Timəə dí-pɛn 9:1 - LAWA A BOO SONBORE

¹ Izirayeli minin lɛn, ka n too kɔ! Ka n die Zurdɛ̃ tà kuri pelo. Tɔrɔn mɛnɛn bɛ́ didi ǹ nə́ la ka nɛ, ǹ pàã dɔ din la kaa wɔ nɛ, ǹ kiwi nə́ dadara kungɔnun nə́ ǹ lɛnpɛnɛ, sasa lon ka piwɔɔn, ka n die bɛa tɔrɔn lɛn lui.

LAWA A BOO SONBORE 2011

¹ Izirayeli minin lɛn, ka n too kɔ! Ka n die Zurdɛ̃ tà kuri pelo. Tɔrɔn mɛnɛn bɛ́ didi ǹ nə́ la ka nɛ, ǹ pàã dɔ din la kaa wɔ nɛ, ǹ kiwi nə́ dadara kungɔnun nə́ ǹ lɛnpɛnɛ, sasa lon ka piwɔɔn, ka n die bɛa tɔrɔn lɛn lui.

Timəə dí-pɛn 9:1 ပူးပေါင်းရင်းမြစ်များ

Siin Giala 11:4

Ǹ nə́ tɔ́n pɛ kɔn nɛ doo: «Ka daa wɔ kiwi koa, wɔ sanabolo dɔ a nɛ, yǎa a mìi la doe Lawa ganaa! Ka daa wɔ n dinin tɔ bɔ, màn mɛn bɛ́ toɛ, wɔ baran sasawaa tán la bǎã tumaa nɛ, wɔ n bɔ kɔn ganaa wa.»

Bɔ bɛ̀rɛbaa nɛ 32:1

Zaman lɛ yɛ mà Muizu belebɔ kele lɛ la, a ná a ba gisĩ wa. Ǹ nə́ n lɛ sɔkɔn Aarɔn li, ǹ nə́ pɛ nɛ: «Yoo! N dìn zɛnaa n kɔ wɔsɛn la, dìn mɛnɛn bɛ́ re wɔ nyɛɛnaan boe, a giala, Muizu mɛn soo wɔ nɛ á wɔ bɔ Ezipti gána nɛ, sii mɛn yɛ, wɔ ba doɛ̃ wa.»

Amɔɔsi 2:9

A da yaa, masɛ din nə má Amɔɔrɔ tɔrɔn kɛn dɛ má ǹ bɔ ǹ nyɛɛnɛ. Bɛa minin kɛn lɛn man sɔsɔrɔ ka da sasa tɔrɔ nɛ, maǹ gegere ka da kaka tɔrɔ nɛ. Sɛnɛ, má ǹ nɛ sɔlɔ má bɔ ǹ la, má ǹ gòonən woɛ̃ má ǹ bɔ tán.

Minin nimi 13:22

Bɛ kio, ǹ nə́ woo gusin a lɛ̀gɔn li, ǹ nə́ woo soo yǎa Ebrɔn kiwi. Anaaki a nɛnyaanan kɛn, Ayiman nɛ, Sesayii ni ka Talmayii ni, bɛn tanlɛn minin man nə́ goã giã-n bɛa bǎã lɛ nɛ. (Ǹ nə́ goã ǹ nə́ Ebrɔn kiwi kɛ koa á dɔ lɛ̀ sɔbaa, ǹ nə́ tɔ́n Soan kiwi kɛ koa Ezipti gána nɛ.)

Minin nimi 33:51

Boo da Izirayeli minin lɛn nɛ, n pɛ ǹ nɛ: «Bɛ̀ ka Zurdɛ̃ tà kɛ kuru, ka wɔ Kanaan gána nɛ,

Timəə dí-pɛn 1:28

Wɔ n die woe maa? Wɔ dɔɔ̃nɔn lɛn dɔn nə́ wɔ foo biɛ na, bɛ̀ ǹ bɛ́ ǹ nə́ pɛ: Gána lɛ a minin tá didi ǹ nə́ la wɔ nɛ, ǹ tá kaka dɔn, ǹ nə́ la wɔ nɛ. A kiwin tá dadara, kungɔnun nə́ ǹ lɛnpɛnɛ, sasa lon ka piwɔɔn! Anaaki ke, á goã sasa gegere, wɔ bɛ tɔrɔn yɛ walan.»

Timəə dí-pɛn 11:23

a din tá re tɔrɔn kɛn lɛn tumaa lui a ǹ bɔ ka nyɛɛnɛ. Tɔrɔn mɛnɛn dinin nə́ ke gigiã ǹ nə́ la ka nɛ, ǹ pàã dɔ din la kaa wɔ nɛ, ka á re bɛn bǎã sii ka giã a nɛ.

Timəə dí-pɛn 11:31

Kaa Lawa, Dɛnaa Lawa bɛ́ gána mɛn lɛ koe ka la, ka á re Zurdɛ̃ tà kuri, ka kiɛ̃ ka kaa a nɛ, ka si ka baa kaa wɔ lɛa. Á re kaa wɔ biɛ, ka á re giɛ̃ a nɛ.

Timəə dí-pɛn 27:2

Bɛ̀ ká Zurdɛ̃ tà kɛ kuru ǹ mɛn pinaa, ká n woe gána kɛ nɛ kaa Lawa, Dɛnaa Lawa n koe ka la, ka die ka kɔlɔ dadaran goa ka wo ǹ doa tán, ka ton fu lɔ ǹ ganaa.

Timəə dí-pɛn 3:18

Bɛa waáraa lɛ nɛ, má tɔ́n nə n laa ka ganaa, má pɛ ka-n kɛnɛn: «Kaa Lawa, Dɛnaa Lawa na á gána kɛ lɛ kɔ ka la, kaa wɔ lɛa. Kaa zia-baalin tumaa nə ǹ ziabaa ǹ mànan goa, ǹ mɛ ǹ dɔɔ̃n Izirayeli minin gialakunun lɛn nyɛɛnɛ, ǹ Zurdɛ̃ tà kuru.

Timəə dí-pɛn 4:1

Má pɛ ka nɛ: Izirayeli minin lɛn, ma dinmaa bɛ́ ka darɛɛ landa boon laanka sii yɔrɔ bɔ ǹ boon mɛnɛn ganaa, ka bɛn si, ka kɔ ǹ lɛ. Bɛ á re toɛ ka yii goã koo, ka boo la ka wɔ gána kɛ dɔ nɛ, ka digolon Lawa, Dɛnaa Lawa bɛ́ ǹ mɛn lɛ koe ka la, ka si ka baa kaa wɔ lɛa.

Timəə dí-pɛn 4:38

A din nə die tɔrɔ kɔsɔn lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ, ǹ pàã dɔ ń gole, á la kaa wɔ nɛ. A n die ka kiɛ bɛn lɛn gána nɛ, a kɔ ka la kíɛ̃ lɛa, ka á ke lɔn pelo.

Timəə dí-pɛn 6:10

Kaa Lawa, Dɛnaa Lawa lɛ nə n lɛ kɔ ka digolo Abrahamu laanka Izaaki ka Zakɔba la, mà asɛ á re gána mɛn lɛ koe ka la, á re woe ka-n walan. Bɛ̀ ká dɔ, ka á re kiwi dadara sonboren yii walan, ka bɛ́ ka kiwin mɛnɛn dɔ wa,

Timəə dí-pɛn 7:1

Ka bɛ́ re woe gána mɛn lɛ sii ka baa kaa wɔ lɛa, kaa Lawa, Dɛnaa Lawa á re toɛ ka wɔ bɛa gána lɛ nɛ. A din nə die tɔrɔ gigiã lui a ǹ bɔ ka nyɛɛnɛ, ǹ mɛnɛn bɛ́ mɔnaa nɛ ǹ nə́ la ka nɛ, ǹ pàã dɔ din nə́ la kaa wɔ nɛ: Ɛti tɔrɔn manɛ, Girgazi tɔrɔn nɛ, Amɔɔrɔ tɔrɔn nɛ, Kanaan minin ni, Ferɛzi minin ni, tɔrɔ kɛn ǹ nə́ ǹ bíi Ivitin, ka Zebuzu tɔrɔn nɛ. Ǹ kaa kun tɔrɔ sɔbaa.

Zozoe 1:11

«Ka n bibiə̃ giã ǹ bǎã lɛ nɛ, ka pɛ zaman lɛ nɛ, mà ǹ ga màn-bii li ǹ koa ǹ gɔn li. A giala, kànaa laanka lɛawaa sɔɔ, ka á re Zurdɛ̃ tà kuri. Dɛnaa Lawa lɛ, kaa Lawa lɛa, bɛ bɛ́ gána mɛn lɛ koe ka la, ka á re woe bɛ lɛ sii ka baa kaa wɔ lɛa.»

Zozoe 1:15

yǎa Dɛnaa Lawa susui koe ǹ dɔɔ̃nɔn lɛn la, ka a bɛ́ á kɔ ka dɔn la lɔn. Dɛnaa Lawa lɛ, kaa Lawa lɛa, bɛ bɛ́ gána mɛn lɛ koe ka dɔɔ̃nɔn lɛn la, ka n dɔ ǹ lɛ, yǎa ǹ dɔn nə bɛ sii ǹ biɛ ǹ wɔ lɛa. Bɛ kio, bǎã mɛn bɛ́ kaa wɔ lɛa, Dɛnaa Lawa a dí-nyali Muizu bǎã mɛn lɛ kɔ ka la Zurdɛ̃ tà kio, lɛ̀giala gɔn la, ka tá re ǹ bɔyɛɛ ka da walan.»

Zozoe 14:12

Dɛnaa Lawa kele yii mɛn boo da bɛa pinaa kɛ lɛ nɛ, bɛ lɛ kɔ masɛ la kanna kəni. A giala, ń ma a din pinaa kɛ lɛ dɔ nɛ, mà Anaaki tɔrɔn tá walan, mà kiwin dadaran dɔn tá a nɛ, ǹ nə́ kungɔn dɔ, ǹ nə́ ǹ lɛnpɛnɛ nɛ. Kɔntan Dɛnaa Lawa á re n doe masɛ lɛ, ma á re ǹ lui ma ǹ bɔ gána lɛ nɛ, ka Dɛnaa Lawa din bɛ́ á pɛ lɔn.

Zozoe 3:14

Zaman lɛ bɛ́ á yoo á n bɔ a giã ǹ bǎã nɛ á n die Zurdɛ̃ tà kuri, wúlu-bɔlen mɛnɛn nə goã lɛ kɔ kɔn la ǹ goo lɛ guĩ bɛn nə́ mɛ ǹ nyɛɛnɛ.

Zozoe 3:16

mu mɛn bɛ́ gisĩ die ka pàã nɛ, bɛ́ golee. Mu lɛ golee bǎã goon ne Aadã kiwi kɛ li tìãlɛ-a sɔɔsɔɔ, ka maǹ nə́ bèlèn dɔ nɛ. Aadã kiwi lɛ n kunu Sartan kiwi li. Mu mɛn dɔ goã baa sii die yìsi mu kɔ̀ kɛ ganaa nyankɔrɔ basa kɛ nɛ, bɛ tumaa lɛ kuru lenlen. Zaman lɛ tɔ́n boo la á Zurdɛ̃ tà kuru Zerikoo kiwi yɔrɔ-a, á kiɛ̃.

Zozoe 3:6

Zozoe pɛ Lawa a wúlu-bɔlen lɛn manɛ: «Ka lɛ kɔ kɔn la ǹ goo lɛ saa, ka kiɛ̃ ka mɛ zaman lɛ nyɛɛnɛ.» Ǹ nə́ lɛ kɔ kɔn la ǹ goo lɛ saa, ǹ nə́ bɔ ǹ nə́ mɛ zaman lɛ nyɛɛnɛ.

Zozoe 4:19

Mui bibinaa a lɛawaa fùbaa ǹ wɔ nɛ, zaman lɛ soo á n bɔ Zurdɛ̃ tà lɛ gɔ́ɔ̃ nɛ. Ǹ nə́ woo golee Gilgaali bɔrɔ, Zerikoo kiwi a lɛ̀giala gɔn la.

Zozoe 4:5

Zozoe tɔ́n pɛ ǹ nɛ kɛnɛn: Dɛnaa Lawa lɛ, kaa Lawa lɛa, ka kiɛ̃ ka mɛ a goo lɛ nyɛɛnɛ, ka wo Zurdɛ̃ tà lɛ bii. Ka dinin gogoonmaa kɔlɔ goon saa ka da ka kɔrɔn, Izirayeli nɛnyaanan lɛn tɔrɔn lɛ yii li,