Zaã1 2:14 - LAWA A BOO SONBORE

¹⁴ Nɛnyaanan lɛn, man sɛ́wɔ kɛ diɛ ka la, a giala, ka á Díi Lawa lɛ doɛ̃. Díin lɛn, man sɛ́wɔ kɛ diɛ ka la, a giala, min mɛn bɛ́ á goã a tan giala-kɔ waáraa, ka á bɛ doɛ̃. Tɔntɔraan lɛn, man sɛ́wɔ kɛ diɛ ka la, a giala, ka á kaka, Lawa a boo tá ka gɔ́ɔ̃ nɛ, ká boo Min Baraa dɔ la.

LAWA A BOO SONBORE 2011

¹⁴ Nɛnyaanan lɛn, man sɛ́wɔ kɛ diɛ ka la, a giala, ka á Díi Lawa lɛ doɛ̃. Díin lɛn, man sɛ́wɔ kɛ diɛ ka la, a giala, min mɛn bɛ́ á goã a tan giala-kɔ waáraa, ka á bɛ doɛ̃. Tɔntɔraan lɛn, man sɛ́wɔ kɛ diɛ ka la, a giala, ka á kaka, Lawa a boo tá ka gɔ́ɔ̃ nɛ, ká boo Min Baraa dɔ la.

Zaã1 2:14 ပူးပေါင်းရင်းမြစ်များ

Loen 119:11

Ma nə n lɛ kɔ ǹ boon kɛn tamaɛ ma foo ne, màn mɛn bɛ́ toɛ, ma baran sii la n la wa.

Zaã a sɛ́wɔ 15:7

Bɛ̀ ka tá doa-n kɔn ka masɛ nɛ, bɛ̀ maa boon kɛn dɔn tá ka foo ne, ka bɛ́ màn mɛn li, ka a nyankɔ, ka á re yii.

Zaã a sɛ́wɔ 5:38

A boo din ba ka foo-n wa, a giala, a min mɛn lɛ dia, ka golee li wa.

Zaã a sɛ́wɔ 8:31

Zuifun mɛnɛn nə golee Yezu li, á tɔ́n pɛ bɛn lɛn manɛ: «Bɛ̀ ka lɛ kɔ ka masɛ a boo si, ka ǹ maa kialandɛnan lɛa taãn-taãnɛ.

Zaã a sɛ́wɔ 8:37

Ka n Abrahamu tɔrɔn lɛa, ma á bɛ doɛ̃. Sɛnɛ, ka n giɛ li ka tá masɛ dii, a giala, maa boo lɛ na a ba ka foo sii wa.

Efɛɛzi minin 6:10

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Filipi minin 4:13

Man boe la, ma á yɔ boe bɛa sii kɛ lɛ din tumaa ganaa, ka maa pàã kɔmala wole Krita barka nɛ.

Kolɔɔsi minin 1:11

Lawa die a toa ka pàã gole kɔ, ká a din a boo sii la laanka a din a Lawabaa ǹ pàãdɛnaabaa kɛ barka nɛ, màn mɛn bɛ́ toɛ, ka sii si ma-a laanka gɔ̀lɔ̀baa yɛ fuu tumaa gɔ́ɔ̃ nɛ,

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Timote2 2:1

N din wɔ paǹ li, nsɛ mɛn bɛ́ maa nɛ lɛa, wɔ bɛ́ Lawa a bǐɛ̃ mɛn giulun, wɔa tá kun ka Yezu *Krita-n lɛ gɔ́ɔ̃ nɛ, n dɔ nə n gɔn paraa bɛ lɛ ganaa, n nə n gù we yii.

Ebrəə 8:10

Ma bɛ́ re lɛ kɔ kɔn la dii mɛn we ka Izirayeli tɔrɔ minin kɛn nɛ, bɛ á ke: Ma din Dɛnaa n pii, máa bɛa lɛawaan kɛn lɛn kiɛ̃ kio, man die maa dí-pɛn we ǹ yiri ni, man die ǹ kiɛ̃ ǹ foo ganaa. Ma á re goɛ̃ ǹ Lawa lɛa, ǹ dɔn tá re goɛ̃ ma din a tɔrɔ lɛa.

Zaã1 1:1

Wɔ n sɛ́wɔ kɛ diɛ ka la Boo kɛ a lɛa, Boo mɛn bɛ́ yiikoonaabaa koe. Á goã a tan, bɛ̀ màn kɔ́n tɔn nə n giala kɔ bɔrɔ wa. Wɔ́ Boo lɛ ma, wɔ́ yɛ ka wɔ yii ni, wɔ́ ga a ganaa, wɔ n gɔn da a ganaa.

Zaã1 1:10

Bɛ̀ wɔ́ pɛ wáa wɔ ba sii baraa-zɛnaalin lɛa wa, wɔ ǹ Lawa biɛ soɛ-bɔle lɛa, a boo kɛ ba wɔ gɔ́ɔ̃-n wa.

Zaã1 2:13

Díin lɛn, man sɛ́wɔ diɛ ka la, a giala, min mɛn bɛ́ á goã a tan giala-kɔ waáraa, ka á bɛ doɛ̃. Tɔntɔraan lɛn, man sɛ́wɔ diɛ ka la, a giala, mà ka boo Min Baraa la.

Zaã2 1:2

Sonbore mɛn bɛ́ wɔ nɛ, a n die goɛ̃ wɔ li yǎa duduu, man ka narɛ bɛ lɛ a lɛa.

Zaã3 1:3

Ma foo kɔɔ̃n kɔ parsiini, bɛ̀ wɔ dɔɔ̃nɔn kɔnɔn bɛ́ ǹ nə́ daa, ǹ nə́ pɛ ma nɛ, mà n tá bɔlɔgoondɛnaa lɛa sonbore wɔ paǹ li. A n miɛ̃ dɔn, n tá tɔ we sonbore gɔ́ɔ̃ nɛ.

Sii-nyaan 2:3

N tá n foo kuĩ, n fuu yɛ masɛ tɔ a lɛa, a n gù basã wa".

Sii-nyaan 2:7

«Too bɛ́ min mɛn lon, Lawa a Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, ma á re lɛ koe la, yiikoonaabaa ǹ da mɛn bɛ́ Lawa a piɛ, a bɛa nɛ bii.»