Zaã1 2:16 - LAWA A BOO SONBORE

¹⁶ A giala, màn mɛn tumaa bɛ́ kanaa wɔ lɛa, yii bɔ màn li ni, gɔ̀nɔn foo sii baraan manɛ, ka din koa kanaa siin la nɛ. Bɛn kɔ́n bie boe Díi Lawa li wa, sɛnɛ maǹ kanaa wɔn lɛa.

LAWA A BOO SONBORE 2011

¹⁶ A giala, màn mɛn tumaa bɛ́ kanaa wɔ lɛa, yii bɔ màn li ni, gɔ̀nɔn foo sii baraan manɛ, ka din koa kanaa siin la nɛ. Bɛn kɔ́n bie boe Díi Lawa li wa, sɛnɛ maǹ kanaa wɔn lɛa.

Zaã1 2:16 ပူးပေါင်းရင်းမြစ်များ

Siin Giala 3:6

Lɔ lɛ yɛ, mà da nɛ lɛ á siĩn yɔrɔ-a á la yii ni, mà a bii doamaa nɛ a goã kɔɔ̃n lɛ-n, mà min yii á boe li, mà á boe la a min yiri bũ. A ná a nɛ goon na, á bii, á ǹ kɔ́n kɔ ǹ zuũ la a li, a dɔ́ bii.

Siin Giala 6:2

Lawa a nɛnyaanan nə́ yɛ, mà ǹ nɛlɔn lɛn tá siĩni. Ǹ nə ǹ mɛnɛn bɔ, ǹ nə́ bɛn goa lɔn lɛa.

Zɔbu 31:1

Masɛ n má n liɛ, máa ma a re giɛ nɛniɛ ganaa, ma yii bɔ li wa.

Loen 73:6

Bɛ lɛ n ke, din gole kɔ na ǹ ganaa ka nyaǹ màn nɛ, kakaarɛbaa nə́ ǹ si ka maǹ nə́ kiɛ̃ ǹ li.

Loen 78:18

Ǹ nə́ n da Lawa gɔ́ɔ̃ li woone, mà yǎa a ǹsɛn foo dùũ màn-bii koe ǹsɛn la.

Loen 78:30

Sɛnɛ, ǹ tɔn bii ǹ nə́ kã bɔrɔ dinin wa, ǹ lɛ bɛ́ tɔn piɛ̃ nɛ ka màn-bii ni ǹ mɛn waáraa,

Suusun 27:20

Geren piɛ laanka nyankɔrɔ zuzulu a piɛ̃ wa. A din yii goon nɛ, muibuiin nɛ dɔ foo sii á nyɛɛ wa.

Suusun 6:25

N baran n saa bɛ miã lɔ kɛ lɛ a siĩnbaa li wa, n nyan nə saa a yii bɔ mali li wa.

Minin nimi 11:34

Ǹ nə́ tɔ́n bɛa bǎã lɛ bii mà "Kibrɔti-Taawa", bɛ giala mà "bɔlɔ sɛ mui ǹ yalan". A giala, bɔlɔ sɛ mui zaman lɛ a minin mɛnɛn kũ, maǹ nə́ bɛn bĩ walan.

Minin nimi 11:4

Ka ǹ kɔn dɔ nɛ, bɔlɔ sɛ muĩ Izirayeli minin tɛnɛn kũ. Izirayeli minin lɛn dininmaan ná a giala kɔ doo ǹ nə́ wuu pɛ, ǹ nə́ n toa mà die n die siĩ koe ǹsɛn la, ǹsɛn nə sɔ̃?

Matiə 4:8

Sɛtaan nə́ wusoo á kũ doo á woo ne kele sasa goon mìi ni, á kanaa laanka a siĩnbaa din tumaa nyaa nɛ.

Matiə 5:28

Sɛnɛ, masɛ n pii ka nɛ, bɛ̀ giĩ mɛn ga ǹ miã a lɔ ganaa a yii bɔ li, bɛa dɛnaa na á naarɛbaa zɛnaa kun ni gɔrɔ a din foo ne.

Luku 4:5

Sɛtaan nə́ dii lon ka Yezu ni bǎã kɔ́n nɛ, á biikoo boɛɛn saa á kanaa a gánan dinin tumaa nyaa nɛ.

Rɔmu minin 13:14

Ka Dɛnaa Yezu *Krita pàã wɔ ka ganaa, ka baran ka dinin kɔ gɔ̀nɔn foo siin kɛn la, ka ǹ bɔlɔ sɛ̀-mui siin kɛn zɛnaa wa.

Korɛnti1 10:6

Bɛa siin kɛn man nə́ n zɛnaa sii a kɔnboen lɛa wɔsɛn nɛ, ń giɛ, sii baraa zɛnaa lɛgɔ́ɔ̃ baran wɔ kũ, ka a bɛ́ á ǹsɛn kũ lɔn wa.

Galaasi minin 5:17

A giala, gɔ̀nɔn foo siin man yɔ boe kɔn ka Yiri Fu wɔn nɛ. Yiri Fu dɔ wɔn man yɔ boe kɔn ka gɔ̀nɔn wɔn nɛ. Zɔ́ɔbaa nə ǹ bii ni. Bɛ lɛ na a toa ka á ka dinin foo sii zɛnɛɛ wa.

Galaasi minin 5:24

Min mɛnɛn bɛ́ Yezu Krita wɔn lɛa, bɛn man nə́ ǹ gɔ̀nɔn foo sii kɛn dere gɔn ganaa, kun ka ǹ lɛ mui ǹ sii baraan nɛ.

Efɛɛzi minin 2:3

Wɔ tumaa n wɔ́ goã ka bɛn lɛn bɛ́ lɔn, wɔ ǹ wɔ́ goã wɔa sii zɛnɛɛ wɔa minbuiinbaa ǹ foo sii babaraan li. Wɔ gɔ̀nɔn laanka wɔ yiri bɛ́ giɛ màn mɛn li, wɔ ǹ bɛ zɛnɛɛ. Wɔa minbuiinbaa kɛ lɛ a lɛa nɛ, wɔ́ goã kɔnboe ka Lawa a foo-yoo kɛ lɛ nɛ, ka gialakunun tumaa wɔ bɛ́ lɔn.

Tiitii 2:12

Bɛa bǐɛ̃ kɛ lɛ n wɔ darɛɛ, mà wɔ piã ka Lawa-n tii, ka kanaa dùũ sii babaraan kɛn nɛ, ń giɛ wɔ á goɛ̃ kanaa kɛ nɛ, mìiwedɛnan lɛa, min peperen lɛa, wɔ n bɔlɔgoondɛnan lɛa Lawa nɛ.

Tiitii 3:3

A giala, lɛlɛ, wɔsɛn dɔn man wɔ goã yiri wɛɛnaan lɛa, lɛ-tiilin lɛa, sã wolen lɛa. Wɔ dɔn man wɔ́ goã taasiɛn laanka foo sii baraa tɔrɔ gigiã a bɛ̀rɛn lɛa. Wɔ ǹ wɔ́ goã wɔa yiikoonaabaa zɛnɛɛ baraabaa gɔ́ɔ̃ nɛ, ka yiri koa sii ganaa nɛ. Wɔ goã bɔnɛɛ taãn-taãnɛ, wɔ n kɔn biɛ zɔ́ɔ.

Zaaki 3:15

Bɛa sii-doɛ̃ kɛ tɔrɔ bie boe lon a Lawa li wa: kanaa minbuiinin dinin sii-doɛ̃ n ka bɛ nɛ, *Sɛtaan nə́ koe ǹ la.

Zaaki 4:16

Sɛnɛ, bɛ̀ ka a bɛ pii wa, ka nə n dinin gole koe ka ka dinin laakalaa ǹ boon kɛn nɛ. Bɛ miã din gole kɔ kɛ bɛ́ a siĩn wa.

Zozoe 7:21

Wɔ mànan mɛnɛn goa zia-baa lɛ gɔ́ɔ̃ nɛ, masɛ n má Mezopotamii gána a dɔnkɛ sonbore goon yɛ, ka wɔrɔ kilo paa kɛ miã nɛ, ka sana kuturu goon ne, bɛ dɔ á kilo talɛɛ boe. Ma yii na á bɔ bɛn lɛn li, má ǹ goa. Á ke, ǹ tá durii-n tán maa mɔnaa kion bii, wɔrɔ lɛ tá a giulun.»

Piɛrɛ1 1:14

Ka goã Lawa bɔlɔ-silin lɛa, ka baran ka dinin kɔ kaa lɛlɛ a dùũ sii babaraan kɛn la wa, ka bɛ́ ká goã dùũ siin mɛnɛn zɛnɛɛ kaa Lawa doɛ̃baã biikoo li.

Piɛrɛ1 2:11

Ma dɔɔ̃n narɛɛ wolen lɛn, kasɛn mɛnɛn bɛ́ gùlin laanka tiin lɛa kanaa kɛ nɛ, man ka nyankoe, ka ka dinin kũ dùũ sii babaraan kɛn ganaa, dùũ siin mɛnɛn bɛ́ zia biɛ biikoo tumaa li telenboen ganaa.

Piɛrɛ2 2:10

Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

Piɛrɛ2 2:18

Sonbore, maǹ din gole kɔ laanka baãnaabaa ǹ boon diɛ. Min mɛnɛn soo a bɔ min yiri siɛ̃ wolen bii bɛ́ a tɔn belebɔ wa, maǹ gɔn diɛ bɛn ganaa, ǹ tá ǹ kuĩ ka ǹ dinin naarɛbaa ǹ dùũ sii babaraan nɛ.