Zaã1 3:21 - LAWA A BOO SONBORE

²¹ A n miɛ̃, maa giaáran lɛn, bɛ̀ wɔ gɔ́ɔ̃ a wɔ zɛ̀rɛ biɛ wa, wɔ ǹ doɛ̃ wáa foo-doa gole tá wɔ nɛ Lawa yɔrɔ-a.

LAWA A BOO SONBORE 2011

²¹ A n miɛ̃, maa giaáran lɛn, bɛ̀ wɔ gɔ́ɔ̃ a wɔ zɛ̀rɛ biɛ wa, wɔ ǹ doɛ̃ wáa foo-doa gole tá wɔ nɛ Lawa yɔrɔ-a.

Zaã1 3:21 ပူးပေါင်းရင်းမြစ်များ

Zɔbu 22:26

Bɛa biikoo li, n tá re n nyɛnyɛɛ Pàãyiidɛnaa lɛ a sii ganaa, n tá re n yɔrɔ diɛ Lawa la, n foo n doa nɛ a ganaa.

Zɔbu 27:6

Maa peperebaa ke, ma lɛ n bɛ ganaa, ma a re n lɛ boe wa. Ma foo a ma zɛ̀rɛ biɛ ǹ kɔn pinaa wa.

Loen 101:2

Man giɛ li ma yiri bɔ maa tɔ wɔ ǹ gɔn li, a boo la a goã siĩni. Man die boe ma li biĩ kəni? Maa sumu minin bii, ma tá re ma din kuĩ maa tɔ wɔ ǹ gɔn goã siĩni.

Rɔmu minin 14:22

Goleemali mɛn bɛ́ n nɛ, bɛa siin lɛn wɔ gɔn la, bɛ nə n din laanka Lawa bii ni. Min bɛ́ giɛ sii mɛn ganaa sii pepere lɛa, bɛ̀ á boe la á bɛ zɛnɛɛ, bɛ̀ a foo ná a ba a zɛ̀rɛ biɛ wa, bɛa dɛnaa foo á re kɔɔ̃n koe

Korɛnti1 4:4

Maa taasiɛ a sii kɔ́n diɛ ma mìi-n wa, sɛnɛ, bɛ dɔ bie nyɛɛ, mà ma sii kɔ́n zɛnaa duduu wa. Maa kiri-kuruli n ka Dɛnaa dinsɔɔ̃ nɛ.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Efɛɛzi minin 3:12

Wɔ bɛ́ kun ka Krita nɛ, wɔ́ n golee-n a din li, nyɛ́ɛ baran wɔ kũ doo wa. Wɔ á boe la wɔ wo Lawa yɔrɔ-a ka foo tãbaa nɛ.

Timote1 2:8

Man giɛ li kəni, máa giĩn nə Lawa nyankɔ bǎã tumaa ni, ǹ nə n gɔnɔn dia Lawa la, ǹ gɔ́ɔ̃ n fu, foo-busii ná a banban, zia ná a banban.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 4:16

Bɛ lɛ taman yii, ka daa wɔ n tá nyɛɛnɛ ka foo-doa nɛ, wɔ n mɔrɔ Lawa a kii dankan lɛ ganaa, màn mɛn bɛ́ toɛ, Bǐɛ̃dɛnaa lɛ makara bɔ wɔ ganaa, a bǐɛ̃ zɛnaa wɔ nɛ, bǐɛ̃ mɛn bɛ́ re n doe wɔ lɛ wɔ laadoo biikoo li.

Zaã1 2:28

A bɛ́ miɛ̃ kəni, maa nɛnyaanan lɛn, ka toa ka goã kun ka Krita nɛ, ń giɛ, wɔ á goɛ̃ piɛ̃-n ka foo-doa nɛ, a din-nyaa biikoo li, sìi baran wɔ kũ a daa pinaa, wɔ wɔlɔ lui a ganaa wa.

Zaã1 2:7

Maa giaáran lɛn, ma bie dí-pɛ dii diɛ ka la wa, sɛnɛ dí-pɛ zizi ni. Ka ǹ mɛn lɛ ma kaa Boo Tii Kɔɔ̃n ma pinaa.

Zaã1 3:2

Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.

Zaã1 3:20

Taãn nɛ, bɛ̀ wɔ gɔ́ɔ̃ á wɔ zɛ̀rɛ biɛ, wɔ á doɛ̃ wáa Lawa á gole á la wɔ gɔ́ɔ̃gɔ́ɔ̃ ǹ wɔ kɛ nɛ, wáa á màn tumaa dɔ doɛ̃.

Zaã1 4:17

Bɛ̀ kɔn-narɛɛ tá wɔ li a giala yii li, wɔ foo á re goɛ̃ doa-n kiri-kurii pinaa. A giala, wɔ́ goã kanaa kun ka Lawa nɛ, ka Krita bɛ́ á zɛnaa lɔn.

Zaã1 5:14

Wɔ á doɛ̃, wáa bɛ̀ wɔ màn mɛn nyankɔ la, á n woe a din foo sii li, á re n too koe wɔ lon. Bɛ lɛ n toɛ, foo-doa gole tá wɔ lon Lawa yɔrɔ-a.