kɛ gɔ́ɔ̃ nɛ, Lawa dinsɔɔ̃ nɛ.

Timəə dí-pɛn 6:4

Izirayeli minin lɛn, ka n too kɔ: Dɛnaa, wɔa Lawa lɛ n Dɛnaa Lawa lɛa, goon toto.

Timote1 2:5

A giala, Lawa goon toto na a tan, zɛlɛ goon toto dɔ na a tan Lawa laanka minbuiinin bii ni, minbuiin nɛ lɛa: Yezu *Krita nɛ.

Zaaki 2:8

Sonbore, kii Lawa dí-pɛ mɛn kɔ, bɛ̀ ka á bɛ tamaɛ á kɔnpii ka a boo ne, sii sonbore n ka bɛ nɛ ka á zɛnɛɛ. «N nə n miã kɔsɔ narɛ ka n bɛ́ n din narɛ lɔn.»

Zude 1:4

Sonbore, min baraan kɔnɔn nə́ wɔ ka bii ka durii ni, ǹ nə́ wɔa Lawa a bǐɛ̃baa ǹ boo kɛ kɔkɔrɛ, ǹ nə́ sonbore koe ǹ dinin la, ǹ naarɛbaa siin kɛn zɛnaa gɔ́ɔ̃ nɛ. Maǹ nə́ n piɛ̃ ka wɔ Mìinaa laanka wɔa Dɛnaa Yezu Krita dɔ nɛ. Bɛa minin kɛn lɛn, ǹ dɔlɔ bɔ ma ganaa boo nə́ n da haalɛ bibi.

Zude 1:6

Ka n yiri kɔ kɛ dɔ nɛ, lon a dia dí-a wolen mɛnɛn bɛ́ ǹ giã ǹ dia dí-a wolebaa-n wa, ǹ nə́ ǹ bǎã toa walan, Lawa na á bɛn gisĩ á ǹ kaa wɔlɔ tì li, á fɔlɔ biɛn kaa ǹ ganaa. Maǹ die goɛ̃ bɛ-n duduu yǎa kiri kuru ǹ lɛawaa gole kɛ a pinaa.

Sii-nyaan 20:10

Bɛ ganaa, ǹ nə́ nɔ̀ɔn babaraan kiã kɛ kũ, ǹ nə́ zũ kiribi tɛ panapana kɛ nɛ, ǹ goã ǹ nə́ Tɔɔ kɛ laanka a boo gii-dali soɛ-bɔle kɛ zũ bǎã mɛn nɛ ke lɛn. Ǹ tá re nɔmaa ǹ fuu yii walan baayɛlɛ ka tèlò ne yǎa duduu.