Zaã1 5:19 - LAWA A BOO SONBORE

¹⁹ Wɔ á doɛ̃, wáa wɔ n Lawa wɔn lɛa, sɛnɛ, kanaa kɛ tumu n *Sɛtaan Baraa kɛ pàã giulun.

LAWA A BOO SONBORE 2011

¹⁹ Wɔ á doɛ̃, wáa wɔ n Lawa wɔn lɛa, sɛnɛ, kanaa kɛ tumu n *Sɛtaan Baraa kɛ pàã giulun.

Zaã1 5:19 ပူးပေါင်းရင်းမြစ်များ

Luku 4:6

Á pɛ nɛ: «Masɛ n die pàã koe n la n giã gánan kɛn dinin tumaa mìi la, ǹ laanka ǹ siĩnbaa nɛ ka ǹ naforon ne. Bɛn man nə́ n kɔ masɛ la, bɛ̀ min mɛn dɔ masɛ din yii li, ma dɔ n koe bɛa dɛnaa la.

Zaã a sɛ́wɔ 12:31

Lawa n die kiri kuri kanaa lɛ la sisia. Sisia kəni, kanaa lɛ a mìilandɛnaa a bɔ a daa biikoo n ke.

Zaã a sɛ́wɔ 14:30

Ma a die boo gigiã diɛ ka nɛ kɛ kio doo wa, a giala, kanaa lɛ a mìilandɛnaa lɛ á die. A wɔlɔ yii masɛ wɔ ganaa wa,

Zaã a sɛ́wɔ 16:11

Á kiri-kurii ǹ la, a giala kiri nə́ n kuru kanaa kɛ a mìilandɛnaa la gɔrɔ.

Zaã a sɛ́wɔ 17:15

Ma bie n nyankoe, máa n nə ǹ bɔ n nə ǹ bɔ kanaa lɛ gɔ́ɔ̃-n wa, sɛnɛ, máa n nə ǹ kanbaa *Sɛtaan Baraa kɛ ganaa.

Rɔmu minin 8:16

a Yiri lɛ din nə pii kun ka wɔ yiri ni, mà wɔ na a nɛnyaanan lɛa.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Korɛnti2 4:4

A n tì a goleemali baãnaan kɛn dɔn ganaa. A giala, *Sɛtaan mɛn bɛ́ kanaa kɛ mìi la, bɛ na á ǹ yiri tã, màn mɛn bɛ́ toɛ, ǹ nyan Boo Tii Kɔɔ̃n a wɔlɔ fúlu kɛ yɛ wa. Bɛa wɔlɔ fúlu lɛ n *Krita a tɔ golebaa nyɛɛ, asɛ mɛn bɛ́ Lawa din a kɔnboe lɛa.

Korɛnti2 5:1

Sonbore, wɔ á doɛ̃ wáa kion ke wɔ tá a nɛ, wɔ gɔ̀nɔn kɛ nɛ. A n ka mɔnaa kion kooro bɛ́ lɔn, a n die ziziɛ̃. Sɛnɛ, kion kɔsɔ tan wɔa wɔ lɛa Lawa dɔ. A n giã ǹ bǎã lɛa lon yǎa duduu. Min gɔn bie á bɛ zɛnaa wa.

Galaasi minin 1:4

Yezu Krita lɛ na á n din kɔ wɔa sii baraan lɛa, màn mɛn bɛ́ toɛ, a wɔ kirisibaa sisia a kanaa babaraa kɛ ganaa. Bɛ na á n zɛnaa, á kɔnpɛ wɔ Di Lawa din foo sii ni.

Efɛɛzi minin 2:2

Ka ǹ ká goã bɛ lɛ gɔ́ɔ̃-n lɛlɛ, bɛ̀ ka bɛ́ tɔn koe kanaa kɛ a zɛnaa ǹ siin lɛ. Kanaa lɛ a goledɛnaa mɛn bɛ́ kii lɛa lon laanka tán biin ni, yiri lɛa dí nyɛɛ Lawa bɔlɔ-tiilin bii, ka ǹ ká goã bɛ bɔlɔ sii.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Zaaki 4:4

Ka min naarɛn kɛn! Ka a doɛ̃ mà bɛ̀ min kanaa baa giaára lɛa, mà a na á Lawa baa zɔ́ɔ wa? Min mɛn bɛ́ giɛ li mà a kanaa a giaára baa sɛn, bɛa dɛnaa nə n din biɛ Lawa a zɔ́ɔ lɛa.

Zaã1 3:14

Wɔ á doɛ̃, wáa wɔ́ n bɔ gɛ̀ nɛ, wɔ́ wɔ yiikoonaabaa nɛ. Wɔ ǹ bɛ doɛ̃, a giala, mà wɔ n wɔ dɔɔ̃nɔn narɛ. Min mɛn bɛ́ a min narɛ wa, bɛ n tɔn gɛ̀ gɔ́ɔ̃ nɛ.

Zaã1 3:24

Min mɛn bɛ́ Lawa a dí-pɛn lɛ sii, bɛa dɛnaa n goɛ̃ kun ka Lawa nɛ, Lawa n goɛ̃ kun ka a dɔ nɛ. Màn mɛn bɛ́ toɛ wɔ dɔ̃, mà Lawa tá kun wɔ nɛ, a bɛ́ á n din Yiri mɛn kɔ wɔ la, bɛ lɛ a lɛa nɛ.

Zaã1 5:10

Bɛ̀ min mɛn tá golee Lawa a Nɛgiĩ li, bɛa siérebaa ǹ boo kɛ lɛ tá ǹ dɛnaa nɛ. Sɛnɛ, bɛ̀ min mɛn ba golee Lawa li wa, bɛa dɛnaa n Lawa biɛ soɛ-bɔle lɛa. A giala, Lawa siérebaa ǹ boo mɛn kɔ a Nɛgiĩ wɔ paǹ li, a golee bɛ li wa.

Zaã1 5:13

Kasɛn mɛnɛn bɛ́ ka golee Lawa a Nɛgiĩ tɔ li, man boo kɛ kiɛ̃ diɛ ka la, màn mɛn bɛ́ toɛ ka dɔ̃, mà nyin nyabaã tá ka li.

Zaã1 5:15

Wɔ bɛ́ doɛ̃, wáa bɛ̀ wɔ́ màn woo màn nyankɔ la, wáa a tá n too koe wɔ lon, bɛ lɛ dɔ n toɛ wɔ á doɛ̃, wáa bɛ̀ wɔ màn mɛn nyankɔ la, wáa bɛ n wɔa wɔ lɛa.

Zaã1 5:18

Wɔ á doɛ̃, wáa Lawa a nɛ kɔ́n ba sii baraa zɛnɛɛ a wo-n wa, a giala, Lawa a Nɛgiĩ kɛ tá a lɛduĩ, Màn Baraa kɛ a boe la a màn kɔ́n zɛnaa-n wa.

Zaã1 5:20

Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.

Sii-nyaan 12:9

Ǹ nə́ tɔɔ babaraa piɛ̃ wole gangabiɛ lɛ kũ ǹ nə́ zũ kanaa. A din ni lɛlɛ a miɛ̃ kɛ lɛ lɛa, ǹ nə́ bíi: «Nɔ̀ɔn Babaraa,» hinlaa *Sɛtaan, a n kanaa min tumaa yiri siɛ̃. Ǹ nə́ zũ tán la kun ka a dia dí-a wolen tumaa nɛ.

Sii-nyaan 20:3

Lon a dia dí-a wole lɛ tɔ́n zũ nɔmaa ǹ nyankɔrɔ zuzulu lɛ nɛ, a ná a lɛ sɔɔ ka goo nɛ nɛ. Á zoo gón dɔ da a ganaa, a n gòon bǎã da a nɛ, min kɔ́n ná a boe la, a na a lɛ bũ wa, mà a nyan boo la, a tɔrɔ kɔ́n yiri sã doo wa, yǎa lɛ̀ duu goon lɛ piɛ̃. Bɛ̀ bɛ́ kiɛ̃, ǹ tá re fore ǹ da, a biikoo boɛɛn dinsɔɔ̃ zɛnaa.