Zaã1 3:19 - LAWA A BOO SONBORE

¹⁹ Wɔ ǹ die doɛ̃ kɛ li, wáa wɔ ǹ sonbore wɔn lɛa, wɔ foo dɔ boo la a goã doa-n Lawa yɔrɔ-a.

LAWA A BOO SONBORE 2011

¹⁹ Wɔ ǹ die doɛ̃ kɛ li, wáa wɔ ǹ sonbore wɔn lɛa, wɔ foo dɔ boo la a goã doa-n Lawa yɔrɔ-a.

Zaã1 3:19 ပူးပေါင်းရင်းမြစ်များ

Loen 119:56

Maa wɔ n ka kɛ nɛ, ma kɔ n doree boon kɛn lɛ.

Izayii 32:17

Peperebaa a dí n die goɛ̃ ka là nyantoro ne. A din nə die ka yiri-giã nɛ ka yii nyɛɛ nɛ.

Zaã a sɛ́wɔ 13:35

Bɛ̀ ka tá kɔn narɛ, min tumaa á re doɛ̃, mà ka n masɛ a kialandɛnan lɛa.»

Zaã a sɛ́wɔ 18:37

Pilati tɔ́n pɛ nɛ mà a n kii lɛa le? Yezu ná a lɛ si: «N din nə pii mà man kii lɛa. Masɛ n má yɛ má daa sonbore nyaa kanaa gɔ́ɔ̃ nɛ. Min woo min tá sonborebaa ǹ zii tɔ we, bɛa dɛnaa nə n too koe masɛ a boo ganaa.»

Rɔmu minin 4:21

A na á n gòãn koa Lawa a lɛ kɔ ǹ boo kɛ lɛ la, á golee li taãn-taãnɛ, mà pàã tá Lawa lon a bɛ zɛnaa.

Rɔmu minin 8:38

Má waa la taãn-taãnɛ, máa màn kɔ́n ba boe la, a Lawa kurəə wɔ narɛɛ ganaa wa. Gɛ̀ a boe la wa, ka yiikoonaabaa nɛ, lon a dia dí-a wolen ne, ka lon màn pàãdɛnan laanka ǹ goledɛnan kɔn ba boe la wa. Pelo màn kɔ́n laanka biɛ̃ ǹ wɔ kɔ́n ba boe la wa.

Timote2 1:12

Bɛ lɛ na á toa, ma á nɔmaan kɛn sii ma ganaa. Sɛnɛ, bɛa ma foo biɛ niɛ̃ wa, a giala, ma bɛ́ má n foo doa min mɛn ganaa, ma á bɛ doɛ̃. A boo mɛn koa ma li, má waa la dɔn, máa pàã tá a lon, a bɛ tamaa yǎa a din a daa pinaa.

Ebrəə 10:22

Bɛ lɛ tɔ ganaa, ka daa wɔ n mɔrɔ Lawa ganaa ka foo sonbore ne, ka golee Lawa li taãn-taãn nɛ, wɔ foo n yoreen ne, gɔ́ɔ̃gɔ́ɔ̃ ǹ zɛ̀rɛ kɔ́n ná a ba wɔ ganaa wa, wɔ́ gɔ̀nɔn dɔ n pii-n ka mu sonbore ne.

Ebrəə 11:13

Min sɔɔ kɛ tumaa na á gã golee Lawa li gɔ́ɔ̃ nɛ. Ǹ bɛa lɛ-kɔ ǹ siin lɛn zɛnaa yɛ ǹ yii-n wa. Sɛnɛ, maǹ nə́ ǹ yɛ ǹ nə́ fòo da ǹ nɛ sɔsɔɔ, ǹ nə́ pɛ mà ǹsɛn man gùlin laanka zii tɔ-wɔlen lɛa kanaa kɛ nɛ.

Zaã1 1:8

Bɛ̀ wɔ́ pɛ wáa sii baraa ba wɔ li wa, wɔ nə n dinin yiri siɛ̃, sonbore ba wɔ gɔ́ɔ̃-n wa.

Zaã1 2:21

Ma bie sɛ́wɔ kɛ diɛ ka la, mà ka n ka a sonbore lɛ doɛ̃ wa. Ma á doɛ̃ máa ka á sonbore lɛ doɛ̃, ka á doɛ̃ dɔn, mà soɛ kɔ́n ba boe la, a bɔ sonbore lɛ-n wa.

Zaã1 3:14

Wɔ á doɛ̃, wáa wɔ́ n bɔ gɛ̀ nɛ, wɔ́ wɔ yiikoonaabaa nɛ. Wɔ ǹ bɛ doɛ̃, a giala, mà wɔ n wɔ dɔɔ̃nɔn narɛ. Min mɛn bɛ́ a min narɛ wa, bɛ n tɔn gɛ̀ gɔ́ɔ̃ nɛ.

Zaã1 3:20

Taãn nɛ, bɛ̀ wɔ gɔ́ɔ̃ á wɔ zɛ̀rɛ biɛ, wɔ á doɛ̃ wáa Lawa á gole á la wɔ gɔ́ɔ̃gɔ́ɔ̃ ǹ wɔ kɛ nɛ, wáa á màn tumaa dɔ doɛ̃.

Zaã1 3:21

A n miɛ̃, maa giaáran lɛn, bɛ̀ wɔ gɔ́ɔ̃ a wɔ zɛ̀rɛ biɛ wa, wɔ ǹ doɛ̃ wáa foo-doa gole tá wɔ nɛ Lawa yɔrɔ-a.