Uruti 3:12 - LAWA A BOO SONBORE

¹² Taãn nɛ, n sii n doe masɛ ganaa, sɛnɛ min kɔsɔ tan, n sii n doe bɛ ganaa á la masɛ nɛ.

LAWA A BOO SONBORE 2011

¹² Taãn nɛ, n sii n doe masɛ ganaa, sɛnɛ min kɔsɔ tan, n sii n doe bɛ ganaa á la masɛ nɛ.

Uruti 3:12 ပူးပေါင်းရင်းမြစ်များ

Matiə 7:12

Ka bɛ́ zoɛ̃ mà ka miãn nə màn mɛn zɛnaa ka nɛ, ka dɔn nə bɛ lɛ miã zɛnaa ǹ dɔn nɛ. Muizu a landa laanka Lawa a boo gii-dalin sɛ́wɔn man pii, yǎa a n zɛnɛɛ miɛ̃.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Uruti 2:20

Naomii tɔ́n pɛ ǹ manaa lɛ nɛ: «Dɛnaa Lawa die a barka da n ganaa asɛ mɛn bɛ́ a ba a makara-doɛ̃ kɛ toɛ walan yiikoonaan wɔ paǹ li wa, a toɛ walan geren dɔn wɔ paǹ li wa.» Bɛ kio, Naomii pɛ nɛ: «Bɛa giĩ lɛn wɔsɛn dinin min taãn lɛa, wɔsɛn sii n doe a din lɛ ganaa.»

Uruti 3:11

Maa nɛlɔ, kanna kəni, n baran nyɛ́ɛ baa wa. N bɛ́ re màn mɛn tumaa pii masɛ nɛ, man die bɛ zɛnɛɛ n nɛ. A giala, wɔa minin tumaa á doɛ̃ taãn-taãnɛ mà ma n lɔ sonbore lɛa.

Uruti 3:13

Waa kànaa, baayɛlɛ, bɛ̀ n tá li a n mìi koa n sii li, á siĩni, á boe la a n zɛnaa. Sɛnɛ, bɛ̀ n ba li a n mìi koa n sii li wa, masɛ tá n lɛ koe ka Dɛnaa Lawa Yiikoonaa kɛ tɔ nɛ, man mìi koa n sii li. Waa tán yǎa lɛ̀ wɛɛ.»

Uruti 4:1

Boazi woo sii yɔrɔ bɔ ǹ bǎã nɛ, kiwi lɛ a kiɛnlɛ-a á giã tán walan. Á ke, Boazi goã á giĩ mɛn boo da mà Uruti a sii n doe a ganaa, bɛ daa kiɛ̃. Boazi lɛ dia la ka koee á pɛ: «Min kɛ, n zɔ̃ n dɔ, n giã tán kànaa.» Á n zɔ̃ á dɔ á giã tán.

Uruti 4:4

Bɛ lɛ n ke, masɛ á die n too toɛ tì ka a sii-n wa. Man giɛ li n pii kiwi lɛ a min golen laanka masɛ tɔrɔn kɛn yɔrɔ-a. Bɛ̀ n tá li n na a mìi bɔ, n na a mìi bɔ. Sɛnɛ, bɛ̀ n ba li n na a mìi dɔ bɔ wa, n bɛ pɛ wɔsɛn nə dɔ̃. A giala, bɛ̀ á n bɔ n din ni, min kɔsɔ a boe la a na a mìi bɔ wa. Masɛ mɛn nə́ ke, ma nə n kio.» Giĩ lɛ ná a lɛ si kɛnɛn: «Ma tá li ma a mìi bɔ.»