Zaaki 2:18 - LAWA A BOO SONBORE

¹⁸ Sɛnɛ, min tá boe la a pɛ: «Goleemali tá min kɛ nɛ, a zɛnaa ǹ siin man masɛ dɔ lon.» Masɛ n pii bɛa dɛnaa nɛ: «N goleemali lɛ nyaa ma nɛ, zɛnaa ǹ siin gòɛ̃ ná a ba n wa. Bɛ kio, ma dɔ tɔ́n maa goleemali nyaa n nɛ ka zɛnaa ǹ siin ni.»

LAWA A BOO SONBORE 2011

¹⁸ Sɛnɛ, min tá boe la a pɛ: «Goleemali tá min kɛ nɛ, a zɛnaa ǹ siin man masɛ dɔ lon.» Masɛ n pii bɛa dɛnaa nɛ: «N goleemali lɛ nyaa ma nɛ, zɛnaa ǹ siin gòɛ̃ ná a ba n wa. Bɛ kio, ma dɔ tɔ́n maa goleemali nyaa n nɛ ka zɛnaa ǹ siin ni.»

Zaaki 2:18 ပူးပေါင်းရင်းမြစ်များ

Rɔmu minin 14:23

Sɛnɛ, min mɛn bɛ́ a gɔ́ɔ̃ nə n lonlankoe màn-bii kɔ́n wɔ gɔn la, bɛ̀ bɛa dɛnaa bɛa màn lɛ bii, Lawa n dɔlɔ boe a ganaa. A giala, a sii lɛ zɛnaa á kɔnpɛ a golee Lawa li-n wa. Sii woo sii, a nə n zɛnɛɛ ka golee Lawa li baã nɛ, bɛ n sii baraa lɛa.

Rɔmu minin 3:28

A giala wɔ n taasɛ wáa minbuiin nɛ n peperebaa yii Lawa yɔrɔ-a goleemali barka nɛ, dí-pɛn gòɛ̃ ná a ba a-n wa.

Rɔmu minin 4:6

Bɛ̀ Lawa lɛ kɔ min ganaa, a da yaa ǹ dɛnaa bie á dí nya, á bɛa lɛ-kɔmaganaa kɛ lɛ yɛ wa, barka dɛnaa ǹ ka bɛ nɛ. Kii Davida bɛ́ bɛa barka dama-a kɛ lɛ boo diɛ, á pɛ:

Rɔmu minin 8:1

Sisia kəni, min mɛnɛn bɛ́ kaa-n kun ka Yezu *Krita nɛ, dɔlɔ ba bɛn mìi-n doo wa.

Rɔmu minin 9:19

Kɔntan min tá re pii: «Lawa n wàa mɛn zɛ̀rɛ koɛ minin ganaa doo kəni? A giala, die n boe la a n piã ka a dùũ ni?»

Korɛnti1 13:2

Ta má Lawa a boo gii-dali baa, ta má màn-doɛ̃ tumaa yɛ, man sii-duriin tumaa doɛ̃, goleemali mɛn bɛ́ boe la a kelen goa a ǹ bɔ ǹ bǎã nɛ, ta má bɛ yɛ, bɛ̀ kɔn-narɛɛ ba ma lon wa, ma a màn kɔ́n lɛa wa.

Korɛnti2 5:17

Bɛ̀ min golee Krita li, ǹ dɛnaa na á màn dii baa: a màn zizibaa nya, á ke, a n màn dii lɛa.

Korɛnti2 7:1

Maa giaáran lɛn, bɛa lɛ-kɔ ǹ siin kɛn lɛn là á gole wɔ ganaa. Bɛ lɛ n toɛ, sii mɛn tumaa bɛ́ gɔ̀nɔn laanka telenboen gɔgɔrɛ koe, ka daa wɔ n bɔ bɛn wɔlɔ li, wɔ n dinin *yoreen kɔ lenlen. Ka daa wɔ nyɛ́ɛ baa Lawa yii ni.

Galaasi minin 5:6

A giala, min mɛn bɛ́ Krita wɔ gɔ́ɔ̃ nɛ, kurii laanka kuriibaã a màn kɔ́n lɛa bɛa dɛnaa wɔ paǹ li wa. Màn mɛn bɛ́ màn lɛa, golee Yezu li ni, bɛ nə n nyaa ka miãn narɛɛ nɛ.

Timote1 1:5

Bɛa gɔn-waa lɛ mìi n ka kɛ nɛ, máa ǹ kɔn narɛ ka gɔ́ɔ̃ fubaa nɛ. Máa taasiɛ sonbore goã ǹ lon, ka goleemali taãn nɛ, ǹ kɔn-narɛɛ lɛ bɔ bɛn nɛ.

Tiitii 2:7

N dinmaa lɛ kəni, n doamaa nɛ, n goã dí sonboren giala-nyaali lɛa sii tumaa gɔ́ɔ̃ nɛ. N goã parsiidɛnaa lɛa, n boo ná a giala la, n minin-daraa gɔ́ɔ̃ nɛ.

Ebrəə 11:31

Golee Lawa li na á toa, Rahabu, lɔ kɔrɔ kɛ lɛ bɔ̀n baa kun ka Lawa bɔlɔ-tiilin ni wa. A giala, á duru a ga gána ganaa wolen kɛn lɛn kũ doɛ̃.

Ebrəə 11:33

Ǹsɛn mɛnɛn bɛ́, ǹ nə́ yɔ bɔ kɔn ka gána tumun ni, golee Lawa li a lɛa, ǹ nə́ gɔ̀lɔ̀baa yɛ. Ǹ nə́ peperebaa ǹ dín nya, ǹ nə́ Lawa a lɛ-kɔ ǹ siin yɛ n zɛnɛɛ. Ǹ nə́ yàran lɛ tã,

Ebrəə 11:6

A da yaa, bɛ̀ golee Lawa li bie wa, min kɔ́n ba boe la, a kɔɔ̃n kɔ Lawa ganaa wa. Sonbore, bɛ̀ min mɛn tá n mɔrɛ Lawa ganaa, bɛ doamaa nɛ a dɔ̃, mà Lawa lɛ tan, mà a n toɛ a gamali wolen nə yɛ.

Zaaki 2:14

Ma dɔɔ̃nɔn lɛn, bɛ̀ min pɛ mà goleemali tá asɛ nɛ, bɛ̀ a ba n doɛ̃ a zɛnaa ǹ sii li wa, bɛ n wàa bǐɛ̃ koe? Bɛ miã goleemali kɛ á boe la a min kirisibaa?

Zaaki 3:13

Die n sii doɛ̃ ka bii, yiri ná a lon? Bɛa dɛnaa na a sii-doɛ̃ lɛ nyaa ka a tɔ wɔ ǹ gɔn sonbore ne, ka din-gisiĩ ni a zɛnaa ǹ siin gɔ́ɔ̃ nɛ.