Zaã1 3:10 - LAWA A BOO SONBORE

¹⁰ Màn mɛn bɛ́ Lawa a nɛnyaanan laanka Sɛtaan a nɛnyaanan boe kɔn lɛ panparaanɛ, bɛ á ke: Min mɛn bɛ́ a ba sii pepere zɛnɛɛ wa, a ná a ba ǹ dɔɔ̃n narɛ wa, bɛ bie Lawa a nɛ lɛa wa.

LAWA A BOO SONBORE 2011

¹⁰ Màn mɛn bɛ́ Lawa a nɛnyaanan laanka Sɛtaan a nɛnyaanan boe kɔn lɛ panparaanɛ, bɛ á ke: Min mɛn bɛ́ a ba sii pepere zɛnɛɛ wa, a ná a ba ǹ dɔɔ̃n narɛ wa, bɛ bie Lawa a nɛ lɛa wa.

Zaã1 3:10 ပူးပေါင်းရင်းမြစ်များ

Samayeli2 13:22

Abusalɔn boo goon da ǹ dɔɔ̃n Amnɔn nɛ doo wa. A pɛ mà á siĩn wa, a pɛ mà á baraa wa. A giala, Abusalɔn na á goã biɛ zɔ́ɔ ǹ miãnɛn Tamaara lɛ a ziziɛ̃ taman yii.

Matiə 13:38

Wuru lɛ, bɛ n kanaa lɛa. Lawa bɛ́ min mɛnɛn kii lɛa, bɛn man goon ka màn tɔrɔ sonbore ne. Buu babaraa ke, bɛ n *Sɛtaan a minin lɛa.

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Zaã a sɛ́wɔ 1:12

A laan ka bɛ yii ni, min mɛnɛn nə lɛ kɔ a ganaa, ǹ nə́ golee li, a din na á toa bɛn nə́ Lawa a nɛbaa yɛ.

Zaã a sɛ́wɔ 11:52

Ǹ dininsɔɔ̃nɔn lɛa bie wa, sɛnɛ, a doamaa nɛ a gã, màn mɛn bɛ́ toɛ, Lawa a nɛnyaanan mɛnɛn bɛ́ sasawaa nɛ, á bɛn dɔn kaa kun, á ǹ tumaa baa goon.)

Zaã a sɛ́wɔ 8:44

Kaa díi n ka *Sɛtaan nɛ, ka ǹ giɛ li ka kaa díi foo sii zɛnaa. A kũ kanaa a giala kɔ waáraa ganaa, a dí n ka gɛ̀ dɛ nɛ. A lɛ kɔ sonbore ganaa wa, a giala, sonbore kɔ́n ba a gɔ́ɔ̃-n wa. Bɛ̀ á soɛ boe, a din lɛ mui sii na á zɛnɛɛ, a giala, a n soɛ-bɔle lɛa, soɛ a díi dɔ nɛ.

Zaã a sɛ́wɔ 8:47

Min mɛn bɛ́ Lawa wɔ lɛa, bɛa dɛnaa nə n too koe Lawa a boo li. Ka bɛ́ ka a Lawa wɔn lɛa wa, bɛ lɛ nɛ, ka a n too koe masɛ lon wa.»

Nya ǹ dín 13:10

á pɛ nɛ: «*Sɛtaan min ni, yiri tá n lon n nə́ sii kɔkɔrɔ tɔrɔ tumaa zɛnɛɛ nɛ, n ba lɛ koe sii pepere kɔ́n zɛnaa ganaa wa. N ba Dɛnaa a sii yɔrɔ bɔn kɛn sàabaa lɛ diɛ wa?

Rɔmu minin 13:8

Ka baran toa min kɔ́n a giɔ̀mɔ goã ka ganaa wa, bɛ̀ á n bɔ giɔ̀mɔ goon toto ne, bɛ n ka kɔn-narɛɛ nɛ. Min mɛn bɛ́ ǹ miã narɛ, bɛa dɛnaa n Lawa a dí-pɛn lɛ piɛ̃.

Efɛɛzi minin 5:1

Ka bɛ́ n Lawa a nɛnyaanan lɛa a n ka narɛ, ka n doa ka a din lɛn zɔɔ̃.

Kolɔɔsi minin 3:14

Bɛ din tumaa kio, ka toa kɔn-narɛɛ goã ka foo ne, a giala, kɔn-narɛɛ lɛ n toɛ, Lawa a bǐɛ̃ màn gialakun kɛ lɛ yii lɛ pã sɔnbɔraanɛ.

Timote1 1:5

Bɛa gɔn-waa lɛ mìi n ka kɛ nɛ, máa ǹ kɔn narɛ ka gɔ́ɔ̃ fubaa nɛ. Máa taasiɛ sonbore goã ǹ lon, ka goleemali taãn nɛ, ǹ kɔn-narɛɛ lɛ bɔ bɛn nɛ.

Zaã1 2:29

Ka á doɛ̃ mà Krita n pepere. Ka dɔ̃ dɔn mà min mɛn dɔ bɛ́ sii pepere zɛnɛɛ, mà bɛ n Lawa a nɛ lɛa.

Zaã1 3:1

Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.

Zaã1 3:2

Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.

Zaã1 4:21

Krita dí-pɛ mɛn kɔ wɔ la, bɛ n ka kɛ nɛ: Min mɛn bɛ́ Lawa narɛ, a doamaa nɛ a ǹ dɔɔ̃n dɔ narɛ.

Zaã1 4:6

Sɛnɛ, wɔsɛn man Lawa wɔn lɛa. Min mɛn bɛ́ n din koe Lawa-doɛ̃ la, bɛ nə n too koe wɔ lon. Min mɛn bɛ́ a Lawa wɔ lɛa wa, bɛ ba n too koe wɔ lon wa. Yiri mɛn bɛ́ sonbore pii ka minin sã ǹ yiri ke, wɔ ǹ bɛn bɔkɔnlɛ doɛ̃ bɛ li.

Zaã1 4:8

Bɛ̀ min mɛn ba ǹ miã narɛ wa, bɛa Lawa doɛ̃ wa, a giala, Lawa n minin-narɛli lɛa.

Zaã1 5:19

Wɔ á doɛ̃, wáa wɔ n Lawa wɔn lɛa, sɛnɛ, kanaa kɛ tumu n *Sɛtaan Baraa kɛ pàã giulun.

Zaã1 5:2

Bɛ lɛ n ke, bɛ̀ wɔ á Lawa narɛ, wɔ ná a dí-pɛn siin zɛnɛɛ, wɔ ǹ doɛ̃ ka bɛ nɛ, wáa wɔ doamaa-n wɔ Lawa a nɛnyaanan dɔn narɛ.

Zaã3 1:11

Maa giaára sonbore, sii mɛn bɛ́ baraa, n baran bɛ lɛn zɔɔ̃ wa, sɛnɛ sii mɛn bɛ́ siĩni, bɛ lɛn zɔɔ̃. Min mɛn bɛ́ sii bǐɛ̃ zɛnɛɛ, bɛa dɛnaa n Lawa wɔ lɛa; min mɛn bɛ́ sii baraa zɛnɛɛ, bɛa dɛnaa Lawa yɛ wa.