Timote1 6:14 - LAWA A BOO SONBORE

¹⁴ N doa n dí-pɛ lɛ tamaa, n goã *yoreen ne, zɛ̀rɛ baran goã n ganaa wa, yǎa wɔa Dɛnaa Yezu Krita a din nyaa pinaa.

LAWA A BOO SONBORE 2011

¹⁴ N doa n dí-pɛ lɛ tamaa, n goã *yoreen ne, zɛ̀rɛ baran goã n ganaa wa, yǎa wɔa Dɛnaa Yezu Krita a din nyaa pinaa.

Timote1 6:14 ပူးပေါင်းရင်းမြစ်များ

Loe kɔɔ̃n kɔɔ̃n 4:7

Maa paa ǹ wɔ, n siĩnbaa lɛ pã. Haalɛ wɔ̀lɔ̀ boɛɛnɛ, a ba n-a wa.

Korɛnti1 1:8

A din dɔ n die pàã koe ka la sɔnbɔraanɛ, yǎa giala-nyɔmiɛ biikoo li, ka goã zɛ̀rɛ baãnaan lɛa wɔa Dɛnaa Yezu Krita a kiri-kurii pinaa.

Efɛɛzi minin 5:27

A na á zɔɔ̃ li, mà Lawa a sɔmɔ lɛ goã asɛ din yɔrɔ-a, ka a nɛniɛ tii bɛ́ lɔn, a siĩnbaa tumaa gɔ́ɔ̃ nɛ, a gɔ̀nɔn nə́ zɔzɔnɔ, *gɔ̀ ná a ba a ganaa wa, wɔ̀lɔ̀ kɔ́n dɔ ná a ba a ganaa wa.

Filipi minin 1:10

màn mɛn bɛ́ toɛ, ka sii sonbore gɔgɔɔ̃ doɛ̃. Bɛa yɔrɔ lɛ la ka á re goɛ̃ *yoreen ne, ǹ ba re boe la ǹ ka zɛ̀rɛ baa ka sii kɔ́n nɛ, Krita a lɛawaa kɛ a pinaa wa.

Filipi minin 1:6

Ma foo doamaa-n kɛ ganaa: Lawa dí sonbore mɛn giala kɔ ka gɔ́ɔ̃ nɛ, á re toɛ bɛ wo miɛ̃, a wo n giala-nyɔmɔɔ Yezu Krita a lɛawaa kɛ ganaa.

Filipi minin 2:15

Ka zɛnaa miɛ̃, ń giɛ ka á goɛ̃ *yoreen ne, zɛ̀rɛ baãnaan lɛa, ka goã Lawa a nɛnyaanan lɛa, sɔ̀n ná a ba ka ganaa, kanaa min kɔkɔrɔ babaraan kɛn bii wa. Ka doamaa nɛ ka wɔlɔ fúlu bɔ ǹ bii, ka bólonən bɛ́ lɔn,

Kolɔɔsi minin 1:22

Sɛnɛ kanna, a Nɛgiĩ a gɛ̀ ke, á wɔ ka minbuiin nɛ bɛ́ lɔn, bɛ barka nɛ, Lawa ka baa a din a giaáran lɛa, ka boo la ka soo a din yɔrɔ-a, ka a din a tɔrɔ minin bɛ́ lɔn, *gɔ̀ ná a ba ka ganaa wa, zɛ̀rɛ dɔ ná a ba ka ganaa wa.

Kolɔɔsi minin 4:17

Ka pɛ Arsipu dɔ nɛ mà «Dɛnaa dí mɛn kɔ la mà a nya, mà a yiri bɔ bɛ li, a toa a nya sɔnbɔraanɛ a na a lɛ pã.»

Tesaloniki1 3:13

A die a ka foo taã, màn mɛn bɛ́ toɛ, wɔa Dɛnaa Yezu a daa pinaa kun ka a wɔn nɛ, ka boo la ka golee Díi Lawa yɔrɔ-a *yoreen ne, kaa sii lɛ n piɛ̃ nɛ.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Tesaloniki2 2:1

Dɔɔ̃nɔn lɛn, wɔa Dɛnaa Yezu *Krita a daa boo laanka wɔa lɛsɔkɔn a li wɔ paǹ li, wɔ ǹ ka nyankoe,

Tesaloniki2 2:8

Bɛa biikoo li, Lawa a Zɔ́ɔ lɛ á die n din nyɛɛ, sɛnɛ, bɛ̀ Dɛnaa Yezu soo lɔn gɔrɔ, a n die a din lɛ dii a yɔyɔrɛ ka a lɛ gɔ́ɔ̃ ǹ piɛ̃ nɛ, a toa a papaã duduu ka a din a gugurubaa kɛ a daa nɛ.

Timote1 6:20

Haya Timote, màn mɛn nə n koa n li, a tamaa doɛ̃. N din kũ golee Lawa li baã boo kooron kɛn ganaa, ka liere soɛ boon kɛn nɛ, minin tá ǹ bíi "Sii-doɛ̃".

Timote2 4:1

Man boo kɛ pii n ni, ma á laɛ n ganaa Lawa laanka Yezu *Krita yɔrɔ-a, Yezu mɛn bɛ́ re kiri kuri yiikoonaan laanka geren la. A din lɛ n wusii die kii lɛa.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Ebrəə 9:14

Sanparɛ Krita mà ke kəni! Krita mɛn bɛ́ á n din kɔ Lawa la, wúlu màn yoreen lɛa, ka Yiri Fu nyabaã wole barka nɛ, bɛ á boe la, a wɔ foon pii, a wɔ si bɔ̀nbaa ǹ sii zɛnaan la, màn mɛn bɛ́ toɛ, wɔ dí nya Lawa Yiikoonaa kɛ nɛ.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Piɛrɛ1 1:19

Sɛnɛ, Lawa na á ka bɔ bɛ nɛ ka Krita mà kɛ barka nɛ, mà mɛn bɛ́ soɛ màn tumaa nɛ. Bɛa Krita lɛ na á gã ka sère nɛ bɛ́ lɔn, wɔ̀lɔ̀ laanka gɔ̀ ná a ba-a wa, bɛ̀ ǹ dɛ *wúlu màn lɛa.

Piɛrɛ1 1:7

Bɛa fuun kɛn lɛn mìi n ke: Lawa n giɛ kaa golee a din li lɛ pàã lɛ ganaa. Sana n màn lɛa á n nyɛɛ, sɛnɛ, maǹ diɛ tɛ-n, ǹ ga a sanabaa ganaa. A da yaa kaa golee Lawa li lɛ a soɛ sana-n lenlen. Bɛa yɔrɔ kɛ lɛ la, bɛ̀ Lawa ga ka dɔn golee a din li lɛ ganaa, á woo yaa a taãn lɛa, Krita bɛ́ re die ǹ mɛn pinaa, Lawa á re toɛ ka tɔ-bɔ yɛ, ka gugurubaa nɛ, ka zín ni.

Piɛrɛ2 2:21

A giala, bɛ̀ minin kɛn lɛn manə ǹ zii pepere kɛ dɔ̃ wa, bɛ̀ bɛ á soɛ ǹ ganaa á la a doɛ̃ a wusoo a kio kɛ nɛ, Lawa a dí-pɛ sonbore mɛn nə n kɔ ǹ la, ǹ nə́ n dɔ̀ɔ̃ wɔ bɛ nɛ.

Piɛrɛ2 3:14

Bɛ lɛ nɛ, maa giaáran lɛn, ka bɛ́ n yii diɛ ke, ka n doa, màn mɛn bɛ́ toɛ, Dɛnaa lɛ da ka yaa ka bii n kɔɔ̃n kɔ ka a din ni, ka n *yoreen ne, zɛ̀rɛ ná a ba ka ganaa wa.

Piɛrɛ2 3:2

Man giɛ li, ka n yiri gisĩ boon kɛn nɛ, Lawa a boo gii-dali sonboren kɛn nə́ ǹ pɛ lɛlɛ, ka Dɛnaa Minin Nyin-sili a dí-pɛ kɛ nɛ, dia dí-a wolen nə́ ka daraa a ganaa.

Zaã1 3:2

Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.

Zude 1:24

Barka tá Lawa ganaa, a giala á boe la a ka sàabaa mɛnaa ganaa, a ka tamaa. Á boe la a soo ka nɛ a din yɔrɔ-a a gugurubaa ǹ bǎã kɛ nɛ, zɛ̀rɛ baãnaan lɛa, a ka foo kɔɔ̃n kɔ.

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!