Timote1 4:13 - LAWA A BOO SONBORE

¹³ Ma laan bɛ̀ ma daa, n doa n Lawa a boo lɛ pɛ min tumaa yɔrɔ-a, n na a laakalaa ǹ nɛ, n nə ǹ daraa a ganaa.

LAWA A BOO SONBORE 2011

¹³ Ma laan bɛ̀ ma daa, n doa n Lawa a boo lɛ pɛ min tumaa yɔrɔ-a, n na a laakalaa ǹ nɛ, n nə ǹ daraa a ganaa.

Timote1 4:13 ပူးပေါင်းရင်းမြစ်များ

Zaã a sɛ́wɔ 5:39

Ka ǹ Lawa a boo gɔsiɛ, a giala, ka ǹ taasɛ mà bɛ lɛ n toɛ kasɛn nə nyin nyabaã yɛ. A din Lawa a boo kɛ lɛ n siére lɛa masɛ wɔ gɔn la,

Nya ǹ dín 17:11

Minbuiinbaa goã bɛn nɛ á la Tesaloniki a Zuifun manɛ. Ǹ nə́ boo lɛ si ka foo sonbore ne. Baraabaraa maǹ nə́ goã Lawa a Boo Sɛ́wɔ lɛ pii, ǹ nə́ giɛ-a bɛ̀ a n miɛ̃ sonbore.

Nya ǹ dín 6:4

Wɔsɛn dininmaan kɛn tá re woe nyɛɛnɛ, wɔ n dinin kɔ Lawa nyankɔ la, ka Lawa a boo pɛ kɛ a dí ni.»

Rɔmu minin 12:8

Bɛ̀ minin foo taã n min mɛn wɔ lɛa, bɛ dɔ minin foo taã. Bɛ̀ Lawa wɔ gii bɔ n min mɛn wɔ lɛa, bɛ dɔ bɛ zɛnaa ka foo sonbore ne. Bɛ̀ min mɛn dɔ n minin nyɛɛnaan boe, bɛa dɛnaa dɔ bɛ zɛnaa sɔnbɔraanɛ. Bɛ̀ min mɛn dɔ n doobaan goe màn nɛ, a zɛnaa ka foo kɔɔ̃n nɛ.

Korɛnti1 14:26

A nə n pii kɛ ganaa mà wàa, ma dɔɔ̃nɔn lɛn? Bɛ̀ ka n lɛ sɔkɔn ka á Lawa guguru koe, loe n min goon li, minin daraa n kɛ dɔ li. Lawa sii mɛn nyaa, bɛ n kɔsɔ li, kɔsɔ dɔ n boo diɛ ka bɔlɔ soree ne, kɛ dɔ n bɔlɔ soree lɛ giala pii. Sɛnɛ, ka toa bɛ tumaa boo la a n dɔ Lawa a sɔmɔ lɛ.

Korɛnti1 14:3

Sɛnɛ, min mɛn bɛ́ Lawa a boo gii diɛ, bɛ n boo diɛ minbuiinin ni, a nə́ n doe ǹ lɛ, a tá ǹ foo taɛ̃, a tá ǹ foo basɛ̃.

Korɛnti1 14:6

Ma dɔɔ̃nɔn lɛn, man nɔ̀n diɛ ka la: bɛ̀ má daa ka li, má n boo diɛ ka nɛ ka bɔlɔ soree ne, ma là n ka wàa-n ka ganaa? Bɛ̀ maa boo lɛ sii-durii nyaa ka nɛ, a màn-doɛ̃ kɔ ka la wa, bɛ̀ a Lawa a sii nyaa ka nɛ wa, a daraa kɔ́n dɔ kɔ ka la wa, ma là ba ka ganaa wa.

Timəə dí-pɛn 17:19

Bɛa sɛ́wɔ lɛ n die goɛ̃ a li, bɛ̀ a pɛ baraabaraa, a yiikoonaabaa tumaa gɔ́ɔ̃ nɛ. A doamaa nɛ, a bɛa dí-pɛ lɛ a boon tumaa laanka a landa boon tumaa tamaa, màn mɛn bɛ́ toɛ, a n daraa nyɛ́ɛ baa a Lawa, Dɛnaa Lawa-n ganaa.

Timote1 4:16

N yiri kɔ n din laanka n minin daraa li. Sii si n ganaa a gɔ́ɔ̃ nɛ. Bɛ̀ n zɛnaa miɛ̃, n tá re n dinmaa kirisibiɛ. Min mɛnɛn dɔn bɛ́ n too koe n lon, n tá re bɛn dɔn kirisibiɛ.

Timote1 4:6

N doa n dɔɔ̃nɔn lɛn daraa bɛ tumaa ganaa. Bɛ̀ n zɛnaa miɛ̃, n tá re Yezu *Krita a dí-nyali sonbore biɛ. N bɛ́ n kɔ goleemali boon laanka daraa sonbore mɛn lɛ ka n parsii ni, n din telenboen too ka bɛn lɛn nɛ.

Timote2 3:15

Haalɛ, n nɛnyaanbaa waáraa, n tá Lawa a sɛ́wɔ boo sonboren kɛn doɛ̃. Ǹ tá boe la ǹ yiri kɔ n la, n golee Yezu Krita li, màn mɛn bɛ́ toɛ, n kirisibaa yɛ.

Timote2 4:2

Bɛ lɛ taman yii, n doa n Lawa a boo lɛ laakalaa, ta biikoo sonbore ne, ta biikoo sonbore bie wa. Minin sã nyaa ǹ nɛ, n sɛ̀ pɛ ǹ ganaa, n nə ǹ foo taã, n nə ǹ daraa ka sii simaa lɛ piɛ̃ nɛ.

Tiitii 2:15

N doamaa nɛ n minin daraa bɛa yɔrɔ kɛ lɛ la. N nə ǹ foo taã, n zɛ̀rɛdɛnan zɛ̀rɛ baa. Bɛ zɛnaa ka n parsii din tumaa nɛ. Min kɔ́n dɔ nyan sàn kɔ n nɛ wa.

Zozoe 1:8

N nyan toa dí-pɛn sɛ́wɔ kɛa boon nə n na n lɛ-a wa. N taasɛ bɛn lɛn ganaa penleen laanka tèlò ne, màn mɛn bɛ́ toɛ, boo mɛn tumaa bɛ́ kiɛ̃ nɛ a nɛ, n toa n zɛnaa ǹ sii tumaa kɔnpɛ ka bɛn nɛ. Bɛ̀ ń zɛnaa miɛ̃, n sii á re woe nyɛɛnɛ, á re bǐɛ̃ dɔ koe.