Zaã1 3:6 - LAWA A BOO SONBORE

⁶ Bɛa yɔrɔ kɛ la, bɛ̀ min mɛn tá kun ka Krita nɛ, bɛ n sii baraa zɛnaa toɛ walan duduu. Bɛ̀ min mɛn tá tɔn sii baraa zɛnɛɛ woe ne, bɛa dɛnaa ba yii wa, a doɛ̃ dɔn ma.

LAWA A BOO SONBORE 2011

⁶ Bɛa yɔrɔ kɛ la, bɛ̀ min mɛn tá kun ka Krita nɛ, bɛ n sii baraa zɛnaa toɛ walan duduu. Bɛ̀ min mɛn tá tɔn sii baraa zɛnɛɛ woe ne, bɛa dɛnaa ba yii wa, a doɛ̃ dɔn ma.

Zaã1 3:6 ပူးပေါင်းရင်းမြစ်များ

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Korɛnti2 4:6

Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.

Zaã1 2:28

A bɛ́ miɛ̃ kəni, maa nɛnyaanan lɛn, ka toa ka goã kun ka Krita nɛ, ń giɛ, wɔ á goɛ̃ piɛ̃-n ka foo-doa nɛ, a din-nyaa biikoo li, sìi baran wɔ kũ a daa pinaa, wɔ wɔlɔ lui a ganaa wa.

Zaã1 2:3

Bɛ̀ wɔ á Lawa a dí-pɛn lɛ sii, wɔ ǹ doɛ̃ ka bɛ nɛ, wáa wɔ á Lawa doɛ̃.

Zaã1 2:4

Bɛ̀ min mɛn pɛ, mà asɛ á doɛ̃, sɛnɛ a ná a ba a dí-pɛn lɛ sii wa, soɛ-bɔle n ka ǹ dɛnaa nɛ, sonbore ba a gɔ́ɔ̃-n wa.

Zaã1 3:2

Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.

Zaã1 3:9

Min mɛn bɛ́ Lawa a nɛ lɛa, bɛ sii baraa zɛnaa lɛ da, a giala yiikoonaabaa ǹ pàã mɛn bɛ́ boe Lawa li, bɛ tá a nɛ. A bɛ́ n Lawa a nɛ lɛa, a boe la a sii baraa zɛnaa a wo-n ma.

Zaã1 4:8

Bɛ̀ min mɛn ba ǹ miã narɛ wa, bɛa Lawa doɛ̃ wa, a giala, Lawa n minin-narɛli lɛa.

Zaã1 5:18

Wɔ á doɛ̃, wáa Lawa a nɛ kɔ́n ba sii baraa zɛnɛɛ a wo-n wa, a giala, Lawa a Nɛgiĩ kɛ tá a lɛduĩ, Màn Baraa kɛ a boe la a màn kɔ́n zɛnaa-n wa.

Zaã3 1:11

Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.