Timəə dí-pɛn 9:9 - LAWA A BOO SONBORE

⁹ Dɛnaa Lawa lɛ kɔ kɔn la mɛn wɔ kɔn ka nɛ, a bɛ lɛ a boo kiɛ̃ kɔlɔ-sɛlɛɛn mɛnɛn ganaa, man má goã má dii kele lɛ la, má woo bɛn lɛn si. Ma lɛawaa pusi ka tèlò pusi n kele lɛ la, ma a màn bii wa, ma a mu mii wa.

LAWA A BOO SONBORE 2011

⁹ Dɛnaa Lawa lɛ kɔ kɔn la mɛn wɔ kɔn ka nɛ, a bɛ lɛ a boo kiɛ̃ kɔlɔ-sɛlɛɛn mɛnɛn ganaa, man má goã má dii kele lɛ la, má woo bɛn lɛn si. Ma lɛawaa pusi ka tèlò pusi n kele lɛ la, ma a màn bii wa, ma a mu mii wa.

Timəə dí-pɛn 9:9 ပူးပေါင်းရင်းမြစ်များ

Kiin1 19:8

Yilii dɔ tɔ́n yoo, á màn bii, á mu mi. Bɛa màn-bii lɛ bɛ́ á Yilii gù kaa, á tɔ wɔ lɛawaa pusi laanka tèlò pusi gɔ́ɔ̃ nɛ, yǎa á dɔ Lawa a kele kɛ li, ǹ nə́ bíi Orɛbu.

Kiin2 6:22

Yiliizee ná a lɛ si: «N baran ǹ dɛ wa! Bɛ̀ ń boo min mɛnɛn la ka n sa laanka n gɔya sa nɛ ń nə ǹ baa bɛ̀rɛn lɛa, n tá nɛn bɛ̀ n nə ǹ dɛ ya? Buuru kɔ Siirii minin lɛn la ǹ sɔ̃, n mu kɔ ǹ la ǹ mi, ǹ die ǹ wo ǹ kii li.»

Bɔ bɛ̀rɛbaa nɛ 24:12

Dɛnaa pɛ Muizu ni: «Dii n da masɛ li kele lɛ la, n golee kànaa. Man die kɔlɔ sɛlɛɛn kɛn lɛn koe n la, ma dí-pɛn lɛn kiɛ̃ ǹ mɛnɛn ganaa ke lɛn. N die n Izirayeli nɛnyaanan lɛn daraa ǹ ganaa.»

Bɔ bɛ̀rɛbaa nɛ 24:15

Á dii kele lɛ la, yǎa tɛmaa nə n kɔ kele lɛ lɛ.

Bɔ bɛ̀rɛbaa nɛ 24:18

Muizu wɔ tɛmaa lɛ li, á dii kele lɛ la. A na á goã kele lɛ la lɛawaa pusi ka tèlò pusi.

Bɔ bɛ̀rɛbaa nɛ 31:18

Dɛnaa bɛ́ á boo da ka Muizu ni Sinayii kele la á nya, bɛ kio kəni, á lɛ kɔ kɔn la ǹ boon kɔlɔ sɛlɛɛ màn paa lɛ kɔ la, Dɛnaa Lawa din boon mɛnɛn kiɛ̃ ka a din gɔn nɛ.

Bɔ bɛ̀rɛbaa nɛ 32:1

Zaman lɛ yɛ mà Muizu belebɔ kele lɛ la, a ná a ba gisĩ wa. Ǹ nə́ n lɛ sɔkɔn Aarɔn li, ǹ nə́ pɛ nɛ: «Yoo! N dìn zɛnaa n kɔ wɔsɛn la, dìn mɛnɛn bɛ́ re wɔ nyɛɛnaan boe, a giala, Muizu mɛn soo wɔ nɛ á wɔ bɔ Ezipti gána nɛ, sii mɛn yɛ, wɔ ba doɛ̃ wa.»

Bɔ bɛ̀rɛbaa nɛ 34:28

Muizu na á goã kun ka Dɛnaa-n walan yǎa lɛawaa pusi ka tèlò pusi. A màn bii wa, a mu dɔ mi wa. Muizu lɛ kɔ kɔn la ǹ boo fù lɛ kiɛ̃ kɔlɔ sɛlɛɛn lɛn ganaa.

Matiə 4:2

Yezu bɛ́ á lɛawaa pusi laanka tèlò pusi zɛnaa, a ná a màn bii wa, bòo kũ.

Galaasi minin 4:24

Boon kɛn man sii a kɔnboen giala pii wɔ nɛ. A giala, lɔ màn paa kɛ n lɛ kɔ kɔn la màn paa giala pii wɔ nɛ. Lɛ-kɔ mɛn nə n wɔ Sinayii kele la, Agaara a sii n bɛa kɔnboe lɛa. A nɛnyaanan mɛnɛn yɛ, bɛn nə́ bɛ̀rɛn baa.

Timəə dí-pɛn 8:3

A bɛ́ á fuu nyaa ka nɛ, á toa bòo ka kũ, a din wusoo á *maánə kɔ ka la. Bɛ n màn-bii lɛa, ka goã doɛ̃ wa, ka digolon dɔn dinin nə goã doɛ̃ wa. A na á zɛnaa miɛ̃ á nyaa ka nɛ, mà màn-bii dinsɔɔ̃ bie minbuiin nɛ toe wa, sɛnɛ, boo woo boo boe Lawa lɛ-n, bɛ lɛ n min toe.

Timəə dí-pɛn 9:11

Lɛawaa pusi ka tèlò pusi lɛ lɛ bɛ́ á pã, Dɛnaa Lawa kɔlɔ-sɛlɛɛ màn paa lɛ kɔ ma la, lɛ kɔ kɔn la ǹ boon lɛn nə́ kiɛ̃ nɛ ǹ ganaa.

Timəə dí-pɛn 9:15

Má tɔ́n nə n bɔyaa, máa man gisĩ n boe kele lɛ la, tɔn tɛ lɛa girigiri. Kɔlɔ-sɛlɛɛ màn paa mɛn bɛ́ lɛ kɔ kɔn la ǹ boon lɛn nə́ goã kiɛ̃ nɛ ǹ la, bɛn man nə́ goã ma gɔnɔn paanan nɛ.

Timəə dí-pɛn 9:18

Má tɔ́n na má kaa tán Dɛnaa Lawa yɔrɔ-a, ma lɛawaa pusi ka tèlò pusi, ka bibinaa wɔ lɛ bɛ́ lɔn. Ma màn-bii wɔ ma lɛ-n wa, ma mu wɔ ma lɛ-n wa, kaa sii baraa kɛ lɛ tumaa a lɛa ká zɛnaa. Sii mɛn bɛ́ baraa Dɛnaa Lawa yii li, ka n ká bɛ lɛ zɛnaa, ká a foo yoo ne.

Ebrəə 9:4

Nyɔɔ gìĩ kɔɔ̃n tã ǹ bǎã sanadɛnaa kɛ na á goã walan, ka *lɛ kɔ kɔn la ǹ goo kɛ nɛ. Maǹ nə́ sana yo, ǹ nə́ kaa bɛa goo lɛ paǹ tumaa la. Bɛa goo lɛ gɔ́ɔ̃ nɛ, sana donkolon na a tan, Lawa goã á màn-bii mɛn kɔ Izirayeli minin la don bii, a tɔ n «maánə», bɛ ná a nɛ. Aarɔn a bàlà mɛn goã á luu pã, bɛ dɔ n Goo lɛ nɛ, ka kɔlɔ-sɛlɛɛn mɛnɛn bɛ́, Lawa a lɛ kɔ kɔn la ǹ boon kɛn nə́ kiɛ̃ nɛ ǹ ganaa.