Timəə dí-pɛn 9:7 - LAWA A BOO SONBORE

⁷ Ka sii mɛn zɛnaa, ká kaa Lawa, Dɛnaa Lawa lɛ foo yoo ne don, ka n yiri kɔ bɛ li, ka nyan toa ka yiri bɔ ka bɛ-n wa. A saa kaa soo Ezipti gána-n ganaa, a da kaa kaa dɔ kànaa kɛ lɛ, ka gòãn man dii-n kɔn ka Dɛnaa Lawa-n miɛ̃.

LAWA A BOO SONBORE 2011

⁷ Ka sii mɛn zɛnaa, ká kaa Lawa, Dɛnaa Lawa lɛ foo yoo ne don, ka n yiri kɔ bɛ li, ka nyan toa ka yiri bɔ ka bɛ-n wa. A saa kaa soo Ezipti gána-n ganaa, a da kaa kaa dɔ kànaa kɛ lɛ, ka gòãn man dii-n kɔn ka Dɛnaa Lawa-n miɛ̃.

Timəə dí-pɛn 9:7 ပူးပေါင်းရင်းမြစ်များ

Bɔ bɛ̀rɛbaa nɛ 14:10

Faarahɔn bɛ́ á diri, Izirayeli nɛnyaanan nə́ n yii saa, ǹ nə́ ga. Ǹ nə́ yɛ mà Ezipti minin lɛn man nə́ zii saa, ǹ tá ǹ kio lui. Nyɛ́ɛ nə́ ǹ kũ parsiini, ǹ nə́ n lɛ dɛ Dɛnaa Lawa ganaa.

Bɔ bɛ̀rɛbaa nɛ 14:11

Ǹ nə́ pɛ Muizu ni: «Yalan man nə́ nyaabaa Ezipti gána nɛ, ń nə́ die wɔ kiɛ gɛ̀ kooro li don bii? Wàa mɛn sii ni ń zɛnaa wɔ-n kɛnɛn? N bɛ́ ń wɔ kũ ń soo wɔ nɛ, ń wɔ bɔ Ezipti gána nɛ.

Bɔ bɛ̀rɛbaa nɛ 16:2

Don lɛ gɔ́ɔ̃ nɛ, Izirayeli nɛnyaanan zaman lɛ tumaa zùũzùũ si, Muizu laanka Aarɔn ganaa.

Bɔ bɛ̀rɛbaa nɛ 17:2

Zaman lɛ zia da Muizu ganaa, ǹ nə́ pɛ nɛ: «Mu kɔ wɔ la wɔ mi.» Muizu pɛ ǹ nɛ: «Wàa na á baa ka tá zia diɛ ma ganaa? Wàa na á baa ka tá n diɛ Dɛnaa gɔ́ɔ̃ li?»

Bɔ bɛ̀rɛbaa nɛ 23:21

Ka n dinin kũ, ka ma lɛ si, ka baran ma bɔlɔ tii wa. Ma á re kaa gɔ́ɔ̃-tii sii ma ganaa wa. A giala, bɛa lon a dia dí-a wole kɛ lɛ n dí-nyɛɛ masɛ din tɔ a lɛa.

Izayii 48:8

Haayii, a boo ba ka too-n wa, ka a màn kɔn doɛ̃ wa. Kaa yiri koa sii li baã belebɔ. Ma á doɛ̃, ka n yiri siɛ̃ wolen lɛa. Maǹ ka bíi piã-wɔlen a kũ kaa yɛ waáraa ganaa.

Zeremii 11:10

Maǹ nə́ timəə ǹ digolon siɛ̃n la, ǹ mɛnɛn lɛn nə n piã mà ǹ ba n too koe maa boon ganaa wa. Maǹ nə́ kɔ lawa kɔsɔn lɛ ǹ nə́ ǹ guguru kɔ. Izirayeli minin laanka Zudaa minin nə́ maa lɛ kɔ kɔn la kɛ ziziɛ̃ má doa kɔn ka ǹ digolon ne.

Zeremii 32:30

A kũ ǹ tenmaa waáraa ganaa, sii mɛn bɛ́ bɔnɛɛ ma yii li, Izirayeli minin laanka Zudaa minin man nə́ bɛ lɛ zɛnaa. Ǹ zɛnaa ǹ siin tumaa n ma foo yui. Dɛnaa Lawa a da ǹ boo ne.

Zeremii 44:9

Ka yiri na á bɔ sii baraan kɛn nɛ ka ǹ zɛnaa Zudaa gána nɛ ka Zeruzalɛmu a ziin la ǹ nɛ? Kaa díin zɛnaa ǹ sii bɔbɔnɛɛn kɛn manɛ, Zudaa kiin wɔn nɛ, ǹ lɔn wɔn nɛ, ka dinin wɔn nɛ ka kaa lɔn wɔn nɛ.

Ezekieli 20:13

Sɛnɛ, Izirayeli minin nə́ n gòãn dii ma ganaa diə gole lɛ nɛ. Ǹ kɔ maa landa boon kɛn lɛ wa, ǹ nə́ maa sii yɔrɔ bɔ ǹ boon lɛn tii, ǹ mɛnɛn lɛn kɔmalɛ bɛ́ toɛ min yii goã koo. Ǹ nə́ maa susu ǹ piin kɛn ziziɛ̃ á la yii ni. Ma tɔ́n pɛ máa ma foo mɛn yoo ke, man die dɔlɔ diɛ ǹ mìi ni diə gole lɛ nɛ, ǹ nə ǹ dɛ lenlen.

Ezekieli 20:43

Kaa tɔ wɔ ǹ gɔn nɛ, kaa zɛnaa ǹ siin kɛn tumaa nɛ, ka ǹ mɛnɛn lɛn zɛnaa ká ka dinin gɔgɔrɛ kɔ nɛ, ka yiri á die gisĩ ka bɛn nɛ walan. Ka tìĩ á re boe ka dinin nyin ni, kaa sii baraan kɛn taman yii ká ǹ zɛnaa.

Ezekieli 20:8

«Sɛnɛ, ǹ nə́ n gòãn dii ma ganaa, ǹ lɛ kɔ ǹ nə́ n too kɔ ma lon wa. Màn bɔbɔnɛɛn mɛnɛn bɛ́ ǹ yɔrɔ-a, min kɔn na a wɔn kaa wa, ǹ Ezipti minin dìn kɛn toa walan wa. Má tɔ́n pɛ ma din gɔ́ɔ̃ nɛ, máa ma foo mɛn yoo ǹ li ke, máa yǎa ma dɔlɔ diɛ ǹ mìi ni, yǎa man foo nyɛɛ ǹ la Ezipti gána lɛ din gɔ́ɔ̃ nɛ.

Ezekieli 36:31

Bɛa biikoo li, ka yiri á die gisĩ ka kaa giã ǹ gɔn baraa laanka kaa zɛnaa ǹ siin kɛn nɛ, ǹ mɛnɛn bɛ́ ǹ goã siĩn wa. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn lɛn taman yii.

Minin nimi 11:4

Ka ǹ kɔn dɔ nɛ, bɔlɔ sɛ muĩ Izirayeli minin tɛnɛn kũ. Izirayeli minin lɛn dininmaan ná a giala kɔ doo ǹ nə́ wuu pɛ, ǹ nə́ n toa mà die n die siĩ koe ǹsɛn la, ǹsɛn nə sɔ̃?

Minin nimi 14:22

Masɛ máa minin kɛn lɛn min kɔn ba re we gána lɛ-n wa. Ǹ nə́ maa gugurubaa yɛ, ka kaãbaa sii dadaran kɛn nɛ má ǹ zɛnaa Ezipti gána laanka diə gole gɔ́ɔ̃ nɛ. A laanka bɛ yii ni, ǹ nə n da ma gɔ́ɔ̃ li lɛ da wa. Ǹ nə́ ma bɔlɔ dɔ tii. Bɛ lɛ n ke, ma n lɛ kɔ ǹ digolon la ka gána mɛn lɛ nɛ, ǹ min kɔn yii ba re miɛ bɛ-a wa, a giala ǹ nə́ ma daa.

Minin nimi 17:10

«Ka n wɔlɔ lui zaman lɛ ganaa, masɛ n die ǹ bɔ̀n biɛ bǎã goon.» Muizu laanka Aarɔn na, ǹ nə́ kaa tán ǹ lɛ la.

Minin nimi 21:5

Ǹ ná a giala kɔ, ǹ nə́ boo diɛ Lawa laanka Muizu ganaa kɛnɛn: «Wàa na á baa ka wɔsɛn waa ká soo wɔ nɛ Ezipti gána nɛ, ka n die wɔ dii diə gole kɛ nɛ? A giala, buuru ba bǎã kɛ lɛ-n wa, mu dɔ ba a-n wa. Bɛa màn-bii naarɛ kɛ wɔsɛn gɔ̀nɔn bɔ.»

Minin nimi 25:2

Bɛa lɔn lɛn man nə́ goã lɛ diɛ Izirayeli zaman lɛ la, ǹ dì wúlu bɔn ganaa. Zaman lɛ dɔ na á goã woe màn bii, bɛ̀ ǹ nə ǹ dìn lɛn guguru kɔ.

Korɛnti1 15:9

A giala, ma din nə Yezu a dia dí-a wolen tumaa a boɛɛndɛnaa lɛa. Ma a kɔnboe dinin, ǹ ma bíi dia dí-a wole wa, a giala, man má goã boe Lawa a sɔmɔ minin yii-n lɛlɛ.

Efɛɛzi minin 2:11

Ka bie ká yɛ Zuifun lɛa wa. Zuifun man nə́ goã ka bíi soroman, ǹ nə́ n dinin bíi kurii wolen. Bɛa kurii lɛ n sii a kɔnboe lɛa, ǹ nə́ goã zɛnɛɛ ǹ dinin gɔ̀nɔn ganaa. Ka goã lɔn lɛlɛ, ka n yiri koa ka bɛ nɛ.

Timəə dí-pɛn 31:27

A giala, masɛ Muizu tá kaa piã laanka ka too kakabaa doɛ̃. Á ke le! Pelo dinin, a ma toa ma yii n koo man tɔn kun ka nɛ bɔrɔ, kaa ke n gòãn dii Dɛnaa Lawa ganaa. Bɛ̀ ma gã, ka tɔn nə n baa lɔn?

Timəə dí-pɛn 8:2

Kaa Lawa, Dɛnaa Lawa zii sɔsɔɔ mɛn tɔ wɔ ka nɛ, lɛ̀ pusi don bii, ka n yiri koa bɛ li. A na á fuu nyaa ka nɛ, á n da ka gɔ́ɔ̃ li, màn mɛn bɛ́ toɛ, a ka gɔ́ɔ̃gɔ́ɔ̃ ǹ taasiɛ dɔ̃, bɛ̀ ka á re asɛ a gɔn waa ǹ boon kɛn tamaɛ, hinlaa bɛ̀ ka a re ǹ tamaɛ wa.

Timəə dí-pɛn 9:24

Masɛ din ka dɔ̃ ǹ mɛn pinaa, ka n Dɛnaa Lawa bɔlɔ-tiilin lɛa miɛ̃.

Timəə dí-pɛn 9:4

Bɛ̀ kaa Lawa, Dɛnaa Lawa lɛ nə́ ǹ loo á ǹ bɔ ka nyɛɛnɛ ǹ mɛn waáraa, ka baran din gole kɔ ǹ boo da ka pɛ mà ka dinin peperebaa a lɛa nɛ, Dɛnaa Lawa toa ka wɔ gána lɛ nɛ, ka si ka baa kaa wɔ lɛa wa. Sɛnɛ, ka dɔ̃ mà tɔrɔn kɛn lɛn baraabaa a lɛa nɛ, Dɛnaa Lawa á re ǹ lui, a ǹ bɔ ka nyɛɛnɛ.