Zaã1 4:15 - LAWA A BOO SONBORE

¹⁵ Min mɛn bɛ́ pii mà Yezu n Lawa a Nɛgiĩ lɛa, Lawa n kun bɛa dɛnaa nɛ, ǹ dɛnaa dɔ n kun Lawa nɛ.

LAWA A BOO SONBORE 2011

¹⁵ Min mɛn bɛ́ pii mà Yezu n Lawa a Nɛgiĩ lɛa, Lawa n kun bɛa dɛnaa nɛ, ǹ dɛnaa dɔ n kun Lawa nɛ.

Zaã1 4:15 ပူးပေါင်းရင်းမြစ်များ

Matiə 10:32

Bɛ̀ min mɛn lɛ kɔ min tumaa yɔrɔ-a mà an masɛ wɔ lɛa, masɛ dɔ á die lɛ koe ma Di Lawa yɔrɔ-a máa bɛa dɛnaa n masɛ wɔ lɛa sonbore.

Luku 12:8

Yezu pɛ: «Masɛ n pii ka nɛ, bɛ̀ min mɛn na a-n min din tumaa yɔrɔ-a, mà a n masɛ wɔ lɛa, Min a Nɛgiĩ dɔ á re niɛ̃ a nɛ kiri-kurii pinaa, Lawa a lon a dia dí-a wolen yɔrɔ-a, máa a tá masɛ wɔ lɛa sonbore.

Zaã a sɛ́wɔ 6:56

Bɛ̀ min mɛn masɛ gɔ̀nɔn siĩ sɔ̃, á ma mà mi, man goɛ̃ kun ka bɛa dɛnaa nɛ, bɛa dɛnaa dɔ n goɛ̃ kun ka masɛ nɛ.

Nya ǹ dín 8:37

[Filipi pɛ nɛ: «Bɛ̀ ń golee Lawa li ka n foo din tumaa nɛ, n tá boe la n bɛa batɛmu lɛ yɛ.» Giĩ lɛ ná a lɛ si: «Masɛ golee li máa Yezu Krita lɛ n Lawa a Nɛgiĩ lɛa.»]

Rɔmu minin 10:9

Bɛ lɛ nɛ, bɛ̀ ń bɔ n lɛ nɛ ń pɛ mà: «Yezu n Dɛnaa lɛa», bɛ̀ ń golee li ka n foo dɔ nɛ, mà Lawa ná a yii kaa á bɔ geren bii, n tá re kirisibiɛ.

Filipi minin 2:11

Ǹ tumaa pɛ mà Yezu Krita n Dɛnaa lɛa, ǹ Díi Lawa tɔ guguru kɔ nɛ.

Zaã1 2:23

A giala, bɛ̀ min mɛn Nɛgiĩ tii, a na á Díi dɔ tii miɛ̃. Bɛ̀ min tá Nɛgiĩ lɛ doɛ̃, a n Díi dɔ doɛ̃ miɛ̃.

Zaã1 2:24

Kasɛn wɔ paǹ li, a saa giala-kɔ waáraa ganaa, boo mɛn nə n da, ká ma, ka toa bɛ goã ka foo ne. Boo mɛn nə n da, ká ma a saa giala-kɔ waáraa ganaa, bɛ̀ bɛ́ goã ka foo ne, ka dɔn tá re goɛ̃ kun ka Nɛgiĩ laanka Díi ni.

Zaã1 3:23

A bɛ́ màn mɛn pii wɔ-n dí lɛa, bɛ á ke: Wɔ golee a Nɛgiĩ Yezu Krita tɔ li, wɔ kɔn narɛ, ka Krita bɛ́ á pɛ wɔ-n dí lɛa lɔn.

Zaã1 3:24

Min mɛn bɛ́ Lawa a dí-pɛn lɛ sii, bɛa dɛnaa n goɛ̃ kun ka Lawa nɛ, Lawa n goɛ̃ kun ka a dɔ nɛ. Màn mɛn bɛ́ toɛ wɔ dɔ̃, mà Lawa tá kun wɔ nɛ, a bɛ́ á n din Yiri mɛn kɔ wɔ la, bɛ lɛ a lɛa nɛ.

Zaã1 4:12

Min kɔ́n yii tɔn Lawa yɛ wa. Sɛnɛ, bɛ̀ wɔ á kɔn narɛ, Lawa n goɛ̃ kun wɔ nɛ, a minin narɛ ǹ sii dɔ nə n zɛnɛɛ wɔ nɛ a giala yii li.

Zaã1 4:2

Bɛ̀ Lawa Yiri tá ǹ li, ka bɛ́ re doɛ̃ lɔn bɛ á ke: min mɛn bɛ́ pii, mà Yezu *Krita na á daa minbuiin lɛa, Lawa Yiri tá bɛ lon.

Zaã1 5:1

Min mɛn bɛ́ golee li, mà Yezu n Minin Nyin-sili lɛa, bɛ n Lawa a nɛ lɛa. Bɛ̀ n tá min di narɛ, ma na a nɛnyaanan dɔn narɛ.

Zaã1 5:5

Die n boe kanaa la? Min mɛn bɛ́ golee li, mà Lawa a Nɛgiĩ n ka Yezu ni, yǎa bɛ dinsɔɔ̃.

Zaã2 1:7

Soɛ-bɔle gigiã nə́ n da kanaa la. Maǹ nə́ n piɛ̃ ǹ ba golee li, mà Yezu Krita daa minbuiin nɛ taãn lɛa wa. Min mɛn bɛ́ zɛnɛɛ miɛ̃, bɛ lɛ n soɛ-bɔle lɛ lɛa, Krita a Zɔ́ɔ dɔ nɛ.