Timote1 4:6 - LAWA A BOO SONBORE

⁶ N doa n dɔɔ̃nɔn lɛn daraa bɛ tumaa ganaa. Bɛ̀ n zɛnaa miɛ̃, n tá re Yezu *Krita a dí-nyali sonbore biɛ. N bɛ́ n kɔ goleemali boon laanka daraa sonbore mɛn lɛ ka n parsii ni, n din telenboen too ka bɛn lɛn nɛ.

LAWA A BOO SONBORE 2011

⁶ N doa n dɔɔ̃nɔn lɛn daraa bɛ tumaa ganaa. Bɛ̀ n zɛnaa miɛ̃, n tá re Yezu *Krita a dí-nyali sonbore biɛ. N bɛ́ n kɔ goleemali boon laanka daraa sonbore mɛn lɛ ka n parsii ni, n din telenboen too ka bɛn lɛn nɛ.

Timote1 4:6 ပူးပေါင်းရင်းမြစ်များ

Loen 19:7

A n soe lon paǹ goon ganaa, a wo a baa giala nyɔmɔɔ a paǹ kɔsɔ kɛ ganaa, a fuubaa ná a màn kɔn pusii wa.

Suusun 4:2

Sonbore, man doroo sonboren koe ka la. Ka nyan nə n piã ka maa daraan nɛ wa.

Zeremii 15:16

Bɛ̀ má n boo ma lɔn, man kuĩ parsiini. A n ma foo kɔɔ̃n koe, a ma foo basã. Taãn nɛ Dɛnaa Lawa Pàãyiidɛnaa, n din tɔ n ma la.

Matiə 13:52

Á tɔ́n pɛ ǹ nɛ: «Bɛ lɛ na á toa, landa sii-daraalin tá re yii, ǹ Lawa dɔ̃ ǹ kii lɛa. Bɛn lɛn man kɔnboe ka kiondɛnaa kɔ́n nɛ, gɔn màn dii laanka a zizi boe a naforo ne.»

Luku 1:3

Bɛ lɛ nɛ, siin mɛnɛn dinin tumaa nə n zɛnaa a giala-koe li, má nɔ̀n da ka bɛn nɛ ka tɛtɛtɛ, má yɛ máa á siĩni, má kɔ bɛn lɛ, má kiɛ̃ kɔn kio, má ǹ nyaa n nɛ.

Nya ǹ dín 1:15

Kialandɛnan mɛnɛn lɛ bɛ́ soe-n kɔn, ǹ nə́ woo dɔ min paabiɛ ka fuə (120) kɛ miã. Ǹ kɔ́n pinaa Piɛrɛ yoo á golee dɔɔ̃nɔn lɛn bii, á pɛ:

Nya ǹ dín 20:31

Ka n dinin kũ, ka n yiri koa a nɛ, lɛ̀ sɔɔ gɔ́ɔ̃ nɛ, penleen laanka tèlò ne, mà masɛ má n gɔn waa ka gogoonmaa nɛ, ka yii mu-n dinin.

Nya ǹ dín 20:35

Sii din tumaa gɔ́ɔ̃ nɛ, má nyaa ka nɛ máa min nə siĩni a nɔmaa miɛ̃, a tɔn nə n dɔ doobaan lɛ, bɛ̀ a yiri n Yezu din a boo kɛ nɛ: «Nyɛnyɛɛ tá màn kɔ min la nɛ á la min a màn kɔmala nɛ.»

Rɔmu minin 15:15

Má sɛ́wɔ kɛ a paǹ tɛn kiɛ̃ ka boo kaka nɛ, a mìi n ka kɛ dinsɔɔ̃ nɛ: Ka bɛ́ màn mɛn doɛ̃ gɔrɔ ke lɛn, man ka yiri gisĩ bɛ nɛ. Lawa din bɛ́ á dí mɛn kɔ ma la, ká a din a bǐɛ̃ barka nɛ, bɛ n zii koe ma la ma á zɛnɛɛ miɛ̃.

Korɛnti1 4:17

Bɛ lɛ a lɛa nɛ, ma á Timote diɛ ka li. A n maa nɛ narɛɛ wole lɛa wɔa Dɛnaa wɔ gɔ́ɔ̃ nɛ, má foo n doa-n a ganaa. Ma dinmaa a giã ǹ gɔn bɛ́ lɔn, á re ka yiri diɛ bɛ nɛ, má ka daraa siin mɛnɛn ganaa, kaa tá kun ka Yezu Krita-n a lɛa, á re bɛn dɔn nyɛɛ ka nɛ. A din daraa ǹ gɔn goon ne, ma á pii bǎã tumaa nɛ Lawa a sɔmɔn gɔ́ɔ̃ nɛ.

Korɛnti2 11:23

Maǹ Krita a dí-nyalin lɛa? Bɛ̀ á bɛ baa dinin, masɛ á bɛ lɛa má la ǹ nɛ; man boo diɛ ka min mɛn bɛ́ a yiri papaã ka lenlen. Man pii: Nɔmaa gɔ́ɔ̃ nɛ, maa wɔ la ǹ wɔ nɛ, kòso wɔ gɔ́ɔ̃ nɛ, maa wɔ la ǹ wɔ nɛ, duwəə gɔ́ɔ̃ nɛ, maa wɔ la ǹ wɔ-n duduu, sii gɔgɔrɛ mɛn bɛ́ min nə́ boe la a gã a gɔ́ɔ̃ nɛ, bɛ́ ma yɛ gunyin damata.

Korɛnti2 3:6

A din na á pàã kɔ ma la, mà ma lɛ kɔ kɔn la dii kɛ lɛ nyaa minin ni ǹ dɔ̃. Bɛa lɛ kɔ kɔn la dii kɛ lɛ bie landa sɛ́wɔ wɔ lɛa wa, sɛnɛ, Yiri Fu wɔ nɛ. A giala, Landa á min dii, sɛnɛ, Yiri Fu sɛn yiikoonaabaa koe min la.

Korɛnti2 6:4

Man sii tumaa zɛnɛɛ dinin, máa ǹ dɔ̃ mà Lawa a dí-nyali n ka ma nɛ. Man fuu sii ma ganaa parsiini ka foo-kũ ni. Sii kakan nə́ ma yɛ, ka gɔ́ɔ̃ bii ni.

Efɛɛzi minin 6:21

Wɔ dɔɔ̃n taãn Tisiki mɛn bɛ́ bɔlɔgoondɛnaa lɛa, Dɛnaa a dí kɛ gɔ́ɔ̃ nɛ, ma bɛ́ ka yɔrɔ mɛn nɛ, bɛ á re die a bɛ tumaa pɛ ka nɛ, ma bɛ́ màn mɛn lɛa ka bɛ dɔ̃.

Filipi minin 2:20

A dinsɔɔ̃ n ma laadoo siin biɛ a wɔn lɛa, a nə́ n gɔ́ɔ̃ bii ka ka-n taãn-taãnɛ.

Filipi minin 2:22

Ka dininmaan tá doɛ̃, Timote na a bɔlɔgoondɛnaabaa kɛ nyaa ka-n ka yɔrɔ mɛn nɛ, a na á Boo Tii Kɔɔ̃n a dí kɛ nya kun ka ma nɛ, ka nɛ laanka a díi bɛ́ dí nyɛɛ kun lɔn.

Filipi minin 3:16

Ta á n baa lɔn, ka daa wɔ n ta nyɛɛnɛ, a kɔnpɛ ka wɔ bɛ́ wɔ́ kɔ zii mɛn lɛ, á dɔ pelo ǹ ganaa.

Kolɔɔsi minin 2:19

ǹ ba goɛ̃ doa-n Krita ganaa wa, Krita mɛn bɛ́ màn din tumaa mìi lɛa. A din mìi kɛ lɛ barka nɛ gɔ̀nɔn lɛ din tumaa lɛ, Lawa a sɔmɔ lɛa, bɛ n goɛ̃ doa-n kɔn, a nə́ n toe, màn mɛn bɛ́ toɛ a gole kɔ a kɔnpɛ ka Lawa din dùũ ni.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Kolɔɔsi minin 4:7

Wɔ dɔɔ̃ngiĩ sonbore Tisiki mɛn bɛ́, Dɛnaa a dí-nyali bɔlɔgoondɛnaa lɛa, a n ma miã dí nya kun wole lɛa Dɛnaa nɛ, bɛ á re maa sii din tumaa yɔrɔ pii ka nɛ.

Tesaloniki1 3:2

má ma dɔɔ̃n Timote dia ka li. A dɔ n Lawa a dí nyɛɛ ka masɛ bɛ́ lɔn, á n Boo Tii Kɔɔ̃n pii *Krita wɔ gɔn la. Man má dia ka li, máa a ka gù we yii, a ka foo taã kaa goleemali gɔ́ɔ̃ nɛ,

Timote1 1:10

A na á n koa dɔn naarɛbaalin taman yii, ka giĩ ga kɔn li wolen ne, bɛ̀rɛ-sãlin ni, soɛ-bɔlen ne. Min mɛnɛn bɛ́ n lɛ koe ka sii ni, bɛ̀ ǹ wusoo ǹ kio, bɛn nɛ ka min mɛnɛn tumaa bɛ́, ǹ zɛnaa ǹ sii a kɔnpii ka daraa sonbore kɛ-n wa.

Timote1 4:16

N yiri kɔ n din laanka n minin daraa li. Sii si n ganaa a gɔ́ɔ̃ nɛ. Bɛ̀ n zɛnaa miɛ̃, n tá re n dinmaa kirisibiɛ. Min mɛnɛn dɔn bɛ́ n too koe n lon, n tá re bɛn dɔn kirisibiɛ.

Timote1 6:3

Min tɛnɛn tá minin darɛɛ sii kɔsɔn ganaa. Ǹ da ǹ boo a kɔnpii ka wɔa Dɛnaa Yezu *Krita a boo sonboren kɛn nɛ wa, a kɔnpii ka wɔa goleemali ǹ daraa kɛ dɔ-n wa.

Timote2 1:6

Bɛ lɛ na á toa, ma tá n yiri diɛ a nɛ: Lawa na a bǐɛ̃baa ǹ màn mɛn kɔ n la, bɛ̀ ma bɛ́ má n gɔn da n la, toa n nə n yiri koa bɛ li, n dí nya-n parsiini.

Timote2 3:10

Sɛnɛ, ma bɛ́ minin darɛɛ siin mɛnɛn ganaa, nsɛ Timote á bɛn doɛ̃. Maa tɔ wɔ ǹ gɔn nɛ, ka ma sii mɛn koa ma yɔrɔ-a, n tá bɛ dɔ doɛ̃. N maa goleemali boo ma, maa foo-kuĩ ni, ka maa kɔn-narɛɛ laanka maa sii simaa nɛ.

Timote2 4:3

A giala, biikoo kɔ́n tá re die, minin tɛnɛn ba re lɛ koe, ǹ nə n too kɔ daraa ǹ boo sonbore kɛ ganaa doo wa. Sɛnɛ, ǹ tá re n siɛ ǹ dinin foo sii baraa li, ǹ minin-daraali gigiã lɛ sɔkɔn ǹ dinin li. Boo mɛn bɛ́ kɔɔ̃nɛ ǹ dinin too ne, bɛn tá re bɛ pii ǹ ni.

Tiitii 2:1

Sɛnɛ, nsɛ toa n minin daraa, a kɔnpɛ ka daraa ǹ yiri pepere kɛ nɛ.

Piɛrɛ1 2:2

Ka n baa ka nɛnyaan tiɛɛ̃nɛn bɛ́ lɔn, ǹ bɛ́ giɛ nyɔ li lɔn, ka dɔn nə ga Lawa a boo sonbore kɛ li miɛ̃, màn mɛn bɛ́ toɛ, ka gole kɔ bɛa boo lɛ barka nɛ, ka wo dɔ kirisibaa ganaa.

Zaã2 1:9

Daraa mɛn bɛ́ n we Krita wɔ gɔn la, bɛ̀ min woo min soo á n bɔ bɛ nɛ, á woo para li, Lawa a kun ni wa. Min mɛn bɛ́ goɛ̃ bɛa daraa kɛ gɔ́ɔ̃ nɛ, Díi Lawa laanka a Nɛgiĩ tá kun ka bɛa dɛnaa nɛ.

Zude 1:5

A laan ka á bɛ doɛ̃ taãn-taãn gɔrɔ, man giɛ li, ma ka yiri gisĩ a nɛ, máa Dɛnaa bɛ́ a ná a din a minin kɛn si, á ǹ bɔ Ezipti minin pàã giulun ǹ mɛn waáraa, ǹ mɛnɛn nə n piã bɛ kio, ǹ nə́ ǹ golee li wa, Lawa toa bɛn nə́ gã.