Zaaki 1:5 - LAWA A BOO SONBORE

⁵ Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.

LAWA A BOO SONBORE 2011

⁵ Bɛ̀ sii-doɛ̃ nyaabaa min mɛn ganaa, ǹ dɛnaa na a nyankɔ Lawa la, á die koe la. A giala, Lawa n boe a din ni, bɛ̀ a bǐɛ̃ baa min tumaa la miɛ̃, a min sɔ̀n pii a tɔn gɔ wa.

Zaaki 1:5 ပူးပေါင်းရင်းမြစ်များ

KZS1 22:12

Lawa nə n yiri fulu, a sii-doɛ̃ kɔ n la, màn mɛn bɛ toɛ n kɔ Dɛnaa Lawa a dí-pɛn kɛn lɛ, bɛ̀ á n koa Izirayeli mìi la á pàã kɔ n la.

KZS2 1:10

Ma nə n nyankoe, sii-doɛ̃ laanka doɛ̃ kɔ ma la, màn mɛn bɛ toɛ ma boo la ma zaman kɛ nyɛɛnaan bɔ. Bɛ̀ bɛ́ bie wa, die n boe la a n zaman kɛ nyɛɛnaan bɔ, bɛa zaman gole ke?»

Loen 51:6

Má sii la, man má sii la n dinsɔɔ̃ lɛ la. Sii mɛn bɛ́ baraa n yɔrɔ-a, má bɛ lɛ zɛnaa. Bɛ lɛ n ke, ta n boo mɛn da, sonbore tá n lon, ta n dɔlɔ mɛn da ma mìi ni, zɛ̀rɛ ba n ganaa wa.

Bɔ bɛ̀rɛbaa nɛ 31:3

Man má yiri kɔ Besaleli lɛ la, màn mɛn bɛ́ toɛ, a sii-doɛ̃ laanka yiridɛnaabaa yɛ, ka màn-doɛ̃ laanka kanaa sii tumaa zɛnaa doɛ̃ nɛ.

Bɔ bɛ̀rɛbaa nɛ 31:6

Ka bɛ dɔ-n doo, man má Dan tɔrɔ Ayisamaaki a nɛgiĩ Oholiabu da kun ni. Má dí nya doɛ̃ kɔ ǹ la, kun ka dí-nyali kɔsɔn nɛ, màn mɛn bɛ́ toɛ, masɛ dí mɛn tumaa pɛ n din ni, ǹ bɛ nya.

Suusun 8:17

Min mɛnɛn bɛ́ ma narɛɛ, ma dɔ n bɛn narɛ. Min mɛnɛn bɛ́ giɛ ma li, ǹ ba foɛ̃ ma li wa.

Matiə 11:20

Bɛ kio, Yezu bɛ́ á na a kaãbaa ǹ sii lɛ a gigiã zɛnaa kiwin mɛnɛn nɛ, a ná a giala kɔ á yoo bɛn gialaa, a giala ǹ minin nə ǹ tɔ wɔ ǹ gɔn bɔyaa wa. Á pɛ:

Marki 16:14

Bɛ tumaa kio, Yezu nə́ n din nyaa a kialandɛnaa fulugoon ne, bɛ̀ maǹ màn bii. Ǹ golee Lawa li baã laanka ǹ too kakabaa a la yii-n lɛ na á toa, Yezu yoo ǹ gialaa, a giala min mɛnɛn nə yɛ a yii n koo, ǹ golee bɛn lɛn boo li wa.

Zaã a sɛ́wɔ 14:13

Bɛa biikoo li, ka bɛ́ re màn woo màn nyankoe ka masɛ tɔ nɛ, ma á die bɛ koe ka la, màn mɛn bɛ́ toɛ, ma maa Díi a gugurubaa nyaa.

Zaã a sɛ́wɔ 15:7

Bɛ̀ ka tá doa-n kɔn ka masɛ nɛ, bɛ̀ maa boon kɛn dɔn tá ka foo ne, ka bɛ́ màn mɛn li, ka a nyankɔ, ka á re yii.

Zaã a sɛ́wɔ 4:10

Yezu tɔ́n pɛ nɛ: «Bɛ̀ ma n Lawa a minin gɔ ǹ màn kɛ doɛ̃, ka masɛ mɛn dɔ bɛ́ má pɛ n nɛ máa n mu kɔ ma mi, bɛ̀ n din kɛ lɛ n die nɔ̀n diɛ masɛ la ka mu ni; bɛ̀ man die mu koe n la n mi, mu mɛn bɛ́ yiikoonaabaa koe min la.»

Korɛnti2 2:16

Papaã wolen yii li, gìĩ kɛ lɛ n gɛ̀ gìĩ lɛa, a n gɛ̀ dii; kirisibaalin yii li, a n yiikoonaabaa gìĩ lɛa, a n yiikoonaabaa koe. Die n boe la a bɛa dí kɛ miã nya?

Zaaki 1:17

Lawa bɛ́ wɔ goe ka màn mɛn tumaa nɛ, màn sonbore ne, a lɛ piɛ̃maa nɛ. A din na á folo-kaalin zɛnaa á ǹ kaa lon. Lawa ba n bɔyɛɛ ka bɛa mànan lɛn bɛ́ lɔn, bɛ̀ a fúlu a wusoo a tii wa; bɔyaa ǹ gɔn ba a ganaa paǹ kɔ́n li wa.

Zaaki 3:17

Sɛnɛ, Lawa bɛ́ sii-doɛ̃ mɛn koe, bɛ̀ bɛ tá min mɛn lon, bibinaa nɛ, a bɛ miã sii gɔgɔrɛ kɛ zɛnɛɛ wa, bɛa sii-doɛ̃ lɛ n die ka là nyantoro ne. Ǹ dɛnaa a sii n basiɛ̃ nɛ, a n giɛ minin lɛ a kaa kun li. Ǹ dɛnaa a makara-doɛ̃ n gole, a n sii sonbore zɛnɛɛ parsiini. Ǹ dɛnaa ba n gɔ́ɔ̃ lonlankoe wa, a bɔlɔ paa pii min ni wa.

Zaaki 5:16

Bɛ lɛ taman yii, ka kaa sii baraan pɛ kɔn nɛ, ka Lawa nyankɔ kɔn a lɛa, màn mɛn bɛ́ toɛ, ka kakabaa yɛ. Min mɛn bɛ́ Lawa bɔlɔ sii, pàã tá bɛa dɛnaa a Lawa-nyankɔ nɛ.

Zaã1 3:22

Wɔ bɛ́ màn mɛn nyankoe la, wɔ n bɛ yii. A giala, mà wɔ tá a dí-pɛn lɛ sii, wɔ ná a foo kɔɔ̃n kɔ ǹ sii zɛnɛɛ.