Zaaki 1:19 - LAWA A BOO SONBORE

¹⁹ Ka dɔ̃, ma dɔɔ̃n narɛɛ wolen lɛn, didie doamaa nɛ a n too kɔ doɛ̃, min kɔ́n baran n lɛ fuu kɔ a boo da wa, min kɔ́n foo baran yoo fufuu wa.

LAWA A BOO SONBORE 2011

¹⁹ Ka dɔ̃, ma dɔɔ̃n narɛɛ wolen lɛn, didie doamaa nɛ a n too kɔ doɛ̃, min kɔ́n baran n lɛ fuu kɔ a boo da wa, min kɔ́n foo baran yoo fufuu wa.

Zaaki 1:19 ပူးပေါင်းရင်းမြစ်များ

Nehemii 8:18

A saa zɔ́n lɛ a giala-kɔ pinaa ganaa, Lawa dí-pɛn sɛ́wɔ lɛ na á goã n pii, baraabaraa yǎa zɔ́n lɛ a nya pinaa. Maǹ nə́ zɔ́n lɛ zɛnaa lɛawaa sɔbaa, a lɛawaa kiwisibaa ǹ wɔ pinaa, a kɔnpɛ ka a yɔrɔ bɔ ǹ gɔn nɛ, ǹ nə́ n sɔkɔn ǹ nə́ zɔ́n lɛ a zɛnaa gɔn nyɔmɔ.

Nehemii 9:17

Ǹ nə́ n piã ǹ nə n too kɔ wa, n goã ń kaãbaa ǹ sii mɛnɛn zɛnaa ǹ nɛ, ǹ nə n yiri kɔ ka bɛn nɛ wa, ǹ nə́ n too laa. Ǹ gòãn dii lɛ gɔ́ɔ̃ nɛ, á wɔ ǹ mìi ni, mà ǹsɛn manə n lɛ goɛ ǹ wo bɛ̀rɛbaa ǹ bǎã lɛ-n doo. Sɛnɛ n nə ǹ toa walan wa, a giala n nə Lawa lɛa, Lawa mɛn nə́ ke minin sii baraan toɛ ǹ nɛ, bǐɛ̃ zɛnɛɛ, min makara doɛ̃, a foo ná a ba yui fufuu wa, a bǐɛ̃baa á gole taãn-taãnɛ.

Nehemii 9:3

Ǹ bɛ́ golee-n lon ǹ bǎã nɛ, ǹ Lawa, Dɛnaa Lawa a dí-pɛn sɛ́wɔ kɛ na á n pɛ á belebɔ, á dɔ biikoo sɔɔ. Ǹ nə́ ǹ sii baraan dɔn pɛ, ǹ nə́ ǹ Lawa, Dɛnaa Lawa guguru kɔ, bɛ dɔ́ belebɔ á dɔ biikoo sɔɔ.

Zɔbu 32:16

Má n yii da. Sɛnɛ, ǹ bɛ́ ǹ bie boo diɛ wa, ǹ bɛ́ ǹ nə́ golee, boo ná a ba ǹ lɛ-n wa,

Suusun 10:19

Boo gigiã diɛ n die ka siɛ̃ nɛ. Min mɛn bɛ́ a boo gigiã diɛ wa, yiridɛnaa nɛ.

Suusun 13:3

Min mɛn bɛ́ yiri boe a din a da ǹ boo li, a nə nyin tamɛɛ. Sɛnɛ, min mɛn bɛ́ boo sawɛɛ, nɔmaa n die bɛ yii.

Suusun 14:17

Min mɛn foo bɛ́ yui fufuu, a n sii kooron zɛnɛɛ. Min mɛn bɛ́ n din biɛ yiridɛnaa lɛa, a nə n din tìĩ boe.

Suusun 14:29

Min mɛn bɛ́ boe a din foo la, bɛ n yiridɛnaa lɛa taãn-taãnɛ. Sɛnɛ min mɛn foo bɛ́ a gole yoo-n wa, a siɛ̃ yii n fuu.

Suusun 15:18

Foodɛnaa n zia yui. Sɛnɛ, sabara-baali n zia nyɛɛ.

Suusun 15:2

Bɛ̀ sii-dɔ̃li á boo diɛ, daraa sii nə n kuĩ. Sɛnɛ, bɛ̀ yiriwɛɛnaa nə n lɛ bũ, boo kooron manɛ á diɛ.

Suusun 16:32

Min mɛn foo bɛ́ a yui wa, á soɛ gɔ̀lɔ̀ nɛ. Min mɛn bɛ́ boe a din la, á soɛ zia mìinaa nɛ.

Suusun 17:14

Bɛ̀ n zia giala kɔ, ma nə n mu tii lɛ bũ. Zia lɛ laan bɛ̀ a n yui, n basã.

Suusun 17:27

Min mɛn bɛ́ boe a din la boo diɛ gɔ́ɔ̃ nɛ, a na a doɛ̃ nyɛɛ. Min mɛn bɛ́ boe n foo kũ la, yiridɛnaa nɛ.

Suusun 18:13

Min mɛn bɛ́ boo lɛ sii a tɔn nə n too kɔ, gàãnaa nɛ. A wɔ n ka sìi ni.

Suusun 18:21

Gɛ̀ laanka yiikoonaabaa n boe da ǹ boo li. Min mɛn bɛ́ boo narɛ, a doamaa nɛ a lɛ kɔ a mìi gɔ́ɔ̃ nɛ ǹ siin ganaa.

Suusun 19:11

Yiridɛnaa foo á yui naanaa wa. Ǹ bɛ́ baraa mɛn zɛnɛɛ nɛ, bɛ toa walan nə gugurubaa koe la.

Suusun 19:19

Foo-yoo gole doamaa-n ka dɔlɔ màn saraa nɛ. Bɛ̀ ká n dɛnaa toa walan, ka n tɔn sɔsɔmɛ diɛ a zɛnaa ganaa.

Suusun 21:23

Bɛ̀ min mɛn boo a lɛ laanka a lɛwɔn la, a nə n din tamɛɛ koe ganaa.

Suusun 25:28

Min mɛn bɛ́ a boe a din foo la wa, bɛ na á kɔnbɔ ka kiwi mɛn bɛ́ panparaanɛ kungɔn ná a ba a ganaa wa.

Suusun 29:20

Bɛ̀ min tá boo diɛ a na a ba n taasɛɛ wa, baãnaa á soɛ bɛa dɛnaa nɛ.

Minin nimi 22:27

Dundun dan lɛ wusoo doo á Dɛnaa Lawa a lon a dia dí-a wole lɛ yɛ, yǎa a na, a waa tán ka Balaamu ni. Balaamu foo yoo li, á məməə ka bàlà nɛ.

Matiə 5:22

Sɛnɛ, masɛ n pii ka nɛ, bɛ̀ min mɛn foo yoo ǹ miã li, ka doamaa nɛ ka dɔlɔ bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «N là banban,» ka doamaa nɛ ka dɔlɔ gole bɔ bɛa dɛnaa ganaa. Bɛ̀ min mɛn nə́ pɛ ǹ miã nɛ: «Gàãnaa nə n nɛ!» ka doamaa nɛ ka bɛa dɛnaa da bɔ̀nbaa ǹ tɛ gole ne.

Marki 12:37

Davida dinmaa lɛ n bíi mà «asɛ a Dɛnaa.» A n siɛ lɔn ǹ tá taasɛ mà Minin Nyin-sili n Davida tɔrɔ lɛa dɔn? Zaman gigiã goã n too koe Yezu a boo lɛ ganaa parsiini.

Marki 2:2

Zaman gigiã daa n lɛ sɔkɔn, kion gɔ́ɔ̃ pã, a kiɛnlɛ-a pã, yǎa min kɔsɔ a wɔ ǹ bǎã banban. Yezu goã ǹ darɛɛ Lawa a boo ganaa.

Luku 15:1

Wusuru-sili gigiã goã n mɔrɛ Yezu ganaa, ǹ nə́ n too koe a lon, ka min kɔsɔn dɔn nɛ, ǹ tɔ baraa n minin lɛ-n.

Luku 19:48

Sɛnɛ, ǹ goã doɛ̃ ǹ bɛ́ re siɛ lɔn wa, a giala, zaman lɛ na á goã n too koe a lon ka ǹ parsii ni.

Nya ǹ dín 1:15

Kialandɛnan mɛnɛn lɛ bɛ́ soe-n kɔn, ǹ nə́ woo dɔ min paabiɛ ka fuə (120) kɛ miã. Ǹ kɔ́n pinaa Piɛrɛ yoo á golee dɔɔ̃nɔn lɛn bii, á pɛ:

Nya ǹ dín 10:33

A din bǎã-n gɔrɔ má minin dia giɛ n li. N dɔ́ minbaa zɛnaa, ń lɛ kɔ ń daa wɔsɛn li. Sisia, wɔsɛn tumaa bɛ́ n yɔrɔ-a, Dɛnaa màn mɛn kɔ n la mà n pɛ, wɔsɛn man die n too koe bɛ li.

Nya ǹ dín 13:48

Ǹ bɛ́ ǹ nə́ bɛa boo kɛ ma, tɔrɔ kɔsɔn minin kɛn foo kɔɔ̃n kɔ parsiini, ǹ nə́ barka da Lawa nɛ a boo kɛ a lɛa. Minin mɛnɛn tumaa bɛ́ Lawa nə́ ǹ da nyin nyabaã kɛ wɔn lɛa, bɛn nə́ golee Lawa li.

Nya ǹ dín 17:11

Minbuiinbaa goã bɛn nɛ á la Tesaloniki a Zuifun manɛ. Ǹ nə́ boo lɛ si ka foo sonbore ne. Baraabaraa maǹ nə́ goã Lawa a Boo Sɛ́wɔ lɛ pii, ǹ nə́ giɛ-a bɛ̀ a n miɛ̃ sonbore.

Nya ǹ dín 2:42

Bɛa minin kɛn lɛn man nə́ goã woe dia dí-a wolen minin daraa ǹ bǎã-n kun, ǹ nə́ goã dɔɔ̃nbaa ǹ kɔn-narɛɛ we, ǹ nə́ goã màn bii ǹ nə́ Lawa nyankoe kun.

Efɛɛzi minin 4:26

Bɛ̀ ka foo yoo, ka nyan sii baraa zɛnaa wa. Ka nyan toa ka foo goã yoo ne a wasa mɛ-n wa.

Efɛɛzi minin 4:31

Ka toa kɔkɔsɛbaa ǹ sii tumaa wɔlɔ lui ka ganaa, min koa ma gɔ́ɔ̃-n nɛ, foo-yoo baraa tumaa nɛ, paparaan nɛ ka sɔ-kɔn nɛ. Ka n bɔ baraabaa sii tɔrɔ tumaa wɔlɔ li.

Kolɔɔsi minin 3:15

Krita dinsɔɔ̃ n boe la, a toa minin nə goã kun là nyantoro la. Ka n doa ka bɛa là nyantoro kɛ lɛ tamaa ka foo ne, a giala, a na á ka bíi bɛ lɛ a lɛa, ka goã kun ka gɔ̀nɔn goon toto bɛ́ lɔn. Ka toa ka bǐɛ̃ dɔ̃ Lawa nɛ.

Kolɔɔsi minin 3:8

Sɛnɛ kanna, ka n piã ka bɛa sii kɛ lɛ din tumaa nɛ: Ka n piã ka foo-busii ni, ka foo-yoo ne, ka baraabaa nɛ, ka baran toa sɔ-kɔ laanka sìi boon nə bɔ ka lɛ-n wa.

Tesaloniki1 2:13

Wɔ dɔn barka da Lawa-n baraabaraa mìi n ke doo. Wɔ bɛ́ wɔ́ Lawa a boo mɛn pɛ ka nɛ, ka n ká n too kɔ a ganaa, ká si, ka bie ká si minbuiinin boo lɛa wa, sɛnɛ, ka n ká si Lawa a boo lɛa. A n bɛ lɛ lɛa taãn-taãnɛ, a din lɛ n dí nyɛɛ kasɛn golee Lawa li wolen lɛn foo ne.

Zaaki 1:16

Ka baran ka dinin bebele wa, ma dɔɔ̃n narɛɛ wolen lɛn.

Zaaki 1:2

Ma dɔɔ̃nɔn lɛn, ka bɛ́ nɔmaa tɔrɔ mɛn tumaa we, ka toa ka n nyɛnyɛɛ bɛ gɔ́ɔ̃ nɛ.

Zaaki 1:26

Bɛ̀ min pɛ mà a n Lawa a zii tɔ we, a lɛ dɔ ná a kuĩ wa, bɛa dɛnaa na a din bebele, a Lawa a zii tɔ-we lɛ n kooro lɛa.

Zaaki 2:1

Ma dɔɔ̃nɔn lɛn, goleemali mɛn bɛ́ ka lon wɔa Dɛnaa Yezu *Krita nɛ, gugurubaa bɛ́ asɛ mɛn nɛ, ka baran n toa bɛ gɔ́ɔ̃ nɛ, ka minin bɔkɔnlɛ wɔ wa.

Zaaki 2:5

Ka n too kɔ, ma dɔɔ̃n narɛɛ wolen lɛn. Min mɛnɛn bɛ́ doobaan lɛa kanaa minin yii li, Lawa na á bɛn lɛn bɔ, mà ǹ pàãman baa goleemali gɔ́ɔ̃ nɛ, ǹ Lawa a piɛ dɔ yɛ. Lawa na á n lɛ kɔ, mà á die bɛ lɛ koe a narɛɛ wolen la.

Zaaki 3:10

Boo bǐɛ̃ laanka a baraa nɛ, ǹ tumaa n boe a din lɛ goon kɛ lɛ nɛ. Ma dɔɔ̃nɔn lɛn, a siĩni a n baa miɛ̃ wa.

Zaaki 4:11

Dɔɔ̃nɔn lɛn, ka nyan lɛ pɔrɔ kɔn ganaa wa. Bɛ̀ min mɛn tá lɛ pɔrɛɛ ǹ miã ganaa, hinlaa bɛ̀ á zɛ̀rɛ koɛ a ganaa, bɛa dɛnaa n lɛ pɔrɛɛ Lawa a dí-pɛ ganaa, á n zɛ̀rɛ koɛ a ganaa. A da yaa, bɛ̀ n tá zɛ̀rɛ koɛ Lawa a dí-pɛ ganaa, n bie a tamaali lɛa doo wa, sɛnɛ, a zɛ̀rɛ baali nə n ne.

Zaaki 5:12

Sɛnɛ, bɛ din tumaa woo a n tiləə, ma dɔɔ̃nɔn, ta ka sii la wa, ka baran n liɛ wa: Ka baran n liɛ ka lon ne wa, ka baran n liɛ ka tán nɛ wa, ka baran n liɛ ka yɔrɔ kɔsɔ kɔ́n nɛ wa. Ka toa kaa «hiĩ» goã hiĩ lɛa, kaa «haayii» goã haayii lɛa, màn mɛn bɛ́ toɛ, Dɛnaa baran kiri wɔ ka ganaa wa.

Zaaki 5:19

Ma dɔɔ̃nɔn lɛn, bɛ̀ min mɛn sonbore zii da, bɛ̀ min kɔsɔ nə́ ǹ dɛnaa da zii sonbore la,

Zaã1 2:21

Ma bie sɛ́wɔ kɛ diɛ ka la, mà ka n ka a sonbore lɛ doɛ̃ wa. Ma á doɛ̃ máa ka á sonbore lɛ doɛ̃, ka á doɛ̃ dɔn, mà soɛ kɔ́n ba boe la, a bɔ sonbore lɛ-n wa.