Timəə dí-pɛn 9:4 - LAWA A BOO SONBORE

⁴ Bɛ̀ kaa Lawa, Dɛnaa Lawa lɛ nə́ ǹ loo á ǹ bɔ ka nyɛɛnɛ ǹ mɛn waáraa, ka baran din gole kɔ ǹ boo da ka pɛ mà ka dinin peperebaa a lɛa nɛ, Dɛnaa Lawa toa ka wɔ gána lɛ nɛ, ka si ka baa kaa wɔ lɛa wa. Sɛnɛ, ka dɔ̃ mà tɔrɔn kɛn lɛn baraabaa a lɛa nɛ, Dɛnaa Lawa á re ǹ lui, a ǹ bɔ ka nyɛɛnɛ.

LAWA A BOO SONBORE 2011

⁴ Bɛ̀ kaa Lawa, Dɛnaa Lawa lɛ nə́ ǹ loo á ǹ bɔ ka nyɛɛnɛ ǹ mɛn waáraa, ka baran din gole kɔ ǹ boo da ka pɛ mà ka dinin peperebaa a lɛa nɛ, Dɛnaa Lawa toa ka wɔ gána lɛ nɛ, ka si ka baa kaa wɔ lɛa wa. Sɛnɛ, ka dɔ̃ mà tɔrɔn kɛn lɛn baraabaa a lɛa nɛ, Dɛnaa Lawa á re ǹ lui, a ǹ bɔ ka nyɛɛnɛ.

Timəə dí-pɛn 9:4 ပူးပေါင်းရင်းမြစ်များ

Siin Giala 15:16

N tɔrɔn yɛ kɔn kio a siibaa ǹ wɔ á re n bɔyɛɛ a da kànaa. A giala, Amɔɔrɔ minin tá bǎã lɛ-n bɔrɔ. Bɛ̀ ǹ baraabaa lɛ lɛ pã ǹ mɛn waáraa, má á re ǹ lui.»

Ezekieli 36:22

Bɛ lɛ taman yii, a pɛ Izirayeli tɔrɔn lɛn manɛ, mà masɛ Dɛnaa Lawa n kɛ pii: «Izirayeli tɔrɔn lɛn, ma bɛ́ re sii mɛn zɛnɛɛ, ma bie re bɛ zɛnɛɛ kasɛn taman yii wa. Man die zɛnɛɛ ma din tɔ sonbore kɛ taman yii. A giala, ka wo tɔrɔn mɛnɛn bii, ká ma tɔ sonbore kɛ ziziɛ̃ walan.

Ezekieli 36:32

Masɛ Dɛnaa Lawa a da ǹ boo á ke: Ka doamaa-n ka dɔ̃, mà kasɛn lɛa bie ma á re bɛa sii lɛ zɛnɛɛ wa. Izirayeli tɔrɔn lɛn, kaa giã ǹ gɔn kɛ lɛ doamaa nɛ a sìi da ka ganaa, a ka mìi kuməə.»

Lawa a wúlu-bɔlen 18:3

Ka giã Ezipti gána mɛn nɛ lɛlɛ, ka nyan toa ka bɛa minin kɛn giã ǹ gɔn saa wa. Ma bɛ́ re woe ka nɛ Kanaan gána mɛn dɔ nɛ, ka nyan toa ka bɛa minin kɛn giã ǹ gɔn saa wa. Landa boon kɛn, ka nyan toa ka kɔ bɛn lɛ wa.

Rɔmu minin 11:20

Sonbore ne. Maǹ nə́ ǹ kuru a giala, ǹ golee Lawa li wa. Nsɛ dɔ n doa nɛ, golee Lawa li barka nɛ. N baran toa din gole kɔ wɔ n foo-n wa. Sɛnɛ, nyɛ́ɛ baa Lawa nɛ.

Rɔmu minin 11:6

Lawa na á ǹ bɔ a din a bǐɛ̃baa a lɛa, ǹ nya ǹ dí a lɛa bie wa. Bɛ̀ ǹ nya ǹ dí a lɛa nɛ, bɛ̀ Lawa a bǐɛ̃ lɛ ba n bíi doo mà bǐɛ̃ wa.

Korɛnti1 4:4

Maa taasiɛ a sii kɔ́n diɛ ma mìi-n wa, sɛnɛ, bɛ dɔ bie nyɛɛ, mà ma sii kɔ́n zɛnaa duduu wa. Maa kiri-kuruli n ka Dɛnaa dinsɔɔ̃ nɛ.

Korɛnti1 4:7

Wàa nə n laanka n miãn bɔ kɔn lɛ lɛa? Màn mɛn tumaa bɛ́ yii n lon, Lawa bie á kɔ n la wa? Bɛ̀ á miɛ̃, wàa na á baa n tá n din koɛ nɛ, ka n pɛ mà ǹ bie ǹ nə́ kɔ n dɔ la wa?

Timəə dí-pɛn 12:31

Ka nyan nə ǹ wɔ kɛ tɔrɔ zɛnaa, kaa Lawa, Dɛnaa Lawa lɛ-n wa. A giala, sii mɛn tumaa bɛ́ sii bɔbɔnɛɛ lɛa Dɛnaa Lawa yii li, a ná a ba li wa, maǹ nə́ bɛ zɛnaa ǹ dìn lɛn manɛ. Minin dinin nə́ ǹ nɛgiĩn laanka ǹ nɛlɔn kɔ dìn lɛn la, ǹ nə́ ǹ tã.

Timəə dí-pɛn 31:27

A giala, masɛ Muizu tá kaa piã laanka ka too kakabaa doɛ̃. Á ke le! Pelo dinin, a ma toa ma yii n koo man tɔn kun ka nɛ bɔrɔ, kaa ke n gòãn dii Dɛnaa Lawa ganaa. Bɛ̀ ma gã, ka tɔn nə n baa lɔn?

Timəə dí-pɛn 8:17

Ka nyan taasɛ ka dinin gɔ́ɔ̃ nɛ: mà ka dinin doa laanka ka dinin pàã na á toa, ká bɛa gɔn mànan kɛn lɛn yɛ wa.

Timəə dí-pɛn 9:24

Masɛ din ka dɔ̃ ǹ mɛn pinaa, ka n Dɛnaa Lawa bɔlɔ-tiilin lɛa miɛ̃.

Timəə dí-pɛn 9:5

Kaa peperebaa laanka kaa gɔ́ɔ̃ fubaa bie re toɛ, ka wɔ ǹ gána lɛ nɛ, ka si ka baa kaa wɔ lɛa wa. Sɛnɛ, bɛa tɔrɔn kɛn lɛn dinin baraabaa n die toɛ, kaa Lawa, Dɛnaa Lawa nə ǹ loo a ǹ bɔ ka nyɛɛnɛ. A n die bɛ zɛnɛɛ dɔn, màn mɛn bɛ́ toɛ, a na a lɛ kɔ ǹ boo lɛ pã ka digolon wɔ paǹ li: Abrahamu laanka Izaaki ni, ka Zakɔba nɛ.

Timəə dí-pɛn 9:7

Ka sii mɛn zɛnaa, ká kaa Lawa, Dɛnaa Lawa lɛ foo yoo ne don, ka n yiri kɔ bɛ li, ka nyan toa ka yiri bɔ ka bɛ-n wa. A saa kaa soo Ezipti gána-n ganaa, a da kaa kaa dɔ kànaa kɛ lɛ, ka gòãn man dii-n kɔn ka Dɛnaa Lawa-n miɛ̃.

Timote2 1:9

Lawa din na á wɔ kirisibaa, á wɔ bíi á wɔ baa a din a minin lɛa. Wɔa zɛnaa ǹ siin lɛa bie wa; sɛnɛ, a na á wɔ bíi, a giala, mà a din foo sii ni. Haalɛ kanaa bɛ́ a tɔn nə n giala kɔ wa, a din na á bǐɛ̃ baa wɔ la ka Yezu Krita nɛ.