Zaã3 1:11 - LAWA A BOO SONBORE

¹¹ Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.

LAWA A BOO SONBORE 2011

¹¹ Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.

Zaã3 1:11 ပူးပေါင်းရင်းမြစ်များ

Loen 34:14

yǎa ǹ dɛnaa nə n lɛ kuĩ boo baraa diɛ ganaa, a n nyɛnɛɛ soɛ nɛ.

Loen 37:27

N bɔ sii baraa wɔlɔ li, n sii bǐɛ̃ zɛnaa. N tá re giã ǹ bǎã yii gána lɛ nɛ biikoo tumaa li.

Bɔ bɛ̀rɛbaa nɛ 23:2

Bɛ̀ zaman nə́ n lɛ kaa kun sii baraa ganaa, ka baran mɛ kunun ǹ ni wa. Kiri-wɔlen bǎã nɛ, ka baran nyɛ́ɛ baa zaman kiri kɔkɔrɔ-wɔlen man wa.

Suusun 12:11

Min mɛnɛn bɛ́ ǹ wuru kɔsɛ, màn-bii a nyaabiɛ ǹ ganaa wa. Sɛnɛ, min mɛnɛn bɛ́ baa sii màn kooro kio, yiriwɛɛnaan manɛ.

Zaã a sɛ́wɔ 10:27

Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.

Zaã a sɛ́wɔ 12:26

Bɛ̀ min mɛn tá li a dí nya masɛ nɛ, yǎa ǹ dɛnaa koe masɛ kio lɛ; ma bɛ́ bǎã mɛn nɛ, maa dí-nyali dɔ á re goɛ̃ walan. Bɛ̀ min mɛn tá dí nyɛɛ masɛ nɛ, maa Díi á re bɛa dɛnaa guguru koe.

Zaã a sɛ́wɔ 3:20

Sonbore ne, min mɛn bɛ́ sii baraa zɛnɛɛ, wɔlɔ fúlu a kɔɔ̃n bɛa dɛnaa ganaa wa, a soe wɔlɔ fúlu li, n na a sii baraan yaa kiɛ̃ boe kanaa wa.

Korɛnti1 11:1

Ka ma lɛn zɔɔ̃, ka ma dinmaa bɛ́ *Krita lɛn zoɛ̃ lɔn.

Korɛnti1 4:16

Bɛ lɛ nɛ, ma á ka nyankoe, máa ka ma din lɛn zɔɔ̃.

Efɛɛzi minin 5:1

Ka bɛ́ n Lawa a nɛnyaanan lɛa a n ka narɛ, ka n doa ka a din lɛn zɔɔ̃.

Filipi minin 3:17

Ma dɔɔ̃nɔn lɛn, ka tumaa toa ka ma lɛn zɔɔ̃. Má sii zɛnaa ǹ gɔn nyaa ka nɛ; a bɛ́ miɛ̃, min mɛnɛn bɛ́ koe bɛa sii zɛnaa ǹ gɔn kɛ lɛ lɛ, ka bɛn gòɛ̃ saa.

Tesaloniki1 1:6

Ka dɔn nə wɔsɛn gòɛ̃ saa, ka Dɛnaa dɔ gòɛ̃ saa. A laan ká goã nɔmaa gole kɛ bii, ká lɛ kɔ Lawa a boo lɛ ganaa miɛ̃ ka foo kɔɔ̃nbaa nɛ, Yiri Fu bɛ́ foo kɔɔ̃nbaa mɛn koe.

Tesaloniki1 2:14

Sonbore, dɔɔ̃nɔn lɛn, Lawa a sɔmɔ minin mɛnɛn bɛ́ Zudee gána nɛ, golee-n Yezu Krita li, ka ǹ ká kɔ bɛn gòɛ̃ lɛ. Bɛn nə nɔmaa mɛn wɔ ǹ dinin tɔrɔ Zuifun gɔn, ka dɔn man ka bɛa nɔmaa lɛ miã wɔ ka dinin tɔrɔn gɔn;

Timote2 3:10

Sɛnɛ, ma bɛ́ minin darɛɛ siin mɛnɛn ganaa, nsɛ Timote á bɛn doɛ̃. Maa tɔ wɔ ǹ gɔn nɛ, ka ma sii mɛn koa ma yɔrɔ-a, n tá bɛ dɔ doɛ̃. N maa goleemali boo ma, maa foo-kuĩ ni, ka maa kɔn-narɛɛ laanka maa sii simaa nɛ.

Ebrəə 6:12

Wɔ ba li yoobaa ka kũ wa. Sɛnɛ, min mɛnɛn bɛ́ golee Lawa li, ǹ nə́ sii sii ǹ ganaa, yǎa ǹ Lawa a lɛ-kɔ ǹ mànan kɛn yii, ka tɔ lɛ wɔ ka bɛn bɛ́ lɔn.

Piɛrɛ1 3:11

A n bɔ sii baraa zɛnaa wɔlɔ li, a sii bǐɛ̃ zɛnaa. A ga là nyantoro li, a baa si a kio.

Piɛrɛ1 3:13

Die n die boe la a baraa zɛnaa ka nɛ, bɛ̀ á daa yaa ka gù n kaa-n bǐɛ̃ zɛnaa li?

Zaã1 2:29

Ka á doɛ̃ mà Krita n pepere. Ka dɔ̃ dɔn mà min mɛn dɔ bɛ́ sii pepere zɛnɛɛ, mà bɛ n Lawa a nɛ lɛa.

Zaã1 3:10

Màn mɛn bɛ́ Lawa a nɛnyaanan laanka Sɛtaan a nɛnyaanan boe kɔn lɛ panparaanɛ, bɛ á ke: Min mɛn bɛ́ a ba sii pepere zɛnɛɛ wa, a ná a ba ǹ dɔɔ̃n narɛ wa, bɛ bie Lawa a nɛ lɛa wa.

Zaã1 4:1

Maa giaáran lɛn, minin mɛnɛn bɛ́ n dinin biɛ Lawa Yiri kɛ a dɛnan lɛa, ka nyan golee bɛn tumaa li wa. Ka n da ǹ gɔ́ɔ̃ li bɔrɔ ka ga ǹ ganaa, bɛ̀ ǹ yiri lɛ n boe Lawa li. A giala, Lawa a boo gii-dali soɛ-bɔlen nə́ mɔnaa kanaa lɛ gɔ́ɔ̃ nɛ.