Uruti 4:11 - LAWA A BOO SONBORE

¹¹ Zaman lɛ laanka min golen mɛnɛn tumaa goã sii yɔrɔ bɔ ǹ bǎã lɛ nɛ, bɛn nə́ pɛ: Wɔsɛn dinin man siéren lɛa! Lɔ kɛ lɛ die we n kion, Dɛnaa Lawa die a baa ka Raseli laanka Leya bɛ́ lɔn. Bɛa lɔ min paa kɛ lɛ na á Izirayeli tɔrɔn koa. A die a màndɛnaa baa Efrataa tanlɛ minin bii, a tɔ bɔ Bɛtlehɛmu kiwi.

LAWA A BOO SONBORE 2011

¹¹ Zaman lɛ laanka min golen mɛnɛn tumaa goã sii yɔrɔ bɔ ǹ bǎã lɛ nɛ, bɛn nə́ pɛ: Wɔsɛn dinin man siéren lɛa! Lɔ kɛ lɛ die we n kion, Dɛnaa Lawa die a baa ka Raseli laanka Leya bɛ́ lɔn. Bɛa lɔ min paa kɛ lɛ na á Izirayeli tɔrɔn koa. A die a màndɛnaa baa Efrataa tanlɛ minin bii, a tɔ bɔ Bɛtlehɛmu kiwi.

Uruti 4:11 ပူးပေါင်းရင်းမြစ်များ

Siin Giala 23:10

Efrɔn na á goã giã-n Ɛti tɔrɔn bii. Ɛti tɔrɔ Efrɔn lɛ tɔ́n pɛ Abrahamu ni ǹ dɔɔ̃nɔn yɔrɔ-a, min mɛn tumaa da lɛsɔkɔn bǎã nɛ kiwi lɛ a kiɛnlɛ-a á pɛ:

Siin Giala 24:60

Ǹ nə́ lɛn bǐɛ̃ bíi li, bɛ̀ ǹ tá pii: «Miãnɛn, Lawa die a toa n minbuiin duu damata a náa baa. Min mɛnɛn bɛ́ n tɔrɔn biɛ zɔ́ɔ, Lawa die a toa, n tɔrɔn nə bɛn giã ǹ bǎã a dɛnan baa.»

Siin Giala 29:16

Bɛ á zɛnɛɛ, bɛ̀ nɛlɔ paa tá Laban lon. A goledɛnaa tɔ mà Leyaa, a kiɛɛrɛdɛnaa tɔ mà Raseli.

Siin Giala 29:25

Lɛ̀ bɛ́ á waa ǹ mɛn waáraa, Zakɔba yɛ mà Leyaa nɛ. Á tɔ́n pɛ Laban nɛ: «Wàa-n sii n ka kɛ nɛ, ń zɛnaa ma nɛ? Ma bie má dí nya n nɛ Raseli a lɛa wa ya? Wàa na á baa ń ma bebele?»

Siin Giala 29:32

Leyaa nɔ̀ si, á nɛgiĩ yɛ, a ná a tɔ kɔ Urubɛn (bɛ giala mà "Ga min a sii Walan"). A giala, a na á pɛ: «Dɛnaa ga maa nɔmaa ganaa, ma zuũ lɛ á die ma narɛ kanna.»

Siin Giala 35:23

A lɔ Leyaa nə́ ǹ mɛnɛn yɛ nɛ: Urubɛn ná a nɛgiĩ bibinaa lɛa. Bɛ kio Simiɔn, Levii, Zudaa, Isakaara ka Zabulɔn nɛ.

Siin Giala 35:24

Raseli a nɛnyaanan man ka Zozɛfu laanka Bɛnzamɛn nɛ.

Kiin1 21:8

Bɛ kio, Zezabɛli sɛ́wɔn kiɛ̃ ka Akaabu tɔ nɛ. Á kii a gòon ganaa ǹ kaaran bǎã da ǹ la, á ǹ dia Naabɔti a kiwi a min golen laanka a kənən la.

KZS1 2:51

Salmaa nɛ, ke á Bɛtlehɛmu kiwi koa, ka Arɛfu ni, ke á Bɛti-Gedɛɛrɛ kiwi koa.

Loen 132:6

Wɔ́ ma mà *lɛ kɔ kɔn la ǹ goo lɛ á Efrata. Wɔ́ yɛ Yaara don.

Suusun 14:1

Lɔ sii-dɔ̃li na a kion koɛ. Lɔ yiriwɛɛnaa na a kion yui.

Suusun 31:23

Ǹ zuũ n kiã lɛa, a yii n guguru. A n woe kiwi lɛa min golen lɛsɔkɔn bǎã nɛ.

Zeremii 32:10

Má wuru lɛ a pii ǹ sɛ́wɔ zɛnaa màn paa, siéren yɔrɔ-a, má goon lɛ tã má ma gòon ganaa ǹ kaaran bǎã da la má a wɔrɔ zɔɔ̃ kilo la.

Misee 5:2

Bɛ lɛ na á toa, Lawa á re n gɔn boe a zaman ganaa, yǎa nɔnaa kɛ nɛ yii. Bɛa biikoo li, ǹ dɔɔ̃nɔn lɛn mɛnɛn bɛ́ re n sɔlɛɛ a nɛ, bɛn tá re die kiɛ kun ka Izirayeli minin gialakunun kɛn nɛ.

Matiə 2:6

«Kasɛn Bɛtlehɛmu minin lɛn, ka baran taasɛ mà ka dɔn dinin kiwi kɛ lɛ n kiɛɛrɛ Zudee gána a kiwin bii wa, a giala, goledɛnaa á re boe a nɛ, a giã Izirayeli mìi la, ma din a minin lɛn, a ǹ tamaa.»

Timəə dí-pɛn 25:7

Sɛnɛ, bɛ̀ giĩ lɛ ba li a ǹ dɔɔ̃n lɛ a lɔ lɛ si wa, lɔ lɛ wo dɔ kiwi a min golen li kiri wɔ ǹ bǎã a pɛ ǹ nɛ kɛnɛn: «Ma zuũ ǹ dɔɔ̃n na á n piã, mà a ba ǹ dɔɔ̃n lɛ tɔ koɛ Izirayeli minin bii wa. Bɛ lɛ nɛ, á n piã, mà a ba ma zuũ lɛ a dɔɔ̃nbaa ǹ dí nyɛɛ masɛ wɔ paǹ li wa.»

Timəə dí-pɛn 25:9

lɔ lɛ nə n zɔ̃ a dɔ a li min golen lɛn yii ni, a giĩ lɛ a kɔsɔ gòã goon bɔ a gòã ganaa, a sɛ̀ duwəə a yɔrɔ nɛ, a pɛ: «Giĩ mɛn bɛ́ a ba ǹ dɔɔ̃n a kion koɛ wa, maǹ kɛ miã sii lɛ zɛnɛɛ bɛa dɛnaa nɛ.»

Uruti 1:2

Bɛa giĩ lɛ tɔ n Elimelɛki, a lɔ tɔ n Naomii, a nɛ lɛ a goon tɔ n Maalɔn, goon tɔ n Kiliyɔn. Efrataa tanlɛ minin manɛ Bɛtlehɛmu kiwi, Zudaa tɔrɔn bǎã nɛ. Ǹ bɛ́ ǹ nə́ dɔ Moabu gána lɛ nɛ, ǹ nə́ giã walan.