Timəə dí-pɛn 9:12 - LAWA A BOO SONBORE

¹² Dɛnaa Lawa tɔ́n pɛ ma nɛ: «N nanaa n gisĩ, n nə n bɔ kànaa. A giala, n tɔrɔn lɛn, má ǹ waa má ǹ bɔ Ezipti gána nɛ, ǹ nə́ n dinin ziziɛ̃. Masɛ zii mɛn nyaa ǹ nɛ mà ǹ kɔ lɛ, ǹ nə́ kanaa, ǹ nə́ n bɔ bɛ la gɔrɔ, ǹ nə́ sana yo, ǹ nə́ màn nyín zɛnaa nɛ.»

LAWA A BOO SONBORE 2011

¹² Dɛnaa Lawa tɔ́n pɛ ma nɛ: «N nanaa n gisĩ, n nə n bɔ kànaa. A giala, n tɔrɔn lɛn, má ǹ waa má ǹ bɔ Ezipti gána nɛ, ǹ nə́ n dinin ziziɛ̃. Masɛ zii mɛn nyaa ǹ nɛ mà ǹ kɔ lɛ, ǹ nə́ kanaa, ǹ nə́ n bɔ bɛ la gɔrɔ, ǹ nə́ sana yo, ǹ nə́ màn nyín zɛnaa nɛ.»

Timəə dí-pɛn 9:12 ပူးပေါင်းရင်းမြစ်များ

Loen 78:57

Ka ǹ digolon bɛ́ lɔn, ǹ nə́ n boɛ̃ ǹ nə n bɔ Lawa li, ǹ nə́ wusoo ka ǹ kio ne, min ba n foo doɛ ǹ ganaa wa. Maǹ ka sa biɛ bubunii bɛ́ lɔn.

Bɔ bɛ̀rɛbaa nɛ 13:3

A pɛ zaman lɛ-n kɛnɛn: Ka n yiri kɔ lɛawaa kɛ li, ka soo ka n bɔ Ezipti gána nɛ ǹ mɛn pinaa, ka baa zɔ́n lɛa, gána mɛn bɛ́ ka goã bɛ̀rɛbaa nɛ a nɛ. A giala Lawa na á soo ka ka nɛ ka a din pàã nɛ. Bɛa pinaa kɛ nɛ, ka baran toa ka buuru yɔ bùdɛnaa wɔ ka lɛ-n wa.

Bɔ bɛ̀rɛbaa nɛ 32:1

Zaman lɛ yɛ mà Muizu belebɔ kele lɛ la, a ná a ba gisĩ wa. Ǹ nə́ n lɛ sɔkɔn Aarɔn li, ǹ nə́ pɛ nɛ: «Yoo! N dìn zɛnaa n kɔ wɔsɛn la, dìn mɛnɛn bɛ́ re wɔ nyɛɛnaan boe, a giala, Muizu mɛn soo wɔ nɛ á wɔ bɔ Ezipti gána nɛ, sii mɛn yɛ, wɔ ba doɛ̃ wa.»

Ozee 6:4

Efrayimu tɔrɔn lɛn, man die ka biɛ lɔn? Zudaa minin lɛn, man die ka biɛ lɔn? Kaa kɔn-narɛɛ lɛ n ka baayɛlɛ a la a ti bɛ́ lɔn a golee sawaa-n wa. A n ka pele bɛ́ lɔn baayɛlɛ, a golee kaa-n wa.

Galaasi minin 1:6

Dɔɔ̃nɔn lɛn, kɛ masɛ tɔwaa kaa wɔ paǹ li parsiini! Lawa na á ka bíi Yezu Krita a bǐɛ̃ pàã ganaa. Sɛnɛ, asɛ mɛn ka bíi, ká n yɔrɔ bɔyaa, ká bɔ la bǎã goon ne, ká n yɔrɔ da Boo Tii Kɔɔ̃n kɔsɔ la.

Timəə dí-pɛn 31:29

A giala, ma á doɛ̃, máa maa gɛ̀ kio, ka tá re n dinin ziziɛ̃. Ma zii mɛn nyaa ka nɛ, ka tá re kanɛɛ ka n bɔ bɛ la. Bɛa giala-nyɔmiɛ̃ lɛ á re bɔ̀n biɛ ka ganaa. A giala, sii mɛn bɛ́ a ba siĩni Dɛnaa Lawa yii li wa, ka n die bɛ lɛ zɛnɛɛ, ka a foo yoo ne.»

Timəə dí-pɛn 32:5

Maǹ nə́ n dinin ziziɛ̃, Lawa sii bie wa, bɛa sìi nə ǹ dinin ganaa, ǹ ba a nɛnyaanan lɛa wa min gɛsɛ manɛ, min kɔkɔrɔn manɛ.

Timəə dí-pɛn 4:16

Bɛ lɛ nɛ, ka baran màn nyín zɛnaa, ka ka dinin ziziɛ̃-n wa. A nyan goã màn kɔn din nyin lɛa wa: giĩ hinlaa lɔ nyin,

Timəə dí-pɛn 5:15

Ka n yiri koa a nɛ, mà ka n ká goã bɛ̀rɛn lɛa Ezipti gána nɛ. Kaa Lawa, Dɛnaa Lawa lɛ na á sii kakan zɛnaa, á ka waa ka pàã nɛ á soo ka nɛ. Bɛ lɛ na á toa masɛ Dɛnaa, kaa Lawa lɛ laa ka ganaa, máa yǎa ka susu ǹ pii koɛ.

Timəə dí-pɛn 9:16

Má daa yaa, bɛ̀ ka á ke ká sii babaraa la kaa Lawa, Dɛnaa Lawa la: ka n ká sana yo, ka diin nɛ nyín zɛnaa nɛ. Dɛnaa Lawa zii mɛn nyaa ka nɛ mà ka kɔ lɛ, ká kanaa ká n bɔ bɛ la gɔrɔ.

Timəə dí-pɛn 9:26

Má gòã-kũ da Dɛnaa Lawa ganaa, má pɛ kɛnɛn: «Dɛnaa Lawa, n baran n minin lɛn dɛ wa! Tɔrɔn kɛn lɛn manə n din wɔn lɛa, ń nə́ ǹ si ka n din a boo sii la nɛ, ń nə́ ǹ waa ka pàã nɛ Ezipti ń soo ǹ ne.

Timəə dí-pɛn 9:29

A da yaa, tɔrɔn kɛn lɛn, n din a minin manɛ, ń sii kakan zɛnaa, ń nə́ ǹ waa ka pàã gole ne, ń soo ǹ ne.»

Zude 1:10

Sɛnɛ, soɛ-bɔlen kɛn lɛn sɛn, ǹ bɛ́ ǹ ba màn mɛn giala miɛ wa, maǹ sɔ koe bɛ ganaa. Ǹ bɛ́ mànan mɛnɛn doɛ̃ ǹ dinin ganaa, baãnaabaa gɔ́ɔ̃ nɛ ka tɔɔn wɔ bɛ́ lɔn, bɛ lɛ nə ǹ papaɛ̃.

Sii yɔrɔ-bɔlen 2:17

Sɛnɛ, ǹ goã n too koe ǹ sii yɔrɔ-bɔlen lɛn dɔn dinin lon wa. Maǹ nə́ goã dí nyɛɛ dìn manɛ, bɛ̀ ǹ kaa tán bɛn yɔrɔ-a, bɛ̀ ǹ nə ǹ guguru kɔ. Ǹ digolon mɛnɛn nə n too kɔ Dɛnaa Lawa a dí-pɛn kɛn li, bɛn nə zii mɛn saa, ǹsɛn nə́ kanaa fufuu ǹ nə́ n bɔ bɛ la. Ǹ zɛnaa ka ǹ digolon lɛn wɔ bɛ́ lɔn wa.