Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zaaki 1:22 - LAWA A BOO SONBORE

22 Ka toa ka tɔ wɔ, a kɔnpɛ ka Lawa a boo lɛ-n ka tɛrɛɛnɛ. Ka baran n too kɔ a ganaa kooro, ka ka dinin bebele wa.

အခန်းကိုကြည့်ပါ။ ကော်ပီ

LAWA A BOO SONBORE 2011

22 Ka toa ka tɔ wɔ, a kɔnpɛ ka Lawa a boo lɛ-n ka tɛrɛɛnɛ. Ka baran n too kɔ a ganaa kooro, ka ka dinin bebele wa.

အခန်းကိုကြည့်ပါ။ ကော်ပီ




Zaaki 1:22
31 ပူးပေါင်းရင်းမြစ်များ  

Màn mɛn bɛ́ ton lɛa, minin kɛn manə n parɛɛ bɛ ganaa. Maǹ sã gɔ́ɔ̃ nɛ, ǹ ba taasiɛ sonbore we wa. Ǹ ba re kanbiɛ wa. Ǹ kɔn ba re pii: «Màn ke ma gɔn, Lawa taãn bie wa.»


Dɛnaa Lawa pɛ ma-n doo: – Lɛ dia n pɛ Zudaa kiwin ni ka Zeruzalɛmu a ziin la ǹ nɛ, n pɛ kɛnɛn: «Ka lɛ kɔ kɔn la ǹ boon kɛn tamaa, ka kɔ ǹ lɛ!


Táa n din-koa baraa kɛ lɛ nə n yiri siɛ̃! Nsɛ bɛ́ giã-n kele kɔ́sɔ nɛ, n nə́ lon kelen lalan, ma n taasɛ kəni: «Die n boe la a masɛ da gisĩ tán ganaa?»


A giala, min mɛn bɛ́ masɛ Di Lawa foo sii zɛnɛɛ, bɛ lɛ n masɛ dɔɔ̃ngiĩ lɛa, bɛ lɛ n masɛ miãnɛn lɛa, bɛ lɛ n masɛ dan lɛa.»


Ma dí mɛn tumaa pɛ ka nɛ, ka ǹ daraa ǹ ganaa ǹ nə ǹ nya. Ka dɔ̃: Ma á kun ka-n baraabaraa, yǎa kanaa a nya pinaa.»


Sɛnɛ, Yezu pɛ: «Haayii! Min mɛnɛn bɛ́ n too koe Lawa a boo-a, ǹ nə́ tɔ we á kɔnpii-n kaa, barka á re n diɛ bɛn ganaa!»


Ka bɛ́ bɛ doɛ̃ kanna, ka kɔ lɛ, ka foo á re nyɛɛ.


Bɛ̀ min tá giɛ li a boo la, a n baa min pepere lɛa Lawa yɔrɔ-a, dí-pɛn kɛn doɛ̃ dinsɔɔ̃ bie boe wa, yǎa a tɔ we a kɔnpii ka Lawa a zii kɛ nɛ.


Ka nyan ka dinin yiri sã wa: «Koa-kun wole baraan man giã ǹ gɔn sonbore ziziɛ̃.»


Ka nyan ka dinin yiri sã wa. Bɛ̀ min tá ka bii á n taasɛ, ka kanaa minin kɛn wɔ bɛ́ lɔn, mà asɛ n sii-dɔ̃li lɛa, ǹ dɛnaa nə n din baa gàãnaa lɛa bɔrɔ, a tɔn sii-doɛ̃ taãn yɛ.


Ka a doɛ̃ mà min kɔkɔrɔn ba re bǎã yii *Lawa a kiibaa-n wa? Ka nyan ka dinin yiri sã wa! Din kũ doɛ̃baã wolen ne ka dì wúlu-bɔlen ne, naarɛbaalin ni, ka giĩ baa lɔ lɛa wolen ne,


Bɛ̀ min mɛn tá taasɛ mà asɛ n màn gole lɛa, a ná a màn kɔ́n dɔ lɛa wa, a nə n din yiri siɛ̃.


Ka nyan sã ka dinin yiri ganaa wa. Min ba yaa we Lawa ganaa wa. Bɛ̀ min màn mɛn da, a n die bɛ lɛ kuri.


Bɛ din tumaa kio kəni, ma dɔɔ̃nɔn lɛn, ka n yiri doa sii bǐɛ̃ ganaa, a n tɔ bɔ ǹ sii lɛa: ǹ mɛn bɛ́ taãn lɛa, guguru-kɔ ná a nɛ, a n pepere, *yoreen ne, a n kɔɔ̃nɛ, zín ná a nɛ.


Ka bɛ́ boe la ka á boo woo boo diɛ, ka á sii woo sii zɛnɛɛ, ka bɛ tumaa zɛnaa ka wɔa Dɛnaa Yezu tɔ nɛ, bɛ̀ ka n barka diɛ Díi Lawa nɛ, a din lɛ pàã ganaa.


Min babaraan kɛn laanka minin yiri-sãlin kɛn, màn tá re miɛ bɛn baraabaa li. Ǹ tá re min kɔsɔn siɛ̃, ǹ dininmaan dɔn siɛ̃maa nɛ.


A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.


Bɛ̀ min pɛ mà a n Lawa a zii tɔ we, a lɛ dɔ ná a kuĩ wa, bɛa dɛnaa na a din bebele, a Lawa a zii tɔ-we lɛ n kooro lɛa.


Dɔɔ̃nɔn lɛn, ka nyan lɛ pɔrɔ kɔn ganaa wa. Bɛ̀ min mɛn tá lɛ pɔrɛɛ ǹ miã ganaa, hinlaa bɛ̀ á zɛ̀rɛ koɛ a ganaa, bɛa dɛnaa n lɛ pɔrɛɛ Lawa a dí-pɛ ganaa, á n zɛ̀rɛ koɛ a ganaa. A da yaa, bɛ̀ n tá zɛ̀rɛ koɛ Lawa a dí-pɛ ganaa, n bie a tamaali lɛa doo wa, sɛnɛ, a zɛ̀rɛ baali nə n ne.


Bɛ gɔ́ɔ̃ nɛ, bɛ̀ min mɛn tá sii sonbore zɛnaa ǹ gɔn doɛ̃, a ná a ba zɛnɛɛ wa, bɛa dɛnaa n sii baraa diɛ a din mìi ni.


Ǹ nɔmaan mɛnɛn da ǹ miãn mìi ni, bɛn saraa ǹ dɔlɔn man die wusii, ǹ dɔ ǹ dinin ganaa. A n kɔɔ̃nɛ ǹ ganaa, ǹ nə ǹ dùũ sii babaraan kɛn zɛnaa penleen tiɛɛ̃n nɛ. Bɛ̀ ǹ tá kun ka nɛ kaa màn bii ǹ bǎã nɛ, manə ǹ sii kɔkɔrɔn lɛn zɛnɛɛ. Ǹ tá ka bii lɛ din nə *gɔ̀ laanka wɔ̀lɔ̀ lɛa.


Bɛ̀ wɔ́ pɛ wáa sii baraa ba wɔ li wa, wɔ nə n dinin yiri siɛ̃, sonbore ba wɔ gɔ́ɔ̃-n wa.


Bɛ̀ wɔ á Lawa a dí-pɛn lɛ sii, wɔ ǹ doɛ̃ ka bɛ nɛ, wáa wɔ á Lawa doɛ̃.


Maa nɛnyaanan lɛn, ka baran toa min kɔ́n ka yiri sã wa. N mɛn bɛ́ sii pepere zɛnɛɛ, n dinmaa dɔ n pepere ka Krita bɛ́ pepere lɔn.


Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.


Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.


Yezu n pii: «Á ke, ma á die kànaa ka boɛɛn nɛ! Min mɛnɛn bɛ́ Lawa a boo gii-dalibaa ǹ boon kɛn miɛ sɛ́wɔ kɛ nɛ, ǹ nə́ ǹ lɛ sii, Lawa á re barka diɛ bɛn ganaa.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ