Zaã1 2:19 - LAWA A BOO SONBORE

¹⁹ Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.

LAWA A BOO SONBORE 2011

¹⁹ Bɛa minin kɛn lɛn man nə́ soo wɔ dinin li, sɛnɛ ǹ bie ǹ nə́ goã wɔa wɔn lɛa wa. Taãn nɛ, bɛ̀ maǹ nə́ goã wɔa wɔn lɛa, bɛ̀ ǹ nə́ goã kun ka wɔ nɛ. Sɛnɛ, ǹ na a bɔ wɔ ganaa kɛ lɛ na á nyaa foaãnɛ, mà ǹ kɔ́n ba wɔa wɔ lɛa sonbore wa.

Zaã1 2:19 ပူးပေါင်းရင်းမြစ်များ

Zɔbu 17:9

Ta á n baa lɔn, min pepere gɔn na a zii ganaa. Min mɛn bɛ́ a sii la wa, màn nə́ miɛ bɛ pàã li miɛ̃ a woo.

Loen 37:28

A giala, peperebaa n kɔɔ̃n Dɛnaa Lawa ganaa. Dɛnaa Lawa ba a minin kiɛ wa, a n giɛ ǹ walan baraabaraa. Sɛnɛ, min baraa tɔrɔn kɛn, á re bɛn wɛɛ a ǹ bɔ gána lɛ nɛ.

Loen 41:9

Maǹ pii, mà busu baraa n ke a ganaa dɛ! Mà bɛ̀ kɛ min kũ, a yui doo wa.

Matiə 24:24

A giala, min tɛn tá re die a soɛ kuru mà asɛ n Minin Nyin-sili lɛ lɛa, min tɛn dɔ á re die a soɛ kuru, mà asɛ n Lawa a boo gii-dali lɛa: Ǹ tá re sii a kɔnboe dadaran laanka kaãbaa ǹ sii kakan zɛnɛɛ ǹ minin yiri sã nɛ, bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Marki 13:22

A giala, min tɛn tá re die a soɛ kuru mà asɛ n Minin Nyin-sili lɛa, min tɛn dɔ á re die a soɛ kuru mà asɛ n Lawa a boo gii-dali lɛa. Ǹ tá re sii a kɔnbɔn laanka kaãbaa ǹ sii kakan zɛnɛɛ ǹ minin yiri sã nɛ. Bɛ̀ maǹ boe la dinin, maǹ Lawa a yii gɔgɔɔ̃ wolen kɛn lɛn yiri siɛ̃.

Luku 8:13

Min tɛnɛn dɔn man goon ka bǎã mɛn bɛ́, a tataã a sɔsɔɔ wa. Maǹ boo lɛ miɛ, ǹ si ka nyɛnyɛɛ nɛ. Sɛnɛ, ǹ ba toɛ boo lɛ giã ǹ wɔlɔ taãn yɛ ǹ foo-n wa. Ǹ golee Lawa li lɛ n biikoo boɛɛn kooro siɛ. Bɛa dɛnan lɛn, bɛ̀ sii kaka nə́ ǹ yɛ lɔn gɔrɔ, maǹ wusii ǹ golee Lawa li kio.

Zaã a sɛ́wɔ 15:2

Bɛ̀ da gùrù mɛn tá masɛ ganaa, a ná a nɛ koe wa, a n bɛ kuri; bɛ̀ ǹ mɛn tá nɛ koe, a n bɛ karan zɛnɛ a bǐɛ̃ kɔ, màn mɛn bɛ́ toɛ, màn wusoo a mɛ a nɛ kɔ li doo.

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Nya ǹ dín 15:24

«Wɔ́ ma mà minin kɔnɔn nə́ bɔ wɔ li ǹ nə́ daa ka yiri lɔlɔkɔn ka ǹ daraan nɛ. Wɔsɛn nə ǹ dia wa.

Nya ǹ dín 20:30

Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio.

Rɔmu minin 9:6

Ma bie giɛ li ma pɛ, mà Lawa boo mɛn da, mà bɛ giala yɛ wa. Haayii! Sɛnɛ, sonbore ne, min mɛnɛn tumaa bɛ́ Izirayeli tɔrɔ lɛa, bɛn tumaa bie Lawa a minin lɛa wa.

Korɛnti1 11:19

A n siĩn dinin nana-kɔn yɛ ka bii, min mɛnɛn bɛ́ min peperen lɛa, wɔ tɔn boo la wɔ bɛn dɔ̃.

Timəə dí-pɛn 13:13

Kaa Lawa, Dɛnaa Lawa kiwin mɛnɛn lɛn kɔ ka la mà ka giã ǹ nɛ, kɔntan ka á re miɛ ǹ kɔn pinaa,

Timote2 2:10

Bɛ lɛ na á toa, Lawa min mɛnɛn bɔ, man sii tumaa sii ma ganaa bɛn lɛn taman yii, màn mɛn bɛ́ toɛ, Yezu Krita bɛ́ kirisibaa mɛn koe, ǹ dɔn nə bɛ lɛ yɛ, ǹ gugurubaa nyabaã wole dɔ yɛ bɛ lɛ gɔ́ɔ̃ nɛ.

Timote2 2:19

Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»

Timote2 3:9

Sɛnɛ, ǹ zɛnaa ǹ sii lɛ a re woe nyɛɛn wa. Sii mɛn Zanɛsi laanka Zanbrɛsi yɛ, bɛ lɛ tɔrɔ á re ǹ dɔn yii: Min tumaa á die ǹ baãnaabaa lɛ doɛ̃.

Ebrəə 10:39

Min mɛnɛn bɛ́ kanɛɛ bɛ̀ ǹ papaã, wɔsɛn ba bɛn kɔnɔn lɛa doo wa. Sɛnɛ, wɔsɛn man golee Lawa li, wɔ á kirisibiɛ bɛa yɔrɔ kɛ lɛ la.

Zaã2 1:7

Soɛ-bɔle gigiã nə́ n da kanaa la. Maǹ nə́ n piɛ̃ ǹ ba golee li, mà Yezu Krita daa minbuiin nɛ taãn lɛa wa. Min mɛn bɛ́ zɛnɛɛ miɛ̃, bɛ lɛ n soɛ-bɔle lɛ lɛa, Krita a Zɔ́ɔ dɔ nɛ.

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.

Zude 1:19

Bɛa soɛ-bɔlen kɛn lɛn man toɛ̃-kɔn we minin bii. Ǹ dinin dùũ babaraa kɛ nə ǹ sii tumaa mìi la, Yiri Fu ba ǹ li wa.