Uruti 2:12 - LAWA A BOO SONBORE

¹² N sii mɛn zɛnaa, Dɛnaa Lawa die n sarɛɛ nɛ. Dɛnaa Lawa lɛ, Izirayeli minin Lawa lɛa, n da kaa Lawa mɛn lɛ yele, bɛ die a n saraa lɛ piɛ̃ kɔ n la.»

LAWA A BOO SONBORE 2011

¹² N sii mɛn zɛnaa, Dɛnaa Lawa die n sarɛɛ nɛ. Dɛnaa Lawa lɛ, Izirayeli minin Lawa lɛa, n da kaa Lawa mɛn lɛ yele, bɛ die a n saraa lɛ piɛ̃ kɔ n la.»

Uruti 2:12 ပူးပေါင်းရင်းမြစ်များ

Loen 17:8

N bɛ́ n din yii nàn tamaɛ lɔn, ma tamaa miɛ̃. Ma duru n din nyàa giulun.

Loen 19:11

Ǹ sii á min kuĩ á la sana nɛ, ǹ nə́ la sana sonbore gigiã nɛ. Ǹ tá kɔɔ̃nɛ ǹ nə́ la zoo ne, zoo mɛn din bɛ́ ǹ nə́ bɔ sisia.

Loen 36:7

N peperebaa lɛ n yii ka kele dadaran bɛ́ lɔn. N kiri kurii lɛ n zuzulu ka nyankɔrɔ gole bɛ́ lɔn. Dɛnaa Lawa, n din nə minbuiinin laanka tɔɔn tamaɛ.

Loen 57:1

LOE-saalin goledɛnaa loe mɛn lɔ. A nə n loe kɛnɛn: N baran toa n ziziɛ̃ wa. Davida a loe goon ne. A bɛ́ á baa si, á woo n dɔ yala kɔrɔ nɛ, màn mɛn bɛ́ toɛ, a la kii Sayulu la, Davida n boo diɛ bɛ wɔ gɔn la.

Loen 58:11

Min pepere á re n nyɛnyɛɛ, gɛ̀ dòo boe kɛ a yɛ gɔ́ɔ̃ nɛ. Á re kiɛ̃ lon, bɛ̀ a zɔ́ɔn nə́ mɛnaa tán.

Loen 61:4

N din nə masɛ tamaali sonbore lɛa, duru ǹ bǎã kaka lɛa, maa zɔ́ɔn yɔrɔ-a.

Loen 63:7

Bɛ̀ ma á waa-n tán maa piì la, yǎa ma yiri gisĩ n ni, ma nə n taasɛ ka n din ni tèlò lɛ tumaa gɔ́ɔ̃ nɛ.

Loen 91:4

Á re n tamaɛ a din li, n tá re duru ǹ bǎã yii a din li, ka koon nɛ bɛ́ n duri koo dan nyàa giulun lɔn. A din a kɔn-narɛɛ gole kɛ á re goóro biɛ n síã, a n tamaa.

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Suusun 23:18

Ka bɛ nɛ, n biɛ̃ ǹ tá re bǐɛ̃ koe. Ń foo sii á re ziziɛ̃ wa.

Zeremii 31:16

Sɛnɛ, Dɛnaa Lawa n kɛ pii: N nyan wuu pɛ doo wa, n lɛ tã! N tá re n nɔmaa a saraa yii. N nɛnyaanan tá re boe n zɔ́ɔn gána nɛ ǹ daa. Dɛnaa Lawa a da ǹ boo ne.

Matiə 23:37

Zeruzalɛmu kiwi ganaa, nsɛ mɛn bɛ́ Lawa a boo gii-dalin dii, bɛ̀ n Lawa a dia dí-a wolen dɛ ka kɔlɔ nɛ ǹ gã. Ma gunyin damata n ke giɛ li, ma tá n minin lɛ soekɔn ma din li, ka koo dan bɛ́ a nɛn lɛ soekɔn-a a nyàa kan giulun lɔn, sɛnɛ, ka bɛ́ ka lɛ kɔ wa!

Matiə 5:12

Ka n nyɛnyɛɛ, ka foo goã kɔɔ̃nɛ, a giala, saraa gole tá ka duĩ lon, Lawa a piɛ. Lawa a boo gii-dalin mɛnɛn nə da ka nyɛɛnɛ, minin man nə́ bɛn dɔn nɔmaa miɛ̃.

Matiə 6:1

Ka bɛ́ Lawa a zii tɔ wɔ ǹ siin mɛnɛn zɛnɛɛ minin yɔrɔ-a, ka tá n dinin nyɛɛ ǹ nɛ, ka n parabaa ka bɛ nɛ. Bɛ̀ ka á zɛnɛɛ miɛ̃, ka a re saraa yii a bɔ kaa Díi Lawa li lon wa.

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Kolɔɔsi minin 2:18

Ka baran toa minin nə koɛ̃ɛn wɔ ka-n wa. Bɛa minin kɛn lɛn man taasɛ, mà ǹsɛn man min dadaran lɛa, ǹ yii wɔlɔ yɛ siin lɛa, maǹ soɛ bɔ ǹ din-gisiĩ narɛ, ka lon a dia dí-a wolen guguru kɔ nɛ. Bɛa minin kɛn tɔrɔ piɛ̃maa-n ka din gole kɔ nɛ, mìi dɔ ba la wa, bɛ̀ á n bɔ ǹ dinin minbuiin nɛbaa ǹ taasiɛ wɔ ǹ gɔn kɛ lɛ nɛ,

Timote2 1:18

A dí mɛn tumaa dɔ nya ma-n Efɛɛzi kiwi, min kɔ́n ba ǹ doɛ̃ á dɔ n li wa. Dɛnaa die a makara bɔ a ganaa kiri-kurii pinaa.

Timote2 4:8

Kanna kəni, gɔ̀lɔ̀baa ǹ saraa tá ma duĩ. Min mɛnɛn tɔ wɔ ǹ gɔn bɛ́ pepere, Lawa n die saraa lɛ koe bɛn la, Dɛnaa kiri pepere wɔle n die bɛa saraa lɛ koe ma la kiri-kurii pinaa. A bie re koe ma dinsɔɔ̃ la wa. Min mɛnɛn bɛ́ n yii diɛ a wusoo a daa la parsiini, a n die a din saraa goon lɛ koe bɛn dɔn la.

Ebrəə 11:26

Lawa bɛ́ re a din a min mɛn boe diɛ, Muizu ga a ganaa, mà asɛ tɔ ziziɛ̃ bɛa lɛa, mà bɛ á naforo gole lɛa á la Ezipti gána a naforon kɛn manɛ, a giala, a yii na á goã doa-n saraa kɛ la.

Ebrəə 11:6

A da yaa, bɛ̀ golee Lawa li bie wa, min kɔ́n ba boe la, a kɔɔ̃n kɔ Lawa ganaa wa. Sonbore, bɛ̀ min mɛn tá n mɔrɛ Lawa ganaa, bɛ doamaa nɛ a dɔ̃, mà Lawa lɛ tan, mà a n toɛ a gamali wolen nə yɛ.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Uruti 1:16

Uruti tɔ́n pɛ: «N baran fuu saa ma li, mà ma n toa walan ma wusoo mà wo bǎã sɔsɔɔ̃-n wa. A giala, n bɛ́ re woe bǎã mɛn nɛ, ma dɔ n die woe walan, n bɛ́ re wɛɛ bǎã mɛn nɛ, ma dɔ n die wɛɛ walan. N tɔrɔn tá re ma tɔrɔn biɛ, n Lawa á re maa Lawa biɛ.

Uruti 2:11

Boazi ná a lɛ si: «N zuũ lɛ a gɛ̀ kio, n sii mɛn tumaa zɛnaa ǹ zuũ dan lɛ nɛ, ǹ ná a tumaa kalaa masɛ nɛ. N nə n díi laanka n náa toa walan, n yɛ ǹ gána nɛ. N bɛ́ n ba tɔrɔ minin mɛnɛn doɛ̃ lɛlɛ wa, n nə́ n daa bɛn li.

Uruti 2:13

Uruti tɔ́n pɛ: «Maa dɛnaagiĩ na á bǐɛ̃ kɔ masɛ ganaa, a giala a na á masɛ foo basã, á ma foo taã. A da yaa, masɛ din ba ka n bɛ̀rɛlɔn kɛn goon bɛ lɔn wa.»

Uruti 4:15

Á re n nyin tii n ganaa, a n zizimaa tamaa. A giala n manaa lɛ a yii ni, asɛ mɛn bɛ́ n narɛ, á soɛ nɛgiĩ sɔbaa nɛ n gɔn.»

Samayeli1 24:19

N bǐɛ̃ mɛn zɛnaa masɛ-n pelo, ma bɛ yɛ. A giala, Dɛnaa Lawa goã á ma wɔ n gɔn, sɛnɛ, n ma dɛ wa.

Samayeli1 24:20

Bɛ̀ min nə́ n da a zɔ́ɔ lɛ, a tá toɛ a wo zɔzɔnɔ? N màn mɛn zɛnaa masɛ nɛ bɛa pinaa kɛ lɛ nɛ, Dɛnaa Lawa die a n saraa bɛ taman yii.