Zaã1 3:1 - LAWA A BOO SONBORE

¹ Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.

LAWA A BOO SONBORE 2011

¹ Díi Lawa lɛ bɛ́ wɔ narɛ á la yii-n lɔn, ka ga bɛ ganaa! Maǹ wɔ bíi Lawa a nɛnyaanan. Taãn nɛ, wɔ n Lawa a nɛnyaanan dɔn lɛa sonbore. Bɛ lɛ n ke, kanaa kɛ a wɔ doɛ̃ wa, a giala, mà a Lawa dɔ̃ wa.

Zaã1 3:1 ပူးပေါင်းရင်းမြစ်များ

Samayeli2 7:19

Dɛnaa Lawa ganaa, bɛ dɔ din na á goã tɔn kiɛɛrɛ taãn-taãnɛ n din yii li. Ń masɛ a kion dɔ a sii toa nyɛɛn sɔsɔɔ, ń ná a boo da ma nɛ. Dɛnaa Lawa, á ke ń bɛ dɔ nyaa masɛ din minbuiin nɛ kɛ nɛ.

Loen 31:19

Ǹ soɛ bɔ ǹ lɛn kɛn lɛn, bɛn lɛn tã. Min mɛn bɛ́ n din bɔlɔ sii, maǹ nə n tìã dii bɛ li, maǹ din koa ǹ boo diɛ a ganaa, ǹ tá a puusə koe.

Zeremii 3:19

Man má goã pii: Man zoɛ̃ li ma n baa maa nɛnyaanan kɛn goon lɛa. Man zoɛ̃ li ma gána sonbore kɔ n la, a n liɛ nɛ kanaa a bǎã sonbore tumaa nɛ. Man má goã pii máa n tá re ma bíi: "Maa díi", n nə n ba n dɔ̀ɔ̃ we ma-n doo wa.

Luku 20:36

Bɛn ba boe la ǹ gã doo wa. Maǹ goon ka lon a dia dí-a wolen ne. Maǹ Lawa a nɛnyaanan lɛa, a giala, ǹ yii kaa ǹ nə́ n bɔ geren bii.

Zaã a sɛ́wɔ 1:12

A laan ka bɛ yii ni, min mɛnɛn nə lɛ kɔ a ganaa, ǹ nə́ golee li, a din na á toa bɛn nə́ Lawa a nɛbaa yɛ.

Zaã a sɛ́wɔ 11:52

Ǹ dininsɔɔ̃nɔn lɛa bie wa, sɛnɛ, a doamaa nɛ a gã, màn mɛn bɛ́ toɛ, Lawa a nɛnyaanan mɛnɛn bɛ́ sasawaa nɛ, á bɛn dɔn kaa kun, á ǹ tumaa baa goon.)

Zaã a sɛ́wɔ 15:21

Maǹ die bɛ din tumaa zɛnɛɛ ka nɛ masɛ tɔ taman yii, a giala, min mɛn masɛ dia, ǹ ba bɛa dɛnaa doɛ̃ wa.

Zaã a sɛ́wɔ 16:3

Maǹ die zɛnɛɛ miɛ̃, a giala, ǹ masɛ a Díi dɔ̃ wa, ǹ masɛ din dɔ dɔ̃ wa.

Zaã a sɛ́wɔ 17:25

Maa Díi pepere, kanaa minin ba doɛ̃ wa, sɛnɛ, masɛ á doɛ̃, kɛn lɛn dɔn tá doɛ̃, mà n din ni n masɛ dia.

Zaã a sɛ́wɔ 3:16

«A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Rɔmu minin 5:8

Sɛnɛ, Krita sɛ na á gã wɔsɛn lɛa, bɛ̀ wɔ bɛ́ tɔn Lawa a zɔ́ɔn lɛa. Lawa na á bɛ zɛnaa, á nyaa wɔ nɛ, mà asɛ á wɔ narɛ á la yii ni.

Rɔmu minin 8:19

Kanaa màn din tumaa la n kakaɛ̃, mà Lawa na a nɛnyaanan lɛn nyaa fufuu bɛa gugurubaa kɛ lɛ nɛ.

Rɔmu minin 8:21

Mà asɛ á re nɔmaa kɛ siɛ a bɔ a mìi ni ǹ kɔ́n pinaa, ziziɛ̃ ná a ba re doe a ganaa doo wa. Mà á re a wɔ gii yii Lawa a nɛnyaanan yii-nyɛɛ sonbore kɛ nɛ.

Rɔmu minin 8:32

Lawa nə n piã dinin ka a din a Nɛ kɛ a kɔ gɛ̀ la-n wa, a na á kɔ wɔsɛn tumaa a lɛa. A re màn tumaa dɔ koe wɔ la a da a Nɛgiĩ lɛ a koe la wa? Hiĩ! Á re màn tumaa koe wɔ la.

Korɛnti2 6:18

Ma á re kaa díi biɛ, ka dɔn tá re maa nɛgiĩn biɛ ka maa nɛlɔn nɛ. Dɛnaa Pàãyiidɛnaa na á pɛ miɛ̃.»

Galaasi minin 3:26

A giala, goleemali barka nɛ, ka tumaa n Lawa a nɛnyaanan lɛa Yezu Krita wɔ gɔ́ɔ̃ nɛ.

Galaasi minin 3:29

Bɛ̀ ka á Krita wɔn lɛa, bɛ n nyɛɛ kəni, mà ka n Abrahamu tɔrɔn dɔn lɛa. Lawa nə n lɛ kɔ la ka bǐɛ̃n mɛnɛn nɛ, ka dɔn tá re bɛn yii, a kɔnpɛ ka Lawa din a lɛ-kɔ kɛ nɛ.

Timəə dí-pɛn 14:1

Ka n kaa Lawa, Dɛnaa Lawa lɛ a nɛnyaanan lɛa. Bɛ lɛ nɛ, ta gɛ̀ na á gã ka la, ka nyan nyaǹ kiɛ̃ ka gɔ̀nɔn ganaa wa, ka nyan nə n mìi kɔɔ̃ wa.

Kolɔɔsi minin 3:3

Sonbore, ka gã, kaa yiikoonaabaa lɛ n durii-n Lawa gɔn, ka Krita bɛ́ durii-n lɔn.

Zaã1 3:10

Màn mɛn bɛ́ Lawa a nɛnyaanan laanka Sɛtaan a nɛnyaanan boe kɔn lɛ panparaanɛ, bɛ á ke: Min mɛn bɛ́ a ba sii pepere zɛnɛɛ wa, a ná a ba ǹ dɔɔ̃n narɛ wa, bɛ bie Lawa a nɛ lɛa wa.

Zaã1 3:2

Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.

Zaã1 4:17

Bɛ̀ kɔn-narɛɛ tá wɔ li a giala yii li, wɔ foo á re goɛ̃ doa-n kiri-kurii pinaa. A giala, wɔ́ goã kanaa kun ka Lawa nɛ, ka Krita bɛ́ á zɛnaa lɔn.

Sii-nyaan 21:7

Min mɛnɛn bɛ́ re gɔ̀lɔ̀baa yii, ma din nə die bǐɛ̃ kɛ biɛ ǹ nɛ, ma á re ǹ Lawa biɛ, ǹ dɔn tá re n biɛ maa nɛnyaanan lɛa.