Zaã1 3:2 - LAWA A BOO SONBORE

² Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.

LAWA A BOO SONBORE 2011

² Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.

Zaã1 3:2 ပူးပေါင်းရင်းမြစ်များ

Zɔbu 19:26

Ma gɔ̀nɔn kɛa ziziɛ̃ kio, ma dinmaa n die Lawa yii.

Loen 16:11

N din nə yiikoonaabaa ǹ zii nyɛɛ ma nɛ. Nyɛnyɛɛ nə n din li, foo kɔɔ̃nbaa mɛn bɛ́ a ba nyɛɛ wa, bɛ n yii n din li.

Loen 17:15

Sɛnɛ, masɛ wɔ paǹ li, peperebaa gɔ́ɔ̃ nɛ, ma á re kɔn yii ka n din ni. Bɛ̀ má yoo lɔn, má kɔn yɛ ka n din ni, ma foo n nyɛɛ.

Loen 31:19

Ǹ soɛ bɔ ǹ lɛn kɛn lɛn, bɛn lɛn tã. Min mɛn bɛ́ n din bɔlɔ sii, maǹ nə n tìã dii bɛ li, maǹ din koa ǹ boo diɛ a ganaa, ǹ tá a puusə koe.

Izayii 56:5

á bǐɛ̃ kɔ, maa kion lɛ gɔ́ɔ̃ nɛ, ka a kigiala gɔ̀nɔn ganaa nɛ, ma á re bǎã koe ǹ la ka tɔ dɔ nɛ. Bɛ là á re yii ǹ ganaa, a la nɛgiĩn laanka nɛlɔn manɛ. Ma bɛ́ re tɔ mɛn koe ǹ la, bɛ n die goɛ̃ yǎa duduu, a ná a ba n tuturi wa.»

Malakii 3:2

A daa ǹ lɛawaa kɛn die kuu biɛ die ne. Bɛ̀ á soo ka yɔrɔ-a, min tá re boe la a golee lon a gòãn la? A n ká fɔlɔ yole a tɛ bɛ́ lɔn ka sɔmaa damɛɛ á ke lɔn.

Matiə 5:8

Min mɛnɛn gɔ́ɔ̃ bɛ́ fu, Lawa á re barka diɛ bɛn ganaa, a giala ǹ tá re Lawa yii!

Luku 17:30

A n die n biɛ miɛ̃ Min a Nɛgiĩ a daa pinaa.

Luku 20:36

Bɛn ba boe la ǹ gã doo wa. Maǹ goon ka lon a dia dí-a wolen ne. Maǹ Lawa a nɛnyaanan lɛa, a giala, ǹ yii kaa ǹ nə́ n bɔ geren bii.

Zaã a sɛ́wɔ 1:12

A laan ka bɛ yii ni, min mɛnɛn nə lɛ kɔ a ganaa, ǹ nə́ golee li, a din na á toa bɛn nə́ Lawa a nɛbaa yɛ.

Zaã a sɛ́wɔ 11:52

Ǹ dininsɔɔ̃nɔn lɛa bie wa, sɛnɛ, a doamaa nɛ a gã, màn mɛn bɛ́ toɛ, Lawa a nɛnyaanan mɛnɛn bɛ́ sasawaa nɛ, á bɛn dɔn kaa kun, á ǹ tumaa baa goon.)

Zaã a sɛ́wɔ 17:24

Maa Díi, n min mɛnɛn kɔ masɛ la, ma din bɛ́ re goɛ̃ bǎã mɛn nɛ, man giɛ li, ǹ dɔn nə goã walan kun ka masɛ nɛ. N din gugurubaa mɛn kɔ masɛ la, ǹ bɛ yɛ, a giala, ń masɛ narɛ, haalɛ bɛ̀ kanaa tɔn nə n zɛnaa wa.

Rɔmu minin 8:16

a Yiri lɛ din nə pii kun ka wɔ yiri ni, mà wɔ na a nɛnyaanan lɛa.

Rɔmu minin 8:18

Má golee li máa wɔ bɛ́ nɔmaan mɛnɛn yii kanna, máa bɛn ba màn kɔ́n lɛa biɛ̃ ǹ gugurubaa kɛ genli wa, Lawa bɛ́ re gugurubaa mɛn koe wɔ la.

Rɔmu minin 8:19

Kanaa màn din tumaa la n kakaɛ̃, mà Lawa na a nɛnyaanan lɛn nyaa fufuu bɛa gugurubaa kɛ lɛ nɛ.

Rɔmu minin 8:29

A giala, Lawa din bɛ́ á saa lɛlɛ á min mɛnɛn bɔ, a din na á bɛn kaa ǹ gɔrɔn. A na á ǹ baa a Nɛgiĩ a kɔnboen lɛa, ǹ nə́ ǹ diɛ̃n lɛa, màn mɛn bɛ́ toɛ, Nɛgiĩ lɛ goã gole ǹ bii.

Korɛnti1 13:12

Sisia, wɔ yii n màn yii nuùnaà nɛ kooro ka damalon wɔ bɛ́ lɔn, sɛnɛ ǹ kɔ́n pinaa, wɔ á re goɛ̃ kɔn yɔrɔ-a dəndəənəə ne. Sisia maa màn-doɛ̃ lɛ lɛ a piɛ̃-n wa, sɛnɛ, ǹ kɔ́n pinaa maa màn-doɛ̃ lɛ lɛ á re piɛ̃ ka Lawa bɛ́ ma doɛ̃ lɔn.

Korɛnti1 15:49

Wɔ kɔnbɔ ka bɔ tán wole kɛ lɛ-n lɔn, wɔ ǹ die kɔnboe ka bɔ Lawa li wole lɛ dɔ-n miɛ̃.

Korɛnti1 2:9

Sɛnɛ, a n ka Lawa a sɛ́wɔ bɛ́ á pɛ lɔn: «Min mɛnɛn bɛ́ Lawa narɛ, a màn mɛn zɛnaa á koa bɛn manɛ, min kɔ́n yii bin nə n miã yɛ wa, min kɔ́n too bin ma wa, min kɔ́n a taasiɛ tɔn dɔ a ganaa wa.»

Korɛnti2 3:18

Wɔsɛn mɛnɛn tumaa bɛ́ tapara nə́ n bɔ wɔ siã, wɔsɛn man Dɛnaa a gugurubaa a siĩnbaa nyɛɛ. Wɔ́ n bɔyaa wɔ́ kɔnbɔ ka Dɛnaa din ni, wɔ́ wusoo wɔ́ gugurubaa yɛ, bɛ ń gole á la lɛlɛ wɔ kɛ nɛ. Dɛnaa din na á bɛa dí kɛ lɛ nya ka a Yiri Fu barka nɛ.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Galaasi minin 4:6

Wɔ bɛ́ na a nɛ taãnan lɛa, bɛ lɛ nɛ, Lawa ná a Nɛgiĩ Yiri dia wɔ foo ne. Bɛ lɛ n pii wɔ gɔ́ɔ̃ nɛ mà "Wɔa Díi".

Filipi minin 3:21

Á re wɔ gɔ̀nɔn pàãwɛɛnaa kɛ bɔyɛɛ, a baa ka a din gɔ̀nɔn tɛ-pɛle kɛ bɛ́ lɔn. A giala, pàã mɛn bɛ́ toɛ màn tumaa tá a lɛ sii, a n die zɛnɛɛ ka bɛ nɛ.

Kolɔɔsi minin 3:4

Krita mɛn bɛ́ kaa yiikoonaabaa taãn-taãn lɛ lɛa, bɛ̀ bɛ lɛ daa n din nyaa ǹ mɛn pinaa, ka dɔn tá re yii kun a din ni gugurubaa nɛ.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Piɛrɛ2 1:4

A din lɛ barka nɛ, wɔ́ naforo laanka bǐɛ̃baa sonboren yɛ, a n lɛ kɔ wɔ la ka ǹ mɛnɛn lɛn nɛ, mà asɛ á re wɔ sii kanaa gɔ́ɔ̃ nɛ ǹ dùũ sii babaraan kɛn laanka bɔnɛɛbaa kɛ la, á wɔ bɔyaa wɔ sɔ̀n nə́ n baa ka a din wɔ bɛ́ lɔn.

Zaã1 2:28

A bɛ́ miɛ̃ kəni, maa nɛnyaanan lɛn, ka toa ka goã kun ka Krita nɛ, ń giɛ, wɔ á goɛ̃ piɛ̃-n ka foo-doa nɛ, a din-nyaa biikoo li, sìi baran wɔ kũ a daa pinaa, wɔ wɔlɔ lui a ganaa wa.

Zaã1 2:7

Maa giaáran lɛn, ma bie dí-pɛ dii diɛ ka la wa, sɛnɛ dí-pɛ zizi ni. Ka ǹ mɛn lɛ ma kaa Boo Tii Kɔɔ̃n ma pinaa.

Zaã1 3:1

Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.

Zaã1 3:10

Màn mɛn bɛ́ Lawa a nɛnyaanan laanka Sɛtaan a nɛnyaanan boe kɔn lɛ panparaanɛ, bɛ á ke: Min mɛn bɛ́ a ba sii pepere zɛnɛɛ wa, a ná a ba ǹ dɔɔ̃n narɛ wa, bɛ bie Lawa a nɛ lɛa wa.

Zaã1 3:21

A n miɛ̃, maa giaáran lɛn, bɛ̀ wɔ gɔ́ɔ̃ a wɔ zɛ̀rɛ biɛ wa, wɔ ǹ doɛ̃ wáa foo-doa gole tá wɔ nɛ Lawa yɔrɔ-a.

Zaã1 5:1

Min mɛn bɛ́ golee li, mà Yezu n Minin Nyin-sili lɛa, bɛ n Lawa a nɛ lɛa. Bɛ̀ n tá min di narɛ, ma na a nɛnyaanan dɔn narɛ.

Sii-nyaan 2:28

A gɔ̀lɔ̀baa a lɛa, ma á re baayɛlɛ a leere dɔ koe la.

Sii-nyaan 22:4

Ǹ tá re a yɔrɔ yii, a tɔ á re goɛ̃ kiɛ̃ nɛ ǹ nyanlɛ ganaa.