Zaã1 2:10 - LAWA A BOO SONBORE

¹⁰ Min mɛn bɛ́ ǹ dɔɔ̃n narɛ, bɛ n wɔlɔ fúlu li, ka bɛ nɛ, sii kɔ́n ba a li, a n boe la a min kɔsɔ da sii baraa-n wa.

LAWA A BOO SONBORE 2011

¹⁰ Min mɛn bɛ́ ǹ dɔɔ̃n narɛ, bɛ n wɔlɔ fúlu li, ka bɛ nɛ, sii kɔ́n ba a li, a n boe la a min kɔsɔ da sii baraa-n wa.

Zaã1 2:10 ပူးပေါင်းရင်းမြစ်များ

Loen 119:165

Min mɛnɛn bɛ́ n landa boon kɛn narɛ, bɛn là nyantoro n gole. Sii kɔn ba bìn diɛ ǹ ganaa wa.

Ozee 6:3

Ka daa wɔ ga Dɛnaa Lawa li, ka n doa wɔ dɔ̃. Dɛnaa Lawa a daa ke a sàabiɛ wa, a n ka lɛ̀ a waa bɛ́ lɔn. A n die die wɔ li ka la á ke kiɛ lɔn, ka la giala nyɔmɔɔ á ke tán basɛ̃ lɔn.

Matiə 13:21

Sɛnɛ, ǹ ba toɛ a gòon bɔ ǹ nɛ wa, a ba goɛ̃ ǹ foo ne a belebɔ wa. Bɛ lɛ nɛ, bɛ̀ foo ziziɛ̃ daa, hinlaa bɛ̀ minin man fuu nyɛɛ ǹ nɛ Lawa a boo lɛ taman yii, maǹ nə n piɛ̃ ka Lawa-n gɔrɔ.

Matiə 18:7

Bɔ̀n gole n ka kɛ nɛ kanaa minin mìi ni! A giala siin tan ǹ nə́ minin kiɛ sii baraa zɛnaa ganaa. Bɛ miã siin kɛn bie sàabiɛ wa, sɛnɛ, bɛ̀ a zɛnaa ǹ giala bɔ min mɛn li, bɔ̀n na á bɛa dɛnaa yɛ!

Zaã a sɛ́wɔ 11:9

Yezu tɔ́n pɛ ǹ nɛ: «Biikoo fulupaa bie lɛawaa goon gɔ́ɔ̃-n wa? Sii din tumaa laanka a biikoo ne. Bɛ̀ min nə tɔ we penleen ke, a ba n gòã niɛ̃ wa, a giala, a yii á wɔlɔ ganaa.

Zaã a sɛ́wɔ 12:35

Yezu tɔ́n pɛ ǹ nɛ: «Wɔlɔ fúlu tá ka bii bɔrɔ, sɛnɛ, a die beleboe wa. Wɔlɔ fúlu bɛ́ ka li ǹ mɛn waáraa, ka tɔ wɔ bɛa biikoo li, màn mɛn bɛ́ toɛ, wɔlɔ tì baran da ka tɔwaa wa. A giala, min mɛn bɛ́ tɔ we wɔlɔ tì li, bɛa dɛnaa ba a din a woo ǹ bǎã doɛ̃ wa.

Zaã a sɛ́wɔ 8:31

Zuifun mɛnɛn nə golee Yezu li, á tɔ́n pɛ bɛn lɛn manɛ: «Bɛ̀ ka lɛ kɔ ka masɛ a boo si, ka ǹ maa kialandɛnan lɛa taãn-taãnɛ.

Rɔmu minin 14:13

Ka daa wɔ kiri kuru kɔn la lɛ da. Màn mɛn bɛ́ soɛ, a ba siĩni min nə ǹ miã nyanaa a da sii baraa-n wa.

Filipi minin 1:10

màn mɛn bɛ́ toɛ, ka sii sonbore gɔgɔɔ̃ doɛ̃. Bɛa yɔrɔ lɛ la ka á re goɛ̃ *yoreen ne, ǹ ba re boe la ǹ ka zɛ̀rɛ baa ka sii kɔ́n nɛ, Krita a lɛawaa kɛ a pinaa wa.

Piɛrɛ2 1:10

Bɛ lɛ nɛ, dɔɔ̃nɔn lɛn, Yezu Krita bɛ́ á ka bíi á ka yii gɔgɔɔ̃ ke, ka n doa ka n gù wen yii, ka kaa bíi-wɔ kɛ lɛ laanka kaa yii-gɔgɔɔ̃ kɛ lɛ tamaa. Bɛ̀ ka á bɛ zɛnɛɛ, ka a re mɛnɛɛ duduu wa.

Zaã1 2:11

Sɛnɛ, bɛ̀ min mɛn dɔɔ̃n tìĩ á boe-n a nyin ni, bɛ n tɔn wɔlɔ tì li, a n tɔ we wɔlɔ tì li. A bɛ́ woe bǎã mɛn nɛ, a bɛ doɛ̃ wa, a giala, wɔlɔ tì na á baa yii tere-a lɛa.

Zaã1 3:14

Wɔ á doɛ̃, wáa wɔ́ n bɔ gɛ̀ nɛ, wɔ́ wɔ yiikoonaabaa nɛ. Wɔ ǹ bɛ doɛ̃, a giala, mà wɔ n wɔ dɔɔ̃nɔn narɛ. Min mɛn bɛ́ a min narɛ wa, bɛ n tɔn gɛ̀ gɔ́ɔ̃ nɛ.